ជនសង្ស័យជាក្មេងទំនើង០២នាក់ក្នុងអំពើប្រើដាវសាំម៉ូរៃកាប់គ្នាតាមផ្លូវសាធារណៈក្នុងរាជធានី ត្រូវបានបញ្ជូន ទៅតុលាការ នៅថ្ងៃទី២៣ វិច្ឆិកានេះ ។ ក្មេងទំនើងទាំង២នេះ គឺជាជនសង្ស័យដែលកាប់ជនរង គ្រោះម្នាក់ ដាច់ម្រាមចង្អុលដៃឆ្វេង និងកាប់ចំដើមទ្រូងជនរងគ្រោះបណ្តាលឥ្យរងរបួសធ្ងន់ក្នុងព្រឹត្តិការណ៍មួយដែលកើត ឡើងកាលពីថ្ងៃទី១៩វិច្ឆិកា។

រដ្ឋលេខាធិការក្រសួងបរិស្ថាន លោក នេត្រ ភត្រា បានជម្រុញដល់អាជីវករ ក៏ជាប្រជាពលរដ្ឋដែលរស់ នៅតំបន់ ឆ្នេរសមុទ្ទ នៃខេត្ដកំពត ត្រូវបន្ដចូលរួមក្នុងការថែរក្សាបរិស្ថាន អនាម័យ ដើម្បីការទាក់ទាញ ទេសចរណ៍។ កម្ពុជា គ្រោងនឹងបើកដំណើរការទេសចរណ៍មកពីក្រៅប្រទេស ចាប់ពីក្រោយថ្ងៃទី៣០វិច្ឆិកាខាងមុខនេះហើយ។

កម្ពុជា-ចិន បានចុះអនុស្សរណៈយោគយល់គ្នាមួយដែលជំរុញការធ្វើពាណិជ្ជកម្មរយៈពេលវែង។ ការចុះអនុស្ស រណៈយោគយល់គ្នានេះ បានធ្វើឡើងកាលពីរសៀលថ្ងៃទី២២ខែវិច្ឆិកា ឆ្នាំ២០២១ រវាង រដ្ឋមន្ត្រីក្រសួងពាណិជ្ជ កម្ម លោក ប៉ាន សូរស័ក្តិ និងនាយកក្រុមសម្ព័ន្ធត្រួតពិនិត្យនិងបញ្ជាក់គុណភាពរបស់ចិនហៅកាត់ថា CCIC គឺលោក ស៊ូ ហ្សឹងតឺ តាមប្រព័ន្ធវីដេអូ។

មនុស្សដែលបានឃាត់ខ្លួនជាប់ពាក់ព័ន្ធនឹងអាវុធលាក់ទុក៣៣ដើម នៅក្នុងចំការមៀន ស្ថិតក្នុងស្រុក ភ្នំព្រឹក ខេត្តបាត់ដំបង បានកើនដល់៧នាក់ហើយដែលសុទ្ធសឹងតែជាមន្ត្រីយោធា។ ក្នុងចំណោមមន្ត្រីយោធាទាំង៧ នាក់រួមមានឧត្តមសេនីយ៍ទោផ្កាយ២ម្នាក់ និងឧត្តមសេនីយ៍ត្រីផ្កាយមួយម្នាក់ផងដែរ។

ក្រសួងការពារជាតិកម្ពុជា បានទទួលជំនួយសម្ភារៈវេជ្ជសាស្ត្រ១១មុខបន្ថែមទៀតពីក្រសួងការពារជាតិនៃ ប្រទេសចិន សម្រាប់បម្រើឱ្យការរទប់ស្កាត់ការរីករាលដាលជំងឺកូវីដ១៩។

សម្តេចនាយករដ្ឋមន្ត្រីបានលាតត្រដាងនូវគោលនយោបាយរបស់សម្តេចដែលបានដាក់ចេញជាអទិភាពនូវការ កសាងស្ពាន, ថ្នល់, មន្ទីរពេទ្យ, សាលារៀន ។ល។ ដើម្បីការជួយជម្រុញជីវភាពរស់នៅរបស់ប្រជាជនកម្ពុជា។ គោលនយោបាយអទិភាពរបស់សម្តេច ត្រូវបានសម្រុកធ្វើជារៀងរាល់ថ្ងៃ និងនយោបាយអទិភាពនោះ បាន ទទួលការគាំទ្រពីប្រទេសចិនដែលជាប្រទេសនៃមិត្តភាពដែកថែប។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ មានការឆ្លងកូវីដ១៩ថ្មីចំនួន២ម៉ឺន៤ពាន់៧៥៨ ករណីនិងការស្លាប់ថ្មីមានចំនួន៥២៣នាក់។ ប្រទេសដែលមានការឆ្លងថ្មី ក្នុងរយៈ ពេល២៤ម៉ោងចុងក្រោយនេះ នៅអាស៊ាន មាន១០ប្រទេស។ ចំណែកការស្លាប់ថ្មីមាន៩ប្រទេស។

តួលេខពលរដ្ឋដែលបានចាក់វ៉ាក់សាំងក្នុងរយៈពេល២៤ម៉ោងនេះ បានកើនឡើងវិញបន្ទាប់ពីការឈប់សម្រាក ៣ថ្ងៃនៃបុណ្យអុំទូក។ ចំនួនប្រជាពលរដ្ឋដែលបានទទួលការចាក់វ៉ាក់សាំងនៅថ្ងៃទី២៣វិច្ឆិកានេះ មានចំនួន ៩ពាន់៤៨៦ នាក់ បើប្រៀបធៀបនឹងម្សិលមិញមានចំនួនតែ៣៦៤នាក់នោះទេ។

តួលេខឆ្លងកូវីដ១៩ក្នុងប្រទេសកម្ពុជា ក្នុងរយៈពេល២៤ម៉ោងចុងក្រោយនេះមានចំនួន៣៩ករណី។ តួលេខនេះ បានកើនឡើង២ករណី បើប្រៀបធៀបនឹងម្សិលមិញ។ យោងតាមក្រសួងសុខាភិបាល ក្នុងចំណោមការឆ្លងថ្មី ចំនួន៣៩ករណីនោះ ការឆ្លងចូលក្នុងសហគមន៍ មានចំនួន៣៣ករណី និងការឆ្លងមកពីក្រៅប្រទេសមានចំនួន ៦ករណីផងដែរ។

នយោបាយជ្រុលនិយមរបស់ក្រុមធ្វើនយោបាយប្រឆាំងដែលចង់នាំកម្ពុជាមានសន្តិភាពធ្លាក់ចូលក្នុងឧបាយ កលសង្គ្រាមសាឡើងវិញ បានជម្រុញឲ្យប្រមុខរាជរដ្ឋាភិបាលកម្ពុជាបញ្ជាក់នូវការប្តេជ្ញាចិត្តសាជាថ្មីជុំវិញការ រារាំងនូវអំពើប៉ុនប៉ងជ្រុលនិយមទាំងនោះ។