មនុស្សនៅតែបន្តរងគ្រោះថ្នាក់ដោយសារគ្រាប់មីននិងគ្រាប់មិនទាន់ផ្ទុះ ក្នុងពេលដែលផែនការបោសសំអាត គ្រាប់មីននិងគ្រាប់មិនទាន់ផ្ទុះ នឹងត្រូវគ្រោងបញ្ចប់ទាំងស្រុងក្នុងរយៈពេល៤ឆ្នាំទៅមុខទៀតនេះ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៨ពាន់១១១ ករណី និងការស្លាប់ថ្មីមានចំនួន៥៦៥នាក់។ បើធៀបនឹងម្សិលមិញការឆ្លងថ្មីបានថយចុះចំនួន៧៦៨ករណី និង ការស្លាប់ថ្មីបានកើនឡើងចំនួន២០៩នាក់ ។ប្រទេសដែលមានការឆ្លងថ្មីនិងការស្លាប់ថ្មី ក្នុងរយៈ ពេល២៤ម៉ោង ចុងក្រោយនេះនៅអាស៊ានមាន៩ប្រទេស៕

ចំនួនសរុបចាក់វ៉ាកសាំងលើប្រជាពលរដ្ឋទូទាំងប្រទេសគិតត្រឹមថ្ងៃទី០៣ ខែធ្នូ បានកើនដល់១៤លាន១សែន៥ ម៉ឺន៩ពាន់១៦៩នាក់បន្ទាប់ពីតួលេខចាក់វ៉ាក់សាំង២៤ម៉ោងចុងក្រោយនេះ មានចំនួន៦ពាន់ ៦៤៦នាក់។

តួលេខឆ្លងជំងឺកូវីដ១៩ក្នុងប្រទេសកម្ពុជា ក្នុងរយៈពេល២៤ម៉ោងចុងក្រោយនេះមានចំនួន២៤ករណីដែលថយ ចុះ១ករណីបើប្រៀបធៀបនឹងម្សិលមិញ។ យោងតាមក្រសួងសុខាភិបាល ក្នុងចំណោមការឆ្លងថ្មីចំនួន២៤ករណី នោះ ការឆ្លងក្នុងសហគមន៍ មានចំនួន២០ករណី និងការឆ្លងមកពីក្រៅប្រទេសមានចំនួន៤ករណីផងដែរ។

រាជរដ្ឋាភិបាលកម្ពុជាបានបញ្ជាទិញឱសថវេជ្ជសាស្ត្រប្រឆាំងជំងឺកូវីដ-១៩ MOLNUPIRAVIRរបស់ក្រុមហ៊ុនមើក (MERCK) ចំនួន ៤លានគ្រាប់ សម្រាប់ព្យាបាលអ្នកជំងឺកូវីដ-១៩។

វ៉ាក់សាំងចំនួន ៥០ម៉ឺនដូស និងរថយន្តដឹកវ៉ាក់សាំងចំនួន ៣គ្រឿងដែលជាអំណោយរបស់រាជរដ្ឋាភិបាលកម្ពុជា បានផ្តល់ជួនរដ្ឋាភិបាលឡាវនៅថ្ងៃទី៣ធ្នូនេះ ក្នុងពិធីមួយស្ថិតនៅតំបន់ព្រំដែនកម្ពុជានិងឡាវក្នុងខេត្តស្ទឹងត្រែង នៃច្រកទ្វារអន្តរជាតិត្រពាំងគ្រៀលនិងច្រកណង ណុកឃាន។

ប្រមុខរាជរដ្ឋាភិបាលកម្ពុជាបានបន្តការប្តេជ្ញាការយកចិត្តទុកដាក់លើជនពិការបើទោះបីជាកម្ពុជាកំពុងស្ថិតក្នុង ស្ថានភាពលំបាកសេដ្ឋកិច្ចដោយសារតែវិបត្តិកូវីដ១៩យ៉ាងណាក៏ដោយ។

ការគាំទ្រប្រសាសន៍សម្តេចនាយករដ្ឋមន្ត្រីហ៊ុនសែន ដែលប្រកាសគាំទ្រលោកហ៊ុនម៉ាណែតជាបេក្ខភាពនាយក រដ្ឋមន្ត្រី បានបន្តថែមទៀតនៅថ្ងៃទៅ៣ធ្នូនេះ។

ការនាំចេញអង្ករបានបន្តធ្លាក់ចុះដោយសារឧបសគ្គនៃតម្លៃការដឹកជញ្ជូននិងកង្វះទូរកុងតេន័រ។ យោងតាមក្រ សួងកសិកម្ម កម្ពុជា ក្នុងរយៈពេល១១ខែដើមឆ្នាំនេះ បាននាំចេញអង្ករចំនួន៥៣ម៉ឺន២ពាន់១៧៩តោន ដែល ថយចុះចំនួន ៦ម៉ឺន ៨ពាន់៨៦៦តោន បើប្រៀបធៀបនឹងបរិមាណនាំចេញក្នុង រយៈពេល១១ខែឆ្នាំ២០២០។