ក្រុមហ៊ុនមួយដែលមានទុនវិនិយោគសរុបចំនួន៣លាន១សែនដុល្លារអាមេរិក គ្រោងនឹងបង្កើតរោងចក្រផលិត កាបូបគ្រប់ប្រភេទ នៅក្នុងខេត្តកំពង់ស្ពឺ។  ក្រុមហ៊ុន XIN XINGLE LEATHER PRODUCTS CO., LTD ដែល គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍ បានសម្រេចការបណ្តាក់ទុននៅថ្ងៃទី៣០កញ្ញានេះ នឹង អាចបង្កើតការងារបានចំនួន៦១៨កន្លែង។

ក្រសួងសាធារណការ បានថ្លែងថា ការលក់ផ្លាកលេខពិសេសចំនួនជិត៨ពាន់ផ្លាក បានរកចំណូលជួនរដ្ឋចំនួន ជិត១៥លានដុល្លារ។ ប្រធានគណៈកម្មាធិការអន្តរក្រសួងគ្រប់គ្រងការលក់ផ្លាកលេខពិសេស លោកស្រីរដ្ឋលេខា ធិការ កុយ សុដានី នៃក្រសួងសាធារណការ បានថ្លែងនៅថ្ងៃទី៣០កញ្ញានេះថាការលក់ផ្លាកលេខពិសេសផ្ទាល់ ខ្លួនចំនួន៧ពាន់៥៧៨ផ្លាក ទទួលបានថវិកាប្រមាណ ១៤លាន៩សែន៧ម៉ឺន៨ពាន់១៥១ដុល្លារអាមេរិក។

វត្ថុបុរាណខ្មែរចំនួន៥រូប ក្នុងចំណោមវត្ថុបុរាណខ្មែរចំនួនជាង ១០០រូប ដែលកសាងពីថ្ម និងពីលោហៈសំរឹទ្ធ ត្រូវបានបញ្ជូនពីប្រទេសអង់គ្លេសមកកម្ពុជាវិញ។

«កំពង់ផែទេសចរណ៍អន្តរជាតិខេត្តកំពត» គ្រោងបញ្ចប់ការសាងសង់នៅចុង ឆ្នាំ២០២១នេះហើយ។ កំពង់ ផែទេសចរណ៍អន្តរជាតិខេត្តកំពតដែលមានទីតាំងក្នុងស្រុកទឹកឈូ បានចាប់ផ្តើមបើកការដ្ឋានសាងសង់ កាល ពីថ្ងៃទី៨ ខែសីហា ឆ្នាំ២០១៨ ដែល រហូតមកដល់បច្ចុប្បន្ននេះ ការងារការដ្ឋានទាំងមូលសម្រេចបានប្រមាណ ៨៤%, ចំណែក ការងារអគារអ្នក ដំណើរសម្រេចបានប្រមាណ ៧៣%។

ក្រសួងរ៉ែ និងថាមពល បានច្រានចោលការទាមទាររបស់ម្ចាស់នាវា MT Strovolos ដែលចង់យកប្រេងឆៅ ជិត៣០ម៉ឺនបារ៉ែលលួចដឹកចេញពីកម្ពុជាធ្វើជាកម្មវត្ថុនៃការទាមទារប្រាក់ពីកម្ពុជា។ ក្រសួងរ៉ែនិងថាមពលបាន ថ្លែងថាប្រេងឆៅនៅលើនាវាទាំងអស់ គឺជាទ្រព្យសម្បត្តិរបស់កម្ពុជា និងជម្លោះរវាងម្ចាស់នាវានិងអ្នកគ្រប់គ្រង នាវានិងក្រុមហ៊ុនគ្រីសអេនើជី គឺមិនជាប់ពាក់ព័ន្ធនឹងកម្ពុជាឡើយ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៥ម៉ឺន២ពាន់៤០៧ ករណី និងការស្លាប់ថ្មីមានចំនួន៦៨៥នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅ អាស៊ាន មាន៩ប្រទេស។ ចំណែកការ ស្លាប់ថ្មីមានចំនួន៩ប្រទេសផងដែរ៕

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះមានចំនួន ៥ម៉ឺន៤ពាន់៨០១ នាក់។ យោងតាមក្រសួងសុខាភិបាល, តួលេខនៃចំនួនសរុបដែលប្រជាពលរដ្ឋទូទាំងប្រទេសដែលបានទទួល ការចាក់វ៉ាក់សាំងគិតត្រឹមថ្ងៃទី៣០ខែកញ្ញា បានកើនដល់១៣លាន៣សែន២ម៉ឺន៨ពាន់៦៤នាក់ហើយ, ក្នុងនោះ អ្នកបានចាក់វ៉ាក់សាំងដូសទី២រួចមានចំនួន១០លាន២ម៉ឺន៥ពាន់២៩៣នាក់។

តួលេខឆ្លងជំងឺកូវីដ១៩ក្នុងប្រទេសកម្ពុជាក្នុងរយ:ពេល២៤ម៉ោងកន្លងមកនេះ បានកើនជិតដល់មួយពាន់ករណី ដែលជាតួលេខកើនខ្ពស់បំផុតក្នុងខែកញ្ញានេះ។ ការឆ្លងថ្ងៃនេះ មានចំនួន៩៧៨ករណីដែលហក់ឡើងពីជាង ៨០០ករណី ដែលមានជាប់ៗគ្នាប្រមាណ៦ថ្ងៃរួចមកនេះ។ ការឆ្លងថ្មីចំនួន៩៧៨ករណីនៅថ្ងៃនេះ ភាគច្រើនគឺជា ករណីផ្ទុះក្នុងសហគមន៍ដែលមានចំនួន៨៩៧ករណី, ចំណែក៨១ករណីទៀត គឺជាការឆ្លងមកពីក្រៅប្រទេស។

កិច្ចប្រជុំថ្នាក់រដ្ឋមន្រ្តីអាស៊ានទទួលបន្ទុកឧក្រិដ្ឋកម្មឆ្លងដែនលើកទី១៥ តាមប្រព័ន្ធវីដេអូ បានបិទបញ្ចប់នៅថ្ងៃ ព្រហស្បតិ៍នេះ ហើយ។ ពីភាគីកម្ពុជា, ការចួលរួមកិច្ចប្រជុំថ្នាក់រដ្ឋមន្រ្តីអាស៊ានទទួលបន្ទុកឧក្រិដ្ឋកម្មឆ្លងដែន បានធ្វើឡើងក្រោមវត្តមានសម្តេចក្រឡាហោម ស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ៕

មនុស្សប្រុសស្រីចំនួន៣០នាក់ ត្រូវបានឃាត់ខ្លួននៅក្នុងខណ្ឌទួលគោករាជធានីភ្នំពេញ ពីបទល្មើសនឹងវិធាន ការរដ្ឋបាល៕