ក្រុមហ៊ុនចំនួន៣ទៀត ដែលមានទុននិយោគសរុបជាង១៥លាន១សែន ដុល្លារអាមេរិក ត្រូវបានក្រុមប្រឹក្សាអភិ វឌ្ឍន៍កម្ពុជា CDC បានសម្រេចអោយធ្វើការបណ្តាក់ទុន។ យោងតាម CDC, ក្រុមហ៊ុនទាំង៣ដែលបានអនុម័ត នោះ អាចបង្កើតការងារដល់ពលរដ្ឋ បានចំនួន៣៧៥កន្លែង៕

មណ្ឌលកីឡាហែលទឹកស្ដង់ដារអន្តរជាតិមួយ តម្លៃជិត២លានដុល្លារ នៅខេត្តបាត់ដំបង ត្រូវបានសាងសង់ ជិតរួចរាល់ហើយ ។ អគ្គលេខាធិការសហព័ន្ធខ្មែរកីឡាហែលទឹក លោក ហែម គិរី បានថ្លែងបញ្ជាក់ជុំវិញការ សាងសង់ជិតរួចរាល់នូវមណ្ឌលកីឡាហែលទឹកស្ដង់ដារអន្តរជាតិនេះ បន្ទាប់ពីបានអញ្ជើញត្រួតពិនិត្យមើលជាក់ ស្តែង។

កូនសត្វក្រពើភ្នំជាហ្វូងចំនួនប្រមាណ៨ក្បាល ត្រូវបានប្រទះឃើញនៅក្នុងដែនជម្រកធម្មជាតិនៃតំបន់ស្រែពក នៃខេត្តមណ្ឌលគិរី។ សត្វក្រពើភ្នំគឺជាប្រភេទសត្វដែលកំពុងរងគ្រោះថ្នាក់ជិតផុតពូជបំផុតលើសកលលោក។

ក្រសួងបរិស្ថាន បានដាក់ឱ្យដំណើរការប្រើប្រាស់នូវឡដុតសំរាម និងសំណល់វេជ្ជសាស្ត្រនានានៅក្នុងខេត្តកែប ដើម្បីការរួមចំណែកថែរក្សាអនាម័យបរិស្ថានល្អក្នុងខេត្តដែលជាប់នឹងមាត់សមុទ្ទនេះ។

ដំណើរការសាងសង់អាកាសយានដ្ឋានអន្តរជាតិ សៀមរាបអង្គរថ្មី សម្រេចបានជិត ៥០%ហើយ បើទោះបីជា មានវិបត្តិកូវីដ១៩ក៏ដោយ។ អ្នកនាំពាក្យអាកាសចរស៊ីវិល លោក ស៊ិន ចាន់សិរីវុត្ថា បានបញ្ជាក់ជុំវិញដំណើរ ការសាងសង់ព្រលានយន្តហោះហោះខ្នាតធំអន្តរជាតិក្នុងខេត្តសៀមរាបតម្លៃជិត៩០០លានដុល្លារ ក្នុងដំណាក់ កាលសាងសង់លើកទី ១នាពេលនេះ។

ដំណើរការសាងសង់ព្រលានយន្តហោះក្នុងខេត្តមណ្ឌលគិរី ត្រូវបានពន្យាពេលដោយសារតែវិបត្តិឆ្លងនៃកូវីដ១៩ ។

ក្រសួងធនធានទឹកនិងឧតុនិយមបានដាស់តឿនការប្រុងប្រយ័ត្នសុវត្ថិភាពទន្ទឹមនឹងការព្យាករណ៍បង្ហាញការ ធ្លាក់ភ្លៀងច្រើនក្នុងសប្តាហ៍នេះដែលអាចនឹងបង្កគ្រោះទឹកជំនន់។ ការព្យាករណ៍បានបង្ហាញថាកម្ពុជានឹងទទួល រងនូវឥទ្ធិពលប្រព័ន្ធសម្ពាធទាប ITCZ ដែលអូសបន្លាយកាត់លើតំបន់ជួរភ្នំដងរែក និងខ្ពង់រាបភាគឦសាន ជា មួយនឹងខ្យល់មូសុងនិរតីបក់ នៅក្នុងល្បឿនមធ្យមទៅបង្គួរ។

អាជ្ញាធរខេត្តមណ្ឌលគិរី បានបង្ខំចិត្តសម្រេចបិទខ្ទប់ក្រុមហ៊ុនចម្ការម្រេចរបស់ជនជាតិកូរ៉េនាថ្ងៃ២១កញ្ញានេះ ខណៈការឆ្លងកម្មករក្នុងក្រុមហ៊ុនវែលបាយអូរនោះ មានចំនួនជាង១០០នាក់ទៅហើយ។

ការលក់ដូរក្នុងផ្សារលើនៃក្រុងកំពង់ឆ្នាំងដែលគ្មានសណ្តាប់ធ្នាប់ បានបង្ខំឲ្យសមត្ថកិច្ចអនុវត្តវិធានការក្តៅនៅ ថ្ងៃទី២១កញ្ញានេះ។ ផ្សារលើក្នុងក្រុងកំពង់ឆ្នាំង គឺជាផ្សារមួយដែលកន្លងមក អាជ្ញាធរធ្លាប់បានចុះបិទយ៉ាង ហោច២ដងហើយ ក្រោយការផ្ទុះឡើងនៃជំងឺកូវីដ-19 នៅក្នុងផ្សារនោះ។

បណ្តាខេត្តជាបន្តបន្ទាប់ បានធ្វើការបិទបញ្ចប់យុទ្ធនាការចាក់វ៉ាក់សាំង ក្នុងនោះខេត្តកំពង់ចាម ត្រូវបានបិទនៅ ថ្ងៃទី២១កញ្ញានេះ។ ពិធីបិទយុទ្ធនាការចាក់វ៉ាក់សាំងកូវីដ១៩ ជុំទី១ក្នុងខេត្តកំពង់ចាមនេះ បានធ្វើឡើងក្រោម អធិបតីភាពលោកស្រីរដ្ឋលេខាធិការ ឳ វណ្ណឌីន នៃក្រសួងសុខាភិបាល៕