ភ្នំពេញ៖សំលេងសត្វ និងសំលេងទឹកជ្រោះ បានធ្វើឲ្យសហគមន៍តាំងយូរ ភ្នំត្បែងមានជ័យ ស្ថិតនៅឃុំបាក់កាំ ឃុំឈានមុខ ស្រុកត្បែងមានជ័យ ខេត្តព្រះវិហារក្លាយជាគោលដៅទាក់ទាញភ្ញៀវទេសចរណ៍ជាតិ និងអន្តរជាតិមកកម្សាន្តលម្ហែជាមួយនឹងធម្មជាតិដ៏សម្បូរបែប។ ថ្លែងប្រាប់ក្រុមការងារទូរទស្សន៍អប្សរា លោក ចាន់ វ៉ាន់ណូ ប្រធានសហគមន៍តំបន់ការពារធម្មជាតិតាំងយូរ បានមានប្រសាសន៍ថា សហគមន៍ខាងលើនេះ មានឈ្មោះដើមថា “សហគមន៍ព្រៃឈើសេដ្ឋកិច្ចរុងរឿង” បង្កើតឡើងលើកទី១ នៅថ្ងៃទី១៥ ខែមករា ឆ្នាំ២០១៥ ប៉ុន្តែត្រូវបានរំសាយចោលម្តង តែបង្កើតឡើងម្តងទៀតក្នុងឆ្នាំ២០១៩ ដែលមានឈ្មោះថា សហគមន៍តំបន់ការពារធម្មជាតិតាំងយូរគណកម្មការ៩នាក់ដឹកនាំ និងមានសមាជិកសរុប៤០៥នាក់ ធ្វើសកម្មភាពការពារព្រៃឈើ សត្វព្រៃ និងរុករកតំបន់ទេសចរណ៍ធម្មជាតិផ្សេងៗបន្ថែមទៀត។ លោក វ៉ាន់ណូ បន្តថា សហគមន៍តាំងយូរ គឺជាតំបន់កណ្តាល នៃភ្នំត្បែងមានជ័យ ដែលមានប្រវត្តិសាស្រ្តដ៏យូរលង់ណាស់មកហើយ និងមានតំបន់ធម្មជាតិសំខាន់ៗជាច្រើន។ បើភ្ញៀវទេសចរមកដល់សហគមន៍តាំងយូរ ចង់ទស្សនាតំបន់ធម្មជាតិបានច្រើនកន្លែងត្រូវសម្រាកនៅទីនេះ មួយថ្ងៃឬ២ថ្ងៃទើបអាចដើរទស្សនាបានច្រើន ដូចជា ដើមឈើធំៗ ទស្សនាថ្ងៃលិច ទឹកធ្លាក់ថ្មហួត កណ្តុរសចាក់ក្រវិល។លោក ចាន់ វ៉ាន់ណូ បន្ថែមថា សហគមន៍បានបង្កើតសេវាកម្មជូនភ្ញៀវ ដោយមគ្គុទ្ទេសក៍នាំភ្ញៀវឡើងភ្នំ ដឹកជញ្ជូនអីវ៉ាន់ភ្ញៀវ សេវាកម្មហូបចុក និងសេវាកម្មស្នាក់នៅ។ ចំពោះសេវាកម្មនាំភ្ញៀវ…

សៀមរាប៖អាជ្ញាធរជាតិអប្សរា នឹងដាក់ឱ្យដំណើរការសាកល្បងខ្សែទស្សនាថ្មី នៅប្រាសាទអង្គរវត្ត និងបន្ទាយស្រី នៅដើមខែសីហាខាងមុខនេះ ដើម្បីបង្កើនគុណភាពនៃការទស្សនា ក៏ដូចជាផ្តល់នូវបទពិសោធន៍ល្អៗជូនភ្ញៀវ ដែលខ្សែថ្មីនេះអនុញ្ញាតឱ្យឆ្លងកាត់ផ្នែកសំខាន់ៗដូចជា ផ្ទាំង និងចម្លាក់សាច់រឿងជាដើម។ សេចក្តីជូនដំណឹងរបស់អាជ្ញាធរជាតិអប្សរា ចុះថ្ងៃទី​២០ខែកក្កដា ឆ្នាំ ២០២៣​ បានឱ្យដឹងថា ខ្សែទស្សនាថ្មីនេះគ្រោងនឹងដាក់ឱ្យដំណើរការសាកល្បងចាប់ពីថ្ងៃទី០១ខែសីហាឆ្នាំ២០២៣តទៅ។តាមរយៈ​​នេះ ហេដ្ឋារចនាសម្ព័ន្ធ និងបរិក្ខារចាំបាច់នានា ដូចជាជណ្តើរ រនាំង ខ្សែរបារ ស្លាកសញ្ញាប្រាប់ទិសដៅទស្សនា ផ្ទាំងព័ត៌មានបរិយាយពីចម្លាក់ នៅតាមជញ្ជាំង… ។ល។ ត្រូវបានរៀបចំថ្មី បន្ថែមរួចរាល់ ដើម្បីសម្រួលដល់ការដាក់ដំណើរការសាកល្បងនេះ។អាជ្ញាធរជាតិអប្សរាបញ្ជាក់ថា៖« ដើម្បីបង្កើនគុណភាពនៃការទស្សនា និងលើកតម្លៃប្រាសាទ ក៏ដូចជាផ្តល់នូវបទពិសោធន៍ល្អៗជូនភ្ញៀវទេសចរជាតិ និងអន្តរជាតិ អាជ្ញាធរជាតិអប្សរាបានសិក្សាស្រាវជ្រាវ និងរៀបចំខ្សែទស្សនាថ្មីនៅប្រាសាទចំនួនពីរនេះឡើង»។ សម្រាប់ខ្សែទស្សនាថ្មីមានជម្រើសជាច្រើនជូនភ្ញៀវ ក្នុងនោះ នៅប្រាសាទអង្គរវត្ត មានបីជម្រើសដូចជា ខ្សែទស្សនារយៈពេលខ្លី “ទិសដៅទស្សនាបែបទេសចរ” រយៈពេលពីរម៉ោង ។ ខ្សែទស្សនារយៈពេលមធ្យម “ទិសដៅទស្សនាបែបជំនឿ-សាសនា” រយៈពេល២ម៉ោង៣០នាទី និងខ្សែទស្សនា រយៈពេលវែង “ទិសដៅទស្សនាបែបប្រវត្តិសាស្ត្រ” រយៈពេលបីម៉ោង។ ចំណែកនៅ ប្រាសាទបន្ទាយស្រី មានពីរជម្រើសដូចជា ជម្រើសរយៈពេលខ្លីមានរយៈពេល១ម៉ោង២០នាទី និងជម្រើសរយៈ ពេលវែងមានរយៈពេល១ម៉ោង៤០នាទី។…

កោះកុង៖រដ្ឋបាលខេត្តកោះកុងនៃប្រទេសកម្ពុជា និងខេត្តត្រាត ប្រទេសថៃ នឹងរៀបចំកម្មវិធីដើរ-រត់ និងការដាក់បង្ហាញតាំងលក់ផលិតផលផ្សេងៗចាប់ពីថ្ងៃទី២៤-៣០ ខែកក្កដាឆ្នាំ២០២៣ នៅបរិវេណផ្សារព្រំដែនហាតឡេកដើម្បីរួមចំណែកលើកកម្ពស់វិស័យ​ទេសចរណ៍ និងពង្រឹងសម្ព័ន្ធមេត្រីភាពរវាងខេត្តជាប់ព្រំដែន។ លោកជំទាវ មិថុនា ភូថង អភិបាលខេត្តកោះកុង ​តាមរយៈ​សេចក្ដីប្រកាស​​ចុះថ្ងៃ​​ទី១៨ ខែកក្កដា​ បាន​លើកឡើងថា ដើម្បីលើកស្ទួយវិស័យទេសចរណ៍ ​ពិសេសពង្រឹងសម្ព័ន្ធមេត្រីភាពរវាងខេត្តជាប់ព្រំដែន ​ខេត្តកោះកុង និងខេត្តត្រាត​ នឹងរៀបចំកម្មវិធីដើរ-រត់ និងការដាក់បង្ហាញតាំងលក់ផលិតផលផ្សេងៗ ចាប់ពីថ្ងៃទី​២៤ ដល់ថ្ងៃទី៣០ ខែកក្កដាខាងមុខនេះ នៅបរិវេណផ្សារព្រំដែនហាតឡេក ក្នុងខេត្តត្រាត ប្រទេសថៃ។ លោកជំទាវបាន​បញ្ជាក់ថា ​៖ «​សូមប្រជាពលរដ្ឋ ម្ចាស់សណ្ឋាគារ ផ្ទះសំណាក់ រោងចក្រ សហគ្រាស បណ្ដាក្រុមហ៊ុន ធនាគារឯកជន និងភោជនីយដ្ឋាននានា ដែលមានបំណងចង់ចូលរួមកម្មវិធីដើរ-រត់ ត្រូវមកចុះឈ្មោះនៅវត្តក្សេមសីមារាម ហៅវត្តហាតឡេក»។ លោក សុខ សុទ្ធី អភិបាលរងខេត្តកោះកុង បានអាច​​ផ្តល់ព័ត៌មានលំអិតបាន​កាលពីថ្ងៃទី​១៩ ខែកក្កដា ប៉ុន្តែ​​​លោក​ធ្លាប់​បានប្រាប់ឱ្យដឹង​កាលពី​ពេលថ្មីៗកន្លងមកថា នៅពេលដែលខេត្តកោះកុងមានទំនាក់ទំនងល្អជាមួយខេត្តត្រាត ប្រទេសថៃ វាជាការពង្រឹងទំនាក់ទំនងព្រំដែនរវាងខេត្តទាំងពីរ។ លោក​បានបន្តថា ជាពិសេសវាជួយពង្រឹងទំនាក់ទំនងល្អខាងផ្នែកនយោបាយថែមទៀតផង បើទោះបីជាកន្លងមកខេត្តទាំងពីរមានទំនាក់ទំនងល្អលើវិស័យទាំងនោះស្រាប់ក៏ដោយ ប៉ុន្តែបើភាគីថៃ និងកម្ពុជា…

(សៀមរាប)៖ នៅល្ងាចថ្ងៃទី១៦ ខែកក្កដា ឆ្នាំ២០២៣នេះ ជារៀងរាល់ថ្ងៃសៅរ៍ ឬថ្ងៃអាទិត្យ មានបងប្អូនប្រជាពលរដ្ឋជិតឆ្ងាយ តែងតែទៅទស្សនាកំសាន្តនៅតំបន់រម្មណីយដ្ឋានបារាយទឹកថ្លាខាងលិច ដែលមហាជនបានដាក់ឈ្មោះថ្មីថា ជាសមុទ្រសៀមរាប នៅទីនោះមានខ្យល់អាកាសបរិសុទ្ធសម្រាប់លំហែកាយា នឹងបានមើលថ្ងៃរៀបលិច ឬក៏ងូតទឹកលេងយ៉ាងសប្បាយរីករាយឥតឧបមា ហើយគេសង្កេតឃើញថា មានក្រុមការងារអភិរក្សថែរក្សានៃអាជ្ញាធរជាតិអប្សរាប្រចាំតំបន់រម្មណីយដ្ឋានបារាយទឹកថ្លា ដែលជាកន្លែងបិតកភ័ណ្ឌជាតិសម្រាប់កូនចៅជំនាន់ក្រោយបានយល់បានស្គាល់ពីប្រវត្តិសាស្ត្រមួយនេះ ដោយមានភ្ញៀវជាតិ និងអន្តរជាតិយ៉ាងច្រើនកុះករមកទស្សនាកំសាន្ត នឹងស្វែងយល់ពីអរិយធម៍វប្បធម៍នៅបារាយទឹកថ្លាខាងលិចជាប់វត្តបារាយមហានទីរតនារាម ហៅវត្តស្វាយរមៀតប៉ែកខាងកើតឆៀងខាងត្បូងផងដែរ ដើម្បីបន្ធូរអារម្មណ័តានតឹងនៅទីនោះ។ តំបន់រម្មណីយដ្ឋានបារាយទឹកថ្លាខាងលិច ប៉ែកខាងកើតឆៀងខាងត្បូងជាប់វត្តបារាយមហានទីរតនារាម ហៅវត្តស្វាយរមៀត ជាប់ភូមិបន្ទាយឈើ សង្កាត់ទឹកវិល ក្រុងសៀមរាប ខេត្តសៀមរាប វាមានទទឹង ២.៥គីឡូម៉ែត្រ និងបណ្តោយ ៨គីឡូម៉ែត្រដែលជាកន្លែងប្រវត្តិសាស្ត្រដ៏យូលងណាស់មកហើយស្ថិតនៅក្រោមការគ្រប់គ្រងរបស់អាជ្ញាធរជាតិអប្សរា។ អាជ្ញាធរជាតិអប្សរា បានសំណូមពរឱ្យប្រជាពលរដ្ឋទាំងអស់ ដែលមកទស្សនាបារាយទឹកថ្លាខាងលិច សូមចូលរួមថែរក្សាបរិស្ថានទាំងអស់គ្នា ទុកដាក់សំរាមគ្រប់ប្រភេទឱ្យបានត្រឹមត្រូវ ចៀសវាងចោលសំរាមផ្តេសផ្តាស ពាសវាលពាសកាល ដូចជា ក្នុងទឹក លើដី តាមគុម្ពព្រៃជាដើម។ នៅពេលដែលថង់ប្លាស្ទិក ឬដបភេសជ្ជៈទាំងអស់ដែលបានប្រើប្រាស់រួចហើយ យើងត្រូវវេចខ្ចប់ទុកដាក់ឱ្យបានត្រឹមត្រូវ និងចោលនៅក្នុងធុងសំរាម ទើបអាចរក្សាបរិស្ថានបានស្អាតជានិច្ច លើកតម្លៃ ក៏ដូចជាការចូលរួមថែរក្សាបរិស្ថាននៅរមណីយដ្ឋាននេះផងដែរ ។ អាជ្ញាធរជាតិអប្សរាធ្វើបែបនេះ ក្នុងគោលបំណងដើម្បីថែរក្សាការពារឲ្យឧមានសណ្តាប់ធ្នាប់របៀបរៀបរយ អនាម័យល្អ បរិស្ថានស្អាត…

(ភ្នំពេញ)៖ លោក ហ្សូរាប ប៉ូលូលីកាសវីលី អគ្គលេខាធិការអង្គការទេសចរណ៍ពិភពលោក បានផ្ញើលិខិតសំដែងនូវការថ្លែងអំណរគុណ និងដឹងគុណយ៉ាងជ្រាលជ្រៅបំផុតជូនចំពោះសម្តេចតេជោ ហ៊ុន សែន និងរាជរដ្ឋាភិបាលកម្ពុជា សម្រាប់ការទទួលបដិសណ្ឋារកិច្ចដ៏វិសេសវិសាលចំពោះរូបលោក ក្នុងដំណើរទស្សនកិច្ចមកកាន់រាជធានីភ្នំពេញ នាឱកាសនៃកិច្ចប្រជុំគណៈកម្មការតំបន់របស់អង្គការទេសចរណ៍ពិភពលោក រួមទាំងសន្និសីទអន្តរជាតិនៃអង្គការទេសចរណ៍ពិភពលោកស្តីពីក្រមអន្តរជាតិសម្រាប់ការការពារភ្ញៀវទេសចរ និងកិច្ចពិភាក្សាតុមូលរបស់សមាជិកបុត្រសម្ព័ន្ធ។នៅក្នុងលិខិតរបស់លោក ហ្សូរាប ប៉ូលូលីកាសវីលី ដែលបណ្តាញព័ត៌មាន Fresh News ទទួលបាននៅថ្ងៃទី២៩ ខែមិថុនា ឆ្នាំ២០២៣នេះ បានឱ្យដឹងទៀតថា «ខ្ញុំក៏មានសេចក្តីសោមនស្សរីករាយក្រៃលែងដែលបានជួបសំដែងការគួរសមជាមួយ សម្តេច នៅវិមានសន្តិភាព ដើម្បីពិភាក្សាអំពីបញ្ហាយុទ្ធសាស្ត្រដែលមានផលប្រយោជន៍រួម ដូចជាការងើបឡើងវិញនៃឧស្សាហកម្មទេសចរណ៍ដែលរងផលប៉ះពាល់ពីជំងឺរាតត្បាតសកល និងសារៈសំខាន់នៃក្រមអន្តរជាតិសម្រាប់ការការពារភ្ញៀវទេសចរ»។លោក ក៏បានការប្ដេជ្ញាចិត្តនិងការប្រកាន់ខ្ជាប់របស់កម្ពុជាចំពោះក្រមអន្តរជាតិសម្រាប់ការការពារភ្ញៀវទេសចរ ព្រមជាមួយឆន្ទៈរបស់ប្រទេសកម្ពុជា ក្នុងការដឹកនាំការអនុម័តសេចក្តីប្រកាសភ្នំពេញស្តីពីក្រមអន្តរជាតិនេះទូទាំងតំបន់អាស៊ី និងប៉ាស៊ីហ្វិក គឺពិតជាគួរឱ្យស្ងើចសរសើរ។ ប្រទេសកម្ពុជា ពិតជានឹងធ្វើក្លាយជាគំរូក្នុងតំបន់ និងលើសពីនេះ ហើយនឹងរួមចំណែកយ៉ាងសំខាន់ក្នុងការជួយភ្ញៀវទេសចរក្នុងស្ថានភាពអាសន្ន ព្រមជាមួយការជំរុញកិច្ចខិតខំប្រឹងប្រែងរួមគ្នារបស់យើងទាំងអស់គ្នា ឆ្ពោះទៅរកការលើកកម្ពស់ទំនុកចិត្តរបស់អ្នកប្រើប្រាស់នៅក្នុងវិស័យទេសចរណ៍។លោក ហ្សូរាប ប៉ូលូលីកាសវីលី ក៏សូមអនុញ្ញាតឆ្លៀតយកឱកាសនេះដើម្បីបញ្ជាក់ឡើងវិញនូវការអញ្ជើញរបស់លោកជូនចំពោះ សម្តេចតេជោ ដើម្បីចូលរួមមហាសន្និបាតលើកទី២៥ របស់អង្គការទេសចរណ៍ពិភពលោក ដែលនឹងប្រព្រឹត្តទៅនៅទីក្រុងសាម៉ាកាន (Samarkand) ប្រទេសយូបេគីស្ថាន (Uzbekistan) ចាប់ពីថ្ងៃទី១៦-២០ ខែតុលា ឆ្នាំ២០២៣។ លោកមានជំនឿយ៉ាងមុតមាំថា…

សៀមរាប៖ ក្នុងឱកាសដឹកនាំគណៈប្រតិភូ និងដៃគូវិស័យឯកជន​ ទស្សនកិច្ចនៅសហគមន៍ព្រៃឈើចង្ក្រាន្តរយ ​ស្រុកវ៉ារិន ខេត្តសៀមរាប កាលពីថ្ងៃទី២៦ ខែមិថុនា ​រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ឌិត ទីណា បានជំរុញឱ្យសហគមន៍នេះ​ រៀបចំជាកញ្ចប់សេវាទេសចរណ៍ ដើម្បីទាក់ទាញភ្ញៀ​វទេសចរមកក​ម្សាន្តឱ្យកាន់តែច្រើនថែមទៀត។ ​ ​លោករដ្ឋមន្រ្តី បានលើកឡើង​ថា ការចុះពិនិត្យសក្តានុពលនៃតំបន់អភិវឌ្ឍសហគមន៍ព្រៃឈើចង្រ្កាន្តរយ​ ​ដើម្បីពិនិត្យមើលពីសក្តានុពលនៃការកែច្នៃ និងអភិវឌ្ឍតំបន់ការពារធនធានធម្មជាតិមួយនេះដោយផ្សារភ្ជាប់វិស័យកសិកម្ម ក្នុងការទាក់ទាញភ្ញៀវទេសចរមកកម្សាន្ត បន្ទាប់ពីតំបន់ប្រាសាទ។ យោងតាម​ក្រសួង​កសិកម្ម រុក្ខាប្រមាញ់ និងនេសាទ ​ឯកឧត្តម ឌិត ទីណា ក៏​បានណែនាំដល់ប្រជាសហគមន៍ត្រូ​វចេះថែរក្សាសមិទ្ធផលដែលទទួលបាន ហើយរួមគ្នាការពារ អភិរក្ស និងទាញប្រយោជន៍ពីធនធានព្រៃឈើ​របស់សហគមន៍ដែលក្រសួងបានប្រគល់ឱ្យ​តាមរយៈការបង្កើត​ រៀបចំ និងផ្តល់សេវាដល់ភ្ញៀវទេ​សចរ​ប្រកបដោយភាពគុណភាព និងភាពរួសរាយរាក់ទាក់ ដោយមិនសំដៅតែលើភ្ញៀវទេសចរអន្តរជាតិ។ ​ឯកឧត្តមបានថ្លែង​ថា ៖ «​សហគមន៍អាចរៀបចំជាកញ្ចប់សេវាទេសចរណ៍ មានការស្នាក់នៅ ម្ហូបអាហារ បន្លែ ត្រី សាច់ ដែលត្រូវបានដាំដុះ និងចិញ្ចឹមតាមបែបធម្មជាតិដល់ភ្ញៀវទេសចរណ៍ដែលមកលេងកម្សាន្ត ដែ​ល​ការងារនេះ នឹងអាចផ្តល់ប្រាក់ចំណូលជាប្រចាំ ឬតាមរដូវកាល បន្ថែមពីលើមុខរបរធ្វើស្រែចម្ការ»។ ដើម្បីឱ្យកិច្ចការនេះទទួលបានជោគជ័យ សហគមន៍ត្រូ​វមានភាពស្មោះត្រង់​…

ភ្នំពេញ៖រដ្ឋមន្រ្តីក្រសួងទេសចរណ៍ឯកឧត្តម ថោង ខុន បានផ្ដល់អនុសាសន៍ឱ្យអង្គសន្និបាតក្រសួងទេសចរណ៍លើកសំណើរគោរពជូនសម្ដេចតេជោនាយករដ្ឋមន្រ្តី ហ៊ុន សែន ដើម្បីស្នើសុំទុកអាកាសយានដ្ឋានអន្តរជាតិចាស់នៅខេត្តសៀមរាប សម្រាប់ធ្វើជាសាលសន្និសីទ និងពិព័រណ៍អន្តរជាតិ ដែលរួមចំណែកដល់ការទាក់ទាញភ្ញៀវទេសចរ។ឯកឧត្តមបានលើកឡើងបែបនេះ នៅក្នុងពិធីបិទសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជាក្នុងនិងក្រោយវិបត្តិជំងឺកូវីដ១៩ ឆមាសទី២ ឆ្នាំ២០២២ ឆមាសទី១ ឆ្នាំ២០២៣ និងលើកទិសដៅអនុវត្តបន្ត ឆ្នាំ២០២៣-២០២៤។ សន្និបាតនេះធ្វើឡើងរយៈពេល២ថ្ងៃ ចាប់ពីថ្ងៃទី២១-២២ ខែមិថុនា ឆ្នាំ២០២៣ នៅសណ្ឋាគាររ៉េស៊ីដង់សុខាភ្នំពេញ។ នេះបើតាមការចុះផ្សាយរបស់ក្រសួងទេសចរណ៍។ នាឱកាសនោះឯកឧត្តម ថោង ខុន បានផ្ដល់អនុសាសន៍ឱ្យអង្គសន្និបាតក្រសួងទេសចរណ៍លើកសំណើរគោរពជូនសម្ដេចតេជោ ហ៊ុន សែន នាយករដ្ឋមន្រ្តីកម្ពុជា ដើម្បីស្នើសុំទុកអាកាសយានដ្ឋានអន្តរជាតិចាស់នៅខេត្តសៀមរាប ធ្វើជាសាលសន្និសីទ និងពិព័រណ៍អន្តរជាតិ ក្រោយពេលអាកាសយានដ្ឋានអន្តរជាតិសៀមរាប-អង្គរដាក់ឱ្យដំណើរជាផ្លូវការ។លោកក៏បានផ្ដល់អនុសាសន៍ឱ្យអង្គសន្និបាតក្រសួងទេសចរណ៍លើកសំណើរគោរពជូនប្រមុខរាជរដ្ឋាភិបាល ដើម្បីពិនិត្យលទ្ធភាពសាងសង់ពហុកីឡដ្ឋានមួយនៅទីតាំងក្បែរនោះ ឬទីតាំងសមស្របណាមួយ ដើម្បីបង្កើនផលិតផលទេសចរណ៍ រៀបចំព្រឹត្តិការណ៍ទេសចរណ៍ រួមចំណែកដល់ការទាក់ទាញភ្ញៀវទេសចរទៅកាន់ខេត្តសៀមរាប។បើតាមការគ្រោងទុក នាខែតុលា ឆ្នាំ២០២៣ខាងមុខនេះ អាកាសយានដ្ឋានអន្តរជាតិសៀមរាប-អង្គរនឹងត្រូវបើកដំណើរការជាផ្លូវហើយ។ អាកាសយានដ្ឋានថ្មីនេះបានចាប់ផ្តើមសាងសង់កាលពីខែមីនា ឆ្នាំ២០២០ ដោយក្រុមហ៊ុន Angkor International Airport Investment (Cambodia) Co.,Ltd ហៅកាត់ AIAI…