ភ្នំពេញ៖ ក្រសួងទេសចរណ៍កម្ពុជានិងស្ថាប័នពាក់ព័ន្ធកំពុង អភិវឌ្ឍធនធានមនុស្សលើជំនាញវិជ្ជាជីវៈទេសចរណ៍អនឡាញ ដើម្បីឆ្លើយតបទៅនឹងតម្រូវការទីផ្សារទេសចរណ៍កម្ពុជា ស្រប ពេលនៃការបើកសកម្មភាពសេដ្ឋកិច្ច សង្គម និងទេសចរណ៍ នៅក្នុងគន្លងប្រក្រតីភាពថ្មីឡើងវិញ។ ថ្លែងក្នុងសិក្ខាសាលាស្តីពីការលើកកម្ពស់គុណភាពការផ្តល់សេវាកម្មទេសចរណ៍សម្រាប់ភ្ញៀវទេសចរចិន ដែលមានអ្នកចូល រួមជាង២០០នាក់ កាលពីថ្ងៃទី២៦ ខែធ្នូ ឯកឧត្តម ជា សែ អនុរដ្ឋលេខាធិការក្រសួងទេសចរណ៍ បានឱ្យដឹងថា ការបើក ដំណើរការសេដ្ឋកិច្ច សង្គមឡើងវិញនេះ បានជំរុញឱ្យមានការ កម្សាន្តទេសចរណ៍នៅតាមគោលដៅទេសចរណ៍នានានៅកម្ពុជាពីសំណាកទេសចរណ៍ក្នុងស្រុក និងអន្តរជាតិ។ជាមួយនឹងការងើបឡើងវិញនៃវិស័យទេសចរណ៍នេះក្រសួងទេសចរណ៍ បានគិតគូរ និងយកចិត្តទុកដាក់ខ្ពស់លើការ ពង្រឹង គុណភាពសេវាកម្មប្រកបដោយគុណភាព និងសុវត្ថិភាពជូន ភ្ញៀវទេសចរតាមគន្លងថ្មី និងបន្តជំរុញផ្សព្វផ្សាយទាក់ទាញ ទេសចរ ទាំងទេសចរអន្តរជាតិ និងទេសចរក្នុងស្រុក។ ឯកឧត្តមបានបន្តថា ៖ «ក្រសួងទេសចរណ៍ បានមើលឃើញ ច្បាស់ពីសារៈសំខាន់នៅក្នុងការប្រើប្រាស់ប្រព័ន្ធបច្ចេកវិទ្យានិងព័ត៌មាន ជួយដល់ការរៀបចំបណ្តុះបណ្តាល និងវាយតម្លៃ សមត្ថភាពអ្នកជំនាញទេសចរណ៍តាមរយៈប្រព័ន្ធអនឡាញ ដោយបានបង្កើតប្រព័ន្ធគ្រប់គ្រងការបណ្តុះបណ្តាលជំនាញវិជ្ជាជីវៈទេសចរណ៍អនឡាញជាដើម សំដៅអភិវឌ្ឍធនធាន មនុស្ស ក្នុងវិស័យទេសចរណ៍ឱ្យឆ្លើយតបទៅនឹងតម្រូវការទីផ្សារទេសចរណ៍ទាំងបរិមាណ និងគុណភាពផងដែរ»។ ក្នុងឱកាសនេះ លោក Wang Zhiquan ប្រធានការិយាល័យ កុងស៊ុលចិនប្រចាំខេត្តព្រះសីហនុ បានលើកឡើងដែរថា…

ខេត្តព្រះសីហនុ៖ ឯកឧត្តម ឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដីនគររូបនីយកម្ម និងសំណង់ បានគូសបញ្ជាក់ថា ៖ «ឆ្នេរសមុទ្រកម្ពុជា បានប្រែមុខមាត់ថ្មីជាបន្តបន្ទាប់នៅក្រោយពេលដែលបានចូលជាសមាជិកក្លឹបឆ្នេរសមុទ្រដែលស្អាតបំផុតលើសាកល» ទាំងលើទិដ្ឋភាពសង្គម-សេដ្ឋកិច្ច ទេសចរណ៍ នគរូបនីយកម្ម និងបរិស្ថាន ដែលជាកត្តាកំណត់លើការទទួលស្គាល់ជាអន្តរជាតិនៃឆ្នេរសមុទ្រកម្ពុជា។ ឯកឧត្តម ឧបនាយករដ្ឋមន្រ្តី បានបន្ថែមថា កិច្ចការនេះ បានធ្វើឱ្យតំបន់ឆ្នេរកម្ពុជា បាននិងកំពុងដើរតួនាទីយ៉ាងសំខាន់ក្នុងការទាក់ទាញវិនិយោគសម្រាប់ជំរុញកំណើនសេដ្ឋកិច្ចជាតិ និងត្រូវបានចាត់ទុកថាជាគោលដៅទេសចរណ៍ធម្មជាតិដ៏មានភាពទាក់ទាញ និងប្រកបដោយភាពប្រកួតប្រជែងខ្ពស់នៅកម្ពុជា និងក្នុងតំបន់ ព្រមទាំងជាគោលដៅទេសចរណ៍ដ៏ធំបន្ទាប់ពីតំបន់បេតិកភណ្ឌវប្បធម៌-ប្រវត្តិសាស្ត្រ សៀមរាប-អង្គរ និងរាជធានីភ្នំពេញ ពិសេសខេត្តព្រះសីហនុ ដែលត្រូវបានរាជរដ្ឋាភិបាលកំណត់ជា “តំបន់សេដ្ឋកិច្ចពហុបំណង”។ ឯកឧត្តម ឧបនាយករដ្ឋមន្រ្តី ជា សុផារ៉ា បានជម្រុញដល់ ឯកឧត្តម រដ្ឋមន្រ្តីក្រសួងទេសចរណ៍ និងជាតំណាងឆ្នេរសមុទ្រកម្ពុជាក្នុងក្លឹបនេះ រួមជាមួយ រដ្ឋបាលខេត្តតំបន់ឆ្នេរទាំង៤ យកអនុសាសន៍ដ៏ខ្ពង់ខ្ពស់របស់ សម្តេចតេជោនាយករដ្ឋមន្រ្តី ដែលបានថ្លែងក្នុងពិធីបើកមហាសន្និបាត និងលទ្ធផលនៃមហាសន្និបាត ទៅអនុវត្តក្រោមស្មារតីទទួលខុសត្រូវខ្ពស់ផងដែរ។ ឯកឧត្ដម ឧបនាយករដ្ឋមន្រ្តី ជា សុផារ៉ា បានថ្លែងយ៉ាងដូច្នេះក្នុងពិធីបិទមហាសន្និបាតលើកទី១៦របស់ក្លឹបឆ្នេរសមុទ្រដែលស្អាតបំផុតលើសាកលលោក ក្នុងនាមតំណាងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា…

បាត់ដំប៖ រដ្ឋបាលខេត្តបាត់ដំបងត្រៀមរៀបចំនូវព្រឹត្តិការណ៍ នៃការ ដាក់តាំងបង្ហាញពិព័រណ៍ម្ហូបអាហារខេត្ត រយៈពេលពីរថ្ងៃក្នុង ឱកាសអបអរសាទរពិធីបុណ្យឆ្លងឆ្នាំសាកលឆ្នាំ២០២២ឈានចូលឆ្នាំ២០២៣ខាងមុខ ដែលប្រព្រឹត្តិទៅចាប់ពីថ្ងៃទី៣០-៣១ខែធ្នូ ឆ្នាំ២០២២ខាងមុខ។ ឯកឧត្តម សុខ លូ អភិបាលខេត្តកាលពីរសៀលថ្ងៃទី១៣ ខែធ្នូ ឆ្នាំ២០២២បានដឹកនាំកិច្ចប្រជុំដើម្បី ពិនិត្យឆ្លងសេចក្តីព្រាង គម្រោង ប្លង់មេទាក់ទិននឹងផែនការសកម្មភាពជាក់លាក់ក្នុងការ កំណត់យកគោលដៅសម្រាប់ការរៀបចំ និងការប្រព្រឹត្តទៅ នៃ សកម្មភាពចូលរួមរបស់ស្ថាប័ន មន្ទីរ អង្គភាព អាជ្ញាធរពាក់ព័ន្ធ និងបងប្អូនអាជីវករ ជាពិសេសពីម្ចាស់បណ្តាភោជនីយដ្ឋាន ក្នុង ខេត្ត ដែលមានបំណងចូលរួមក្នុងការដាក់បង្ហាញម្ហូបអាហារ ដែលខ្លួនមាន សម្រាប់ទាក់ទាញដល់ភ្ញៀវទេសចរជាតិ និង អន្តរជាតិ ក្នុងឱកាសពិធីបុណ្យឆ្លងឆ្នំាសកល ។ ក្នុងឱកាសនេះលោកអភិបាលខេត្តបានជំរុញដល់ស្ថាប័នមន្ទីរពាក់ព័ន្ធ ជាពិសេសមន្ទីរវប្បធម៌ និងមន្ទីរទេសចរណ៍ ត្រូវតែនាំយកនូវ មុខម្ហូបខ្មែរដែលបាត់បង់និងកំពុងតែមានការពេញនិយមល្បីៗនៅក្នុងខេត្ត ត្រូវយកមកដាក់តាំងបង្ហាញ និងបំផុសអ្នកដែលមាន ថ្វីដៃក្នុងការចម្អិនមុខម្ហូបទាំងនោះឲ្យពួកគេបានចូលរួមតាមរយៈនៃការលើកទឹកចិត្តដើម្បីយកមកបង្ហាញឱ្យគេបានឃើញ បានដឹង បានស្គាល់ និងអាចភ្លក់រសជាតិ ពីម្ហូបខ្មែរ របស់អ្នកខេត្តបាត់ដំបង យើងបាន តាមរយៈពិព័រណ៍ម្ហូបនេះ។ លោក អ៊ុចអ៊ុ ភិនីស្សារ៉ា ប្រធានមន្ទីរទេសចរណ៍ បានថ្លែងឱ្យដឹងថា…

(ព្រះសីហនុ)៖ នៅក្នុងដំណើរ ទស្សនកិច្ចក្នុងទីក្រុងនេះធ្វើឡើនារសៀលថ្ងៃទី៩ ខែធ្នូ ឆ្នាំ២០២២ ក្រោមបទឧទ្ទេសនាមដោយឯកឧត្តម លី រស្មី រដ្ឋលេខាធិការក្រសួងរៀបចំដែន នគរូបនីយកម្ម និងសំណង់ អមដោយលោក ជុក ជំនោរ ប្រធាននាយកដ្ឋានអភិវឌ្ឍន៍ផលិតផលទេសចរណ៍ នៃក្រសួងទេសចរណ៍ ។ ប្រតិភូក្លិបឆ្នេរសមុទ្រស្អាតបំផុតលើសាកលលោក បានបង្ហាញការចាប់អារម្មណ៍ខ្ពស់ នូវការអភិវឌ្ឍន៍រីកចម្រើន របស់ខេត្តព្រះសីហនុ ទាំងហេដ្ឋារចនាសម្ព័ន្ធ ក៏ដូចជាទេសភាព ធម្មជាតិ ដ៏គួរឱ្យចាប់អារម្មណ៍ នៅក្នុងគ្រាដែល កម្ពុជាបានដឹកនាំគណៈប្រតិភូក្លិបឆ្នេរសមុទ្រស្អាតបំផុតលើសាកលលោក ដែលមានចំនួនសរុប ១៣០នាក់ ធ្វើទស្សនកិច្ចនៅទីក្រុងព្រះសីហនុ និងទីតាំងសំខាន់ៗមួយចំនួនទៀត ដើម្បីស្វែងយល់បន្ថែមពីភាពរីកចម្រើននៃតំបន់ឆ្នេរសមុទ្រនៅកម្ពុជា ក្នុងឱកាសសន្និបាតលើកទី១៦របស់ក្លិបឆ្នេរសមុទ្រស្អាតបំផុតលើសាកលលោក។ បវរកញ្ញាចក្រវាល (Miss Universe) កញ្ញា ស្វេលីយ៉ា ដា ស៊ីលវ៉ា អេនតូនីញ៉ូ (Swelia Da Silva Antonio) ដែលជាតំណាងប្រតិភូឆ្នេរ នៃប្រទេស អាំងហ្គោឡា មកពិទ្វីបអាហ្រ្វិក បានបង្ហាញអារម្មណ៍សប្បាយរីករាយដែលបានមកចូលរួមនៅក្នុងព្រឹត្តិការណ៍នេះ ។ កញ្ញាបានបន្តថា ការស្ថាបនានៅខេត្តព្រះសីហនុនេះ គឺបានបង្ហាញភាពអស្ចារ្យនៃទីក្រុងព្រះសីហនុ ពិសេសវប្បធម៌ដែលបានផ្សារភ្ជាប់ជាមួយធម្មជាតិ…

​ព្រះសីហនុ៖ ឆ្នេរខ្សាច់កម្សាន្តចំនួន១១ឆ្នេរក្នុងនោះមានកម្រិតល្អណាស់ប្រាំមួយឆ្នេរ និងកម្រិតមធ្យមប្រាំឆ្នេរ ក្នុងចំណោមឆ្នេរបេក្ខភាពចំនួន២៧ឆ្នេរនៅក្នុងតំបន់ឆ្នេរសមុទ្រកម្ពុជា បានវាយតម្លៃ និងទទួលជ័យលាភីចលនាប្រឡងប្រណាំងឆ្នេរខ្សាច់កម្សាន្តស្អាតលើកទី៣ ឆ្នាំ២០២២។​ លោក មុំ បូវីល លេខាធិការក្រុមការងារទទួលបន្ទុកតាមដាននិងវាយតម្លៃឆ្នេរកម្សាន្ត នៃអគ្គលេខាធិការដ្ឋានគណៈ​កម្មាធិការជាតិគ្រប់គ្រងនិងអភិវឌ្ឍន៍ឆ្នេរសមុទ្រកម្ពុជា (គ.អ.ឆ.ក.) ថ្លែងក្នុងពិធីប្រគល់ជ័យលាភីកាលពីថ្ងៃទី៨ ខែធ្នូ ឱ្យដឹងថា បន្ទាប់ពីការដាក់ចេញនូវចលនាប្រឡងប្រណាំងឆ្នេរខ្សាច់កម្សាន្តស្អាតលើកទី៣ ឆ្នាំ២០២២ ក្រុមការងារទទួលបន្ទុកតាមដាននិងវាយតម្លៃឆ្នេរខ្សាច់កម្សាន្ត បានចុះត្រួតពិនិត្យនិងវាយតម្លៃឆ្នេរបេក្ខភាពចំនួន២៧នៅតាមបណ្តាខេត្តតំបន់ឆ្នេរសមុទ្រកម្ពុជា ក្នុងនោះនៅខេត្តកែបមានចំនួន៦ឆ្នេរ ខេត្តកោះកុងចំនួន៥ឆ្នេរ និងខេត្តព្រះសីហនុចំនួន១៦ឆ្នេរ។​ លោកបន្តថា ៖ «ជាលទ្ធផល ឆ្នេរខ្សាច់កម្សាន្តដែលទទួលបានចំណាត់ថ្នាក់ជាឆ្នេរស្អាត កម្រិតល្អណាស់ មានចំនួន៦ឆ្នេរ រួមមាន ខេត្តកែបមាន២ឆ្នេរ៖ ឆ្នេរកែប និងឆ្នេរកោះទន្សាយ ឯខេត្តព្រះសីហនុមាន៤ឆ្នេរមាន ឆ្នេរសុខា ឆ្នេរអូរឈើទាល ឆ្នេរអូរត្រេះ និងឆ្នេរឋានសួគ៌»។​ ដោយឡែក  ឆ្នេរខ្សាច់កម្សាន្តដែលទទួលបានចំណាត់ថ្នាក់ជាឆ្នេរស្អាត «កម្រិតមធ្យម» មានចំនួន៥ឆ្នេរ រួមមាន ខេត្តកោះកុងមាន១ឆ្នេរ៖ ឆ្នេរកោងកាង។ ខេត្តព្រះសីហនុមាន៤ឆ្នេរ៖ ឆ្នេរឯករាជ្យ ឆ្នេរសុខសាន្ត (គ្រប់គ្រងដោយសហគមន៍) ឆ្នេរកោះរ៉ុង និងឆ្នេរប្រាសាទ។​ លោក មុំ បូវីល បានបញ្ជាក់ទៀតថា…

ភ្នំពេញ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានរៀបចំពិធីក្រុងពាលីតាមទំនៀមទម្លាប់ ដើម្បីបួងសួងសុំសេចក្តីសុខ សេចក្តីចម្រើន ក្នុងការចាប់ផ្តើមបើកការដ្ឋានសាងសង់ដំបូងគេនៅរាជធានីភ្នំពេញ ខណៈដែលគ្រោងសាងសង់សាលានេះមួយទីតាំងទៀត នៅខេត្តព្រះសីហនុ។ ពិធីក្រុងពាលីនេះត្រូវបានធ្វើឡើង នៅការដ្ឋានសាងសង់សាលាជាតិវិជ្ជាជីវៈទេសចរណ៍ កាលពីថ្ងៃទី២៣ ខែវិច្ឆិកា ។ ចំណែកពិធីបើកការដ្ឋានសង់សាលាជាតិវិជ្ជាជីវៈទេសចរណ៍នេះ នាថ្ងៃទី២៤ ខែវិច្ឆិកា ឆ្នាំ២០២២។ យោងតាមក្រសួងទេសចរណ៍បានឱ្យដឹងថា សាលាជាតិវិជ្ជាជីវៈទេសចរណ៍នៅរាជធានីភ្នំពេញនេះ មានសំណង់ពីរអគារ ដែលខាងមុខមានកម្ពស់ ២ជាន់ និងខាងក្រោយកំពស់ ៤ជាន់។ អគារនោះមាន បន្ទប់រៀន បន្ទប់ធ្វើការ បន្ទប់សាស្ត្រាចារ្យ បន្ទប់កុំព្យូទ័រ បន្ទប់ប្រជុំ បន្ទប់អនុវត្តគំរូ សម្រាប់សេវាកម្មសណ្ឋាគារ សេវាកម្មម្ហូបអាហារ និងភេសជ្ជៈ សេវាកម្មធ្វើដំណើរ និងទេសចរណ៍ មានបណ្ណាល័យ ភោជនីយដ្ឋាន និងបន្ទប់សង្គ្រោះបឋម បន្ទប់ដាក់សម្ភារ ចំណតរថយន្ត ប្រព័ន្ធការពារហានិភ័យ និងលំហបៃតងជាដើម។ អគារសាលាជាតិវិជ្ជាជិវៈទេសចរណ៍នេះ អាចដាក់សិស្សបានប្រមាណ ៦០០នាក់ បន្ទាប់ពីសំណង់អគារសាលាត្រូវបានសាងសង់រួចរាល់ សាលាគ្រោងនឹងទទួលសិស្សចុះឈ្មោះចូលរៀនជំនាញវិជ្ជាជីវៈទេសចរណ៍ និងវគ្គផ្សេងៗទៀតនៅឆ្នាំសិក្សា ២០២៤-២០២៥ ចំនួន ៣០០នាក់នៅភ្នំពេញ។…