យោងតាមក្រសួងទេសចរណ៍នៅថ្ងៃនេះបានឲ្យដឹងថា រយៈពេលពីរថ្ងៃចុងសប្ដាហ៏កន្លងទៅ គឺថ្ងៃ១៧និងទី១៨ កក្កដាឆ្នាំ២០២១ នៅទូទាំងប្រទេសកម្ពុជាមានភ្ញៀវទេសចរដើរលេងកម្សាន្តសរុប៦ម៉ឺន៣ពាន់៤៨៨នាក់ ក្នុងនោះភ្ញៀវជាតិ៦ម៉ឺន២ពាន់៣៩៤នាក់ និងភ្ញៀវបរទេសផ្ទៃក្នុង១ពាន់៩៤នាក់។ គោលដៅទេសចរណ៍សំខាន់ៗដែលទទួលបានភ្ញៀវទេសចរណ៍ច្រើនជាងគេរួមមាន រាជធានីភ្នំពេញទទួលបាន១ម៉ឺន៨ពាន់៨៧៧នាក់, ខេត្តព្រះសីហនុទទួលបាន៧ពាន់៦៤៤នាក់, ខេត្តកំពតទទួលបាន៧ពាន់៦៣២នាក់, ខេត្តបាត់ដំបងទទួលបាន៥ពាន់៤០០នាក់, ខេត្តកំពង់ស្ពឺទទួលបាន៤ពាន់៩៣៥នាក់ និងខេត្តកណ្តាលទទួលបាន៤ពាន់៨០៣នាក់។ ក្រសួងទេសចរណ៍បានបញ្ជាក់ថា ចំនួនភ្ញៀវនៅសប្ដាហ៏នេះ មានការថយចុះប្រមាណ ៩.២២% ធៀបនឹងសប្តាហ៍កន្លងមក។ ប៉ុន្តែគោលដៅទេសចរណ៍អេកូទេសចរណ៍ និងទេសចរណ៍ផ្សងព្រេង នៅតែទទួលបានចរន្តភ្ញៀវទេសចរគួរឲ្យកត់សម្គាល់។

ភ្នំពេញ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានលើកឡើងថា ការជ្រើសរើសយកក្រុងព្រះសីហនុជាទីកន្លែងរៀបចំព្រឹត្តិការណ៍វេទិកាទេសចរណ៍អាស៊ាន ឆ្នាំ២០២២ (ASEAN Tourism Forum 2022) ដោយហេតុថា ក្រុងព្រះសីហនុមានការអភិវឌ្ឍហេដ្ឋារចនាសម្ពន្ធ និងសម្បទាទេសចរណ៍សមសម្រប ដែលសម្រួលការធ្វើដំណើរដល់គណៈប្រតិភូ ហើយម្យ៉ាងទៀតការចាក់វ៉ាក់សាំងជូនប្រជាពលរដ្ឋ មន្ត្រីរាជការ បុគ្គលិកបម្រើការក្នុងវិស័យទេចរណ៍នៅខេត្តនេះ អាចនឹងចប់មុនដំណាច់ឆ្នាំ២០២១។ គួរជម្រាបថា រាជរដ្ឋាភិបាលកម្ពុជា បានសម្រេចរៀបចំវេទិកាទេសចរណ៍អាស៊ាន ២០២២ (ASEAN Tourism Forum 2022) ចាប់ពីថ្ងៃទី១៦-២២ ខែមករា នៅក្រុងព្រះសីហនុ ខេត្តព្រះសីហនុ។ ជាក់ស្ដែងនាថ្ងៃទី១៦ ខែកក្កដា ឆ្នាំ២០២១នេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានជួបប្រជុំតាមប្រព័ន្ធអនឡាញជាមួយលោក គួច ចំរើន អភិបាលខេត្តព្រះសីហនុ ដើម្បីពិភាក្សា និងដោះដូរយោបល់លើការរៀបចំវេទិកាទេសចរណ៍អាស៊ានលើកទី៤០នេះ ឱ្យបានរលូនជោគជ័យ។ ឯកឧត្តម ថោង ខុន បានឲ្យដឹងថា ដោយមានការគាំទ្រពីប្រទេសសមាជិកអាស៊ាន វេទិកាទេសចរណ៍អាស៊ាន ត្រូវបានលើកពេកម្ដងរួចមកហើយកាលពីឆ្នាំ២០២១ ដោយសារវិបត្តិកូវីដ-១៩។ ស្របតាមស្មារតី…