ភាពត្រជាក់នឹងបន្តក្នុងសប្តាហ៍នេះថែមទៀត ដែលកាលពីសប្តាហ៍មុន សីតុណ្ហភាពត្រជាក់អប្បបរមា មាន រវាងពី១៥ទៅ២០អង្សាសេ, ប៉ុន្តែក្នុងមួយសប្តាហ៍ទៅមុខទៀត សីតុណ្ហភាពត្រជាក់អប្បបរមាមានរវាងពី១៧ទៅ ២៣អង្សាសេ។ មិនមានសេចក្តីរាយការណ៍ជុំវិញការធ្លាក់ភ្លៀងទៀតនោះឡើយ។ យោងតាមក្រសួងធនធានទឹក និងឧតុនិយម,​ កម្ពុជារវាងពីថ្ងៃទី៨ដល់១៤ធ្នូ នឹងរងឥទ្ធិពលពីទ្រនុងសម្ពាធខ្ពស់ ប្រទេសចិនជាមួយនឹងខ្យល់ មូសុងឦសាន បក់ពីមធ្យមទៅបង្គួរមកលើកម្ពុជា។

ប្រមុខដឹកនាំរាជរដ្ឋាភិបាលកម្ពុជាបានប្រឹងប្រែងខ្លាំងណាស់ក្នុងការចាត់វិធានការណ៍បង្កាទប់ស្កាត់ជម្ងឺឆ្លងរាត ត្បាតកូវីដ១៩។ ពាក្យសម្តីចោទប្រកាន់ណាមួយពីបរទេសចោទថាកម្ពុជាជាប្រទេសនៃការនាំចម្លងវីរុសកូវីដ១៩ ដល់ប្រទេសជិតខាងនោះ គឺជាសម្តីមាក់ងាយមួយដែលប្រជាជាតិកម្ពុជាមិនអាចទទួលយកបានឡើយ៕

ឯកអគ្គរដ្ឋទូតវៀតណាមថ្មីប្រចាំកម្ពុជាបានថ្លែងប្តេជ្ញាខិតខំប្រឹងប្រែងពង្រឹងទំនាក់ទំនងកិច្ចសហប្រតិបត្តិការ ជាមួយនឹងកម្ពុជា ដែលការសន្យានេះ បានធ្វើឡើងនៅក្នុងឪកាសចូលជួបសម្តែងការគួរសមចំពោះប្រធាន រដ្ឋ សភាសម្តេចអគ្គមហាពញាចក្រីហេង សំរិននៅវិមានរដ្ឋសភា នាព្រឹកថ្ងៃទី៧ ខែធ្នូ ឆ្នាំ២០២១។

ការប្រកួតកីឡាទូកក្ដោងជ្រើសរើសជើងឯកអាស៊ីអាគ្នេយ៍ឆ្នាំ២០២១ក្នុងខេត្តព្រះសីហនុ ត្រៀមនឹងចាប់ផ្តើមធ្វើ ចាប់ពីថ្ងៃអាទិត្យចុងសប្តាហ៍នេះហើយដោយមានការចូលរួមពីអត្តពលិកចំនួន៤ប្រទេស។ ព្រឹត្តិ ការណ៍កីឡាទូក ក្ដោងអន្ដរជាតិនេះ នឹងមានរវាងពីថ្ងៃទី១២ដល់ថ្ងៃទី១៧ខែធ្នូឆ្នាំ២០២១ ចូលរួមដោយអត្តពលិកចំនួន៣៤នាក់ មកពីសិង្ហបុរី, ថៃ ម៉ាឡេស៊ី និងកម្ពុជាដែលជាម្ចាស់ផ្ទះ។

គ្រាប់យុទ្ធភ័ណ្ឌមិនទាន់ផ្ទុះចំនួន១១គ្រាប់ត្រូវបានពលរដ្ឋប្រទះឃើញនៅខេត្ត២ផ្សេងគ្នា។ យោងតាមអង្គការ ស៊ីម៉ាក់ខេត្តទាំង២ដែលបានរកឃើញគ្រាប់មិនទាន់ផ្ទុះទាំងនោះ គឺខេត្តតាកែវនិងខេត្តកំពង់ឆ្នាំងកាលពីថ្ងៃទី៦ ធ្នូ។

យុទ្ធនាការបោសសំអាតអំពើអនាធិបតេយ្យទន្ទ្រានយកដីព្រៃលិចទឹកតាមតំបន់ទន្លេសាប នៅតែបន្តនៅឡើយ ទេជាពិសេសនៅក្នុងខេត្តកំពង់ឆ្នាំ។ កាលពីរសៀលថ្ងៃទី៦ធ្នូ, អាជ្ញាធរខេត្ត បានចុះដកហូតដីគម្របព្រៃឈើ ដែលទន្ទ្រានកាលពីឆ្នាំ ២០០២ ក្នុងស្រុកទឹកផុស៕

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៤ពាន់៥១១ ករណី និងការស្លាប់ថ្មីមានចំនួន៤០៩នាក់។ ប្រទេសដែលមានការឆ្លងថ្មី ក្នុងរយៈ ពេល២៤ម៉ោងចុងក្រោយនេះ នៅអាស៊ានមាន១០ប្រទេស។ ចំណែកការស្លាប់ថ្មីមានចំនួន ៩ប្រទេសផងដែរ៕

ចំនួនសរុបចាក់វ៉ាកសាំងលើប្រជាពលរដ្ឋទូទាំងប្រទេសគិតត្រឹមថ្ងៃទី០៧ ខែធ្នូ បានកើនដល់១៤លាន១សែន៧ ម៉ឺន៧ពាន់២៦២នាក់ហើយ បន្ទាប់ពីតួលេខចាក់វ៉ាក់សាំង២៤ម៉ោងចុងក្រោយនេះ មានចំនួន៧ពាន់ ២០៨នាក់។