តាម​ព័ត៌មាន​ផ្ទៃក្នុង​របស់​បក្ស​ភ្លើងទៀន​ បានឱ្យដឹងថា គណបក្ស​នេះ​ បានទទួល​ផែនការ​សម្ងាត់​ពី​មេ​ឧទ្ទាម​ក្រៅច្បាប់ សម រង្សី ឱ្យ​ប្រមូល​កម្លាំងពី​បណ្តា​ខេត្ត​ឱ្យ​ឡើង​ភ្នំពេញ​ឱ្យបាន​យ៉ាងតិច​បី​ម៉ឺន​នាក់​ ព្រមទាំង​មធ្យោបាយ​ដឹកជញ្ជូន​រាប់ពាន់​គ្រឿង​ដើម្បីធ្វើ​សកម្មភាព​អុកឡុក​រំខាន​ដល់​ដំណើរការ​បោះឆ្នោត​ឃុំ​សង្កាត់​នៅ​ថ្ងៃទី​៥​ ខែមិថុនា​ខាងមុខ​។​ ប៉ុន្តែ​ផែនការ​ដ៏​ពិសពុល​នេះ​ ត្រូវបាន​បែកធ្លាយ​មុនពេល​ពួកគេ​ចាប់ផ្តើម​។ បន្ទាប់ពី​បែកធ្លាយ​ផែនការ​សម្ងាត់​នេះ ឈ្មោះ ប៊ុត ធា​រី ហៅ សុគន្ធ ធា​រី​ ដែលជា​មនុស្ស​ជំនិតរបស់​មេ​ឧទ្ទាម​ក្រៅច្បាប់ សម រង្ស៊ី បាន​រត់គេចខ្លួន​ចេញពី​ប្រទេស​កម្ពុជា​ទៅ​ប្រទេស​បារាំង​វិញ​។ ការ​គេចខ្លួន​យ៉ាង​ស្លន់ស្លោ​នេះ គឺកើតឡើងបន្ទាប់ពីផែនការអាក្រក់បែកការណ៍

ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បានអំពាវនាវឱ្យប្រជាពលរដ្ឋខ្មែរដែលមានឈ្មោះក្នុងបញ្ជីបោះឆ្នោតផ្លូវការឆ្នាំ២០២១ ទាំងអស់ មេត្តាអញ្ជើញទៅបោះឆ្នោត នៅតាមការិយាល័យបោះឆ្នោត តាមកាលបរិច្ឆេទ និងពេលវេលាកំណត់ឱ្យបានគ្រប់ៗគ្នា។ ការអំពាវនាវរបស់ប្រធាន គ.ជ.ប បានធ្វើឡើងនៅព្រលប់ថ្ងៃទី៣១ ខែឧសភា ឆ្នាំ២០២២នេះ ខណៈដែលការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅសល់ត្រឹមតែ៥ថ្ងៃទៀតប៉ុណ្ណោះ ពោលគឺនៅថ្ងៃទី៥ ខែមិថុនា ឆ្នាំ២០២២។

គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ថា រយៈពេល១១ថ្ងៃ ចាប់ពីថ្ងៃទី២១-៣១ ខែឧសភា ឆ្នាំ២០២២ នៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ គឺបានប្រព្រឹត្តទៅក្នុងបរិយាកាសមានសន្តិសុខ សុវត្ថិភាព សណ្តាប់ធ្នាប់ល្អ គ្មានអំពើហិង្សា និងគ្មានការគំរាមកំហែង។ គណបក្សនយោបាយដែលមានបញ្ជីបេក្ខជនឈរឈ្មោះបានធ្វើសកម្មភាពឃោសនាតាមលទ្ធភាព និងមធ្យោបាយផ្សេងៗ ដើម្បីស្វែងរកការគាំទ្រពីអ្នកបោះឆ្នោត។ នេះបើយោងតាមរបាយការណ៍បូកសរុបប្រចាំថ្ងៃរបស់ គ.ជ.ប ដែល AMS ទទួលបាននៅល្ងាចថ្ងៃទី៣១ ខែឧសភា ឆ្នាំ២០២២។

អ្នកនាំពាក្យគណបក្សប្រជាជនកម្ពុជា បានអំពាវនាវដល់ប្រជាពលរដ្ឋកុំឱ្យជឿតាមការឃោសនាអកុសលរបស់វិទ្យុពីក្រៅប្រទេស ដែលផ្ទុយពីការពិតជាក់ស្តែងនៅក្នុងប្រទេសកម្ពុជា និងអញ្ជើញទៅបោះឆ្នោតឱ្យស្របទៅតាមស្នាដៃរបស់គណបក្សនីមួយៗ ដែលខ្លួនពេញចិត្ត និងកុំជឿតាមការឃោសនាពីខាងក្រៅដែលផ្ទុយពីការពិត។

ឯកឧត្តមបណ្ឌិត ហ៊ុន ម៉ាណែត សមាជិកគណៈអចិន្រ្តៃយ៍ នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល បានបញ្ជាក់ថា រាជរដ្ឋាភិបាលក្រោមការដឹកនាំរបស់គណបក្សប្រជាជនកម្ពុជា ដោយមានសម្តេចតេជោ ជាអ្នកដឹកនាំផ្ទាល់ បានខិតខំគិតគូរបន្ថែមទៀត សំដៅធ្វើយ៉ាងណារក្សាឱ្យបាននូវនិរន្តរភាពយូរអង្វែងនៃឱកាសទាំងនេះ សម្រាប់ទាំងពេលបច្ចុប្បន្ន និងអ្នកជំនាន់ក្រោយតរៀងទៅ តាមរយៈការរក្សាការពារឱ្យបានដាច់ខាតនូវកត្តាកំណត់ ៣ធំៗ គឺ១.ការពារសុខសនិ្តភាព ២.រក្សាឱ្យបាននូវស្ថិរភាព សន្តិសុខ និងសណ្តាប់ធ្នាប់សាធារណៈ និង៣.ពង្រឹងបន្ថែមនូវការអភិវឌ្ឍទៅមុខឥតឈប់ឈរ។

ក្រសួងការបរទេស និងសហប្រតិបត្តិការអន្តរជាតិ បានរៀបចំពិធីប្រគល់-ទទួល លិខិតរបស់សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងវីដេអូបទចម្រៀង «ឥន្ទធនូសម្រាប់ថ្ងៃស្អែក» រវាងលោកជំទាវ ទួត បញ្ញា រដ្ឋលេខាធិការក្រសួងការបរទេស និងឯកឧត្តម Mikami Masahiro ឯកអគ្គរាជទូតជប៉ុនប្រចាំកម្ពុជា នៅរសៀលថ្ងៃទី៣០ ខែឧសភា ឆ្នាំ២០២២។

ថ្ងៃទី៣០ ខែឧសភា ឆ្នាំ២០២២ ជាថ្ងៃទីដប់ នៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២នេះ គឺបានប្រព្រឹត្តទៅក្នុងបរិយាកាសមានសន្តិសុខ សុវត្ថិភាព សណ្តាប់ធ្នាប់ល្អ គ្មានអំពើហិង្សា និងគ្មានការគំរាមកំហែង។ បណ្ដាគណបក្សនយោបាយបានធ្វើសកម្មភាពឃោសនាស្វែងរកការគាំទ្រពីម្ចាស់ឆ្នោតចំពោះគោលនយោបាយ និងកម្មវិធីនយោបាយរបស់គណបក្សនយោបាយខ្លួនក្នុងការអភិវឌ្ឍឃុំ សង្កាត់។ នេះបើយោងតាមសេចក្តីប្រកាសព័ត៌មានរបស់គ.ជ.ប នៅថ្ងៃទី៣០ ខែឧសភា ឆ្នាំ២០២២។

ឯកឧត្តម បណ្ឌិត ហ៊ុន ម៉ាណែត សមាជិកគណៈអចិន្រ្តៃយ៍ នៃគណៈកម្មាធិការកណ្តាល គណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល បានបញ្ជាក់ថា “មន្ត្រីគណបក្សប្រជាជនកម្ពុជា បានខិតខំយកចិត្តទុកដាក់បម្រើប្រជាពលរដ្ឋតាមមូលដ្ឋានជាប់ប្រចាំដូចជាភ្លៀងរលឹម ហើយក៏នឹងបន្តខិតខំប្រឹងប្រែងបន្ថែមទៀតឱ្យស័ក្តិសមទៅនឹងទំនុកទុកចិត្តពីសំណាក់ប្រជាពលរដ្ឋ។ ក្នុងន័យនេះ យុវជនត្រូវចងចាំថា មូលដ្ឋានគឺជាកម្លាំងពិត ដែលតែងបានគាំទ្រគណបក្សយើងនៅគ្រប់ការបោះឆ្នោត ព្រោះប្រជាពលរដ្ឋនៅតាមមូលដ្ឋាននីមួយៗ ជាអ្នកដែលរស់នៅ និងបានឃើញជាក់ស្តែងនូវការអភិវឌ្ឍហេដ្ឋារចនាសម្ព័ន្ធ បរិយាកាសភូមិ-ឃុំមានសុវត្ថិភាព និងសណ្តាប់ធ្នាប់របៀបរៀបរយ ព្រមទាំងការយកចិត្តផ្តល់សេវាសាធារណៈកាន់តែកៀកជិតនឹងប្រជាពលរដ្ឋ”។

គណ:កម្មាធិការជាតិរៀបចំការបោះឆ្នោត (គ.ជ.ប) បានដឹកសម្ភារឯកសារសម្រាប់បម្រើឱ្យការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ មានដូចជា បញ្ជីបោះឆ្នោតផ្លូវការ សន្លឹកឆ្នោតផ្លូវការ ត្រាសម្ងាត់ ទឹកខ្មៅលុបមិនជ្រះ ហិបឆ្នោត បន្ទប់សម្ងាត់ និងឯកសារផ្សេងទៀត ទៅកាន់គណ:កម្មការរាជធានី ខេត្ត រៀបចំការបោះឆ្នោត។ ការដឹកសម្ភារសម្រាប់បម្រើឱ្យការបោះឆ្នោត គឺដឹកចេញពីឃ្លាំងដាក់សម្ភាររបស់ គ.ជ.ប ដែលមានទីតាំងស្ថិតគីឡូម៉ែត្រលេខ៦ សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ កាលពីថ្ងៃទី២៩ ខែឧសភា ឆ្នាំ២០២២។

ថ្ងៃទី២៩ ខែឧសភា ឆ្នាំ២០២២ ជាថ្ងៃទីប្រាំបួន នៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ បានប្រព្រឹត្តទៅក្នុងបរិយាកាសមានសន្តិសុខ សុវត្ថិភាព សណ្តាប់ធ្នាប់ល្អ គ្មានអំពើហិង្សា និងគ្មានការគំរាមកំហែង។ គណបក្សនយោបាយដែលមានបញ្ជីបេក្ខជនឈរឈ្មោះ បានធ្វើសកម្មភាពឃោសនាស្វែងរកសំឡេងឆ្នោតនៅតាមមណ្ឌលបោះឆ្នោតឃុំ សង្កាត់ ទៅតាមកម្មវិធីរបស់គណបក្សនយោបាយនីមួយៗ។​