សាលារៀនចំនួន ៥ ក្នុងខេត្តព្រះសីហនុ បានចាប់ផ្ដើមបើកដំណើរការសាកល្បងនៅថ្ងៃទី១៣កញ្ញានេះ ទន្ទឹម នឹងការឆ្លងរាលដាលក្នុងខេត្តនៅមិនទាន់បានស្ងប់នៅឡើយទេ។

តួលេខហក់ឡើងនៃការឆ្លងកូវីដ១៩ជាបន្តបន្ទាប់ក្នុងរយៈពេលប៉ុន្មានថ្ងៃចុងក្រោយនេះ ត្រូវគេសង្ស័យថាអាច ជាប់ពាក់ព័ន្ធនឹងកន្លែងជួបជុំក្នុងទីផ្សារនិងកន្លែងលក់ដូរនានាដែលខ្វះការប្រុងប្រយ័ត្នអនាម័យ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន២០ម៉ឺន៧ពាន់៦២១ ករណី និងការ ស្លាប់ថ្មីមានចំនួន៣ពាន់៦៩៨នាក់។ ប្រទេសដែលមានការឆ្លងថ្មីក្នុងរយៈ ពេល៧២ម៉ោងចុង ក្រោយនេះនៅអាស៊ាន រួមមាន១០ប្រទេស។ ចំណែកការស្លាប់ថ្មីមាន៨ប្រទេសផងដែរ។

តួលេខឆ្លងកូវីដ១៩ក្នុងប្រទេសកម្ពុជា បានកើនឡើងលើស១០ម៉ឺនករណីហើយ ក្រោយការឆ្លងថ្មី៦២៩ករណី ក្នុងរយៈពេល២៤ម៉ោងចុងក្រោយនេះទៀត។ ការឆ្លងថ្មីចំនួន៦២៩ករណីនៅថ្ងៃនេះ បើប្រៀបធៀបនឹងម្សិលមិញ គឺបានកើនឡើងចំនួន៣៣ករណីថែមទៀត។ការឆ្លងថ្មីនៅថ្ងៃនេះរួមមាន៥១៦ករណីជាការឆ្លងចូលក្នុងសហគមន៍ និង១១៣ករណី គឺការឆ្លងមកពីក្រៅប្រទេស។ បើប្រៀបធៀបនឹងម្សិលមិញ, តួលេខឆ្លងក្នុងសហគមន៍ថ្ងៃនេះ បានថយចុះ៣៣ករណី, រីឯតួលេខឆ្លងមកពីក្រៅប្រទេសបានថយចុះ៦៧ករណី។

មន្ត្រីជាន់ខ្ពស់ក្រសួងសុខាភិបាលបានថ្លែងថាយុទ្ធនាការបញ្ចប់ការចាក់វ៉ាក់សាំងលើមនុស្ស១០លាននាក់ទំនង នឹងអាចចប់សព្វគ្រប់នាចុងខែកញ្ញានេះ។ ការបញ្ជាក់នេះ បានធ្វើឡើងទន្ទឹមនឹងចំនួនប្រជាពលរដ្ឋដែលបាន ចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន១ម៉ឺន៦ពាន់ ៥៨៥នាក់។

សាលារដ្ឋចំនួន៦៨ទូទាំង១៤ខណ្ឌ ត្រូវបានបាញ់ថ្នាំសម្លាប់មេរោគរាតត្បាត មុនបើកដំណើការនៅថ្ងៃ១៥ខែកញ្ញា ខាងមុខនេះ។

ប្រទេសចិនបានសន្យានឹងទទួលទិញទំនិញកសិផលពីកម្ពុជាជាច្រើនទៀត ដែលការសន្យានេះបានធ្វើឡើង ទន្ទឹមនឹងសេចក្តីរាយការណ៍មុននេះអំពីទំនិញកសិផលផ្លែមៀនក្នុងខេត្តប៉ៃលិនជួបប្រទះនឹងភាពខ្វះទីផ្សារ។ លោកវ៉ាងយី ក្នុងសន្និសីទកាសែតមួយកាលពីល្ងាចអាទិត្យក្រោយពិធីចុះហត្ថលេខាលើឯកកិច្ចព្រមព្រៀងនៃ ឯកសារចំនួន៦ក្នុងវិមានសន្តិភាព បានថ្លែងថាប្រទេសចិន នឹងទទួលទិញកសិផលពីកម្ពុជាដែលមានគុណភាព នាំចូលក្នុងទីផ្សាររបស់ចិន

សម្តេចនាយករដ្ឋមន្ត្រី បានថ្លែងបង្ហាញថាការកសាងសន្តិភាព ត្រូវពឹងផ្អែកលើភាគីក្នុងប្រទេសដែលជាប់ពាក់ ព័ន្ធ និងមិនមែនការពឹងផ្អែកលើទៅលើតែបរទេសនោះទេ។ សម្តេចតេជោហ៊ុនសែន បានថ្លែងថា «ភាពជាម្ចាស់ ប្រទេស» គឺជាគន្លឹះឈានឆ្ពោះទៅរកជោគជ័យនិងសន្តិភាពពេញលេញប្រកបដោយនិរន្តភាព។