(កំពង់ស្ពឺ)៖ ទឹកធ្លាក់ជ្រាវស្ថិតនៅក្នុងប្រភេទរមណីយដ្ឋាន បែបធម្មជាតិដ៏ស្រស់ត្រកាលមួយកន្លែងដែលនៅមិនឆ្ងាយប៉ុន្មានពីរាជធានីភ្នំពេញ។ទីកម្សាន្តមួយកន្លែងនេះ ជាតំបន់ទេសចរណ៍ធម្មជាតិស្រស់ស្អាត និងកំពុងទាក់ទាញភ្ញៀវទេសចរទីជិតឆ្ងាយឱ្យចូលកម្សាន្តជារៀងរាល់ថ្ងៃ។ ទឹកធ្លាក់មានឈ្មោះបោះសម្លេងក្នុងខេត្តកំពង់ស្ពឺមួយកន្លែងនេះមានទីតាំងស្ថិតនៅ ភូមិតាំងសំរោង ឃុំអមលាំង ស្រុកថ្ពង ខេត្តកំពង់ស្ពឺ ។ គួរបញ្ជាក់ថា តំបន់ទឹកធ្លាក់ជ្រាវបានបើកឲ្យដំណើរការកាលពីឆ្នាំ២០១៥ ដែល មានចម្ងាយប្រមាណជាង ៧០ គីឡូម៉ែត្រពីទីរួមខេត្តកំពង់ស្ពឺ ។ទឹកធ្លាក់មួយកន្លែងនេះគឺមានជម្រាលទឹកធ្លាក់ច្រើនដំណាក់ដែល អំណោយផលយ៉ាងល្អដល់ការងូតទឹកធ្លាក់លេងកម្សាន្ដយ៉ាងសប្បាយរីករាយពីសំណាក់ភ្ញៀវទេសចរ ។ សម្រាប់ចំណុចលេចធ្លោនិងតែងទាក់ទាញភ្ញៀវទេសចរឱ្យចូលកម្សាន្ម រមណីយដ្ឋានមួយកន្លែងនេះរួមមានដូចជា ៖ លេងទឹកឬងូតទឹកធ្លាក់ដ៏ត្រជាក់ពីលើកំពូលភ្នំ ទស្សនាទេសភាពព្រៃភ្នំ ទស្សនាចំការអ្នកស្រុកជាដើម ។ ជាងនេះទៅទៀត ភ្ញៀវទេសចរអាចបោះតង់សម្រាកនៅចង្កេះភ្នំជ្រាវ គេងស្ដាប់សំឡេងសត្វព្រៃជាមួយអាកាសធាតុត្រជាក់ និងមើលសម្រស់ព្រៃភ្នំ។ សម្រាប់ទេសចរដែលចង់ទៅបោះតង់គួតែទាក់ទងជាមួយប្រជាជនក្នុងសហគមន៍ ដើម្បីការពារសុវត្ថិភាព និងជៀសវាងការវង្វេងក្នុងព្រៃ ។ តាមពិតតំបន់រមណីយដ្ឋានទឹកធ្លាក់ជ្រាវមានសក្តានុពលធំធេងណាស់ព្រោះវាស្ថិតក្នុងតំបន់ជួរភ្នំឱរ៉ាល់ដែលប្រមូលផ្តុំដោយសហគមន៍ទេសចរណ៍ អេកូទេសចរណ៍ ទេសចរណ៍ផ្សងព្រេង ហើយអ្វីដែលអស្ចារ្យខ្លាំងនោះ គឺតំបន់នេះ មានទឹកធ្លាក់ពីលើភ្នំរហូតដល់ ១៥០ម៉ែត្រ ដែលមានភាពទាក់ទាញខ្លាំងសម្រាប់ភ្ញៀវទេសចរទៅលេងកម្សាន្ត ។ ទឹកធ្លាក់ជ្រាវ ជាទីទេសចរណ៍មួយ អមជាមួយសម្រស់ធម្មជាតិព្រៃភ្នំស្ថិតនៅតំបន់ភ្នំឱរ៉ាល់ និងមានសត្វព្រៃជាច្រើនប្រភេទ បានត្រៀមខ្លួនរួចរង់ចាំភ្ញៀវទេសចរទៅកម្សាន្ត ក្នុងពេលថ្ងៃឈប់សម្រាកពិសេសថ្ងៃសៅរ៍ អាទិត្យនិងថ្ងៃបុណ្យជាតិ ។ សម្រាប់ការធ្វើដំណើរដើម្បីទៅដល់ទីតាំងនៃរមណីយដ្ឋានទឹកជ្រោះជ្រាវ ភ្ញៀវទេសចរមានភាពងាយស្រួលដោយគេអាចធ្វើដំណើរថ្មើរជើងឡើងទៅកាន់តំបន់កម្សាន្តឬទៅកន្លែងទឹកធ្លាក់ផ្ទាល់តែម្តង ។…

(ភ្នំពេញ)៖ ក្នុងពិធីអបអរសាទរទិវាទេសចរណ៍ពិភពលោក ឆ្នាំ២០២៣ នៅទីស្តីការក្រសួងទេសចរណ៍ ក្រោមប្រធានបទ «ទេសចរណ៍ និងការវិនិយោគបៃតង» នាព្រឹកថ្ងៃទី២៧ ខែកញ្ញា ឆ្នាំ២០២៣ ឯកឧត្តម សុខ សូកេន រដ្ឋមន្រ្តីក្រសួងទេសចរណ៍ បានសម្តែងនូវការដឹងគុណយ៉ាងជ្រាលជ្រៅចំពោះអនុសាសន៍ណែនាំដ៏ខ្ពង់ខ្ពស់បំផុត របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា តាមរយៈសារលិខិតអបអរសាទរទិវាទេសចរណ៍ពិភពលោក ឆ្នាំ២០២៣ ដែលបានចង្អុលបង្ហាញ និងតម្រង់ទិស ក្នុងការ អភិវឌ្ឍវិស័យ ទេសចរណ៍ប្រកបដោយចីរភាព បរិយាប័ន្ន និងមានភាពធន់ ។ អង្គពិធីបានកោតសរសើរដល់ ឯកឧត្តម ហ្សូរ៉ាប់ ប៉ូឡូលីកាហ្ស៊ីលី (Zurab Pololikashvili) អគ្គលេខាធិការអង្គការទេសចរណ៍ពិភពលោក (UNWTO) សម្រាប់សារអបអរសាទរជូនចំពោះ សម្តេចធិបតី ហ៊ុន ម៉ាណែត ដែលបានទទួលការគាំទ្រពីប្រជាពលរដ្ឋដ៏ច្រើនកុះករ តាមរយៈការបោះឆ្នោតគាំទ្រនាពេលថ្មីៗកន្លងមកនេះ ក៏ដូចជាការបង្កើតរាជរដ្ឋាភិបាល នៃរដ្ឋសភានីតិកាលទី៧ ដែលនេះបានឆ្លុះបញ្ចាំងឱ្យឃើញអំពីការគាំទ្រពីសមាគមន៍អន្តរជាតិលើការដឹកនាំប្រកបដោយគតិបណ្ឌិត និងប្រាកដនិយមរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃ កម្ពុជា ក៏ដូចជាការដឹកនាំប្រកបដោយចក្ខុវិស័យ…

(ខេត្តព្រះវិហារ) ៖ តាមរយៈជំនឿទៅលើអ្នកសច្ចំភ្នំត្បែងដែលជាទីល្បីឈ្មោះគឺ លោក តាសួង ឬ អ្នកខ្លះហៅថាលោកឪសួង ឬ ទេវតា ដើរដី នោះកំពុងបានស្រូបទាញបន្ថែមទៀតលើវិស័យទេសចរណ៍នៅតំបន់បេតិកភណ្ឌភ្នំត្បែង ក្នុងទឹកដី ខេត្ត ព្រះវិហារ។ ដោយសារសម្រស់ធម្មជាតិ ផ្គួបផ្សំនឹងតាមរយៈជំនឿបានធ្វើឱ្យតំបន់បេតិកភណ្ឌភ្នំត្បែងកាន់តែលេចត្រដែតជាទីល្បីឈ្មោះក្នុងស្រទាប់ អ្នកទេសចរ ទាំងក្នុងស្រុក និង បរទេសមួយចំនួនផង។ក្នុងដំណើរកម្សាន្តទៅកន្លែងនេះគេអាចទស្សនាព្រៃភ្នំ ពោរពេញ ទៅដោយ ធម្មជាតិដ៏ស្រស់ស្អាត ដែលក្នុងនេះមានទឹកធ្លាក់ ព្រៃធម្មជាតិធំល្វឹងល្វើយ ប្រកបដោយ ភាពខៀវស្រងាត់ មានអាកាសធាតុល្អ សត្វព្រៃជាដើម។ក្រៅពីនេះក៏នៅមានអាស្រម រួមទាំង កន្លែងតាំងសីលរបស់ព្រះសង្ឃសម័យមុនៗ និង ជាពិសេសកន្លែងអ្នកសច្ចំភ្នំត្បែង លោក តាសួង ត្រូវបានគេរៀបចំស្ទើរគ្រប់កន្លែងតាំងពីជើងភ្នំរហូតដល់កំពូលភ្នំ។ភ្ញៀវទេសចរអាចចូលបន់ស្រន់សុំសេចក្តីសុខសេចក្តីចម្រើនរៀងៗខ្លួន។ ព្រះចៅធិការ តូច ស្រួច គង់នៅ វត្ត តាំងយូរ លើភ្នំត្បែងបានមានសង្ឃដីការឱ្យដឹងថា៖នៅត្រង់វត្តតាំងយូរនេះតែងមានពុទ្ធបរិស័ទដែលជាអ្នកមានជំនឿ ចេញចូលអត់សូវចេះដាច់ទេ។អ្នកមកកាន់វត្តនេះភាគច្រើនណាស់តែងជឿទៅលើបារមីសក្តិសិទ្ធរបស់ លោក តាសួង។ពួកគេតែងបន់ស្រន់តាមរូបសំណាក លោក តាសួង ហើយមានភាពសក្តិសិទ្ធច្រើនគ្នា ធ្វើឱ្យក្លាយជាកន្លែងជំនឿមួយយ៉ាងពេញនិយម។ ព្រះចៅអធិការរូបនេះបានមានសង្ឃដីការផងថា”កន្លែង លោក តា សួង បានមកតាំងសមាធិធម៌នោះមានច្រើន…

(ខេត្តព្រះវិហារ)៖ ភ្នំត្បែងគឺជាទឹកដីពោពេញទៅដោយ ធម្មជាតិដ៏ស្រស់ស្អាត ដែលក្នុងនេះមានទឹកធ្លាក់ ព្រៃធម្មជាតិធំល្វឹងល្វើយ ប្រកបដោយភាពខៀវស្រងាត់ មានអាកាសធាតុល្អ សត្វព្រៃច្រើនប្រភេទ រួមទាំង កន្លែងតាំងសីលរបស់ព្រះសង្ឃសម័យមុន និង ជាពិសេសជាងនេះទៀតគឺតំបន់ប្រវត្តិសាស្ត្រដែលព្រះរាជាខ្មែរកាលពីសម័យបុរាណបានធ្វើពិធីនានា។ គ្របដណ្ដប់លើផ្ទៃដីជាង២ម៉ឺន៥ពាន់ហិកតា «ភ្នំត្បែង» និង តាមរយៈទេសភាពដ៏ស្រស់ត្រកាល និងបង្កប់ដោយជំនឿដ៏ស័ក្ដិសិទ្ធនេះដែរ បានជំរុញឲ្យភ្ញៀវទេសចរមកលេងកម្សាន្តនៅតំបន់បេតិកភណ្ឌធម្មជាតិមួយនេះ។ លោក ចាន់ វ៉ាន់ណូ ប្រធានសហគមន៍ប្រធានសហគមន៍តំបន់ការពារធម្មជាតិតាំងយូរ ស្ថិតនៅក្នុងភូមិសេដ្ឋកិច្ច ឃុំឈានមុខ ស្រុកត្បែងមានជ័យ ខេត្តព្រះវិហារបានឱ្យដឹងថា៖នៅសហគមន៍របស់លោកមានទីតាំងទឹកធ្លាក់ចំនួនជាង១០កន្លែង មានល្អាងភ្នំ ហើយក្រៅពីនេះក៏មានទីវត្តអារ៉ាមជាទីកន្លែងទាក់ទាញលលើជំនឿសាសនា តំបន់ថ្មបីដុំ តំបន់ថ្មតាំងយូរដែលជាភាពល្បីល្បាញនៃ លោក តាសួងបានមកតាំងសមាធិកាលពីមុនមក។ ប្រធានសហគមន៍រូបនេះបានបញ្ជាក់ប្រាប់ថា៖ពីមួយថ្ងៃទៅមួយថ្ងៃចំនួនភ្ញៀវទេសចរចូលកម្សាន្តភ្នំត្បែងកាន់តែច្រើនឡើង ហើយពិសេសនៅថ្ងៃសៅរ៍អាទិត្យ និងថ្ងៃបុណ្យទានចំនួនភ្ញៀវទេសចរមានការកើនឡើង។សម្រាប់ភ្ញៀវទេសចរមកកម្សាន្តទីនេះមានលក្ខណៈ២បែបគឺទីមួយមកកម្សាន្តសប្បាយរីករាយជាមួយធនធានធនម្មជាតិ និងទី ២មកតាមលក្ខណៈអប្បិយជំនឿដោយក្នុងនេះគេអាចមកដើម្បីបន់ស្រន់ សុំសេចក្តីសុខ សេចក្តីចម្រើនពីព្រោះថាទីកន្លែងនេះគេមានជំនឿយ៉ាងខ្លាំង ទៅលើលោកតាសួងដែលជាអ្នកសច្ចំលើភ្នំត្បែង។ លោក ចាន់ វ៉ាន់ ណូ បានបញ្ជាក់ប្រាប់ដែរថា៖តាមរយៈភ្ញៀវទេសចរនេះបានធ្វើឱ្យប្រជាសហគមន៍អាចរកចំណូលក្នុងការ បម្រើលើសេវាទេសចរណ៍ដូចជាជួយដឹកជញ្ជូនឥវ៉ាន់ភ្ញៀវ ,លក់គ្រឿងភេសជ្ជះ ធ្វើម្ហូបអាហារជូនភ្ញៀវទេសចរជាដើម។ពួកគាត់មាន ចំណូល ប្រចាំថ្ងៃ ធ្វើឱ្យ ជីវភាព គ្រួសារ ធូរធា ជាងមុន…

ភ្នំពេញ ៖ ឯកឧត្តម សុខ សូកេន រដ្ឋមន្រ្តីក្រសួងទេសចរណ៍ បានអញ្ជើញចុះសួរសុខទុក្ខនិងសំណេះសំណាលជាមួយថ្នាក់ដឹកនាំនិងមន្រ្តីរាជការតាមអគ្គនាយកដ្ឋាន និងនាយកដ្ឋាននានា និងបាបរំលឹកឱ្យបន្តបំពេញភារកិច្ចរៀងៗខ្លួន ពង្រឹងសាមគ្គី ឯកភាពគ្នាផ្ទៃក្នុង និងរក្សាពូនជ្រំមរតកដ៏មានតម្លៃ ដែលថ្នាក់ដឹកនាំជំនាន់មុនបន្សល់ទុកឱ្យ ដើម្បីចូលរួមគាំទ្រសម្រេចឱ្យបាននូវបេសកកម្មដ៏ឧត្តុង្គឧត្តមរបស់រាជរដ្ឋាភិបាលនីតិកាលទី៧ នៃរដ្ឋសភា។ ពិធីនេះបានធ្វើឡើងកាលពីថ្ងៃទី២៨ ខែសីហា ឆ្នាំ២០២៣។ មានប្រសាសន៍ទៅកាន់មន្ត្រីរាជការចូលរួមឯកឧត្តមរដ្ឋមន្រ្តីបានរំលេចថា រាជរដ្ឋាភិបាលនីតិកាលទី៧នេះ ក្រោមការដឹកនាំរបស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានចាត់ទុកវិស័យទេសចរណ៍ គឺជាអាទិភាពមួយខ្ពស់ នៅក្នុងការកសាងសេដ្ឋកិច្ចសង្គមរបស់រាជរដ្ឋាភិបាល ដែលត្រូវបន្តខិតខំយកចិត្តទុកដាក់អនុវត្តឱ្យកាន់តែមានប្រសិទ្ធភាព នានីតិកាលទី៧ បានដាក់ចេញនូវយុទ្ធសាស្រ្តបញ្ចកោណដំណាក់កាលទី១ ដែលជាគោលការណ៍គ្រឹះរបស់រាជរដ្ឋាភិបាលថ្មី ក្នុងការបន្តដឹកនាំនាវាកម្ពុជាឆ្ពោះទៅមុខកាន់តែស្វាហាប់ និងរីកចម្រើនបន្ថែមទៀត។ ជាមួយគ្នានេះ រាជរដ្ឋាភិបាលថ្មីបានប្តេជ្ញា ធានាឱ្យបាននូវសុខសន្តិភាព ស្ថិរភាពនយោបាយ និងការរស់នៅដោយសុខសាន្តជូនប្រជាជនកម្ពុជាទាំងមូល។ឯកឧត្តម សុខ សូកេន ស្នើឱ្យថ្នាក់ដឹកនាំ និងមន្រ្តីទាំងអស់ ឱ្យបន្តនិរន្តរភាពអ្វីដែលមានពីមុន និងបន្តបង្កើនប្រសិទ្ធភាពតទៅមុខទៀត យកចិត្តទុកដាក់អនុវត្តការងារជាប្រចាំ ធ្វើយ៉ាងណាកសាងសម្ថតភាពធនធានមនុស្សក្នុងវិស័យទេសរចណ៍អោយកាន់តែមានសក្តានុពល ដើម្បីចូលរួមផ្សព្វផ្សាយវិស័យទេសចរណ៍ដ៏សម្បូរបែប ប្រកបដោយភាពកក់ក្តៅ រួសរាយរាក់ទាក់របស់ព្រះរាជាណាចក្រកម្ពុជា ដូជា ទេសចរណ៍វប្បធម៌ និងធម្មជាតិទៅកាន់ពិភពលោក៕ ដោយ:ចាន់ វិចិត្រ

ភ្នំពេញ៖ ក្រសួងទេសចរណ៍បានដាក់ចេញនូវចលនាប្រឡងប្រណាំង “បដិសណ្ឋារកិច្ចល្អក្នុងវិស័យ​ទេសចរណ៍”ឆ្នាំ២០២៣-២០២៤ ជាផ្លូវការដើម្បីចូលរួមចលនាប្រឡងប្រណាំង “ទីក្រុងស្អាត រមណីយដ្ឋានស្អាត សេវាល្អ និងបដិសណ្ឋារកិច្ចល្អ សំដៅជំរុញ និងលើកទឹកចិត្តដល់ប្រតិបត្តិករទេសចរណ៍នៅកម្ពុជា។ នេះបើយោងតាមសេចក្តីជូនដំណឹងរបស់ក្រសួងទេសចរណ៍កាលពីថ្ងៃទី១៧ ខែសីហា ឆ្នាំ២០២៣។ ឯកឧត្តម ថោង ខុន រដ្ឋមន្រ្តីក្រសួងទេសចរណ៍ បានបញ្ជាក់ក្នុងសេចក្តីជូនដំណឹងខាងលើថា រាជរដ្ឋាភិបាលកម្ពុជាបានដាក់ឱ្យអនុវត្តនូវចលនាប្រឡងប្រណាំង“បដិសណ្ឋារកិច្ចល្អក្នុងវិស័យទេសចរណ៍”ឆ្នាំ២០២៣-២០២៤នេះ  គឺសំដៅជំរុញនិងលើកទឹកចិត្តដល់ប្រតិបត្តិករទេសចរណ៍ឱ្យខិតខំប្រឹងប្រែងអភិវឌ្ឍន៍សម្បទាទេសចរណ៍របស់ខ្លួនប្រកបដោយស្តង់ដារត្រឹមត្រូវ អភិរក្សវប្បធម៌ ប្រពៃណីរបស់ជនជាតិខ្មែរ លើកកម្ពស់ធនធានមនុស្សដែលមានជំនាញ គុណភាព និងប្រសិទ្ធភាពខ្ពស់។លោក​បានបន្តថា៖«ការប្រកាសដាក់ឱ្យអនុវត្តចលនាប្រឡងប្រណាំង “បដិសណ្ឋារកិច្ចល្អក្នុងវិស័យ​ទេសចរណ៍”នេះ ក៏ដូចជាពន្យារការស្នាក់នៅរបស់ទេសចរ នឹងចូលរួមបង្កើនដល់ការលើកកម្ពស់កម្ពុជាជាគោលដៅទេសចរណ៍ប្រកបដោយភាពទាក់ទាញ និងផ្តល់ភាពកក់ក្តៅដល់ភ្ញៀវទេសចរ និងប្រកបដោយផាសុកភាពសម្រាប់ការស្នាក់នៅរបស់ភ្ញៀវទេសចរផងដែរ»។ ជុំវិញរឿងនេះ ​លោក​ស្រី ឆាយ ស៊ីវ​លីន ប្រធាន​សមា​គម​ទីភ្នាក់​ងារ​ទេស​ចរណ៍​កម្ពុជា បាន​គាំទ្រ​ឱ្យ​មាន​ការអនុវត្តនូវចលនាប្រឡងប្រណាំង “បដិសណ្ឋារកិច្ចល្អក្នុងវិស័យទេសចរណ៍» ព្រោះចលនានេះ ពិតជាបានពញ្ញាក់ស្មារតីប្រតិបត្តិករទេសចរណ៍ទាំងអស់កុំឱ្យភ្លេចពីការពង្រឹងគុណភាព និងសេវាកម្មរបស់ពួកគាត់ក្រោយវិបត្តិកូវីដ១៩។ លោកស្រីបានរំលេចថា ចលនានេះ នឹងរួមចំណែកជួយអភិវឌ្ឍន៍វិស័យ​ទេសចរណ៍ តាមរយៈការពង្រឹងសមត្ថភាពប្រតិបត្តិករកម្ពុជាឱ្យកាន់តែមានស្តង់ដារកម្រិតតំបន់។ លោកស្រីបន្តថា៖« ដើម្បីឱ្យការប្រកួតប្រជែងចលនានេះមានប្រសិទ្ធភាព សូមឱ្យក្រសួងទេសចរណ៍ពង្រឹងការផ្សព្វផ្សាយឱ្យបានទូលំទូលាយ ដើម្បីឱ្យប្រតិបត្តិករទូទាំងប្រទេសបានចូលរួមប្រឡងប្រណាំងទាំងអស់គ្នា។ ហើយការវាយតម្លៃនិងការដាក់ពិន្ទុនានាត្រូវតែមានសុក្រឹត្យភាព និងតម្លាភាព ពិសេសក៏ត្រូវមានការលើកទឹកចិត្ត និងគាំទ្រណាមួយដល់អ្នកដែលទទួលបានជ័យលាភីពីការប្រឡងប្រណាំងនេះ ដើម្បីដំណើរការលើកក្រោយកាន់តែមានភាពទាក់ទាញ និងប្រសិទ្ធភាពខ្លាំងឡើង»។ ​បើតាមសេចក្តីជូនដំណឹងក្រសួងទេសចរណ៍…