តួលេខឆ្លងក្នុងប្រទេសអាស៊ានទាំង១០រយៈពេល២៤ម៉ោងចុងក្រោយនេះ មានចំនួន២ម៉ឺន១ពាន់៥៣៦ករណី ។ ក្នុងចំណោមការឆ្លងថ្មីសរុបនៅក្នុងរយៈពេល២៤កន្លងមកនេះគ្រាន់តែប្រទេសវៀតណាមតែមួយ មានចំនួន ជាង១ម៉ឺន៤ពាន់ករណីដែលស្មើនឹងប្រមាណ៦៩ភាគរយនៃការឆ្លងសរុបក្នុងបណ្តាប្រទេសអាស៊ានទាំង១០។

តួលេខអ្នកចាក់វ៉ាក់សាំងដូសទី៣ រយៈពេល២៤ម៉ោងចុងក្រោយនេះមានជាង៥ម៉ឺននាក់។ កម្ពុជាកំពុងជម្រុញ ការចាក់វ៉ាក់សាំងដូសទី៣ ក្នុងស្ថានភាពដែលពិភពលោកកំពុងបារម្ភឆ្លងការរាលដាលលឿននេះវីរុស បំប្លែងថ្មី អូមីក្រុង ។ ការចាក់ដូសជម្រុញឬវ៉ាក់សាំងដូសទី៣ ត្រូវគេចាត់ទុកថា ជាមធ្យោបាយមួយដែលអាចជួយទប់ទល់ នឹងការឆ្លងនឹងវីរុសបំប្លែងថ្មីអូមីក្រុង ។

តួលេខឆ្លងថ្មីនៃជម្ងឺកូវីដ១៩រយៈពេល២៤ម៉ោងក្នុងប្រទេសកម្ពុជា បានធ្លាក់ចុះមកមួយខ្ទង់វិញបន្ទាប់ពីការកើន ឡើងម្សិលមិញដល់១៥ករណី។ យោងតាមក្រសួងសុខាភិបាល, ការឆ្លងថ្មីថ្ងៃនេះ មាន៥ករណីដែលថយចុះ១០ ករណីប្រៀបធៀបនឹងម្សិលមិញ។ ក្នុងចំណោមការឆ្លងថ្មីទាំង៥ករណីនៅថ្ងៃនេះ រួមមាន២ករណីគឺជាការឆ្លង វីរុសបំប្លែងថ្មីអូមីក្រុងមកពីក្រៅប្រទេស។ ការស្លាប់ថ្មីនៅថ្ងៃនេះ មានម្នាក់ផងដែរ ដែលជាអ្នកមិនបានទទួល ការចាក់វ៉ាក់សាំង។ តួលេខស្លាប់ដោយកូវីដ១៩ក្នុងប្រទេសកម្ពុជាបានកើនដល់៣ពាន់១០នាក់ហើយ។

នាយករដ្ឋមន្ត្រីសម្រាប់អនាគត លោក ហ៊ុន ម៉ាណែត បានសរសេរសារពិសេសមួយនៅថ្ងៃទី២៨ធ្នូឆ្នាំ ២០២១ ផ្ញើជូនអ្នកនយោបាយចាស់វស្សា​ សម រង្ស៊ី ដែលចូលចិត្តប្រើល្បិចកលទុច្ចរិត, ចូលចិត្តនូវអំពើលាបពណ៌ និង គ្មានការទទួលខុសត្រូវលើទង្វើរបស់ខ្លួននិងសូម្បីតែសម្តីដែលនិយាយចេញរួចមកហើយក៏ដោយ។

កម្ពុជាទើបនឹងបង្កើតលើកដំបូងនូវកន្លែងដាក់ក្មេងនិងយុវវ័យក្រោម១៨ឆ្នាំដែលស្ថិតនៅក្នុងស្រុកកណ្តាល ស្ទឹងនៃខេត្តកណ្តាល។ ពិធីសម្ពោធមណ្ឌលយុវនីតិសម្បទា បានធ្វើនៅព្រឹកថ្ងៃទី២៨ធ្នូនេះ ក្រោម អធិបតី ភាពសម្តេចក្រឡាហោម ស ខេង។

រដ្ឋាភិបាលជប៉ុនបានអញ្ជើញលោក ហ៊ុន ម៉ាណែត ដើម្បីបំពេញទស្សនកិច្ចនៅក្នុងប្រទេសជប៉ុន នាពេលខាង មុខ និងបានប្រកាសផ្តល់ជំនួយ ១៤៥លានដុល្លារដល់កម្ពុជាសម្រាប់ប្រយុទ្ធប្រឆាំងនឹងជំងឺកូវីដ១៩ ក៏ដូចជា ស្តារសេដ្ឋកិច្ចជាតិពីវិបត្តិនៃជម្ងឺរាតត្បាត។