មេខ្លោងដឹកនាំបាតុកម្មខុសច្បាប់ចំនួនបីនាក់ នៅមុខក្រុមហ៊ុនណាហ្គាវើលដ៍ ត្រូវបានសមត្ថកិច្ចចាប់ខ្លួនបានជាបន្តបន្ទាប់នៅរសៀលថ្ងៃទី៤ ខែមករា ឆ្នាំ២០២២នេះ ខណៈដែលកំពុងតែដឹកនាំបាតុកម្មខុសច្បាប់នៅមុខស្ថានទូតអូស្ត្រាលី។ មេខ្លោងដែលត្រូវចាប់ខ្លួនឈ្មោះ ឈឹម ស៊ីថរ ក្នុងពេលជននេះកំពុងដឹកនាំធ្វើបាតុកម្មដោយខុសច្បាប់។ ចំណែកឈ្មោះ សុខ ណារិទ្ធ និង ឈ្មោះ សុខ គង្គា ត្រូវបានចាប់ខ្លួននៅកន្លែងផ្សេង ពាក់ព័ន្ធនឹងការញុះញង់ឱ្យមានការប្រមូលផ្តុំតវ៉ាដោយខុសច្បាប់ នៅមុខក្រុមហ៊ុនណាហ្គាវើលដ៍ រាជធានីភ្នំពេញ។

ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិបាន បញ្ជាក់ថា កម្ពុជាគឺជាប្រធានអាស៊ានពេញមួយឆ្នាំ២០២២និងមូលបទ៖ “អាស៊ានរួមគ្នាធ្វើ៖ដោះស្រាយបញ្ហាប្រឈម ទាំងអស់គ្នា”។

អ្នកនាំពាក្យ​ក្រសួងការបរទេស​កម្ពុ​ជា ឯកឧត្តម កុយ គួ​ង បាន​បញ្ជាក់ថា​ ដំណើរ​ទស្សនកិច្ច​ជា​ផ្លូវការ​របស់ សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជាទៅកាន់​ប្រទេស​មី​យ៉ាន់​ម៉ា គឺ​ពុំមាន​អ្វី​ប្រែប្រួល​នោះទេ​។ រដ្ឋាភិបាល​មី​យ៉ាន់​ម៉ា​បាន​ធានា សុវត្ថិភាព ជូន​សម្តេច​តេ​ជោ ហ៊ុន សែន ។

ឯកឧត្តម​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត ៖ សន្តិភាព សំដៅ​ដល់​បរិយាកាស​គ្រប់​ដណ្តប់​ក្រោម​ម្លប់ ឯកភាព​ជាតិ និង​បូរណភាព​ទឹកដី ដែល​ផ្តល់នូវ​សិទ្ធិអំណាច និង​សេរីភាព​ជូន​ប្រជាពលរដ្ឋ ក្នុងការ​រស់រានមានជីវិត ទទួលបាន​ការអប់រំ និង​ប្រកប​របរ​រក​ទទួលទាន​ដោយ​សេចក្តីសុខ មាន​ភាពសុខសាន្ត និង​គ្មាន​ការព្រួយបារម្ភ ឬ​ការភ័យខ្លាច​អំពើ​អសន្តិសុខ​និង​សង្គ្រាម​។​ទាំងនេះ​គឺជា​សិទ្ធិអំណាច​និង​ជា​សុភមង្គល​ដែល​ប្រជាជន​កម្ពុជា​ស្រេកឃ្លាន​ទន្ទឹង​សុ​បិ​ន្ត​ចង់បាន​ជាង​៥០០​ឆ្នាំ​មកហើយ​។​ដូច្នេះ​យើង​ត្រូវ​បន្ត​ខិតខំ​រួបរួមគ្នា​ថែរក្សា​នូវ​អំណោយ​ពរជ័យ​ដ៏​ឧត្តុង្គឧត្តម​ថ្លៃថ្លា​នេះ​ឱ្យបាន​គង់វង្ស​យូរអង្វែង​ត​ទៅមុខទៀត​។​

អយ្យការ​អម​សាលាដំបូង​រាជធានី​ភ្នំពេញ​ បានសម្រេច​បើក​ការ​ស៊ើបសួរ​លើ​អតីត​បុគ្គលិក​ក្រុមហ៊ុន ណាហ្គា​វើ​លដ៍ (NAGA World) ដែលជា​មេដឹកនាំ​បាតុកម្ម​ខុសច្បាប់ ចំនួន៩​នាក់ រួមទាំង​បក្ខពួក​ពីបទ “​ញុះញង់​បង្ក​ឱ្យមាន​ភាពវឹកវរ​ធ្ងន់ធ្ងរ​ដល់​សន្តិសុខ​សង្គម​” តាម​មាត្រា៤៩៤ និង​មាត្រា៤៩៥ នៃ​ក្រមព្រហ្មទណ្ឌ​នៃ​ព្រះរាជាណាចក្រ​កម្ពុជា​។ នេះ​បើ​យោងតាម​ការបញ្ជា​ក់ររ​បស់​លោក ​ប្លង់ សុផល អ្នកនាំពាក្យ​អយ្យការ​អម​សាលាដំបូង​រាជធានី​ភ្នំពេញ​នៅ​ល្ងាច​ថ្ងៃទី​៣ ខែមករា ឆ្នាំ​២០២២​។​

សមត្ថកិច្ចបានបញ្ជូនខ្លួនអតីតបុគ្គលិកក្រុមហ៊ុន ណាហ្គាវើលដ៍ ដែលជាមេដឹកនាំបាតុកម្មខុសច្បាប់ចំនួន៦នាក់ ទៅសាលាដំបូងរាជធានីភ្នំពេញកាលពីថ្ងៃទី២ និងថ្ងៃទី៣ ខែមករា ឆ្នាំ២០២២នេះ ដើម្បីឱ្យព្រះរាជអាជ្ញា និងចៅក្រមធ្វើការសាកសួរតាមនីតិវិធី។ មេដឹកនាំបាតុកម្មខុសច្បាប់ទាំង៦នាក់ ត្រូវបានសមត្ថកិច្ចចាប់ខ្លួនកាលពីយប់ថ្ងៃទី៣១ ខែធ្នូ ឆ្នាំ២០២១ បន្ទាប់ពីពួកគេបានដឹកនាំបាតុកម្មខុសច្បាប់ និងបានបង្កឱ្យបាត់បង់សណ្តាប់ធ្នាប់សាធារណៈ។

លោក សោម សូរីដា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានមានប្រសាសន៍ប្រាប់ AMS ថា កំណត់ហេតុនៃការរាប់សន្លឹកឆ្នោតទម្រង់១១០២ សម្រាប់ការបោះឆ្នោតកន្លងមក គឺភ្នាក់ងារគណបក្សនយោបាយនឹងទទួលបាននៅការិយាល័យរាប់សន្លឹកឆ្នោតនៅពេលបញ្ចប់ការរាប់សន្លឹកឆ្នោត។ ប៉ុន្តែដោយសារមានបញ្ហាមួយចំនួនទាក់ទងនឹងការចម្លងឡើងវិញច្រើនលើកច្រើនសារ វាធ្វើឱ្យមានបញ្ហាមួយចំនួនពាក់ព័ន្ធទៅនឹងការស្រង់តួលេខខុសផង ហើយការច្រឡំគណបក្សនយោបាយទទួលបានសំឡេងឆ្នោតផង។ ដូច្នេះហើយដើម្បីចៀសវាងនៅកំហុសខុសឆ្គងនេះ បទបញ្ជានីតិវិធីសម្រាប់ការរាប់សន្លឹកឆ្នោតនៅការិយាល័យរាប់សន្លឹកឆ្នោតត្រូវបានកាត់បន្ថយ ការចម្លងទម្រង់១១០២ គឺកំណត់ហេតុនៃការរាប់សន្លឹកឆ្នោតនេះ មកនៅត្រឹម ៣ច្បាប់ ដោយមួយច្បាប់ត្រូវបានរក្សាទុកនៅក្នុងកញ្ចប់សុវត្ថិភាព “ក” ហើយសុវត្ថិភាព “ក” នេះនឹងផ្ញើទៅដល់គ.ជ.ប។ មួយច្បាប់ទៀតត្រូវផ្ញើនៅគណៈកម្មការឃុំសង្កាត់រៀបចំការបោះឆ្នោត និងមួយច្បាប់ទៀតបិទផ្សាយនៅមុខការិយាល័យបោះឆ្នោត និងរាប់សន្លឹកឆ្នោត។

មេដឹកនាំប្រធានគណបក្សខ្មែររួបរួមជាតិ បានសម្តែងការជឿជាក់ថា ទស្សនកិច្ចរបស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ទៅមីយ៉ាន់ម៉ា (ភូមា) នៅថ្ងៃទី៧-៨ ខែមករា ឆ្នាំ២០២២ នឹងទទួលបានជោគជ័យ ពីព្រោះសម្តេចមានបទពិសោធន៍ច្រើន ហើយនៅពេលដែលប្រទេសកម្ពុជាទទួលធ្វើជាប្រធានអាស៊ាន ជាឱកាសមួយដែលអាចជជែករិះរកដំណោះស្រាយបញ្ហានៅមីយ៉ាន់ម៉ា។

ស្នងការដ្ឋាននគរបាលរាជធានីភ្នំពេញ បានឱ្យដឹងថា កាលពីវេលាម៉ោង ១៩.០០នាទី ថ្ងៃទី៣១ ខែធ្នូ ឆ្នាំ២០២១ សមត្ថកិច្ចនគរបាលបានធ្វើការចាប់ឃាត់ខ្លួនបុគ្គលចំនួន០៩រូប ពីបទបានរៀបចំបាតុកម្មដោយខុសច្បាប់នៅមុខក្រុមហ៊ុនណាហ្គាវើល ធ្វើឱ្យប៉ះពាល់ដល់សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។ ស្នងការដ្ឋាននគរបាលរាជធានីភ្នំពេញ បានបញ្ជាក់ថា មុននឹងអនុវត្តវិធានការច្បាប់ចាប់ឃាត់ខ្លួនមេដឹកនាំបាតុកម្មទាំងនេះ រដ្ឋបាលរាជធានីភ្នំពេញបានធ្វើការអំពាវនាវច្រើនលើកច្រើនសាឱ្យពួកគេបញ្ឈប់សកម្មភាពតវ៉ាដោយខុសច្បាប់ សំដៅធ្វើយ៉ាងណារក្សាបាននូវសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ប៉ុន្តែពួកមេដឹកនាំបាតុកម្មមិនស្ដាប់តាមការអំពាវនាវរបស់អាជ្ញាធរ ហើយបន្តអូសបន្លាយបាតុកម្មអស់រយៈពេល១៣ថ្ងៃមកហើយ។

មានករណីបំផ្ទុះគ្រាប់បែកនៅក្បែរស្ថានទូតកម្ពុជាប្រចាំនៅប្រទេសមីយ៉ាន់ម៉ា ប៉ុន្តែមិនបណ្តាលឱ្យមន្ត្រីស្ថានទូតកម្ពុជាណាម្នាក់រងរបួសនោះទេ។ ចំណែកអាជ្ញាធរមីយ៉ាន់ម៉ា បានពង្រឹងសន្តិសុខកាន់តែខ្លាំងឡើង គឺទាំងស្ថានទូត និងផ្ទះមន្ត្រីទូតកម្ពុជាស្នាក់នៅទាំងអស់។ ការបំផ្ទុះគ្រាប់បែកនេះ បានធ្វើឡើងខណៈពេលដែលសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា គ្រោងនឹងអញ្ជើញទៅបំពេញទស្សនកិច្ចនៅប្រទេសមីយ៉ាន់ម៉ា រយៈពេលពីរថ្ងៃ គឺចាប់ពីថ្ងៃទី៧-៨ មករា ឆ្នាំ២០២២ ខាងមុខនេះនេះ តបតាមការអញ្ជើញរបស់លោកប្រធានក្រុមប្រឹក្សារដ្ឋ និងជានាយករដ្ឋមន្ត្រីនៃសាធារណរដ្ឋសហភាពមីយ៉ាន់ម៉ា។