-
សម្តេចតេជោ៖ ត្រួតពិនិត្យឡើងវិញជាបន្ទាន់,ត្រូវប្រមូលអាវុធ និងសម្ភារយោធាអាមេរិកទាំងអស់ ប្រសិនបើមានយកទៅរក្សាទុកក្នុងឃ្លាំង ឬយកទៅកម្ទេចចោលតាមការជាក់ស្តែង
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ក្នុងន័យបញ្ជាផងដោយដាក់ចេញបទបញ្ជាដល់អង្គភាពប្រដាប់អាវុធទាំងអស់ ឱ្យធ្វើការត្រួតពិនិត្យឡើងវិញជាបន្ទាន់អំពីអាវុធ និងសម្ភារយោធា ដែលកម្ពុជាមានបច្ចុប្បន្ន ហើយត្រូវប្រមូលអាវុធ និងសម្ភារយោធាអាមេរិកទាំងអស់ប្រសិនបើមានយកទៅរក្សាទុកក្នុងឃ្លាំង ឬយកទៅកម្ទេចចោលតាមការជាក់ស្តែង។ សម្តេច៏បានបញ្ជាក់ទៀតថា តាមចំណាំរបស់ខ្ញុំ អ្នកដែលធ្លាប់ប្រើប្រព័ន្ធអាវុធអាមេរិកជាច្រើនបានចាញ់សង្គ្រាម។
-
អ្នកនាំពាក្យការបរទេសចិន ៖ អាមេរិកគំរាមកំហែងដាក់សម្ពាធ និងការដាក់ទណ្ឌកម្មមកលើកម្ពុជា គឺជាទង្វើដែលប្រើអំណាចគាបសង្កត់លើអ្នកដទៃយ៉ាងពិតប្រាកដ
អ្នកនាំពាក្យក្រសួងការបរទេសចិនលោក Wang Wenbin បានមានប្រសាសន៍ថា ថ្មីៗនេះ អាមេរិកបន្តបង្ខូចឈ្មោះ និងលាបពណ៌លើទំនាក់ទំនង និងកិច្ចសហប្រតិបត្តិការរវាងចិន និងកម្ពុជា គំរាមកំហែង ដាក់សម្ពាធ និងការដាក់ទណ្ឌកម្មមកលើកម្ពុជា។ នេះគឺជាទង្វើដែលប្រើអំណាចគាបសង្កត់លើអ្នកដទៃយ៉ាងពិតប្រាកដ និងច្បាស់លាស់ នេះបានល្មើសនឹងក្រមប្រតិបត្តិមូលដ្ឋាននៃទំនាក់ទំនងអន្តរជាតិផងដែរ។
-
ឧត្តមសេនីយ៍ឯក ហ៊ុន ម៉ាណែត ៖ កងទ័ពប្រឆាំងដាច់ខាតការញុះញង់បំភ្លៃការពិតនាំឱ្យមានការបែកបាក់សាមគ្គីភាព ឯកភាពជាតិ បង្កចលាចល អស្ថិរភាពនយោបាយ និងសង្គម
ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង មេបញ្ជាការកងទ័ពជើងគោក បានបញ្ជាក់ថា ក្នុងនាមជាអ្នកជំនាន់ក្រោយ សូមពង្រឹងនូវគុណតម្លៃនៃការលះបង់ឱ្យបានដូចនឹងគំរូវីរភាពរបស់យោធិនជំនាន់មុន និងប្តេជ្ញាប្រឆាំងដាច់ខាតនូវរាល់សកម្មភាពទាំងទ្បាយណាដែលញុះញង់បំភ្លៃការពិត នាំឱ្យមានការបែកបាក់សាមគ្គីភាព ឯកភាពជាតិ បង្កចលាចល និងអស្ថិរភាពនយោបាយ និងសង្គម ក្នុងបំណងអូសទាញកម្ពុជាឱ្យធ្លាក់ទៅក្នុងវិនាសកម្មដោយសារភ្នក់ភ្លើងសង្រ្គាមឡើងវិញ។
-
អ្នកនាំពាក្យរាជរដ្ឋាភិបាលកម្ពុជា ប្រតិកម្មចំពោះការចោទប្រកាន់របស់អតីតរដ្ឋមន្រ្តីកាបរទេសថៃមកលើសម្តេចតេជោ ហ៊ុន សែន
ឯកឧត្តម ផៃ ស៊ីផាន រដ្ឋមន្រ្តីប្រតិភូអមនាយករដ្ឋមន្រ្តី និងជាអ្នកនាំពាក្យរាជរដ្ឋាភិបាលបានមានប្រសាសន៍ប្រាប់ AMS ថា ការលើកឡើងរបស់លោក កាស៊ីត ភិរម្យ អតីតរដ្ឋមន្រ្តីកាបរទេសថៃ និងជាសមាជិកគណៈកម្មាធិការនាយករបស់ក្រុមសមាជិកសភាអាស៊ានដើម្បីសិទ្ធិមនុស្សថា សម្តេចតតេជោ ហ៊ុន សែន កំពុងធ្វើឱ្យអាស៊ានជួបការបែកបាក់ក្នុងពេលទទួលបានញញួរជាប្រធានអាស៊ាននៅឆ្នាំ២០២២ គឺជាការយល់ច្រឡំធំមួយ ហើយលោកកាស៊ីត ភិរម្យ គួរតែតាមដានព័ត៌មានឱ្យបានច្បាស់លាស់។
-
រដ្ឋមន្ត្រីការបរទេសកម្ពុជា នឹងជួបជាមួយទីប្រឹក្សាក្រសួងការបរទេសសហរដ្ឋអាមេរិកនៅថ្ងៃស្អែក
ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នឹងជួបពិភាក្សាការងារលោក Derek Chollet ទីប្រឹក្សាក្រសួងការបរទេសសហរដ្ឋអាមេរិក នៅព្រឹកថ្ងៃសុក្រ ទី១០ ខែធ្នូ ឆ្នាំ២០២១ វេលាម៉ោង១០:៣០ នាទីព្រឹក នៅទីស្តីការក្រសួង។ នេះបើតាមការជូនដំណឹងរបស់ក្រសួងការបរទេស និងសហប្រតិបត្តិការអន្តរជាតិនៅថ្ងៃទី៩ ខែធ្នូ ឆ្នាំ២០២១។
-
លោក សួន សេរីរដ្ឋា៖ ពេលបញ្ហាមីយ៉ាន់ម៉ាដោះស្រាយបានចប់សព្វគ្រប់ ពេលនោះគេនឹងនឹកឃើញពីគុណសម្បត្តិនិងការលះបង់របស់កម្ពុជា
លោក សួន សេរីរដ្ឋា បញ្ជាក់ថា សម្តេចតេជោ ហ៊ុន សែន ក្នុងឋានៈអនាគតជាប្រធានអាស៊ានក្នុងឆ្នាំ២០២២ខាងមុខននេះ បានដាក់ចេញនូវបេសកកម្មមួយថា លោកនឹងទៅទស្សនកិច្ចនៅប្រទេសមីយ៉ាន់ម៉ា ហើយវាអាចជាច្រកមួយនៃការជួយសម្របសម្រួលដោះស្រាយវិបត្តិផ្ទៃក្នុង និងកិច្ចការទំនាស់នយោបាយនៅក្នុងប្រទេសមីយ៉ាន់ម៉ា។ ចំណុចនេះ គឺជាបំណងល្អរបស់កម្ពុជា គឺជាសុឆន្ទៈរបស់សម្តេចតេជោក្នុងឋានៈជាប្រធានអាស៊ានក្តី ឬក្នុងឋានៈជានាយករដ្ឋមន្ត្រីកម្ពុជា ដែលមានសុទិដ្ឋិនិយមថា អាស៊ានត្រូវតែដោះស្រាយបញ្ហាផ្ទៃក្នុងរបស់អាស៊ាន។
-
មេដឹកនាំគណបក្សខ្មែររួបរួមជាតិ និងសង្គមស៊ីវិល ជឿជាក់លើសម្តេចតេជោ ហ៊ុន សែន អាចដោះស្រាយបញ្ហាវិបត្តិនយោបាយនៅមីយ៉ាន់ម៉ាបាន
មេដឹកនាំគណបក្សនយោបាយ និងសង្គមស៊ីវិល មានជំនឿជឿជាក់ថា សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ក្នុងអាណត្តិធ្វើជាប្រធានប្តូរវេនអាស៊ាននាឆ្នាំ២០២២ ខាងមុខនេះ នឹងអាចសម្របសម្រួលដោះស្រាយបញ្ហាវិបត្តិនយោបាយនៅមីយ៉ាន់ម៉ាបាន ពីព្រោះសម្តេចតេជោ ហ៊ុន សែន មានបទពិសោធន៍គ្រប់គ្រាន់ ជាពិសេសគោលនយោបាយឈ្នះ-ឈ្នះរបស់សម្តេច។
-
មន្ត្រីជាន់ខ្ពស់ក្រសួងការពារជាតិសិង្ហបុរី កោតសសើរនូវវប្បធម៌ អរិយធម៌ និងសមិទ្ធផលនានានៅកម្ពុជាដែលបានកើតទ្បើងដោយកត្តាសន្តិភាព និងការបង្រួបបង្រួមជាតិ
អនុរដ្ឋលេខាធិការក្រសួងការពារជាតិ នៃសាធារណរដ្ឋសិង្ហបុរី ឯកឧត្តម Teo Eng Dih បានកោតសសើរនូវវប្បធម៌ អរិយធម៌ និងសមិទ្ធផលនានា ដែលបានកើតទ្បើងដោយកត្តាសន្តិភាព និងការបង្រួបបង្រួមជាតិ ស្តែងចេញតាមរយៈដំណើរទស្សនកិច្ចរបស់គណៈប្រតិភូទៅកាន់ទីតាំងប្រវតិសាស្រ្តនានា ដូចជា សារមន្ទីរជាតិ សារមន្ទីរទួលស្លែង និងវិមានឈ្នះឈ្នះ ជាដើម។
-
សម្តេចក្រឡាហោម ស ខេង ប្រកាសគោរពតាមការសម្រេចរបស់គណបក្សប្រជាជនកម្ពុជាដែលមានសម្តេចតេជោ ហ៊ុន សែន ជាប្រធានក្នុងការជ្រើសរើសអនាគតបេក្ខភាពនាយករដ្ឋមន្ត្រី
នៅមុននេះបន្តិច សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានផ្ញើសារជូនជនរួមជាតិ ដែលបញ្ជាក់ពីគោរពតាមការសម្រេចរបស់គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធានក្នុងការជ្រើសរើសអនាគតបេក្ខភាពនាយករដ្ឋមន្ត្រី។
-
ឧបនាយករដ្ឋមន្ត្រី ប្រាក់ សុខុន ៖ កម្ពុជា និងប្រទេសសមាជិកអាស៊ានទាំងអស់នឹងខិតខំជួយរកដំណោះស្រាយឈ្នះ-ឈ្នះសម្រាប់មីយ៉ាន់ម៉ា ប្រកបដោយប្រសិទ្ធភាព
ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានបញ្ជាក់ជូនរដ្ឋមន្ត្រីក្រសួងការបរទេសមីយ៉ាន់ម៉ាថា កម្ពុជា និងប្រទេសសមាជិកអាស៊ានទាំងអស់នឹងខិតខំជួយរកដំណោះស្រាយឈ្នះ-ឈ្នះ សម្រាប់មីយ៉ាន់ម៉ាប្រកបដោយប្រសិទ្ធភាព។ ការបញ្ជាក់នេះ បានធ្វើឡើងនៅក្នុងជំនួបទ្វេភាគីរវាងឯកឧត្តម ឧបនាយករដ្ឋមន្ត្រី ប្រាក់ សុខុន ជាមួយឯកឧត្តម វុនណា ម៉ោងល្វីន រដ្ឋមន្ត្រីក្រសួងការបរទេសនៃសាធារណរដ្ឋសហភាពមីយ៉ាន់ម៉ា កាលពីព្រឹកថ្ងៃទី០៧ ខែធ្នូ ឆ្នាំ២០២១។