ជនសង្ស័យដែលចូលប្លន់ដល់ក្នុងផ្ទះក្នុងហេតុការណ៍មួយដែលកើតឡើងក្នុងភូមិព្រៃតាប៉ុក សង្កាត់ឳឡោក ខណ្ឌកំបូល ត្រូវសមត្ថកិច្ចបានចាប់ខ្លួន។ ស្ត្រីជាជនរងគ្រោះអាយុ៤៨ឆ្នាំ ត្រូវបានជនសង្ស័យចោរប្លន់ចាក់ច្រើន កាំបិតក្នុងពេលប្លន់ ប៉ុន្តែនាងបានព្យាយាមតដៃនិងរត់គេចរួចក្នុងហេតុការណ៍ប្លន់ប្រដាប់អាវុធដែលកើតឡើង កាលពីថ្ងៃទី២០វិច្ឆិកា។ ជនសង្ស័យពាក់ព័ន្ធនឹងអំពើប្លន់ប្រដាប់អាវុធអាយុ៣១ឆ្នាំត្រូវបានសមត្ថកិច្ចចាប់ខ្លួន ក្រោយការរត់គេចរយៈពេល៣ថ្ងៃរួចមកនេះ។

រដ្ឋមន្ត្រីក្រសួងមហាផ្ទៃកម្ពុជាសម្តេចក្រឡាហោម ស ខេង និងរដ្ឋមន្ត្រីក្រសួងសន្តិសុខឡាវ លោកឧត្តមសេនីយ៍ ឯក វីល័យ ឡាខាំហ្វង បានធ្វើកិច្ចជួបប្រជុំតាមប្រព័ន្ធវីដេអូអនឡាញ និងបានចុះហត្ថលេខាលើកំណត់ហេតុ ស្តីពីកិច្ចសហប្រតិបត្តិការឆ្នាំ២០២២។

ការសម្រេចមិនចុះបញ្ជីឈ្មោះគណបក្សបេះដូងជាតិដោយសារការរកឃើញអំពើទុច្ចរិតក្លែងបន្លំ ត្រូវបានគណ បក្សបេះដូងជាតិបានព្រមានរកការប្តឹងក្រសួងមហាផ្ទៃដោយចោទជុំវិញរឿងយោបាយ, ការបំភិតបំភ័យនិងការ គំរាមកំហែង។

អតីតទីលានសមរភូមិដ៏ក្តៅក្នុងជំនាន់កម្ពុជាមានសង្គ្រាមស៊ីវិល បានក្លាយជាកន្លែងអភិវឌ្ឍន៍នៃសំណង់ស្ពាន ដ៏វែងមួយឆ្លងកាត់ទន្លេមេគង្គ។ «ស្ពានមិត្តភាពកម្ពុជា-ចិន ស្ទឹងត្រង់ ក្រូចឆ្មារ» ប្រវែងជាងមួយគីឡូម៉ែត្រសាង សង់ក្នុងតម្លៃជិត៥៧លានដុល្លារ ត្រូវបានដាក់សម្ពោធនៅថ្ងៃទី២៣វិច្ឆិកាឆ្នាំ២០២១ ក្រោមអធិបតីភាពដ៏ខ្ពង់ខ្ពស់ ពីសម្តេចតេជោហ៊ុនសែន នាយករដ្ឋមន្ត្រីនៃប្រទេសកម្ពុជា។

ធនាគារអភិវឌ្ឍន៍អាស៊ី បានផ្តល់ប្រាក់កម្ចីចំនួន ១៨០ លានដុល្លារ ដើម្បីជួយដល់ក្រុងចំនួន ៣ នៅតាមខេត្ត របស់ប្រទេសកម្ពុជា។

ព្រះរាជាណាចក្រកម្ពុជាបានក្លាយជាប្រទេសរៀបចំជាផ្លូវការនូវព្រឹត្តិការណ៍អូឡាំពិកយុវជនអាស៊ីលើកទី៥ឆ្នាំ ២០២៩ហើយ ក្រោយការចុះហត្ថលេខាទទួលយកសិទ្ធិរៀបចំនូវព្រឹត្តិការណ៍នោះ។ ការចុះហត្ថលេខាទទួលយក សិទ្ធិរៀបចំនោះ បានធ្វើនៅថ្ងៃទី២១វិច្ឆិកាឆ្នាំ២០២១ក្នុងកិច្ចប្រជុំក្រុមប្រឹក្សាអូឡាំពិកអាស៊ីក្នុងក្រុងឌូបៃនៃសហ ភាពអារ៉ាប់អេមីរ៉ាតជាមួយក្តីអបអរសាទរជាខ្លាំងពីប្រទេសចូលរួមចំនួន៤៥ក្នុងទ្វីបអាស៊ី។

កម្ពុជាគ្រោងនឹងបង្កើតមន្ទីរពេទ្យសកលវិទ្យាល័យមួយដែលនឹងក្លាយជាមន្ទីរពេទ្យដ៏ធំលើកដំបូងក្នុងប្រវត្តិ សាស្ត្រសម្រាប់ការបំរើដល់និស្សិតក្រោយបញ្ចប់ការសិក្សា។

គណៈសង្ឃនាយកគណៈមហានិកាយនៃព្រះរាជាណាចក្រកម្ពុជា បានប្រោសប្រទានគោរមងារ “មហាឧបាសិកាពុទ្ធសាសនូបត្ថម្ភ” ដល់ពុទ្ធសាសនិកជនមួយរូបទៀត ដែលជាអ្នកមានគុណបំណាច់ខ្ពង់ខ្ពស់លើ វិស័យ ព្រះពុទ្ធសាសនា។

កម្ពុជានឹងចាប់ផ្ដើមទទួលសីតុណ្ហភាពចុះត្រជាក់ជាលើកដំបូង នៅដើមខែធ្នូជិតមកដល់ខាងមុខនេះ ដោយ សីតុណ្ហភាពត្រជាក់អប្បបរមានឹងមានរវាងពី១៥ទៅ២១អង្សាសេ។