ភ្នំពេញ៖ ទោះបីជាខ្ចាត់ព្រាត់ទៅក្រៅប្រទេស តែទណ្ឌិតរត់ចោលគុក សម រង្ស៊ី ដែលកំពុងមានទោសជាប់ខ្លួនដោយសារទង្វើក្បត់ជាតិរបស់ខ្លួននៅតែបន្តក្បត់ជាតិ និងប្រជាជនកម្ពុជា និងបន្តធ្វើនយោបាយចងអាឃាតប្រឆាំងនឹងជាតិ និងប្រជាជនកម្ពុជាដដែល។ កាលពីថ្ងៃទី១៦ ខែតុលា ឆ្នាំ២០២២ ជនក្បត់ជាតិ ៣ជំនាន់សម រង្ស៊ី បានប្រកាសពីផែនខុសច្បាប់ក្នុងគោលបំណងផ្តួលរំលំរាជរដ្ឋាភិ បាលនៅឆ្នាំ២០២៣ និងបានញុះញង់កងកម្លាំងប្រដាប់អាវុធ ឱ្យបះបោរ ព្រមទាំងបានប្រមាថដោយអសីលធម៌ចំពោះ សម្ដេចតេជោនាយករដ្ឋមន្ត្រី ដែលជាស្ថាបនិកសន្តិភាព អគ្គមគ្គុទ្ទេសក៏ឯកនយោបាយឈ្នះឈ្នះ ជាទីគោរពស្រឡាញ់របស់ប្រជាពលរដ្ឋកម្ពុជាគ្រប់រូប។ នេះមិនមែនជាលើកទី១ ទេ ដែលទណ្ឌិតក្បត់ជាតិនេះចេញផែនការញុះញង់ និងមានចេតនាទុច្ចរិតក្នុងការប្រើប្រាស់បដិវត្តន៍ពណ៌ និងមធ្យោបាយខុសច្បាប់ មិនស្របតាមគោលការណ៍លទ្ធិប្រជាធិបតេយ្យដើម្បីបំផ្លាញខ្មែរ និងប៉ុនប៉ងឡើងកាន់អំណាចដោយខុសច្បាប់ តែជាផែនការជាបន្តបន្ទាប់ដែលទណ្ឌិត សម រង្ស៊ី បានដាក់ចុះដើម្បីបំពេញមហិច្ឆតាអំណាចរបស់ខ្លួន និងធ្វើនយោបាយចងអាឃាតនឹងជាតិសាសន៍ឯងដូចខ្មោចជីតា និងខ្មោចឪរបស់ខ្លួនដែលជាជនក្បត់ជាតិ ក្បត់ព្រះមហាក្សត្រ ដោយគ្មានការអៀនខ្មាស សូម្បីប៉ុនសសៃសក់។ នេះគឺជាសែស្រឡាយឈាមជ័រជនក្បត់ជាតិតពីជីតារហូតដល់ចៅ។ ប៉ុន្តែផែនការក្បត់ជាតិទាំងនេះតែងត្រូវបានវាយបំបាក់ទាន់ពេលវេលា ព្រោះតែទេវតាថែរក្សាប្រទេសកម្ពុជាមិនអាចអនុញ្ញាតឱ្យមនុស្សបែបវិកលចរិតដូចទណ្ឌិត សម រង្ស៊ី ធ្វើអ្វីបានស្រេចតែចិត្តដើម្បីបំផ្លិចបំផ្លាញជាតិនិងប្រជាជនកម្ពុជាឡើយ។ ចំពោះមុខផែនការក្បត់ជាតិ និងដើម្បីរក្សាបាននូវសន្តិភាព ការអភិវឌ្ឍដែលរកបានមកដោយពិបាកនេះ រាជរដ្ឋាភិបាល កម្ពុជាស្របច្បាប់ដែលប្រសូតចេញពីការបោះឆ្នោតដោយត្រឹមត្រូវនិងយុត្តិធម៌ដោយមានការគាំទ្រពីប្រជាពលរដ្ឋកម្ពុជាច្រើនលើសលប់ បានប្រកាសចាត់វិធានការហ្មឺងម៉ាត់ប្រឆាំងនឹងក្រុមជនក្បត់ជាតិនិងបក្ខពួក ដោយមិនអនុញ្ញាតឱ្យពួកគេធ្វើអ្វីស្រេចតែចិត្តនឹងអំពើចុត្ត និងយកជាតិនិងប្រជាជនកម្ពុជាទៅធ្វើជាចំណាប់ខ្មាំងឡើយ។ សម្តេចតេជោ…

ភ្នំពេញ៖ ប្រមុខការពារជាតិកម្ពុជា សម្តេចពិជ័យសេនា ទៀ បាញ់ បានបញ្ជាក់ថា ការផ្តួលរំលំណាមួយដែលកើតឡើងក្រៅពីការបោះឆ្នោត គឺថាមិនអាចឱ្យមានកើតឡើងនៅក្នុងព្រះរាជាណាចក្រកម្ពុជាបានជាដាច់ខាត និងមិនអត់ឱនឱ្យជាដាច់ខាត។ ការបញ្ជាក់នេះ បានធ្វើឡើងបន្ទាប់ពីទណ្ឌិត សម រង្ស៊ី មេក្រុមឧទ្ទាមជាពូជក្បត់ជាតិ៣ជំនាន់ ដែលបានចេញសេចក្ដីថ្លែងការណ៍ និងគម្រោងថ្មី តាមរយៈខ្លីបវីដេអូនាពេលថ្មីៗនេះ ក្នុងគោលបំណងផ្ដួលរំលំរាជរដ្ឋាភិបាលនៅឆ្នាំ២០២៣ និងបានញុះញង់កងកម្លាំងប្រដាប់អាវុធឱ្យធ្វើការបះបោរ ព្រមទាំងបានប្រមាថដោយអសីលធម៌ចំពោះ សម្តេចតេជោនាយករដ្ឋមន្ត្រី ដែលជាស្ថាបនិកនៃ សន្តិភាព និងជាទីគោរពស្រលាញ់របស់ប្រជាពលរដ្ឋកម្ពុជាគ្រប់រូប។ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានមានប្រសាសន៍បញ្ជាក់ប្រាប់ AMS កាលពីល្ងាចថ្ងៃទី១៧ ខែតុលានេះថា ឱ្យតែអ្នកណាមួយមកប៉ះពាល់រដ្ឋាភិបាលស្របច្បាប់ គឺមិនបានជាដាច់ខាត និងមិនអត់ឱ្យឱ្យជាដាច់ខាត ហើយមិនឱ្យប៉ះពាលរដ្ឋាភិបាលបានជាដាច់ខាត និងប្រើអ្វីៗគ្រប់បែបយ៉ាងទាំងអស់ដើម្បីការពាររដ្ឋាភិបាលស្របច្បាប់ ការពាររដ្ឋធម្មនុញ្ញ ការពារព្រះមហាក្សត្រ។ ប្រមុខការពារជាតិបានបញ្ជាក់ទៀតថា ដូច្នេះការផ្តួលរំលំណាមួយដែលកើតឡើងក្រៅពីការបោះឆ្នោត គឺថាមិនអាចឱ្យមានកើតឡើងនៅក្នុងព្រះរាជាណាចក្រកម្ពុជាបានជាដាច់ខាត។ រឿងអ្វីដែលមិនមានការពិតទេ ទណ្ឌិត សម រង្ស៊ី ជាពូជក្បត់ជាតិ៣ជំនាន់ ប្រឌិតឡើងដើម្បីជាការទាក់ទាញ ហើយកិច្ចការងារនេះ គឺសមត្ថកិច្ចក៏ដូចជាកម្លាំងប្រដាប់អាវុធ គឺបានចេញមកថ្កោលទោសប្រឆាំងចំពោះទណ្ឌិត សម រង្ស៊ី។ សូមជម្រាបថា…

ភ្នំពេញ៖ នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធ ហត្ថលើផ្ទៃប្រទេសនិងកងរាជអាវុធហត្ថទូទាំងប្រទេសប្រកាសប្រឆាំងដាច់ខាតនិងថ្កោលទោសដាច់អហង្ការចំពោះសម្ដីរបស់ទណ្ឌិត សម រង្ស៉ី មេក្រុមឧទ្ទាម ជាពូជក្បត់ជាតិ៣ជំនាន់ ប្រឆាំងរាជរដ្ឋាភិបាលស្របច្បាប់ ដែលបានចេញសេចក្ដីថ្លែងការណ៍និងគម្រោងថ្មីតាមរយៈឃ្លីបវីដេអូនាក្នុងគោលបំណងផ្តួលរំលំរាជរដ្ឋាភិបាលឆ្នាំ២០២៣ និងបានញុះញង់កងកម្លាំងប្រដាប់អាវុធ ឱ្យធ្វើការបះបោរ ព្រមទាំងបានប្រមាថដោយអសីលធម៌ចំពោះ សម្ដេចតេជោ នាយករដ្ឋមន្ត្រី ដែលជាស្ថាបនិកសន្តិភាពនិងជាទីគោរពស្រលាញ់របស់ប្រជាពលរដ្ឋកម្ពុជាគ្រប់រូប។ តាមរយៈញត្តិថ្កោលទោស នៅរសៀលថ្ងៃទី១៧ ខែតុលា ឆ្នាំ២០២២នេះ បានបញ្ជាក់ថា៖យើងខ្ញុំជានាយទាហាន និងនាយទាហានរងនៃកងរាជអាវុធហត្ថទាំងមូល សូមប្រឆាំងដាច់ អហង្ការនិងថ្កោលទោសទណ្ឌិត សម រង្ស៊ី មានប្រវត្តិពូជអម្បូរក្បត់ជាតិតជំនាន់។ ទណ្ឌិតនេះ បានចេញសេចក្តីថ្លែងការណ៍ តាមឃ្លីបវីដេអូ ក្នុងន័យញុះញង់ បំបែកបំបាក់ ប្រឆាំងនឹងច្បាប់រដ្ឋធម្មនុញ្ញន ព្រះរាជាណាចក្រកម្ពុជា នាំប្រទេសកម្ពុជាឆ្ពោះទៅរក​សង្គ្រាមសាជាថ្មី។ យើងខ្ញុំទាំងអស់គ្នាជាកងរាជអាវុធហត្ថ ត្រៀមខ្លួនរួចជាស្រេច ដើម្បីអនុវត្តតួនាទី ភារកិច្ចការពារ សន្តិភាព សន្តិសុខ សណ្តាប់ធ្នាប់ ពង្រឹងការអនុវត្តច្បាប់ ជាពិសេសបង្ក្រាបទណ្ឌិត សម រង្ស៊ីតាមសាលក្រមតុលាការដែលនៅជាធរមាន។ កងរាជអាវុធហត្ថប្តេជ្ញាការពារដោយស្មោះត្រង់បំផុតចំពោះរាជរដ្ឋាភិបាលដែលកំពុងដឹកនាំដោយសម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជា​ណាចក្រកម្ពុជា…

ភ្នំពេញ៖ ថ្នាក់ដឹកនាំ និងមន្ត្រីរាជការនៃក្រសួងការងារ និងបណ្តុះបណ្តាលវិជ្ជាជីវៈ បានធ្វើញ្ញត្តិប្រឆាំងដាច់ខាត និងថ្កោលទោសដាច់អហង្ការចំពោះសម្ដីរបស់ទណ្ឌិត សម រង្ស៊ី មេក្រុមឧទ្ទាមជាពូជក្បត់ជាតិ៣ជំនាន់ ប្រឆាំងរាជរដ្ឋាភិបាលស្របច្បាប់ ដែលបានចេញសេចក្ដីថ្លែងការណ៍ និងគម្រោងថ្មី តាមរយៈឃ្លីបវីដេអូនាពេល ថ្មីៗនេះ ក្នុងគោលបំណងផ្ដួលរលំរាជរដ្ឋាភិបាលនៅឆ្នាំ២០២៣ និងបានញុះញង់កងកម្លាំងប្រដាប់អាវុធឱ្យធ្វើ ការបះបោរ ព្រមទាំងបានប្រមាថដោយអសីលធម៌ចំពោះ សម្តេចតេជោនាយករដ្ឋមន្ត្រី ដែលជាស្ថាបនិកនៃសន្តិភាព និងជាទីគោរពស្រលាញ់របស់ប្រជាពលរដ្ឋកម្ពុជាគ្រប់រូប។ នេះបើយោងតាមញ្ញត្តិថ្កោលទោសនៅថ្ងៃទី១៧ ខែតុលា ឆ្នាំ២០២២។ ថ្នាក់ដឹកនាំ និងមន្ត្រីរាជការនៃក្រសួងការងារ និងបណ្តុះបណ្តាលវិជ្ជាជីវៈ ប្រឆាំងដាច់ខាតចំពោះសេចក្តីថ្លែងការណ៍ និងគម្រោងខុសច្បាប់របស់ ទណ្ឌិត សម រង្ស៊ី មេក្រុមឧទ្ទាមជាពូជក្បត់ជាតិ៣ជំនាន់ និងបក្សពួកដែលចង់ធ្វើបដិវត្តពណ៌ បំផុសបំផុល បង្កចលាចលក្នុងសង្គម និងមានចេតនាបំផ្លាញសន្តិភាពដែលរកបានមកដោយលំបាក។ ញ្ញត្តិថ្កោលទោសបានបញ្ជាក់ថា “យើងខ្ញុំទាំងអស់គ្នាប្តេជ្ញាដាច់ខាត ការពាររដ្ឋធម្មនុញ្ញ ការពាររាជរដ្ឋាភិបាលស្របច្បាប់ ការពារសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងក្រុមគ្រួសារ គាំទ្រ ឯកឧត្តម ហ៊ុន ម៉ាណែត…

ភ្នំពេញ៖ ពិធីផ្ទេរតំណែងរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នឹងប្រព្រឹត្តទៅនៅរសៀលថ្ងៃទី១៧ ខែតុលា ឆ្នាំ២០២២ ក្រោមអធិបតីភាពឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់តែងតាំងមុខតំណែងឯកឧត្តម ឌិត ទីណា ជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។ នេះបើយោងតាមព្រះរាជក្រឹត្យចុះថ្ងៃទី១៤ ខែតុលា ឆ្នាំ២០២២។ ការចេញព្រះរាជក្រឹត្យនេះ បានធ្វើឡើងបន្ទាប់ពីរដ្ឋសភាបានបោះឆ្នោតផ្តល់សេចក្តីទុកចិត្តរបស់រដ្ឋសភាលើការបំពេញបន្ថែមសមាសភាពសមាជិកនៃរាជរដ្ឋាភិបាលដល់ឯកឧត្តម ឌិត ទីណា ជារដ្ឋមន្ត្រីក្រសួងកសិកម្ម រុក្ខា ប្រមាញ់ និងនេសាទ កាលពីព្រឹកថ្ងៃទី១៤ ខែតុលា ឆ្នាំ២០២២ ដោយសំឡេងគាំទ្រ១១១សំឡេង។ គួរបញ្ជាក់ថា ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃ ព្រះរាជាណាចក្រកម្ពុជា កាលពីថ្ងៃទី៨ ខែតុលា ឆ្នាំ២០២២ បានចេញព្រះរាជក្រឹត្យត្រាស់បង្គាប់បញ្ចប់មុខតំណែងឯកឧត្តម…

ភ្នំពេញ៖ ឯកឧត្តម ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌បានមានប្រសាសន៍ប្រាប់ AMS នៅថ្ងៃទី១៥ ខែតុលានេះថា ប្រព័ន្ធយុត្តិធម៌បារាំង និងប្រព័ន្ធយុត្តិធម៌នៅកម្ពុជា គឺមិនខុសគ្នាទេហើយជាពិសេស ក្រុមព្រហ្មទណ្ឌរបស់កម្ពុជា គឺយកចេញពីក្រមព្រហ្មទណ្ឌរបស់បារាំង ដោយអ្នករៀបចំឱ្យ គឺអ្នកជំនាញការបារាំង វាអត់មានអីខុសគ្នា។​ ក៏ប៉ុន្តែគ្រាន់តែការសម្រេចសេចក្តីរបស់តុលាការគឺមិនដូចគ្នាទេ។ ការសម្រេចសេចក្តីរបស់តុលាការវាជាអំណាចឆន្ទានុសិទ្ធិរបស់ចៅក្រម ដោយផ្អែកទៅលើអង្គហេតុ និងអង្គច្បាប់ នៃសំណុំរឿងនីមួយៗ។ អ្នកនាំពាក្យក្រសួងយុត្តិធម៌បានលើកឡើងថា “មិនមែនតុលាការបារាំងគេសម្រចអ៉ឺចឹងតុលាការខ្មែរត្រូវសម្រេចដូចគ្នាដែរទេ។ អង្គហេតុ អង្គច្បាប់ មូលដ្ឋាននៃការសម្រេចសំណុំរឿងនីមួយៗ មិនអត់ដូចគ្នាទេ។ វាជាអំណាច ឆន្ទានុសិទ្ធិរបស់តុលាការដែលជាស្ថាប័នឯករាជ្យតាមប្រទេសនីមួយៗ”។ ការបញ្ជាក់របស់អ្នកនាំពាក្យក្រសួងយុត្តិធម៌បានធ្វើឡើងបន្ទាប់ពីមានក្រុមអ្នកវិភាគនយោបាយមួយចំនួនបានលើកឡើងថាតុលាការនៅប្រទេសកម្ពុជាគួរយកគំរូតាមតុលាការបារាំងក្នុងការកាត់ក្ដីសំណុំរឿងទាក់ទងទៅនឹងសេរីភាពបញ្ចេញមតិដូចរឿងក្ដីរបស់លោក សម រង្ស៊ី និងសម្តេចតេជោហ៊ុនសែននាយករដ្ឋមន្ត្រីកម្ពុជាកាលពីពេលថ្មីៗនេះ។ដោយ៖ពលជ័យ

ភ្នំពេញ៖ ឯកឧត្តម បណ្ឌិត ហ៊ុន ម៉ាណែត បេក្ខភាពនាយករដ្ឋមន្ត្រីនាពេលអនាគត បានមានប្រសាសន៍សង្កត់ធ្ងន់ថា ធ្វើជាមេដឹកនាំពេលខ្លះត្រូវហ៊ានអារកាត់ ដើម្បីដោះស្រាយបញ្ហាធំ ប៉ុន្តែការអារកាត់ត្រូវឈរលើមូលដ្ឋាន នៃផលប្រយោជន៍ជាតិនិងប្រជាពលរដ្ឋជាធំ។ ការបញ្ជាក់នេះ ក្នុងពិធីសម្ពោធដាក់ឱ្យប្រើប្រាស់ជាផ្លូវការមហាប្រាសាទព្រះគន្ធកុដិ និងសមិទ្ធផលនានា ក្នុងវត្តវេទ្បុវ័ន ស្ថិតក្នុងឃុំព្រែកថ្មី ស្រុកកោះធំ ខេត្តកណ្តាល កាលពីព្រឹកថ្ងៃទី១៥ ខែតុលា ឆ្នាំ២០២២។ ឯកឧត្តម បណ្ឌិត ហ៊ុន ម៉ាណែត បានមានប្រសាសន៍យ៉ាងដូច្នេះថា “ធ្វើមេដឹកនាំពេលខ្លះត្រូវអារកាត់ តែអារកាត់អីដើម្បីបានផលប្រយោជន៍ធំ សូម្បីតែនយោបាយឈ្នះ-ឈ្នះ ក៏មានទស្សនៈខុសគ្នាដែរ អ្នកខ្លះគាត់ខ្លះ គណបក្សប្រជាជនកម្ពុជាពេលនឹងកាន់ ៨០% រួចទៅហើយក្នុងដៃ ទ័ពលុយក្នុងប្រទេសរាប់សិបចាំបាច់ឲ្យខ្មែរក្រហមចូលធ្វើអីឲ្យផលប្រយោជន៍ទៅគេធ្វើអី យើងវ៉ៃកម្ទេចចោលតែម្តងទៅ វ៉ៃឲ្យអស់ហ្មងទៅ មិ​នបាច់ចែកអំណាច មិនបាច់ចែកសិទ្ធិ។ សម្តេចតេជោប្រកាន់ជំហរច្បាស់ថា ពិតណាស់យើងត្រូវលះបង់ផលប្រយោជន៍មួយចំនួនដើម្បីឲ្យទៅភាគីខ្មែរក្រហម ទឹកដីមួយចំនួនដែលគាត់ធ្លាប់គ្រប់គ្រងឲ្យគាត់បន្តគ្រប់គ្រងទៀតចុះ កងពលមួយចំនួនដែលគាត់គ្រប់គ្រង មេទ័ពឲ្យគាត់បំពាក់ចុះ វាអត់ខាតទេរបស់ខ្មែរយើងតា តែបើឲ្យយើងទៅលើកទ័ពវ៉ៃកម្ទេចគាត់ ខ្មែរកំទេចខ្មែរ មិនដឹងពេលណាបានចប់”។ បេក្ខភាពនាយករដ្ឋមន្ត្រីនាពេលអនាគតបានបញ្ជាក់ថា “ពេលខ្លះត្រូវអារកាត់ តែអារកាត់យកអីជាធំ យកប្រជាពលរដ្ឋជាធំ អញ្ចឹងអ្នកដែលមិនសប្បាយចិត្តនយោបាយឈ្នះឈ្នះគាត់រិះគន់មេចទៅ ប៉ុន្តែទៅបំផុតផលបានទាំងអស់គ្នា យើងសុខសប្បាយ…

ភ្នំពេញ៖ ឯកឧត្តម បណ្ឌិត ហ៊ុន ម៉ាណែត បានសម្តែងនូវការសោកស្តាយ និងមរណទុក្ខដ៏ក្រៀមក្រំជាទីបំផុតជូនចំពោះក្រុមគ្រួសារនៃសព ក៏ដូចជាប្រជាពលរដ្ឋនៅទូទាំងស្រុកលើកដែក ខេត្តកណ្តាល ចំពោះការបាត់បង់នូវកូនក្មួយសិស្សានុសិស្សជាទីស្រលាញ់ក្នុងឧបទ្ទវហេតុលិចទូកដ ក្នុងភូមិកោះចំរើន ឃុំកំពង់ភ្នំ ស្រុកលើកដែក កាលពីយប់ថ្ងៃទី១៣ ខែតុលា ឆ្នាំ២០២២ កន្លងទៅ។ ឯកឧត្តមបណ្ឌិត ហ៊ុន ម៉ាណែត ក៏បានឧទ្ទិសបួងសួងឱ្យវិញ្ញាណក្ខន្ធរបស់ក្មួយៗ បានទៅកាន់សុគតិភពកុំបីឃ្លៀងឃ្លៀតទ្បើយ។ ការសម្តែងការសោកស្តាយនេះ ក្នុងពិធីសម្ពោធដាក់ឱ្យប្រើប្រាស់ជាផ្លូវការមហាប្រាសាទព្រះគន្ធកុដិ និងសមិទ្ធផលនានា ក្នុងវត្តវេទ្បុវ័ន ស្ថិតក្នុងឃុំព្រែកថ្មី ស្រុកកោះធំ ខេត្តកណ្តាល កាលពីព្រឹកថ្ងៃទី១៥ ខែតុលា ឆ្នាំ២០២២។ ករណីលិចទូកដស្ថិតនៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល កាលពីយប់ថ្ងៃទី១៣ ខែតុលា ឆ្នាំ២០២២ បានបណ្តាលឱ្យសិស្សានុសិស្សចំនួន ១១នាក់បានស្លាប់ និងចំនួន៤នាក់ទៀតត្រូវបានជួយសង្គ្រោះ។ ទាក់ទងករណីនេះ មនុស្សចំនួន ៣នាក់ ដែលជាម្ចាស់អាជីវកម្មទូកដ ស្ថិតនៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល ត្រូវបានឃាត់ខ្លួនពាក់ព័ន្ធករណីលិចទូកដបណ្តាលឱ្យក្មេងៗសិស្សសាលាស្លាប់ចំនួន ១១នាក់ និង៤នាក់ ជួយសង្គ្រោះរួចផុតពីការស្លាប់។ នេះបើតាមការបញ្ជាក់របស់លោកឧត្តមសេនីយ៍ទោ…

ភ្នំពេញ៖ ឯកឧត្តម បណ្ឌិត ហ៊ុន ម៉ាណែត បានបញ្ជាក់ថា សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា តែងបានតម្កល់ផលប្រយោជន៍របស់ប្រជាពលរដ្ឋជាកត្តាអាទិភាពចម្បង ហើយតែងនៅបម្រើការពារក្នុងគ្រប់កាលៈទេសៈ ដោយមិនដែលមានពេលម្តងណាបានរត់ចោល និងបោះបង់ប្រជាពលរដ្ឋឡើយ។ ការលះបង់ដ៏ធំធេងនេះ បានធ្វើឱ្យប្រជាពលរដ្ឋមានការស្រលាញ់ គាំទ្រ និងជឿជាក់លើ សម្តេចតេជោ ជារៀងរហូតមក។ ដរាបណាប្រជាជនកម្ពុជានៅតែគោរពស្រឡាញ់ និងផ្តល់ការទុកចិត្តមកលើគណបក្សប្រជាជនកម្ពុជា នោះសម្តេចតេជោ និងមន្ត្រីគណបក្សគ្រប់ជាន់ថ្នាក់ នឹងនៅតែស្មោះត្រង់ បម្រើ និងការពារប្រជាពលរដ្ឋ និងប្រទេសជាតិឱ្យបានសុខសាន្ត និងមានការអភិវឌ្ឍរីកចម្រើនលូតលាស់ជឿនលឿនទៅមុខ ជាពិសេសបន្តរួមគ្នាកលើកម្ពស់មោទនភាព និងកិត្យានុភាពជាតិឱ្យកាន់តែខ្ពស់ទ្បើងល្បីល្បាញលើឆាកអន្តរជាតិ។ ការបញ្ជាក់នេះ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការមហាប្រាសាទព្រះគន្ធកុដិ និងសមិទ្ធផលនានា ក្នុងវត្តវេទ្បុវ័ន ស្ថិតក្នុងឃុំព្រែកថ្មី ស្រុកកោះធំ ខេត្តកណ្តាល កាលពីព្រឹកថ្ងៃទី១៥ ខែតុលា ឆ្នាំ២០២២។ ឯកឧត្តម បណ្ឌិត ហ៊ុន ម៉ាណែត បានបញ្ជាក់ទៀតថា គណបក្សប្រជាជនកម្ពុជា តែងបានដុសខាត់ខ្លួនជាប់ជាប្រចាំ ដើម្បីបង្កើនប្រសិទ្ធភាពក្នុងការបម្រើប្រជាពលរដ្ឋ និងព្យាយាមកែប្រែ និងបំពេញនូវភាពចន្លោះប្រហោងក្នុងការអនុវត្តការងារទាំងទ្បាយ ដើម្បីធានានូវការស្រលាញ់ពេញចិត្តពីប្រជាពលរដ្ឋម្ចាស់ស្រុក ហើយក៏នៅតែបន្តប្រកាន់នូវការអនុវត្តគោលនយោបាយប្រកបដោយធម៌ តាមរយៈការផ្តល់សិទ្ធិសេរីភាព…

ភ្នំពេញ៖យើងខ្ញុំទាំងអស់គា្នជាថ្នាក់ដឹកនាំ និងមន្ដ្រីរាជការនៃក្រសួងបរិស្ថាន សូមសម្តែង​នូវសេចក្តីសោមនស្សរីករាយយ៉ាង ក្រៃលែងនិងអំណរសាទរអស់ពីដួងចិត្តជូនចំពោះឯកឧត្តមក្នុងឱកាសដែលឯកឧត្តមត្រូវបានព្រះករុណាព្រះមហាក្សត្រនៃព្រះរាជា​ណាចក្រកម្ពុជា ទ្រង់ប្រោសព្រះរាជទានត្រាស់បង្គាប់តែងតាំងជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។ ការផ្តល់ទំនុកចិត្ត និងការតែងតាំងនេះ សបញ្ជាក់ពីស្នាដៃ សកម្មភាព ការខិតខំប្រឹងប្រែងអស់ពី កម្លាំងកាយ ចិត្ត បញ្ញានិងស្មារតីតម្កល់ឧត្តមប្រយោជន៍ជាតិ និងប្រជាពលរដ្ឋជាធំរបស់ឯកឧត្តមរដ្ឋមន្រ្តីក្នុងការរួមចំណែកអភិវឌ្ឍន៍ប្រទេសជាតិឱ្យកាន់តែរីកចម្រើនឥតឈប់ឈរនៃនយោបាយឈ្នះឈ្នះ និង ទស្សនវិស័យវែងឆ្ងាយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្តីនៃព្រះរាជាណាចក្រកម្ពុជាក្នុងការដឹកនាំនាវាកម្ពុជា ប្រកបដោយគតិបណ្ឌិត និងនាំមកនូវការបង្រួបបង្រួមជាតិ ផ្សះផ្សាជាតិ ឯកភាពជាតិ ឯកភាពទឹកដីស្ថិរភាព នយោបាយ និងសុខសន្តិភាពពេញលេញ ដែលជាមូលដ្ឋានគ្រឹះដ៏រឹងមាំនៃការអភិវឌ្ឍលើគ្រប់វិស័យ ដែលមិនធ្លាប់មានក្នុងប្រវត្តិសាស្ត្ររយៈ ពេលជាង ៥០០ឆ្នាំរបស់កម្ពុជា។ ឆ្លៀតក្នុងឱកាសដ៏ឧត្តុង្គឧត្តមនេះ ខ្ញុំសូមឧទ្ទិសបួងសួងដល់វត្ថុស័ក្ដិសិទ្ធិក្នុងលោក ទេវតា​រក្សាទឹកដី នៃព្រះរាជាណាចក្រកម្ពុជា គុណបុណ្យព្រះរតនត្រ័យ សូមតាមជួយប្រោះព្រំសព្ទសាធុការពរជ័យជូនចំពោះ ឯកឧត្តមរដ្ឋមន្ត្រី និងលោកជំទាវ ព្រមទាំងប្រុសស្រី សូមប្រកបដោយសុខភាពល្អបរិបូរណ៍ បញ្ញាវាងវៃ អាយុ យ៉ឺនយូរ និងសូមប្រកបដោយពុទ្ធពរទាំងបួនប្រការគឺ អាយុ វណ្ណ សុខ ពលៈ កុំបីឃ្លៀងឃ្លាតឡើយ។ សូមឯកឧត្តមរដ្ឋមន្ត្រី មេត្តាទទួលនូវសេចក្តីគោរពពីយើងខ្ញុំទាំងអស់គ្នា៕ តំណាងថ្នាក់ដឹកនាំ និងមន្ត្រីរាជការក្រសួងបរិស្ថាន