ឯកឧត្តម សោម សូ​រី​ដា អគ្គលេខាធិការ​ង​នៃ​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) បានបញ្ជាក់​ប្រាប់AMSនៅមុននេះបន្តិច ថា គិតត្រឹមពេលនេះដំណើរការ​បោះឆ្នោត​ជ្រើសរើស​ក្រុមប្រឹក្សាឃុំ​- សង្កាត់ អាណត្តិ​ទី៥នៅថ្ងៃទី៥ខែមិថុនាឆ្នាំ២០២២នេះនៅតាមបណ្តាការិយាល័យបោះឆ្នោតទាំង២៣.៦០២​ ការិយាល័យ ពុំទាន់​មាន​បញ្ហា​នៃ​ភាពមិនប្រក្រតី​កើតឡើង​។​

គិត​ត្រឹម​ម៉ោង​១២​ថ្ងៃទី​៥​ខែមិថុនា​ឆ្នាំ​២០២២​នេះ​នៅក្នុង​ក្របខណ្ឌ​ទូទាំង​ខេត្តតាកែវ​មាន​ប្រជាពលរដ្ឋ​ជាង​៦៩ ភាគរយ​បាន​អញ្ជើញ​មក​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​រួចហើយ​។ នេះ​បើ​យោងតាម​ ​របាយការណ៍​សង្ខេបរ​បស់​គណៈកម្មការ​ខេត្ត​រៀបចំ​ការបោះឆ្នោត ដែល AMS ទទួលបាន​នៅមុននេះ​បន្តិច​។​

​ឯកឧត្តម ឌឹ​ម សុ​វណ្ណា​រុំ សមាជិក​គណៈកម្មាធិកា​រ​ជាតិ​រៀបចំ​ការបោះឆ្នោត​(​គ​.​ជ​.​ប​) និង​ជា​ប្រធាន​ ​ប្រតិកម្ម​ព័ត៌មាន​គ​.​ជ​.​ប បាន​មានប្រសាសន៍ប្រាប់ AMS មុននេះ​បន្តិច​ថា គិត​ត្រឹម​ម៉ោង​១១ ថ្ងៃទី​៥​ខែមិថុនា​ឆ្នាំ​ ២០២២​នេះ ប្រជាពលរដ្ឋ​បានចេញ​ទៅ​បោះឆ្នោត​ក្នុង​ក្របខណ្ឌ​ទូទាំងប្រទេស​បាន​ចំនួន ៥៦,១៧​ភាគរយ​។​ ​លោក​បាន​បញ្ជាក់ថា ពុំមាន​អ្វី​រំខាន​ដល់​ដំណើរការ​បោះឆ្នោត​នេះ​ទេ​។​

ឯកឧត្តម ឌឹម សុវណ្ណរុំ សមាជិក គ.ជ.ប និង ជាអ្នកនាំពាក្យគ.ជ.ប បានប្រាប់បណ្តាញសារព័ត៌មានថា វិដេអូដែលបានបង្ហោះ នោះគឺវិដេអូចាស់ ដែលបានកើតឡើង កាលពីថ្ងៃទី២៩ខែឧសភាឆ្នាំ២០២២កន្លងទៅ។លោកបញ្ជាក់ទៀតថាអ្វីដែលជនអនាមិកយកមកបង្ហោះនៅថ្ងៃនេះ គោលបំណងធ្វើឲ្យមានការភាន់ច្រឡំថា កើតមាននៅថ្ងៃនេះ។ តែតាមពិតជាវិដេអូចាស់ទេ។

ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ បានប្រព្រឹត្តទៅនៅព្រឹកថ្ងៃអាទិត្យ ទី០៥ ខែមិថុនា ឆ្នាំ២០២២នេះ ចាប់ពីម៉ោង៧:០០នាទីព្រឹក ដល់ម៉ោង៣:០០នាទីរសៀល។ ប្រជាពលរដ្ឋបានឈរតម្រង់ជួរតាមលំដាប់លំដោយ ដើម្បីចូលទៅក្នុងការិយាល័យបោះឆ្នោត ក្នុងការបោះឆ្នោតជូនគណបក្សនយោបាយណាមួយដែលខ្លួនពេញចិត្ត ដោយមានអ្នកសង្កេតការណ៍ជាតិ និងអន្តរជាតិ ចូលរួមសង្កេតការណ៍អំពីដំណើរការនៃការបោះឆ្នោត។

គណៈកម្មាធិការជាតិរៀបចំការបោះឆ្នោត (គ.ជ.ប) នៅល្ងាចថ្ងៃទី០៤ ខែមិថុនា ឆ្នាំ២០២២នេះ បានជូនដំណឹងដល់សាធារណជន និងប្រព័ន្ធផ្សព្វផ្សាយជាតិ និងអន្តរជាតិថា គ.ជ.ប នឹងផ្សាយលទ្ធផលបឋមនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ចាប់ពីល្ងាចថ្ងៃទី៥ ខែមិថុនា ឆ្នាំ២០២២ ដល់ម៉ោង១២:០០នាទីយប់ និងបន្តផ្សាយចាប់ពីម៉ោង៨:០០នាទីព្រឹកថ្ងៃទី០៦ ខែមិថុនា ឆ្នាំ២០២២ ដល់ម៉ោង ១២:០០នាទីថ្ងៃត្រង់ តាមប្រព័ន្ធផ្សព្វផ្សាយដូចខាងក្រោម៖

ក្រុមអ្នកសង្កេតការណ៍អន្តរជាតិ បានសង្កេតឃើញថា ចំនួនប្រជាពលរដ្ឋដែលនឹងអញ្ជើញទៅបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ដែលនឹងប្រព្រឹត្តទៅនៅថ្ងៃទី០៥ ខែមិថុនា ឆ្នាំ២០២២ គឺមានចំនួនច្រើន គណបក្សនយោបាយ និងប្រជាពលរដ្ឋមានភាពចាស់ទុំ ដែលនេះបង្ហាញពីប្រជាធិបតេយ្យខ្លាំង ដែលប្រជាពលរដ្ឋបានយកសិទ្ធិរបស់គាត់ទៅបោះឆ្នោត។

ថ្ងៃទី​៣ ខែមិថុនាឆ្នាំ​២០២២ ជា​ថ្ងៃទី​ដប់​បួន និង​ជា​ថ្ងៃ​ចុងក្រោយ​នៃ​យុទ្ធនាការ​ឃោសនាបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២ គឺ​បាន​ប្រព្រឹត្ត​ទៅក្នុង​បរិយាកាស​មាន​សន្តិសុខ សុវត្ថិភាព សណ្តាប់ធ្នាប់​ល្អ គ្មាន​អំពើហិង្សា និង​គ្មាន​ការគំរាមកំហែង​។

យុទ្ធនាការ​ឃោសនាបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២ ដែល​បាន​ប្រព្រឹត្តទៅ​រយៈពេល ១៤​ថ្ងៃ គឺ​ចាប់ពី​ថ្ងៃទី​២១ ខែឧសភា ដល់​ថ្ងៃទី​៣ ខែមិថុនា ឆ្នាំ​២០២២ នេះ ទោះបី​មាន​ករណីខ្លះ​បានកើតឡើងក្នុងអំឡុង ពេល​ឃោសនាបោះឆ្នោត​ក៏ដោយ ប៉ុន្តែ​ដោយមាន​ការសម្របសម្រួល និង​ការ​អធ្យាស្រ័យ​គ្នាទៅវិញទៅមក ទើប​ការឃោសនាបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២ ប្រព្រឹត្ត​ទៅដោយ​រលូន​ល្អ ពុំមាន​ករណី​អំពើហិង្សា ឬ​ការគំរាមកំហែង​។​

គណ​ប្រជាជន​កម្ពុ​ជាមាន​ភាពរឹងមាំ គឺ​ដោយសារ​កម្លាំង​សាមគ្គីភាព​ដ៏​ស្អិតរ​មួ​តរបស់​ថ្នាក់ដឹកនាំ និង​ប្រតិបត្តិ​ករ​គ្រប់​លំដាប់ថ្នាក់ រួម​ជាមួយនឹង​ការគាំទ្រ​លើសលប់​ពី​សំណាក់​ប្រជាជន​ជា​ម្ចាស់​ស្រុក ដែល​បាន​បង្កឱ្យមាន​ឱកាស​ប​ម្រើ កសាង និង​អភិវឌ្ឍ​ប្រទេស​គ្រប់​អាណត្តិ​កន្លងមក​។