តួលេខឆ្លងថ្មីនៃជម្ងឺកូវីដ១៩រយៈពេល២៤ម៉ោងក្នុងប្រទេសកម្ពុជា បានបន្តធ្លាក់ចុះមួយករណីថែមទៀតទន្ទឹម នឹងតួលេខការចាក់វ៉ាក់សាំងចេះតែបន្តកើនឡើងថែមទៀតស្ទើរជិតពាសពេញប្រទេស។ យោងតាមក្រសួងសុខា ភិបាល តួលេខឆ្លងថ្មីថ្ងៃនេះ មានចំនួន៤ករណីដែលថយចុះចំនួន១ករណីបើប្រៀបធៀបនឹងម្សិលមិញ។

កម្ពុជាបានទទួលវ៉ាក់សាំង Pfizer ចំនួនជាងមួយលាន៥សែនដូសដែលជាអំណោយពីរដ្ឋាភិបាលអូស្ត្រាលី។ វ៉ាក់សាំងជាងមួយលាន៥សែនដូសដែលទទួលបានកាលពីយប់ថ្ងៃទី២៨ធ្នូ គឺជាវ៉ាក់សាំងបន្ថែមបង្គ្រប់ចំនួន ២លាន៣សែន៥ម៉ឺន៥៣០ដូសដូចតាមការសន្យារបស់រដ្ឋាភិបាលនៃប្រទេសកង់បេរ៉ា។

និស្សិតខ្មែរថ្នាក់បណ្ឌិតចំនួន២៤រូប ដែលបញ្ចប់ការសិក្សាមកពីក្រៅប្រទេសបានហៅសម្តីរបស់ សម រង្ស៊ី ដែល វាយតម្លៃបង្អាប់គុណភាពសញ្ញា​បត្រសិក្សានៅក្រៅប្រទេស ថាជាអំពើប៉ះពាល់ដល់កិត្តិយស, សេចក្តីថ្លៃថ្នូររបស់ និស្សិតខ្មែរដែលខិតខំរៀន និងបានទាមទារឱ្យ សម រង្ស៊ី ធ្វើការកែតម្រូវនិងសុំទោសជាសាធារណៈ។

ពលរដ្ឋខ្មែរនៅក្រៅស្រុកបានថ្លែងចំអកដាក់ សម រង្ស៊ី ដែល២៤ម៉ោងក្រោយការបបួលភ្នាល់រកការពិតហើយ មិន មានចម្លើយណាមួយហ៊ានតបតទៅវិញនោះឡើយ។ លោក ហ៊ុន ម៉ាណែត កាលពីថ្ងៃទី២៨ធ្នូ បានយកបេក្ខភាព នាយករដ្ឋមន្ត្រីដាក់ភ្នាល់ជាមួយនឹង សម រង្ស៊ី ដែលនិយាយបរិហាថា សញ្ញាបត្រសិក្សារបស់លោក ហ៊ុន ម៉ាណែត គឺជាសញ្ញាបត្រកម្រិត២ដែលមិនគ្រប់ស្តង់ដានោះឡើយ។

សម្តេចតេជោ ហ៊ុន សែន បានថ្លែងសន្យាថានឹងធ្វើច្បាប់កំណត់អាយុនាយករដ្ឋមន្ត្រីប៉ុន្តែនឹងមិនកំណត់អាណ្ណត្តិ នាយករដ្ឋមន្ត្រីនោះទេ។ ថ្លែងក្នុងពិធីសម្ពោធទីស្តីការថ្មីក្រសួងការពារជាតិថ្ងៃនេះ សម្តេចបញ្ជាក់ថាច្បាប់កំណត់ អាយុនាយករដ្ឋមន្ត្រី នឹងធ្វើឡើងបន្ទាប់ពីសម្តេចនឹងឈប់កាន់តំណែងជានាយករដ្ឋមន្ត្រី ។

សម្តេចតេជោ ហ៊ុន សែន បានប្តេជ្ញាការកំទេចនូវចលនាបដិវត្តពណ៌ទាំងឡាយដែលប៉ុនប៉ងចង់ផ្តួលរំលំរបបដឹក នាំរាជានិយមក្រោមការគ្រប់គ្រងរបស់រាជរដ្ឋាភិបាលបច្ចុប្បន្ន។ ចលនាបដិវត្តន៍ពណ៌ គឺជាចលនាមួយដែលមាន ការគាំទ្រពីបរទេសសំដៅផ្តួលរំលំរបបដឹកនាំណាមួយដែលមិនស្របតាមបំណងរបស់បរទេសនោះ។

សម្តេចតេជោបានស្នើរកការដាក់ទិវា២៩ធ្នូនៃព្រឹត្តិការណ៍បញ្ចប់សង្គ្រាមស៊ីវិលក្នុងប្រទេសកម្ពុជាបញ្ចូលក្នុង ប្រតិទិនប៉ុន្តែនឹងមិនចាត់ទុកថាជាថ្ងៃសម្រាកនោះឡើយ។ ថ្ងៃទី២៩ ធ្នូ ឆ្នាំ១៩៩៨ គឺ២៣ឆ្នាំមុននេះ នយោបាយ ឈ្នះឈ្នះដាក់ចេញដោយសម្តេចតេជោហ៊ុនសែន បានបញ្ចប់សង្គ្រាមស៊ីវិលនៅក្នុងប្រ ទេសកម្ពុជា។