ខេត្តប៉ៃលិន ក្នុងរយៈពេល ២៤ម៉ោង ចុងក្រោយនេះ បានបន្តរកឃើញអ្នកឆ្លងជំងឺកូវីដ១៩ ចំនួន ១៩ នាក់ ថែម ទៀត ដែលជាតួលេខឆ្លងកើនឡើងចំនួន១២នាក់បើធៀបនឹងម្សិលមិញ។

ខេត្តមណ្ឌលគិរី បានបន្តរកឃើញអ្នកឆ្លងជំងឺកូវីដ១៩ ចំនួន ១៣នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខឆ្លងថយចុះចំនួន ១៤នាក់ ។ យោងតាមរដ្ឋបាលខេត្ត ការឆ្លងនៅថ្ងៃនេះបានកើត លើពលរដ្ឋដែលមានអាសយដ្ឋាននៅក្នុងក្រុងសែនមនោរម្យចំនួន ១៣នាក់ និងនៅស្រុកពេជ្រាដា ម្នាក់ ។ ខេត្តមណ្ឌលគិរីនៅថ្ងៃនេះ បានព្យាបាលអ្នកជំងឺកូវីដ១៩ ឲ្យជាសះស្បើយឡើងវិញចំនួន ៥នាក់ផងដែរ ៕

ខេត្តព្រះវិហារ បានរកឃើញអ្នកឆ្លងជំងឺកូវីដ១៩ តែចំនួនម្នាក់ទេ ក្នុងរយៈពេល២៤ម៉ោងចុងក្រោយនេះ ដែល ជាតួលេខឆ្លងថយចុះចំនួន១៦នាក់ ធៀបនឹងម្សិលមិញ ។ យោងតាមរដ្ឋបាលខេត្ត ការឆ្លងនៅថ្ងៃនេះ គឺជាស្រ្តី អាយុ ១៨ឆ្នាំ នៃស្រុកឆែប ។

ខេត្តក្រចេះ បានរកឃើញអ្នកឆ្លងជំងឺកូវីដ-១៩ថ្មីចំនួន៥នាក់ ក្នុងរយៈពេល២៤ម៉ោង ចុងក្រោយ។ យោងតាមរដ្ឋ បាលខេត្ត ការឆ្លងថ្មីទាំង៥នាក់ថ្ងៃនេះ គឺជាប្រជាពលរដ្ឋដែលរស់នៅក្នុងក្រុងក្រចេះ ២នាក់, ស្រុកស្នួលម្នាក់, និងស្រុកសំបូរ២នាក់ ។ ខេត្ដក្រចេះ មាន អ្នកឆ្លងជំងឺកូវីដ-១៩សរុបចំនួន ៨០២នាក់ ក្នុង នោះបានជាសះស្បើយ ចំនួន៦៩០នាក់ និងស្លាប់១០នាក់។

ផ្សារចំនួនបី នៅក្នុងភូមិសាស្ត្រក្រុងស្ទឹងត្រែង នៃខេត្ដស្ទឹងត្រែង បានបើកដំណើរការឡើងវិញហើយ ខណៈ ថ្ងៃនេះមានសេចក្ដីរាយការណ៍ថា មិនមានករណីឆ្លងនូវជំងឺកូវីដ១៩ ។ ខេត្តស្ទឹងត្រែង គិត រហូតមកទល់នឹង ពេលនេះ មានអ្នកឆ្លងជំងឺកូវីដ១៩សរុប ចំនួន១ពាន់ ៦៧នាក់, អ្នកជាសះស្បើយសរុបចំនួន ៧៥២នាក់ និងមានអ្នកស្លាប់សរុបចំនួន១១ នាក់។

ខេត្តឧត្តរមានជ័យបានបន្តរកឃើញការឆ្លងជំងឺកូវីដ១៩ លើមនុស្សចំនួន ៦៦នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខកើនឡើងចំនួន ១០នាក់ ធៀបនឹងម្សិលមិញ ។

នៅក្នុងខេត្តកំពង់ធំ នោះផងដែរ រដ្ឋបាលខេត្តបានប្រកាសបិទបណ្តោះអាសន្នផ្សារសាន់គរ នៃស្រុកកំពង់ស្វាយ ដើម្បីទប់ស្កាត់ការរីករាលដាលនៃជំងឺកូវីដ១៩ ។

ខេត្តកំពង់ធំ បានបន្តរកឃើញអ្នកឆ្លងជំងឺកូវីដ១៩ ចំនួន ៣៣នាក់ ថែមទៀត ក្នុងរយៈពេល២៤ម៉ោង ចុងក្រោយ ដែលជាតួលេខឆ្លងថយចុះចំនួន ២នាក់ បើប្រៀបធៀបនឹងការរកឃើញពីម្សិលមិញ ។

មនុស្សចំនួន២៨២នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋ បាលនិងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លង កូវីដ១៩។

រដ្ឋបាលរាជធានីភ្នំពេញ បានអនុញ្ញាតឱ្យដំណើរការឡើងវិញសម្រាប់គ្រឹះស្ថានសិក្សាសាធារណៈ និងឯកជន កម្រិតអនុវិទ្យាល័យ និងវិទ្យាល័យទាំងអស់ចាប់ពីថ្ងៃទី១៥ ខែកញ្ញាតទៅទន្ទឹមនឹងយុទ្ធនាការចាក់វ៉ាក់សាំងលើ កុមារវ័យជំទង់ជិត២លាននាក់ទូទាំងប្រទេស បានជិត៩០ភាគរយហើយ។ គិតត្រឹមថ្ងៃ១០កញ្ញា តួលេខចាក់លើ កុមារវ័យជំទង់ បានជាង ១លាន៧សែននាក់ហើយ។