អ្នកនាំពាក្យក្រសួងព័ត៌មាន ឯកឧត្តម មាស សុភ័ណ្ឌ បានថ្លែងប្រាប់ AMS នៅព្រឹកថ្ងៃទី១៦ ខែមិថុនានេះថា បច្ចុប្បន្ននេះ សេចក្តីព្រាងច្បាប់សិទ្ធិទទួលព័ត៌មានបានបញ្ចប់កិច្ចពិភាក្សាក្នុងកម្រិតក្រុមការងារបច្ចេកទេស រវាងក្រសួងព័ត៌មាន និងក្រសួងយុត្តិធម៌ រួចរាល់ហើយ។ ក្រសួងព័ត៌មានក៏កំពុងរៀបចំឯកសារពាក់ព័ន្ធនឹងសេចក្ដីព្រាងច្បាប់នេះទៅតាមនីតិវិធី ដើម្បីស្នើសុំការសម្រេចក្នុងកិច្ចប្រជុំចុងក្រោយរវាងថ្នាក់ដឹកនាំ នៃក្រសួងទាំងពីរ និងអនុសាសន៍ណែនាំបន្ថែម សម្រាប់ការដាក់ស្នើសុំការអនុម័តលើសេចក្ដីព្រាងច្បាប់នេះ ទៅទីស្តីការគណៈរដ្ឋមន្ត្រី និងស្ថាប័ននីតិបញ្ញត្តិតាមនីតិវិធី។

លោក មុត ចន្ថា មនុស្សជំនិតរបស់លោក កឹម សុខា បានលាតត្រដាងអំពីអំពើក្បត់សម្ព័ន្ធភាព និងការប្រមាថមាក់ងាយជាន់ឈ្លីរបស់ទណ្ឌិត សម រង្ស៊ី មេក្លោងឧទ្ទាមក្រៅច្បាប់ គឺចាប់តាំងតែពីសមត្ថកិច្ចចាប់ខ្លួនលោក កឹម សុខា កាលពីយប់ថ្ងៃទី០៣ ខែកញ្ញា ឆ្នាំ២០១៧មកម៉្លេះ ហើយបានបកអាក្រាតអំពើក្បត់របស់ទណ្ឌិត សម រង្ស៊ី ជាច្រើនថែមទៀតផង។ នៅលើបណ្តាញសង្គមហ្វេសប៊ុករបស់លោកនៅថ្ងៃទី១៦ ខែមកិថុនានេះ លោក មុត ចន្ថា បានសរសេរថា លោក សម រង្ស៊ី បានក្បត់ឯកឧត្តម កឹម សុខា តាំងតែមួយថ្ងៃបន្ទាប់ពីគាត់ត្រូវបានចាប់ខ្លួន នៅយប់ថ្ងៃទី០៣ ខែកញ្ញា ឆ្នាំ២០១៧។

គណៈកម្មាធិការ​ជាតិ​រៀបចំ​ការបោះឆ្នោត​(​គ​.​ជ​.​ប​)​នៅថ្ងៃនេះ ​បានស្នើ​សុំ​អាជ្ញា​ធរមាន​សមត្ថកិច្ច​ធ្វើការ ស៊ើបអង្កេត និង​ចាត់វិធានការ​តាមច្បាប់​ជាបន្ទាន់​ចំពោះ​ទំព័រ​ហ្វេ​ស​បុក (Facebook) ឈ្មោះ “ វីរភាព សម រង្ស៊ី ” ដែល​បាន​បង្អួច​កេរ្តិ៍ឈ្មោះ គ​.​ជ​.​ប ថា ជា “ ចោរ គ​.​ជ​.​ប​…” ដើម្បី​ធានា​ឯករាជ្យភាព អព្យាក្រឹត សច្ចៈ យុត្តិធម៌ និង​តម្លាភាព របស់​សា្ថ​ប័ន​ជាតិ គ​.​ជ​.​ប​។

ចប់​ហើយ​សម្ព័ន្ធភាព​រវាង​អតីត​មេដឹកនាំ​គណបក្សប្រឆាំង សម រង្ស៊ី និង កឹម សុខា គឺ​មិនមាន​ទៀត​ទេ​។ ចប់​ដោយសារតែ​ទណ្ឌិត សម រង្ស៊ី បាន​វ៉ៃ​ប្រហារ​យ៉ាង​ចាស់ដៃ និង​ចំៗ​ទៅលើ​លោក កឹម សុខា ដែលជា​ដៃគូ​សម្ព័ន្ធភាព​របស់ខ្លួន ដែល​មិនបាន​ចេញទៅ​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២ និង​បាន​ចោទប្រកាន់ថា លោក កឹម សុខា បាន​ប្រមាថ​អ្នកប្រជាធិបតេយ្យ អ្នកស្នេហាជាតិ។ ការ​វ៉ៃ​ប្រហារ​លើ​លោក កឹម សុខា បានធ្វើ​ឡើង​តាមរយ​:​វិទ្យុ​អាស៊ីសេរី កាល​លពី​ថ្ងៃទី​០៩ ខែមិថុនា ឆ្នាំ​២០២២​។

គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ចប់ការត្រួតពិនិត្យ និងផ្ទៀងផ្ទាត់ឡើងវិញនូវលទ្ធផលនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នៅថ្ងៃទី១៤ ខែមិថុនា ឆ្នាំ២០២២ ស្របតាមបទបញ្ជា និងនីតិវិធីនៃការបោះឆ្នោត ផែនការមេ និងប្រតិទិនការងាររបស់ គ.ជ.ប។ នេះបើតាមប្រកាសព័ត៌មានរបស់ គ.ជ.ប នៅថ្ងៃទី១៥ ខែមិថុនា ឆ្នាំ២០២២។

ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា នឹងដឹកនាំគណៈប្រតិភូអញ្ជើញទៅចូលរួមកិច្ចប្រជុំពិសេសរដ្ឋមន្រ្តីការបរទេសអាស៊ាន-ឥណ្ឌា ដើម្បីរំព្ញកខួបលើកទី៣០នៃទំនាក់ទំនងដៃគូសន្ទនាអាស៊ាន-ឥណ្ឌា ដែលនឹងប្រព្រឹត្តទៅនៅថ្ងៃទី១៦-១៧ ខែមិថុនា ឆ្នាំ២០២២ នៅរដ្ឋធានីញូវដេល្លី ប្រទេសឥណ្ឌា តបតាមការអញ្ជើញរបស់ឯកឧត្តមបណ្ឌិត ចៃហ្សានកា (S. Jaishankar) រដ្ឋមន្រ្តីការបរទេសឥណ្ឌា។ នេះបើយោងតាមសេចក្តីប្រកាសព័ត៌មានររបស់ក្រសួងការបរទេស និងសហប្រតិបត្តិការអន្តរជាតិ នៅថ្ងៃទី១៤ ខែមិថុនា ឆ្នាំ២០២២។

រដ្ឋលេខាធិការក្រសួងការបរទេស និងពាណិជ្ជកម្មអូស្ត្រាលី លោកជំទាវ Kathryn Campbell បានថ្លែងកោតសរសើរចំពោះកម្ពុជា ដែលបានបន្តនូវការងារលើវិស័យរក្សាសន្តិភាពនាសម័យកាលអ៊ុនតាក់សំដៅជួយដល់បណ្តាប្រទេសរងគ្រោះមហន្តរាយដោយជម្លោះប្រដាប់អាវុធ និងទទួលបានការលើកទឹកចិត្តពីបណ្តាប្រទេសនានាក្នុងតំបន់និងអន្តរជាតិ ព្រមទាំងអះអាងពីការបន្តកិច្ចសហប្រតិបត្តិការលើវិស័យរក្សាសន្តិភាពជាបន្តទៀតជាមួយកម្ពុជា។

ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានទទួលជួបសំណេះសំណាល និងពិភាក្សាការងារជាមួយ លោក Bertrand LORTHOLARY ប្រធាននាយកដ្ឋានអាស៊ី និងអូសេអានី នៃក្រសួងកិច្ចការអឺរ៉ុប និងការបរទេស នៃសាធារណរដ្ឋបារាំង ដែលបានអញ្ជើញមកបំពេញទស្សនកិច្ចការងារនៅព្រះរាជាណាចក្រកម្ពុជា។ ជំនួបនេះបានធ្វើឡើងនារសៀលថ្ងៃទី១៤ ខែមិថុនា ឆ្នាំ២០២២ នៅទីបញ្ជាការកងទ័ពជើងគោក នៃកងយោធពលខេមរភូមិន្ទ។

តុលាការទីក្រុងប៉ារីស ប្រទេសបារាំងគ្រោង នឹងបើកសវនាការលើសំណុំរឿងសម្តេចតេជោ ហ៊ុន សែន និងលោក ឌី វិជ្ជា ប្តឹងទណ្ឌិត សម រង្ស៊ី ពីបទបរិហារកេរ្តិ៍ នៅថ្ងៃទី០១ ខែកញ្ញា ឆ្នាំ២០២២ខាងមុខនេះ។ ខណៈដែលការបើកសវនាការឈានចូលជិតមកដល់ក្រុមមេធាវីជនជាតិបារាំងចំនួន៤រូប ដែលជាមេធាវីតំណាងរបស់សម្តេចតេជោ ហ៊ុន សែន និងលោក ឌី វិជ្ជា ជាដើមបណ្តឹងប្តឹងទណ្ឌិត សម រង្ស៊ី ពីបទបរិហារកេរ្តិ៍ នៅតុលាការទីក្រុងប៉ារីស ប្រទេសបារាំង បានជួបពិភាក្សាជាមួយសម្តេចតេជោនៅភូមិគ្រឹះរបស់សម្តេច នាទីក្រុងតាខ្មៅ។

គណបក្ស​ប្រជាជន​កម្ពុជា​កាលពី​ថ្ងៃទី១៣ ខែមិថុនា ឆ្នាំ​២០២២​ បានសម្រេច​ប្តឹង​លោក សុន ឆ័យ អនុប្រធាន​គណបក្ស​ភ្លើងទៀន លើក​ការ​ចោទ និង​បំភ្លៃ​ជុំវិញ​ដំណើរការ​បោះឆ្នោត​ជ្រើសរើស ក្រុមប្រឹក្សាឃុំ សង្កាត់ អាណត្តិ​ទី​៥​ឆ្នាំ​២០២២ ដោយ​ស្នើសុំ​ឱ្យ​ផ្តន្ទាទោស​តាមច្បាប់ និង​ទាមទារ​សំណង​ជំងឺ​ចិត្ត​បួន​ពាន់​លាន​រៀល ឬ​ស្មើនឹង​មួយ​លាន​ដុល្លារ​អាមេរិក​។ ​បណ្តឹង​នេះ​បានប្រគល់​សិទ្ធ​ជូន​លោក គី តិច ជា​មេធាវី តំណាងឱ្យ​គណបក្ស​ប្រជាជន​កម្ពុជា។​