ឯកឧត្តម ញឹក ប៊ុនឆៃ ប្រធានគណបក្សខ្មែររួបរួមជាតិ បានមានប្រសាសន៍ថ្លែងប្រាប់ AMS នៅរសៀលថ្ងៃទី២៦ ខែមេសានេះថា ការសម្រេចលុបចោលកាតព្វកិច្ចពាក់ម៉ាស់នៅទូទាំងប្រទេស គឺដោយរាជរដ្ឋាភិបាល ជាពិសេសសម្តេចតេជោ ហ៊ុន សែន ក្តាប់បានពីបញ្ហារោគរាតត្បាតកូវីដ-១៩ ។ នេះជាចំណុចមួយល្អប្រសើរ គឺទី១.កាត់បន្ថយការចំណាយរបស់ប្រជាពលរដ្ឋដែលត្រូវទិញម៉ាស់យកមកពាក់ និងទី២.នេះជាការសម្រេចមួយដែលសម្តេចតេជោ ហ៊ុន សែន មើលឃើញថា ក្រោយពីរាជរដ្ឋាភិបាលបានបើកទូលាយក្នុងការប្រារព្ធពិធីបុណ្យចូលឆ្នាំខ្មែរ គឺមានប្រជាពលរដ្ឋជាច្រើនបានដើរលេងកម្សាន្តសប្បាយនៅទូទាំងប្រទេស។ បើរោគរាតត្បាតកូវីដនៅខ្លាំងក្លាដូចកាលពីដំបូងៗ មិនដឹងមានអ្នកឆ្លងប៉ុន្មាននាក់ទេ ប៉ុន្តែបន្ទាប់ពីបុណ្យចូលឆ្នាំខ្មែររួចជាលទ្ធផល គឺឃើញមានអ្នកឆ្លងមានចំនួនតិចតួច។

ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក នារសៀលថ្ងៃទី២៦ ខែមេសា ឆ្នាំ២០២២ បានទទួលជួបសំណេះសំណាលជាមួយឯកឧត្តម ឧត្តមសេនីយ៍ឯក John Sanderson អតីតមេបញ្ជាការកងកម្លាំង នៃអាជ្ញាធរបណ្តោះអាសន្ន នៃអង្គការសហប្រជាជាតិប្រចាំនៅកម្ពុជា (ហៅកាត់ថា អ៊ុនតាក់/UNTAC) ដែលកំពុងបំពេញទស្សនកិច្ចនៅកម្ពុជា ដើម្បីអបអរខួបទី៣០ឆ្នាំ នៃអ៊ុនតាក់ និងជាផ្នែកមួយនៃការអបអរសាទរខួបទី៧០ឆ្នាំ នៃទំនាក់ទំនងការទូតរវាងកម្ពុជា និងអូស្ត្រាលី។

ឯកឧត្តមឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ បានគូសបញ្ជាក់អំពីសារៈសំខាន់នៃទំនាក់ទំនងយូរលង់ រវាងព្រះរាជាណាចក្រកម្ពុជា និងសាធារណរដ្ឋអ៊ីតាលី និងបានជំរុញលើកទឹកចិត្តឱ្យពង្រឹង និងលើកកម្ពស់បន្ថែមទៀតនូវទំនាក់ទំនង និងកិច្ចសហប្រតិបត្តិការទ្វេភាគី នៅក្នុងឱកាសឯកឧត្តម Lorenzo GALANTI ឯកអគ្គរដ្ឋទូតអ៊ីតាលីប្រចាំកម្ពុជា មាននិវេសនដ្ឋាន នៅទីក្រុងបាងកក ចូលជួបសម្តែងការគួរសម និងពិភាក្សាការងារ នៅទីស្តីការក្រសួង នាព្រឹកថ្ងៃទី២៦ ខែមេសា ឆ្នាំ២០២២។

មន្ត្រីអង្គការសង្គមស៊ីវិលនិងអ្នកវិភាគ បានស្វាគមន៍អបអរសាទរ និងគាំទ្រការប្រកាសរបស់សម្តេចតេជោ ហ៊ុន សែន នាយយករដ្ឋមន្ត្រី នៃព្រះរាជាណាចក្រកម្ពុជា ដែលបានសម្រេចលុបចោលកាតព្វកិច្ចពាក់ម៉ាស់នៅទូទាំងប្រទេសនៅថ្ងៃទី២៦ ខែមេសា ឆ្នាំ២០២២នេះ និងបានហៅការប្រកាសលុបចោលកាតព្វកិច្ចពាក់ម៉ាស់ គឺជាបង្ហាញនូវវិវឌ្ឍនភាពថ្មីរបស់ប្រទេសកម្ពុជាមួយជំហានថ្មីបន្ថែមទៀត ទាក់ទងលទ្ធផលដ៏ល្អជាទីគាប់ចិត្តនៃសមរភូមិប្រយុទ្ធប្រឆាំងនៃការរីករាលដាលឆ្លងជំងឺកូវីដ-១៩។

ឯកឧត្តម ហ៊ុន ម៉ានី តំណាងរាស្ត្រមណ្ឌលកំពង់ស្ពឺ និងជាអនុប្រធានទី១ ក្រុមការងារគណបក្សចុះជួយខេត្តកំពង់ស្ពឺ​ បានមានប្រសាសន៍ថា​ យើងប្តូរផ្តាច់ជាមួយគ្នាក្នុងការថែរក្សា សុខសន្តិភាព ស្ថិរភាព និងសុខដុមរមនីយកម្មសង្គម ជៀសវាង និងទប់ស្កាត់ឲ្យខាងតែបាននូវទង្វើអនាធិបតេយ្យ ដែលកើតចេញពីទង្វើជ្រួលជ្រើមជ្រុលហួសដែនកំណត់ណាមួយ។ យើងធ្លាប់មានបទពិសោធន៍ និងការសាកល្បងនៃការធ្វើទុកបុកម្នេញជាច្រើនមកហើយ ហើយយើងមិនបណ្តោយឲ្យប្រជាជនយើង រងទុក្ខលំបាកទៀតនោះទេ។

នៅក្នុងជំនួបពិភាក្សាឯកឧត្តម ហ្វូមីអូ គីស៊ីដា បានបញ្ជាក់ថា ទំនាក់ទំនងកិច្ចសហប្រតិបត្តិការនៃប្រទេសទាំងពីរមានការរីកចម្រើនឡើង ពិសេសវិស័យសន្តិសុខ និងលើវិស័យការពារជាតិ ជាមួយនឹងការបណ្តុះបណ្តាលធនធានមនុស្ស នៃកងរក្សា សន្តិភាព ក្រោមឆ័ត្រអង្គការសហប្រជាតិ ហើយបន្តគាំទ្រកម្ពុជាក្នុងការអភិវឌ្ឍកំពង់ផែទឹកជ្រៅ នៅក្នុងខេត្តព្រះសីហនុ ដើម្បីចូលរួមចំណែកអភិវឌ្ឍប្រទេសកម្ពុជា និងបន្តការផ្តល់ជំនួយសម្បទាន ក្នុងការអភិវឌ្ឍកំពង់ផែផងដែរ។ ឯកឧត្តមនាយករដ្ឋមន្ត្រីជប៉ុន បានអរគុណកម្ពុជាដែលអនុញ្ញាត និងទទួលនាវាជើងទឹករបស់ជប៉ុនមកកាន់កម្ពុជានាពេលកន្លងទៅ ដែលចូលរួមចំណែកជួយពង្រឹងទំនាក់ទំនងលើវិស័យការពារជាតិនៃប្រទេសទាំងពីរ។

សម្ដេចក្រឡាហោម ស ខេង នាយករដ្ឋមន្ត្រីស្ដីទី​ បានមានប្រសាសន៍ថា​ ការកសាងប្រទេស ជាពិសេសការរៀបចំឱ្យមានសុខសន្តិភាព ស្ថិរភាព និងមានការអភិវឌ្ឍនេះ មិនអាចកាត់ផ្ដាច់បានពីគោលនយោបាយ ឬបន្ទាត់នយោបាយនៃអ្នកដឹកនាំគណបក្ស និងរាជរដ្ឋាភិបាលនោះឡើយ។ នយោបាយដែលត្រឹមត្រូវ គឺនយោបាយដែលផ្អែកលើផលប្រយោជន៍ជាតិ និងប្រជាជន និងការធ្វើអ្វីៗដែលគោរពតាមការសម្រេចចិត្ត ការចង់បាន សំណូមពរ និងការទាមទាររបស់ពលរដ្ឋ។

ឯកឧត្ដម ផនខាំ វីផាវ៉ាន់ (Phankham Viphavanh) នាយករដ្ឋមន្ត្រីនៃសាធារណរដ្ឋប្រជាធិបតេយ្យប្រជាមានិតឡាវ បានស្នើឱ្យមានការផ្លាស់ប្ដូរទស្សនកិច្ចមេបញ្ជាការកងទ័ពជើងគោកនៃប្រទេសទាំងពីរ កម្ពុជា-ឡាវ។ ដោយក្នុងនោះ នាយករដ្ឋមន្ត្រីឡាវ ក៏បានអញ្ជើញឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោករបស់កម្ពុជា ទៅទស្សនកិច្ចនៅប្រទេសឡាវនាពេលខាងមុខនេះ។

ឯកឧត្ដម ផនខាំ វីផាវ៉ាន់ (Phankham Viphavanh) នាយករដ្ឋមន្ត្រីនៃសាធារណរដ្ឋប្រជាធិបតេយ្យប្រជាមានិតឡាវ បានអរគុណចំពោះសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នូវអ្វីដែលរាជរដ្ឋាភិបាលកម្ពុជាបានជួយដល់រដ្ឋាភិបាលឡាវ ដូចជាការជួយផ្ដល់នូវវ៉ាក់សាំងប្រឆាំងកូវីដ-១៩ ជារថយន្តដឹកវ៉ាក់សាំងកូវីដ-១៩ រួមទាំងថវិកាមួយចំនួនទៀតផងដែរ ដើម្បីដោះស្រាយ និងទប់ស្កាត់ផលប៉ះពាល់ដោយសារជំងឺកូវីដ-១៩នេះ។ ប្រជាជនឡាវក៏បានសម្ដែងនូវការពេញចិត្តចំពោះអ្វីដែលរាជរដ្ឋាភិបាលកម្ពុជាបានជួយដល់រដ្ឋាភិបាលឡាវនារយៈពេលកន្លងមក ជាពិសេសក្នុងការប្រយុទ្ធប្រឆាំងនឹងជំងឺកូវី-១៩។