ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានអំពាវនាវដល់មេបញ្ជាការ មេបញ្ជាការរង នាយទាហាន នាយទាហានរង និងពលទាហានកងទ័ពជើងគោកទាំងអស់ ចូលរួមប្តេជ្ញាចិត្តអនុវត្តឱ្យបានម៉ឺងម៉ាត់នូវអនុសាសន៍របស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ត្រូវប្តូរផ្ដាច់ការពាររាជានិយម ការពាររាជបល្ល័ង្ក ការពារព្រះមហាក្សត្រ ឱ្យខានតែបាន។ ការប៉ុនប៉ងផ្ដួលរំលំ និងការប្រមាថព្រះមហាក្សត្រ គឺមិនអាចលើកលែងបានឡើយ។

ឯកឧត្ដម ឧបនាយករដ្ឋមន្ត្រី បានគូសបញ្ជាក់ថា មូលបទ «អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា» បង្ហាញពីការខិតខំប្រឹងប្រែងលើកកម្ពស់ស្មារតីអាស៊ានជាគ្រួសាររួបរួមគ្នាតែមួយដែលមានសមាជិកដប់ប្រទេសប្រកបដោយស្មារតីរឹងមាំ «ទាំងអស់រួមគ្នា» ក្នុងការធ្វើសកម្មភាពរួមគ្នា ដើម្បីសម្រេចឱ្យបាននូវគោលដៅរួមគ្នា ដើម្បីរួមចំណែកប្រកបដោយការស្ថាបនាបន្ថែមទៀតដល់ការថែរក្សា និងការលើកកម្ពស់សន្តិភាព ស្ថិរភាព និងការអភិវឌ្ឍប្រកបដោយចីរភាពនៅក្នុងតំបន់ និងសកលលោក។

លោកស្រីបណ្ឌិត Noeleen Heyzer ប្រេសិតពិសេសរបស់អគ្គលេខាធិការអង្គការសហប្រជាជាតិទទួលបន្ទុកកិច្ចការមីយ៉ាន់ម៉ា បានអបអរសាទរកម្ពុជាដែលបានទទួលតួនាទីជាប្រធានអាស៊ាន ឆ្នាំ២០២២ និងជាប្រេសិតពិសេសលើកិច្ចការមីយ៉ាន់ម៉ា។ លោកស្រីបណ្ឌិត Noeleen Heyzer បានសម្តែងនូវបំណងសហការជិតស្និទ្ធជាមួយកម្ពុជា ក្នុងការគាំទ្រឱ្យមានដំណោះស្រាយតាមសន្តិវិធីចំពោះវិបត្តិនាពេលបច្ចុប្បន្ននៅក្នុងប្រទេសមីយ៉ាន់ម៉ា។

លោក ខឺយ ស៊ីនឿន អនុប្រធានគណបក្សខ្មែរស្រឡាញ់ជាតិ បានមានប្រសាសន៍ថ្លែង ប្រាប់ AMS នៅព្រឹកថ្ងៃទី៣០ ខែធ្នូនេះ ថា នៅក្នុងសកលលោកនេះ សម្រាប់ថ្នាក់ដឹកនាំកំពូលនយោបាយក្នុងប្រទេសកាន់លទ្ធិប្រជាធិបតេយ្យ គឺពុំមានកំណត់អាយុទេ តួយ៉ាងដូចជា នៅសហរដ្ឋអាមេរិក និងនៅប្រទេសនានាជាច្រើន ប៉ុន្តែបើសិនជាប្រទេសកម្ពុជា មានការកំណត់អាយុនាយករដ្ឋមន្ត្រីដូចអ្វីដែលសម្តេចបានលើកឡើង គឺជាការមួយដែលល្អ និងជាគំរូដល់ប្រទេសដទៃ ហើយទុកឱកាសលទ្ធភាពសម្រាប់យុវជនអ្នកបន្តវៀនជំនាន់ក្រោយ ឬក៏អ្នកមានសមត្ថភាពដើម្បីរួមចំណែកដឹកនាំកសាងប្រទេសនៅក្នុងការបញ្ចេញសមត្ថភាពរបស់ខ្លួន។ លោកបានបញ្ជាក់ថា ចំពោះការកំណត់អាយុនាយករដ្ឋមន្ត្រី វាជាប្រវត្តិសាស្ត្រថ្មីមួយនៅក្នុងប្រទេសកម្ពុជាដែលបានធ្វើមុនគេ។

ឯកឧត្តមបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា និងជាអ្នកវិភាគ បានមានប្រសាសន៍ប្រាប់ AMS ថា ការប្រកាសកំណត់អាយុនាយករដ្ឋមន្ត្រី ដោយសម្តេចតេជោ ហ៊ុន សែន គឺមិនមានការទាស់ខុសអ្វីទេ ហើយបើសិនជាធ្វើការកំណត់អាយុនាយករដ្ឋមន្ត្រីមែន គឺអាចនិយាយបានថា កម្ពុជាគឺជាប្រទេសទី១ ដែលកំណត់អាយុនាយករដ្ឋមន្ត្រី ដោយនៅប្រទេសនានានៅក្នុងតំបន់នៅអាស៊ីរបស់យើង គឺមិនទាន់មានប្រទេសណាដែលគេកំណត់អាយុនាយករដ្ឋមន្ត្រីទេ។ ប្រទេសកម្ពុជាគឺជាប្រទេសឈានមុខគេក្នុងការកំណត់អាយុនាយករដ្ឋមន្ត្រី។ ការធ្វើបែបនេះ ក៏ជាការប្រសើរដែរ ដែលអាចបើកឱកាសឱ្យអ្នកបន្តវេនរួមចំណែកក្នុងការដឹកនាំប្រទេស គឺជារឿងសំខាន់មួយក្នុងការបណ្តុះចក្ខុវិស័យសម្រាប់ការបន្តវេន។

ឯកឧត្តម ហ៊ុន ម៉ាណែត បានបន្ថែមសារថ្មីមួយទៀតទៅទណ្ឌិតសម រង្ស៊ី បន្ទាប់ពីសំងំស្ងៀមមិនហ៊ានតបតចំសារទី១របស់លោក ដែលបបួលសម រង្ស៊ី ភ្នាល់ដាក់តំណែងបេក្ខភាពនាយករដ្ឋមន្រ្តី។ លើបណ្ដាញសង្គមហ្វេសប៊ុកផ្លូវការនៅព្រឹកថ្ងៃទី៣០ ខែធ្នូនេះ ឯកឧត្តម ហ៊ុន ម៉ាណែត បានសរសេរថា សូមផ្ញើសំណួរមួយទៀតជូនទៅលោក សម រង្ស៊ី ដែលជាអ្នកនយោបាយចាស់វស្សាដែលចូលចិត្តវាយប្រហារពីក្រោយខ្នង តែគ្មានភាពហានក្លា ក្នុងការចេញមកតតាំងផ្ទាល់ជាមួយក្មេង៖ តើលោកមានភាពក្លាហាន និងមានឆន្ទៈនយោបាយពិតប្រាកដ ក្នុងការជ្រើសរើសបេក្ខជនបន្តវេនរបស់បក្សលោក ដូចថ្នាក់ដឹកនាំគណបក្សប្រជាជនបានធ្វើដែរឬទេ?

រយៈពេលលើស២៤ម៉ោងហើយដែលទណ្ឌិត សម រង្ស៊ី មិនទាន់បានឆ្លើយតបជាផ្លូវការថា តើខខ្លួនហ៊ានឬមិនហ៊ានទទួលយកការបបួលភ្នាល់របស់លោក ហ៊ុន ម៉ាណែត ឬអត់ ខណៈដែលអ្នកនៅជុំវិញទណ្ឌិតសម រង្ស៊ី បានបដិសេធសំណើសុំភ្នាល់នេះរួចហើយ។ សម រង្ស៊ី ខ្លួនឯង ក៏បានដឹងច្បាស់ថា ខ្លួនក៏មិនហ៊ានភ្នាល់ដែរ ព្រោះដឹងតែពីចាញ់រួចទៅហើយ ដោយសារអ្វីដែលខ្លួននិងក្រុមខ្លួនបើកយុទ្ធនាការបំផ្លាញកេរ្តិ៍ឈ្មោះនិងបំផ្លាញសេចក្តីទុកចិត្តពលរដ្ឋលើលោក ហ៊ុន ម៉ាណែត ត្រូវបានបរាជ័យយ៉ាងអាម៉ាស់ពីផែនការមួយទៅផែនការមួយទៀត ហើយពេលខ្លះចាញ់ឡើងបោសគូថខោ។

តារាចម្រៀងល្បីប្រចាំផលិតកម្មថោន លោក ករុណា ពេជ្រ បានបង្ហាញនូវក្តីរំភើបនៅពេលដែលបណ្ណវ៉ាក់សាំងបង្ការជំងឺកូវីដ-១៩ របស់កម្ពុជាត្រូវបានទទួលស្គាល់ និងមានសុពលភាពប្រើប្រាស់ទូទៅនៅប្រទេសបារាំង។ នៅបារាំងគេទទួលស្គាល់កាតចាក់វ៉ាក់សាំងរបស់កម្ពុជា។ តារាចម្រៀងរូបនេះក៏បានសូមអរគុណប្រមុខរាជរដ្ឋាភិបាលកម្ពុជាដែលបានព្យាយាមខិតខំគ្រប់មធ្យោបាយក្នុងការនាំវ៉ាក់សាំងមកចាក់ជូនប្រជាពលរដ្ឋកម្ពុជាគ្រប់វ័យ ហើយមានចេញជាប័ណ្ណមួយច្បាស់លាស់ សម្រាប់ប្រជាពលរដ្ឋកម្ពុជាងាយស្រួលប្រើប្រាស់ក្នុងប្រទេស និងក្រៅប្រទេស។

អតីតនិស្សិតថ្នាក់បណ្ឌិតមួយក្រុមដែលបានបញ្ចប់ការសិក្សានៅក្រៅប្រទេស បានទាមទារឱ្យទណ្ឌិត សម រង្ស៊ី ដែលជាអ្នកនយោបាយចាស់វង្សាធ្វើការសុំទោសជាសាធារណៈចំពោះការលើកឡើងដែលគ្មានភស្តុតាង និងបានធ្វើការវាយតម្លៃបែបបង្អាប់ពីគុណភាពសញ្ញាបត្រសិក្សានៅក្រៅប្រទេសរបស់និស្សិតកម្ពុជាថា ជាសញ្ញាបត្រប្រភេទទីពីរ ឬសញ្ញាបត្រយោគយល់។

ក្រោម​ការអនុវត្ត “​នយោបាយឈ្នះ​-​ឈ្នះ​” ព្រះរាជាណាចក្រ​កម្ពុជា ទទួលបាន​សុខសន្តិភាព ការឯកភាព​ទឹកដី ការបញ្ចប់​ជម្លោះ​ប្រដាប់អាវុធ និង​ការ​បង្រួម​បង្រួម​ជាតិ​ពិត​ប្រាកដជា​លើកដំបូង​ក្នុង​ប្រវត្តិសាស្ត្រ​របស់ខ្លួន​ក្នុង​រយៈពេល​រាប់រយឆ្នាំ​ចុងក្រោយ​។​ ​ក្រឡេក​មក​មើល​កម្ពុជា​២៣​ឆ្នាំ​ចុងក្រោយ ប្រទេស​ដ៏​កម្សត់​មួយ​នេះ ​បាន​កំពុង​ប្រែ​ក្លាយខ្លួនជា​កូន​នាគ​ប្រចាំ​ទ្វីបអាស៊ី តាមរយៈ​កំណើនសេដ្ឋកិច្ច​ដែល​គួរ​ឱ្យកត់សម្គាល់​ជា​បន្តបន្ទាប់​…​។​ នេះ​ជា​សំណេរ​លើ​បណ្ដាញ​សង្គម​ហ្វេ​ស​ប៊ុ​ក​ផ្លូវការ​របស់​ឯកឧត្តម ហ៊ុន ម៉ា​នី ប្រធាន​សហភាព​សហព័ន្ធ​យុវជនកម្ពុជា​នៅ​រសៀល​ថ្ងៃទី​២៩ ​ខែ​ធ្នូ ឆ្នាំ​២០២១​នេះ​។