ខេត្តកំពង់ចាម បានរកឃើញអ្នកឆ្លងកូវីដ១៩ចំនួន ៣២នាក់ និងមានអ្នកស្លាប់ថ្មី ២នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ។ តួលេខឆ្លងថ្មីនៅថ្ងៃនេះ បានថយចុះចំនួន ១៥ បើប្រៀបធៀបនឹងការរកឃើញកាល ពីម្សិលមិញ ។

ខេត្តបាត់ដំបង បានបន្តរកឃើញអ្នកឆ្លងជំងឺកូវីដ១៩ ចំនួន ៧៦នាក់ និងមានអ្នកស្លាប់ថ្មី២នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ។ នេះជាតួលេខឆ្លងកើនម្នាក់បើប្រៀបធៀបនឹងម្សិលមិញ។

ខេត្តប៉ៃលិន ក្នុងរយៈពេល ២៤ម៉ោង ចុងក្រោយនេះ បានបន្តរកឃើញអ្នកឆ្លងជំងឺកូវីដ១៩ ចំនួន ៧នាក់ ថែម ទៀត ដែលជាតួលេខឆ្លងថយចុះចំនួន៦នាក់បើធៀបនឹងម្សិលមិញ។

ខេត្តឧត្តរមានជ័យ ក្នុងរយៈពេល ២៤ម៉ោង ចុងក្រោយនេះបានរកឃើញអ្នកឆ្លងជំងឺកូវីដ១៩ ចំនួន ៥៦នាក់ ដែលជាតួលេខឆ្លងថយចុះច្រើនរហូតដល់ ៩៥នាក់ ប្រៀបធៀបនឹងការរកឃើញពីម្សិលមិញ ។

ខេត្តបន្ទាយមានជ័យ បានបន្តរកឃើញការឆ្លងជំងឺកូវីដ១៩ ឆ្លងលើមនុស្សចំនួន ១៦៥នាក់ថែមទៀតហើយ ក្នុងរយៈពេល ២៤ម៉ោងចុងក្រោយនេះ ដែលជាតួលេខឆ្លងកើនឡើង ១៦នាក់ ធៀបនឹងការរកឃើញកាលពី ម្សិលមិញ ។

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន៣ម៉ឺន៥ពាន់ ៣៨៥នាក់។

មនុស្សចំនួន២០នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លង កូវីដ ១៩។

ចំនួនអ្នកស្លាប់ដោយសារឆ្លងជំងឺកូវីដ១៩នៅក្នុងប្រទេសកម្ពុជា បានកើនឡើងលើស២ពាន់នាក់ហើយ។ តួលេខ ស្លាប់គិតត្រឹមថ្ងៃទី៩កញ្ញានេះ មានចំនួន២ពាន់៧នាក់ ក្រោយការស្លាប់ថ្មី២០នាក់ទៀតក្នុងរយៈពេល២៤ម៉ោង ចុងក្រោយនេះ។

រដ្ឋបាលរាជធានីភ្នំពេញ បានបន្តផ្អាកសកម្មភាពការងារមុខរបរដែលមានហានិភ័យខ្ពស់នៃការឆ្លងជំងឺកូវីដ១៩ ចំនួន១៤ថ្ងៃថែមទៀត ទន្ទឹមនឹងតួលេខវីរុសបំប្លែងថ្មី Delta កាន់តែមានការកើនឡើងក្នុងរាជធានី។ ចំណាត់ការ រដ្ឋបាលផ្អាកសកម្មភាព១៤ថ្ងៃរវាងពីថ្ងៃទី១០ដល់២៣ កញ្ញា ឆ្នាំ២០២១ ក៏រួមទាំងការផ្អាកជួបជុំជាលក្ខណៈឯក ជននោះថែមទៀត។

ពិភពលោកបានផ្តល់សញ្ញាដាស់តឿនការរកឃើញវីវុសបំប្លែងថ្មីមួយផ្សេងទៀតដែលគេជឿថាមានឥទ្ធិពលខ្លាំង ជាងវីរុសបំប្លែងថ្មី Delta ថែមទៀត។ ទស្សនាវដ្ដីThe BMJ របស់ប្រទេសអង់គ្លេសដែលនាំមុខក្នុងការស្រាវជ្រាវ លើវិស័យសុខាភិបាលបានសរសេរថាវីរុសបំប្លែងថ្មីដែលគេដាក់ឈ្មោះ E484K ត្រូវបានគេរកឃើញក្នុងវីរុស បំប្លែងអាល់ហ្វាដែលរកឃើញលើកដំបូងក្នុងអាហ្វ្រិកខាងត្បូង និងបច្ចុប្បន្ននេះ វីរុសនេះក៏ត្រូវបានគេរកឃើញ ក្នុងវីរុសបំប្លែងថ្មីឆ្លងលឿនក្នុងប្រទេសអង់គ្លេស។