អង្គជំនុំជម្រះតុលាការកំពូល នៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានបដិសេធសំណើរបស់សហព្រះរាជអាជ្ញាអន្តរជាតិ សុំបញ្ជូនសំណុំរឿង០០៣ ប្រឆាំងនឹង មាស មុត ទៅជំនុំជម្រះ។ នេះបើយោងតាមសេចក្តីប្រកាសព័ត៌មានរបស់ អ.វ.ត.ក នៅថ្ងៃទី១៧ ខែធ្នូ ឆ្នាំ២០២១។

សម្ដេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ​ បាន​ថ្លែងថា អាវុធ​គ្រប់​ប្រភេទ​ រួមទាំង​សម្ភារ​យោធាផ្សេងៗរបស់​សហរដ្ឋអាមេរិក​ត្រូវបាន​ប្រមូល​ជា​បណ្ដើរៗ​ និង​បានជា​បន្តបន្ទាប់​ហើយ​គ្រោង​នឹង​កម្ទេចចោល​ចំពោះ​របស់​ប្រើប្រាស់​មិនកើត និង​របស់​ដែល​នៅ​ប្រើ​បាន​ត្រូវ​រក្សាទុក​ក្នុង​ឃ្លាំង និង​សារមន្ទីរ។

មន្ត្រី​យោធា​ជាន់ខ្ពស់​នៃ​សហព័ន្ធរុស្ស៊ី​ បាន​វាយតម្លៃ​ខ្ពស់​ និង​បាន​អរគុណ​ដល់​កម្ពុជា​ដែល​បាន​យកចិត្តទុកដាក់​លើ​ការពង្រឹង​ទំនាក់ទំនង​កិច្ចសហប្រតិបត្តិការ​រ​វាង​កងទ័ពជើងគោក​នៃ​ប្រទេស​ទាំងពីរ ​និង​បានបញ្ជាក់​អំពី​ការត្រៀមខ្លួន​ជានិច្ច​ក្នុងការ​អនុវត្ត​សកម្មភាព​កិច្ចសហប្រតិបត្តិការ​នា​នា​។​ ទន្ទឹមនេះ​កម្ពុជា​ក៏​ជា​ដៃគូ​ប្រកបដោយ​ទំនុកចិត្ត​ទៅក្នុង​តំបន់​អាស៊ីអាគ្នេយ៍។​

អង្គភាពប្រឆាំងអំពើពុករលួយ បានសម្រេចឃាត់ខ្លួនមន្រ្តីនគរបាលជាតិពីររូប ដែលបំពេញការងារនៅស្នងការដ្ឋាននគរបាលខេត្តកំពង់ឆ្នាំង ដោយជាប់ពាក់ព័ន្ធនឹងការកាន់កាប់ព្រៃលិចទឹក។ ជនជាប់សង្ស័យគឺឧត្តមសេនីយ៍ត្រី ស៊ុំ សុជាតិ ស្នងការរងនគរបាលខេត្ត និងវរសេនីយ៍ឯក កែវ ណារុន ប្រធានការិយាល័យអន្តរាគមន៍ និងតម្រួតបទបញ្ជា នៃស្នងការដ្ឋាននគរបាលខេត្តកំពង់ឆ្នាំង។ ជនទាំងពីរ ត្រូវបាននាំខ្លួនមកកាន់អង្គភាពប្រឆាំងអំពើពុករលួយកាលពីព្រឹកថ្ងៃទី១៦ ខែធ្នូ ឆ្នាំ២០២១។

មនុស្សជំនិតរបស់លោក កឹម សុខា បានបន្តធ្វើការវាយប្រហារទៅលើទណ្ឌិត សម រង្ស៊ី មេចលនាឧទ្ទាមក្រៅច្បាប់ និងបានហៅទណ្ឌិតរូបនេះថា ជាមនុស្សល្ងង់ខ្លៅមិនយល់ដឹងពីនយោបាយការទូត ជាលក្ខណៈទ្វេភាគីរបស់រដ្ឋអធិបតេយ្យ និងនយោបាយការទូតជាលក្ខណៈពហុភាគីរបស់អង្គការតំបន់ ជាពិសេសតួនាទីរបស់រដ្ឋសមាជិកនៃអង្គការសហប្រជាតិដែលស្រឡាញ់សន្តិភាពទាល់តែសោះ។

ឯកឧត្ដម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា និងឯកឧត្ដម មិកាមិ ម៉ាសាហ៊ីរ៉ូ (MIKAMI Masahiro) ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា បានចុះហត្ថលេខាលើលិខិតប្ដូរសារ និងឯកសារពាក់ព័ន្ធ ស្ដីពីការផ្ដល់ហិរញ្ញប្បទានឥតសំណងរបស់ជប៉ុន ដែលមានទឹកប្រាក់សរុបចំនួន១.៥០០ លានយ៉េន (ប្រមាណ ១៣,៩ លានដុល្លារអាមេរិក) ក្រោមកម្មវិធីអភិវឌ្ឍន៍សេដ្ឋកិច្ច និងសង្គម សម្រាប់អនុវត្តគម្រោងបំពាក់គ្រឿងចក្រលើកដាក់គែមផែចល័ត (Mobile Harbor Crane) នៅកំពង់ផែស្វយ័ត ក្រុងព្រះសីហនុ។

រាជរដ្ឋាភិបាល​កម្ពុជា បានផ្ញើសាររំលែកទុក្ខ​ជូន​ប្រជាជន​សហរដ្ឋអាមេរិក​ដែល​ទទួលរង​គ្រោះ​ដោយ​ការបំផ្លិចបំផ្លាញ​យ៉ាង​ធ្ងន់​​ធ្ង​រ​ដោយសារ​ខ្យល់ព្យុះ​កំបុតត្បូង​។ ខ្លឹមសារ​នៃ​សេចក្តីប្រកាស​ព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ​នៅថ្ងៃទី១៦ ខែធ្នូ ឆ្នាំ២០២១ បាន​បញ្ជាក់ថា​៖ ​​រាជរដ្ឋាភិបាល​កម្ពុជាមាន​សេចក្ដី​សោកសង្រេង​យ៉ាងខ្លាំង ពេល​បានទទួល​ដំណឹង​ពី​ការបាត់​បង់ជីវិត​មនុស្ស​ជាច្រើន​នាក់ និង​ការខូចខាត​ទ្រព្យសម្បត្តិ​ដ៏​ច្រើនសន្ធឹក​សន្ធាប់ ដែល​បង្កឡើង​ដោយ​ខ្យល់ព្យុះ​កំបុតត្បូង​ដ៏​សាហាវ ដែល​វាយប្រហារ​មកលើ​រដ្ឋ​មួយចំនួន​នៅ​ភាគ​ខាងលិច និង​ខាងត្បូង​នៃ​សហរដ្ឋអាមេរិក​។

អង្គភាពប្រឆាំងអំពើពុករលួយបាននាំខ្លួនលោកឧត្តមសេនីយ៍ត្រី ស៊ុំ សុជាតិ ស្នងការរងនគរបាលខេត្តតកំពង់ឆ្នាំង និងលោកវរសេនីយ៍ឯក កែវ ណារុន ប្រធានការិយាល័យអន្តរាគមន៍នៃស្នងការដ្ឋាននគរបាលខេត្តកំពង់ឆ្នាំង មកសាកសួរពាក់ព័ន្ធនឹងករណីរំលោភដីព្រៃលិចទឹកតំបន់៣ នៅថ្ងៃទី១៦ ខែធ្នូ ឆ្នាំ២០២១នេះ។

លោកជំទាវបណ្ឌិត ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ត្រូវបានអង្គសន្និបាតសមាគមកាយឫទ្ធិនារីកម្ពុជា បោះឆ្នោតជ្រើសរើសតែងតាំងជាអគ្គស្នងការនៃសមាគមកាយឬទ្ធិកម្ពុជា អាណត្តិ ២០២១-២០២៤។ ការបោះឆ្នោតជ្រើសតាំងលោកជំទាវបណ្ឌិត ពេជ ចន្ទមុនី្ន ជាអគ្គស្នងការថ្មីនៃសមាគមកាយឫទ្ធិនារីកម្ពុជា បានធ្វើឡើងក្នុងសន្និបាតសមាគមកាយឫទ្ធិនារីកម្ពុជាលើកទី១០ ដែលប្រព្រឹត្តទៅនៅថ្ងៃទី១៦ ខែធ្នូ ឆ្នាំ២០២១

ឯកឧត្តម ដន ប្រាម៉ាត់វីណៃ ឧបនាយករដ្ឋមន្រ្តី រដ្ឋមន្រ្តីការបរទេស នៃព្រះរាជាណាចក្រថៃ នឹងអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជា និងធ្វើជាសហប្រធានជាមួយឯកឧត្តម ឧបនាយករដ្ឋមន្រ្តី ប្រាក់ សុខុន ដឹកនាំកិច្ចប្រជុំលើកទី១១ នៃគណៈកម្មការចម្រុះសម្រាប់កិច្ចសហប្រតិបត្តិការទ្វេភាគី (JC) រវាងកម្ពុជា និងថៃ ពីថ្ងៃទី១៦ ដល់ ១៨ ខែធ្នូ ឆ្នាំ២០២១ នៅរាជធានីភ្នំពេញ។