ប្រមុខរាជរដ្ឋាភិបាល បានជម្រុញពលរដ្ឋក្នុងការចាក់ដូសវ៉ាក់សាំងដូសទីបី និងការអនុវត្តខ្ជាប់ខ្ជួននូវវិធានការ ៣កុំនិងបីការពារ។ ប្រសាសន៍ជម្រុញនេះ បានធ្វើឡើងក្នុងពិធីមួយក្នុងខេត្តកោះកុងថ្ងៃទី៣មករាឆ្នាំ២០២២នៅ ទន្ទឹមនឹងពិភពលោកកំពុងរងការរាតត្បាតយ៉ាងលឿនដោយសារវីរុសបំប្លែងថ្មីអូមីក្រុង ។ 

សម្តេចនាយករដ្ឋមន្ត្រីបានថ្លែងជុំវិញករណីសង្ស័យប្រព្រឹត្តអំពើពុករលួយមួយតាមបណ្តាខេត្តជាមួយនឹងការប្រើ ប្រាស់ស៊ុំគ្រលំនៃសេវាឯកជនក្រុមហ៊ុនលីឈួង។ ក្រុមហ៊ុនលីឈួងគឺជាក្រុមហ៊ុនសំណង់ អាហរណ នីហរណ ដែលផ្គត់ផ្គង់លើផ្នែកសំណង់ដ៏ធំមួយនៅក្នុងប្រទេសកម្ពុជា។

សម្តេចនាយករដ្ឋមន្ត្រី បានបង្ហាញនូវគម្រោងធ្វើដំណើរទៅកាន់ប្រទេសមីយ៉ាន់ម៉ាជាដដែលដែលគ្រោងនឹងប្រ ព្រឹត្តទៅ នៅក្នុងសប្តាហ៍នេះ។ សម្តេចតេជោហ៊ុនសែនបានមានប្រសាសន៍នៅថ្ងៃទី៣មករានេះថា នៅថ្ងៃអង្គារ ស្អែកនេះ សម្តេចនឹងធ្វើកិច្ចពិភាក្សាតាមទូរស័ព្ទជាមួយនឹងប្រធានាធិបតីឥណ្ឌូណេស៊ីលោកចូកូ វីដូដូ នៅមុនការ ធ្វើទស្សនកិច្ចក្នុងប្រទេសមីយ៉ាន់ម៉ា ។

រាជធានីភ្នំពេញ នឹងត្រូវមានស្ពានថ្មីមួយខ្សែទៀតដែលនឹងស្ថាបនាឆ្លងកាត់ទន្លេមេគង្គក្រោមជំនួយរបស់សាធា រណរដ្ឋកូរ៉េ។ សម្តេចនាយករដ្ឋមន្ត្រីហ៊ុនសែន ក្នុងប្រសាសន៍ថ្ងៃទី៣ធ្នូក្នុងឳកាសបើកការដ្ឋានស្ថាបនាលើក កម្រិតគុណភាពផ្លូវជាតិលេខ៤៨ខេត្តកោះកុង បានថ្លែងបញ្ជាក់ថាស្ពានថ្មីដែលជាអំណោយរបស់កូរេខាងត្បូង នោះ គឺជាស្ពានតភ្ជាប់ពីខណ្ឌជ្រោយចង្វារ ទៅចំណុចស្វាយជ្រំនៃស្រុកល្វាឯម ខេត្តកណ្តាល ។

ផ្លូវជាតិលេខ៤៨តភ្ជាប់ខេត្តព្រះសីហនុនិងខេត្តកោះកុង ត្រូវបានបើកការដ្ឋានស្ថាបនាលើកកម្រិតគុណភាព ឡើងវិញដើម្បីឆ្លើយតបទៅនឹងវិស័យស្ទុះទៅមុខនៃដំណើរការសេដ្ឋកិច្ច, សកម្មភាពពាណិជ្ជកម្ម វិនិយោគ និងវិស័យទេសចរណ៍នៅតាមតំបន់ឆ្នេរសមុទ្ទ។ ការបើកការដ្ឋានស្ថាបនាលើកកម្រិតគុណភាពផ្លូវជាតិនេះ បានប្រ ព្រឹត្តទៅនៅព្រឹកថ្ងៃទី៣មករាឆ្នាំ២០២២ក្រោមអធិបតីភាពដ៏ខ្ពង់ខ្ពស់របស់សម្តេចនាយករដ្ឋមន្ត្រីហ៊ុនសែន៕