គម្រោងរោងចក្រផលិតទឹកស្អាតតម្លៃ១លាន៣សែនដុល្លារដែល អាចមានសមត្ថភាពផលិតទឹកស្អាតបាន ចំនួន៥ពាន់ម៉ែត្រគូបក្នុងមួយថ្ងៃ ត្រូវបានអនុម័តដោយរដ្ឋបាលខេត្តកំពតនៅថ្ងៃទី៩កញ្ញានេះ។ ខេត្តកំពតដែល ជាប់នឹងឆ្នេរសមុទ្ទដែរនោះ គឺជាខេត្តដែលប្រឈមនឹងបញ្ហាទឹកស្អាតនេះផងដែរ។

ព័ត៌មានជុំវិញអាកាសធាតុមិនល្អក្នុងតំបន់ឆ្នេរនៃខេត្តព្រះសីហនុ បានប្រញាប់ឲ្យអភិបាលខេត្តបានចេញសេច ក្តីអំពាវនាវមួយជាបន្ទាន់ដើម្បីរារាំងការធ្វើដំណើរតាមផ្លូវទឹក។ លោកអភិបាលខេត្ត គួច ចំរើន បានថ្លែងតាមសារ សម្លេងមួយនៅថ្ងៃនេះ ប្រាប់ពលរដ្ឋត្រូវប្រុងប្រយ័ត្ន  ។

កម្ពុជាត្រៀមបញ្ជូនអត្តពលិក១៥រូបទៅធ្វើការហ្វឹកហាត់នៅប្រទេសចិនដើម្បីសម្រួចសមត្ថភាពត្រៀមសម្រាប់ ការចូលរួមប្រកួតកីឡាស៊ីហ្គេម។ អត្តពលិក១៥រូប ដែលនឹងត្រូវចាកចេញនាចុងខែកញ្ញានេះ នឹងត្រូវធ្វើការ ហ្វឹកហាត់លើវិញ្ញាសារផ្សេងៗ ចំនួន៩ ក្នុងនោះរួមមាន ការលោតចម្ងាយ, ការចោលដុំដែក និងវិញ្ញាសារត់ ចម្ងាយទាំងចម្ងាយ១០០ម៉ែត្រ, ២០០ម៉ែត្រ, ៤០០ម៉ែត្រ, ៨០០ម៉ែត្រ, ១ពាន់៥០០ម៉ែត្រ និងចម្ងាយ៥ពាន់ម៉ែត្រ។ 

នគរបាលជាតិកម្ពុជា និងអនុព័ន្ធយោធាអមស្ថានទូតចិន បានជួបពិភាក្សាគ្នាក្នុងការរៀបចំកិច្ចការពារសន្តិសុខ ក្នុងឳកាសដំណើរបំពេញទស្សនកិច្ចរបស់រដ្ឋមន្ត្រីការបរទេសចិនលោកវ៉ាងយី។ ទីប្រឹក្សារដ្ឋ និងជារដ្ឋមន្រ្តីក្រ សួងការបរទេសចិន លោក វ៉ាង យី នឹងធ្វើទស្សនកិច្ចផ្លូវការរយៈពេល២ថ្ងៃក្នុងរាជធានីភ្នំពេញគឺនៅថ្ងៃទី១២និង ១៣កញ្ញា តបតាមការអញ្ជើញរបស់លោកឧបនាយករដ្ឋមន្រ្តី ប្រាក់ សុខុន ដែលជារដ្ឋមន្រ្តីក្រសួងការបរទេស កម្ពុជា។

កូរ៉េខាងត្បូង បានស​ន្យាថានឹងបន្តជួយកម្ពុជាក្នុងវិស័យគ្រប់គ្រងទឹក, សុខភាពសាធារណៈ, ការដឹកជញ្ជូន, ការអប់ រំនិងវិស័យជាច្រើនទៀត ដែលការសន្យាបានធ្វើឡើងក្នុងដំណើរទស្សនកិច្ចរបស់រដ្ឋមន្ត្រីការបរទេស កម្ពុជាលោកប្រាក់សុខុនក្នុងប្រទេសកូរ៉េខាងត្បូង។

ខេត្តមណ្ឌលគិរី បានរកឃើញអ្នកឆ្លងជំងឺកូវីដ១៩ សរុបចំនួន ២៧នាក់ ថែមទៀត ក្នុងរយៈពេល ២៤ម៉ោងចុង ក្រោយនេះដែលជាតួលេខឆ្លងកើនឡើង៧នាក់ ធៀបនឹងការរកឃើញកាលពីម្សិលមិញ ។