តុលាការ​បានប្រកាស​សាលក្រម​ផ្តន្ទាទោស​អតីត​ប្រធាន​គណបក្ស​ខ្មែរ​ក្រោក និង​បក្ខពួក​ចំនួនប្រាំមួយនាក់​ទៀត​ដាក់ពន្ធនាគារ​ក្នុង​ម្នាក់ៗ ពី ប្រាំមួយ ទៅប្រាំបួនឆ្នាំ ក្នុងករណី​ចូល​ប្លន់​ផ្ទះ​អ្នកលក់​ឡេ​តាម​អន​ឡាញ​ឈ្មោះ អ៊ា​ន សៀវ​ម៉ី កាលពី​ចុងឆ្នាំ​២០២១​។ ជនជាប់ចោទ​ទាំង​ប្រាំពីរនាក់ ត្រូវបាន​ចោទប្រកាន់​ពីបទ​លួច​មាន​ស្ថាន​ទម្ងន់ទោស បទ​សមគំនិត​ក្នុង​អំពើ​លួច​មាន​ស្ថាន​ទម្ងន់ទោស បទ​កាន់កាប់​អាវុធ​ដោយ​គ្មាន​ការអនុញ្ញាត និង​បទ​ក្លែង​ឯកសារ​សាធារណៈតាម​មាត្រា ២៩, មាត្រា ៣៥៣, មាត្រា ៣៥៧, មាត្រា ៤៩០ និង​មាត្រា ៦២៩ នៃ​ក្រមព្រហ្មទណ្ឌ​។ការប្រកាស​ផ្តន្ទាទោស​នេះ បានធ្វើ​ឡើង​នៅ​ព្រឹក​ថ្ងៃទី​២ ខែសីហានេះ។​

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី០១ ខែសីហា ឆ្នាំ២០២២នេះ បានផ្ញើសារលិខិតជូនលោក ហ្វីឌីណាន់ រ៉ូម៉ូលដេស ម៉ាកូស ជេអរ ប្រធានាធិបតីហ្វីលីពីន ដោយចូលរួមរំលែកទុក្ខចំពោះមរណភាពរបស់លោក ហ្វីដែល វាលដស រ៉ាម៉ូស អតីតប្រធានាធិបតីហ្វីលីពីន កាលពីថ្ងៃទី៣១ ខែកក្កដា ឆ្នាំ២០២២។

គោលជំហរ​របស់​អាស៊ាន​មិន​ប្រែប្រួល​ឡើយ​ គឺ​មិន​យក​ប្រទេស​ដៃគូ​ និង​មហាអំណាច​ណា​ដៃគូ​តែមួយ​ឡើយ​។ ​អាស៊ាន​មាន​ម​ជ្ឈ​ភាព និង​ឯករាជ្យ​របស់ខ្លួន ក្នុងការ​ដាក់ចេញ​គោលជំហរ និង​បទដ្ឋាន​ដើម្បីស្របតាមអាទិភាព​របស់​អាស៊ាន​។ ​ប្រទេស​ដៃ​នានា​ឬ​មហាអំណាច​នឹងមិន​យក​វេទិកា​ឬ​កិច្ចប្រជុំ​នាពេលខាងមុខ​ជាការ​ប​ន្ទច់បង្អាប់​នោះទេ​។ នេះ​ជាការ​បញ្ជាក់​របស់​ឯក​ឧ​ត្ត​ម គង់ ភោគ រដ្ឋលេខាធិការក្រសួងការបរទេស និង​សហប្រតិបត្តិការ​អន្តរជាតិ​និង​ជា​អ្នកនាំពាក្យ​សម្រាប់​កិច្ចប្រជុំ​រដ្ឋមន្ត្រីការបរទេស​អាស៊ាន​ បានបញ្ជាក់​ក្នុង​សន្និសីទ​សារព័ត៌​មាននៅ​រសៀល​ថ្ងៃទី​០១ ខែសីហា ឆ្នាំ​២០២២​នេះ នៅ​សណ្ឋាគារ​សុខា​។

សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានបញ្ជាក់ថា មន្រ្តីពាក់ព័ន្ធទាំងអស់មិនត្រូវសន្មតថា បញ្ហាប្រជាពលរដ្ឋដែលបានស្នើ ឬលើកឡើងមកនោះជារឿងតូចតាចឱ្យសោះ។ សម្ដេចបានណែនាំឱ្យថ្នាក់ដឹកនាំ និងសមាជិកក្រុមការងារដែលមានសមត្ថកិច្ចពាក់ព័ន្ធនឹងបញ្ហាណាមួយ សូមប្រមូល និងតាមដានបញ្ហាទាំងនោះឱ្យជាប់ ហើយអាចចុះទៅពិនិត្យបញ្ហានោះដោយផ្ទាល់ ដើម្បីជំរុញការដោះស្រាយមានប្រសិទ្ធភាព។

តាមកម្មវិធីដែលបានគ្រោងទុក បន្ទាប់ពីបើកផ្លូវការនៃកិច្ចប្រជុំរដ្ឋមន្រ្តីការបរទេសអាស៊ាន លើកទី៥៥ និងកិច្ចប្រជុំពាក់ព័ន្ធក្នុងក្របខ័ណ្ឌអាស៊ាន សម្តេចតេជោ ហ៊ុន សែន នឹងមានជំនួបដាច់ដោយឡែកជាមួយរដ្ឋមន្ត្រីការបរទេសនៃបណ្តាប្រទេសសំខាន់ៗមួយចំនួននៅវិមានសន្តិភាព មានដូចជា ឯកឧត្តម វ៉ាង យី រដ្ឋមន្ត្រីការបរទេស នៃសាធារណរដ្ឋប្រជាមានិតចិន។ លោកទាវ Penny Wong រដ្ឋមន្ត្រីការបរទេស នៃប្រទេសអូស្ត្រាលី។ ឯកឧត្តម ហាយ៉ាហ្សី យ៉ូហ្ស៊ីម៉ាសា រដ្ឋមន្ត្រីការបរទេសជប៉ុន រដ្ឋមន្ត្រីការបរទេស នៃសាធារណរដ្ឋអ៊ីស្លាមប៉ាគីស្ថាន និងឯកឧត្តម Josep BortellFontelles តំណាងជាន់ខ្ពស់ទទួលបន្ទុកកិច្ចកាបរទេស សន្តិសុខ នយោបាយ អនុប្រធានគណៈកម្មការអឺរ៉ុប។

រដ្ឋមន្រ្តីការបរទេស នៃប្រទេសសំខាន់ៗ ឬតំណាងចំនួន៣៧ប្រទស នឹងអញ្ជើញមកចូលរួមក្នុងកិច្ចប្រជុំរដ្ឋមន្រ្តីការបរទេសអាស៊ាន លើកទី៥៥ និងកិច្ចប្រជុំពាក់ព័ន្ធក្នុងក្របខ័ណ្ឌអាស៊ាន ពីថ្ងៃទី២៩ ខែកក្កដា ដល់ថ្ងៃទី០៥ ខែសីហា ឆ្នាំ២០២២ នៅរាជធានីភ្នំពេញ។ នេះបើតាមការបញ្ជាក់របស់ឯកឧត្តម ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ ថ្លែងប្រាប់ AMS នៅព្រឹកថ្ងៃទី០១ ខែសីហា ឆ្នាំ២០២២។

រដ្ឋមន្រ្តីការបរទេសរបស់ប្រទេសអូស្រ្តាលី លោកទាវ Penny Wong នឹងដឹកនាំគណៈប្រតិភូជាន់ខ្ពស់មកបំពេញទស្សនៈកិច្ចផ្លូវការនៅព្រះរាជាណាចក្រកម្ពុជា និងចូលរួមប្រជុំអាស៊ានការបរទេស ដែលកម្ពុជាធ្វើជាម្ចាស់ផ្ទះ ចាប់ពីថ្ងៃ០៣ ដល់ថ្ងៃទី០៦ ខែសីហា ឆ្នាំ២០២២ខាងមុខនេះ។

ថ្នាក់ដឹកនាំនិហសមាជិក-សមាជិកានៃ វេទិកាសន្តិភាពកម្ពុជា (Cambodia Peace Forum) បានប្រកាសគាំទ្រយ៉ាងពេញទំហឹងលើការធ្វើវិសោធនកម្មរដ្ឋធម្មនុញ្ញលើកទី១០ ដែលរដ្ឋសភាជាតិបានអនុម័តរួចនាថ្ងៃទី២៨ ខែកក្កដា ឆ្នាំ២០២២ ដើម្បីបម្រើឧត្ដមប្រយោជន៍ជាតិ ធានាដល់ស្ថាប័នជាតិ ជាពិសេសរាជរដ្ឋាភិបាលឱ្យមានដំណើរការប្រព្រឹត្តទៅដោយរលូន មិនមានការជាប់គាំង និងធានាបាននិរន្តរភាពនៅគ្រប់កាលៈទេសៈ ។

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអបអរសាទរ និងកោតសរសើរចំពោះកីឡាករ សំ យូដេត និងកីឡាករ វ៉ា មិថុនា ដែលទទួលបានមេដាយមាស ពីការប្រកួត World Police & Fire Games 2022 នៅប្រទេសហូឡង់។ នេះបើយោងតាមហ្វេសប៊ុកសម្តេចតេជោ ហ៊ុន សែន នៅរសៀលថ្ងៃទី៣០ ខែកកក្កដា ឆ្នាំ២០២២។

លោក ជីវ កត្តា ប្រធានគណបក្សខ្មែរស្រឡាញ់ជាតិ បានប្រកាសលាឈប់ពីគណបក្សខ្មែរស្រឡាញ់ជាតិ ចាប់ពីថ្ងៃទី៣០ ខែកក្តដា ឆ្នាំ២០២២ នេះតទៅ។ ការប្រកាសលាឈប់នេះ ត្រូវបានលោកជីវ កត្តា លើកហេតុផលថា “មូលហេតុនៃការលាឈប់ពីគណបក្សខ្មែរស្រឡាញ់ជាតិ គឺ ដោយសារខ្ញុំមើលឃើញអំពីការដឹកនាំដ៏ត្រឹមត្រូវរបស់សម្តេចអគ្គមហាសេនាបតីតេជោហ៊ុន សែន ជា ពិសេសនៅថ្ងៃការធ្វើវិសោធនកម្មរដ្ឋធម្មនុញ្ញនៃព្រះរាជាណាចក្រកម្ពុជា ដើម្បីជាផលប្រយោជន៍របស់ជាតិទាំងមូល”។ នេះបើយោងតាមសេចក្តីប្រកាសលាលែងរបស់លលោកជីវ កត្តា នៅថ្ងៃទី៣០ ខែកក្កដា ឆ្នាំ២០២២។