ភ្នំពេញ៖ លោក តែប តុន អនុប្រធានសហភាពពលកម្មជាតិកម្ពុជា បានបញ្ជាក់ថា ក្នុងករណីអង្គការសង់ត្រាល់ ពុំធ្វើការកែប្រែខ្លឹមសារនៅក្នុងរបាយការណ៍របស់ខ្លួនតាមការទាមទាររបស់មេដឹកនាំសហជីពជាច្រើននោះទេ គឺមេដឹកនាំសហជីពតំណាងកម្មករ គ្រប់វិស័យនឹងពិចារណាដាក់ពាក្យបណ្តឹង ទៅតុលាការលុបឈ្មោះអង្គការសង់ត្រាល់ចេញពីបញ្ជីនៅក្នុងក្រសួងមហាផ្ទៃនិងសហជីព នៅកម្ពុជា។ ការបញ្ជាក់នេះ បន្ទាប់ពីសហភាពពលកម្មជាតិកម្ពុជា ដាក់ញ្ញត្តិជូនឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ នៅព្រឹកថ្ងៃទី៣០ ខែមិថុនា ឆ្នាំ២០២៤ ស្នើសុំជួយពន្លឿនបើកការសើបអង្កេត និងមានចំណាត់តាមការផ្លូវច្បាប់ចំពោះអង្គការ មជ្ឈមណ្ឌលសម្ព័ន្ធភាពការងារ និងសិទ្ធិមនុស្សកម្ពុជា( សង់ត្រាល់ )។ នៅថ្ងៃទី៣០ ខែមិថុនា ឆ្នាំ២០២៤ នេះដែរ សហភាពពលកម្មជាតិកម្ពុជា បានដាក់ញ្ញត្តិដោយឡែកមួយទៀតស្នើសុំទៅស្ថានទូតអាមេរិកប្រចាំប្រទេសកម្ពុជា គួរពិចារណាលើរបាការណ៍ញុះញ៉ុង ឱ្យមានការ រើសអើង លាបពណ៌នាំឱ្យមានការបែកបាក់ធ្ងន់ធ្ងរ បំផ្លិចបំផ្លាញសន្តិសុខ សណ្តាប់ធ្នាប់សាធារណៈក្នុងគោលបំណងបង្កឱ្យមានអស្ថេរភាព និងនាំឱ្យខាតប្រយោជន៍បងប្អូនកម្មករ និយោជិត និងសង្គមជាតិទាំងមូលរបស់អង្គការសង់ត្រាល់នេះបន្តទៀត៕ដោយ៖ពលជ័យ

ភ្នំពេញ៖ នៅព្រឹកថ្ងៃទី៣០ ខែមិថុនា ឆ្នាំ២០២៤ សហភាពពលកម្មជាតិកម្ពុជា បានដាក់ញ្ញត្តិជូនឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ស្នើសុំជួយពន្លឿនបើកការសើបអង្កេត និងមានចំណាត់តាមការផ្លូវច្បាប់ចំពោះអង្គការ មជ្ឈមណ្ឌលសម្ព័ន្ធភាពការងារ និងសិទ្ធិមនុស្សកម្ពុជា(សង់ត្រាល់)៕

ភ្នំពេញ៖ មេដឹកនាំបណ្តុំអង្គការសមាគមសង្គមស៊ីវិលបានអំពាវនាវដល់ប្រជាជនខ្មែរគ្រប់រូបគួរមានមនសិកាជាតិនិយមជាធំ កុំចាញ់កលមនោគមវិជ្ជាខ្មៅកខ្វក់របស់ក្រុមជ្រុលនិយម និងសូមកុំចូលរួមរាល់សកម្មភាពដែលបង្ហាញពីភាពបែកបាក់សាមគ្គីជាតិ តាមការញុះញង់របស់ក្រុមនយោបាយជ្រុលនិយមមួយចំនួនតូច ដែលមានចេតនាចង់បង្ករភាពវឹកវរដល់សង្គមជាតិខ្លួនឱ្យសោះ ហើយចូលរួមលើកកម្ពស់ស្មារតីជាតិនិយម និងកម្ចាត់នយោបាយជ្រុលឲ្យអស់ចេញពីកម្ពុជា។ លោក ហេង សំណាង ប្រធានបណ្តុំអង្គការសមាគមសង្គមស៊ីវិល បានឃើញសកម្មភាព អំពីការបង្ករភាពវឹកវរដល់សង្គមជាតិ របស់ក្រុមជ្រុលនិយមនាពេលកន្លងមក។ ការរៀបចំយុទ្ធសាស្រ្តបំបែកបំបាក់កម្លាំងស្មារតីជាតិនិយម សាមគ្គីជាតិ គឺដោយសារពួកគេមានមហិច្ឆតាអប្បិយហួសពីព្រំដែន ដែលប្រទេសកម្ពុជាកំពុងតែមានសេចក្តីសុខក្សេមក្សាន្ត និងការអភិវឌ្ឍយ៉ាងឆាប់រហ័ស ជាការពិតណាស់ការដឹកនាំប្រទេសដើម្បីឱ្យមានការអភិវឌ្ឍន៍ និងជឿនលឿន តែងតែមានការអនុវត្តច្បាប់ ចំពោះជនណាដែលបង្កររឿងផ្ទុយនឹងច្បាប់គួរតែទុកឱ្យច្បាប់ជាកំណត់។ បើការរស់នៅក្នុងប្រទេសដែលគ្មានច្បាប់ ជនបំពានច្បាប់ចេះតែកើតមាន តើយើងអាចបើកភ្នែកមើលប្រទេសជាតិរបស់ខ្លួនក្នុងភាពវឹកវរបានដែលឬទេ? ប្រទេសកម្ពុជាធ្លាប់ឆ្លងកាត់ការឈ្លានពានពីបរទេស បែកបាក់សាមគ្គីផ្ទៃក្នុង ដោយការសាបព្រោះមនោគមន៍វិជ្ជានយោបាយខ្មៅកខ្វក់ លាបពណ៌ ញុះញង់ បំបែកបំបាក់ រហូតដល់កម្ពុជាសឹងបាត់បង់ប្រទេសទាំងមូល នេះគឺជាមេរៀន និងប្រវត្តិសាស្រ្តដែលកូនខ្មែរបានដឹងយ៉ាងច្បាស់។ លោក ហេង សំណាង បានបន្តឱ្យដឹងថា ដូចនេះហើយ កម្ពុជាត្រូវបានចាប់ផ្តើមកសាងឡើងវិញចាប់ពីបាតដៃទទេ រហូតមានការរីកចម្រើនលើគ្រប់វិស័យ មកដល់ពេលបច្ចុប្បន្ននេះ។ «ពិតណាស់សន្តិភាពពិបាករកទៅហើយ កាន់តែលំបាកគឺរក្សាឱ្យបាននូវសន្តិភាព និងការអភិវឌ្ឍ» ការបូជាសាច់ស្រស់ឈាមស្រស់ របស់ថ្នាក់ដឹកនាំប្រទេសកម្ពុជា ដើម្បីបុព្វហេតុជាតិ និងបូរណភាពទឹកដី និងអធិបតេយ្យភាពពេញលេញ បច្ចុប្បន្នកម្ពុជា ក្លាយជាប្រទេសស្មើមុខស្មើមាត់នៅលើសាកលលោក។ ទង្វើសម្ដែងការប្រឆាំងជាមួយនឹងភាពរីកចម្រើនរបស់ប្រទេសជាតិខ្លួន…

ឯកឧត្តម ជុំ សុន្ទរី រដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានឆ្លើយតបទៅនឹងការសាកសួររបស់អ្នកសារព័ត៌មានអំពីជំហររបស់កម្ពុជាលើ “ការយល់ដឹងរួមប្រាំមួយចំណុចស្តីពីដំណោះស្រាយនយោបាយនៃវិបត្តិអ៊ុយក្រែន” (Six-Point Common Understanding on Political Settlement of the Ukraine Crisis) ដែលបានលើកឡើងរួមគ្នាដោយសាធារណរដ្ឋប្រជាមានិតចិន និងប្រេស៊ីល នៅថ្ងៃទី២៣ ឧសភា ឆ្នាំ ២០២៤។ ទាក់ទងករណីខាងលើនេះ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានគូសបញ្ជាក់ដូចតទៅ៖កម្ពុជាគាំទ្រ “ការយល់ដឹងរួមប្រាំមួយចំណុច ស្តីពីដំណោះស្រាយនយោបាយនៃវិបត្តិអ៊ុយក្រែន” របស់ចិន និងប្រេស៊ីល ដោយខ្លឹមសារនៃឯកសារនេះសមស្រប ឆ្លើយតបសភាពការណ៍ជាក់ស្តែង ដែលត្រូវសង្កត់ធ្ងន់លើអាទិភាពចំពោះមុខចំនួន៤គឺ (១) ទប់ស្កាត់កំណើនភាពតានតឹង និងបង្កបរិយាកាសអំណោយផលដល់ការសន្ទនា ដែលចាំបាច់ត្រូវមានការចូលរួមពីអ៊ុយក្រែន និងរុស្ស៊ី (២) បញ្ចៀសការធ្លាក់ដុនដាបកាន់តែខ្លាំងនូវវិបត្តិមនុស្សធម៌ (៣) បញ្ចៀសវិបត្តិនុយក្លេអ៊ែរ និង(៤) បង្កើនការខិតខំលើកកម្ពស់សន្តិសុខស្បៀង ថាមពល និងស្ថិរភាពខ្សែច្រវ៉ាក់ផ្គត់ផ្គង់៕ដោយ៖ពលជ័យ

ភ្នំពេញ៖ សម្ព័ន្ធសហជីពជាតិ បានព្រមានចាត់វិធានការតាមផ្លូវច្បាប់លើមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់សង់ត្រាល់ និងបុគ្គលឈ្មោះ ឃុន ថារ៉ូ អ្នកគ្រប់គ្រងកម្មវិធីការងារសង់ត្រាល់ បើសិនជាមិនធ្វើការកែតម្រូវរបាយការណ៍របស់ខ្លួន និងមិនបង្ហាញភស្តុតាងក្នុងការចោទប្រកាន់លាបពណ៌មកលើសហជីព។ លោក ហ្វា សាលី ប្រធានសម្ព័ន្ធសហជីពជាតិ បានបញ្ជាក់ថា បើសិនជាមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (ហៅថា សង់ត្រាល់) គ្មានភស្តុតាងបង្ហាញច្បាស់លាស់ក្នុងការចោទប្រកាន់មកលើសហជីពនោះទេ គឺខាងសម្ព័ន្ធសហជីពជាតិ នឹងមានវិធាការផ្លូវច្បាប់លើបុគ្គលឈ្មោះ ឃុន ថារ៉ូ អ្នកគ្រប់គ្រងកម្មវិធីការងារសង់ត្រាល់តែម្តង ពីព្រោះមិនអាចទុកឱ្យសង់ត្រាល់ធ្វើរបាយការណ៍ស្រមោលបែបនេះបានតទៅទៀតទេ។ ការបញ្ជាក់នេះ នៅក្នុងសន្និសីទសារព័ត៌មាននារសៀលថ្ងៃទី២៨ ខែមិថុនា ឆ្នាំ២០២៤។ លោក ហ្វា សាលី បានបញ្ជាក់យ៉ាងដូច្នេះថា “ក្នុងនាមខ្ញុំជាស្ថាប័នឯករាជ្យមួយ គឺខ្ញុំទទូចហើយទទូចទៀតឱ្យគាត់ (សង់ត្រាល់) កែតម្រូវទៅលើរបាយការណ៍របស់គាត់ ហើយចំពោះបុគ្គលដែលតែងតែប្រមាថមើលងាយថា សហជីពក្លែងក្លាយ សហជីពរណបរដ្ឋាភិបាល សហជីពខ្មៅ សហជីពលឿងអីនោះ គឺខ្ញុំនឹងពិនិត្យមើលឡើងវិញថា គួរតែចាត់វិធានការប្តឹងបុគ្គលនោះ ឬយ៉ាងម៉េច? ហើយយើងទុកឱកាសឱ្យសង់ត្រាល់ធ្វើការកែប្រែ តែបើសិនមិនមានការកែប្រែយើងនឹងពិនិត្យបន្ថែមទៀត។ យើងព្យាយាមមើលទៅលើកំហុសអចេតនា ឬក៏ឱ្យគាត់បង្ហាញភស្តុតាង។ បើសិនជាមកដល់ពេលនេះ គាត់គ្មានភស្តុតាងបង្ហាញជូនខាងយើង ក៏ដូចជាសហជីព គឺយើងអាចនឹងមានវិធានការផ្លូវច្បាប់ប្តឹងគាត់តែម្តង…

ភ្នំពេញ៖ ឆ្លើយតបទៅនឹងរបាយការណ៍របស់មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (ហៅថា សង់ត្រាល់) កាលពីពេលកន្លងទៅ សម្ព័ន្ធសហជីពជាតិ បានបញ្ជាក់ថា របាយការណ៍របស់សង់ត្រាល់ គឺមិនមានប្រភព និងភស្តុតាងច្បាស់លាស់ត្រង់ចំណុចថា តំណាងសហជីពមកពីកន្លែងការងារចំនួន១០ ក្នុងចំណោម ១៤ បានរាយការណ៍ថា ពួកគេបានជួបការរារាំង ឧបសគ្គក្នុងការអនុវត្តសិទ្ធិសេរី ភាពរបស់ពួកគេ (សេរីភាពភាពសហជីពសមាគម FOA) ថែមទាំងមានការបំភិតបំភ័យផ្ទាល់មាត់ ការគំរាមកំហែង ការយាយី និងការដាក់ក្នុងបញ្ជីខ្មៅ ដែលជាហេតុធ្វើឱ្យប៉ះពាល់យ៉ាងធ្ងន់ធ្ងរលើសមត្ថភាពរបស់ពួកគេក្នុងការបំពេញមុខងាររបស់ខ្លួន។ លោក ហ្វា សាលី ប្រធានសម្ព័ន្ធសហជីពជាតិ បានបន្តថា បើយោងតាមច្បាប់ សហជីពបុគ្គល ឬសហជីពដែលទទួលរងនូវការគំរាមកំហែង ការយាយី ការរារាំងមិនឱ្យអនុវត្តសិទ្ធិរបស់ខ្លួន មានសិទ្ធិប្តឹងទៅក្រសួងការងារ ឬតុលាការបាន ប៉ុន្តែមកទល់នឹងពេលនេះ ក្រសួងការងារមិនដែលទទួលពាក្យបណ្ដឹងពីសហជីពណាមួយឡើយចំពោះបញ្ហាខាងលើ នេះសរបញ្ជាក់ឱ្យឃើញថា របាយការណ៍ របស់ CENTRAL មិនមានភស្តុតាង និងប្រភពច្បាស់លាស់ លើសពីនេះទៅទៀត ពួកគាត់អាចប្តឹងករណីនេះទៅតុលការបានពីបទព្រហ្មទណ្ឌ។ មួយវិញទៀត ប្រសិនបើមានបណ្ដឹងពិតមែន ហើយក្រសួងមិនដោះស្រាយជូនសហជីព CENTRAL គួរតែ លើកយកបញ្ហានេះមកសួរនាំក្រសួងការងារ ហើយបើក្រសួងការងារមិនបានដោះស្រាយទើបគាត់អាចយកទៅចុះផ្សាយបាន ។…

ភ្នំពេញ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានមានប្រសាសន៍បញ្ជាក់ថា គម្រោងព្រែកជីក-ហ្វូណនតេជោ គឺជាគំនិតផ្ដួចផ្ដើមកើតចេញពីមនសិការ និងឆន្ទៈរបស់ កម្ពុជាសុទ្ធសាធ ដែលនឹងផ្ដល់ផលចំណេញយ៉ាងធំដល់កម្ពុជា ដូចជាការចំណេញចម្ងាយផ្លូវដឹកជញ្ជូន, ចំណេញខាងការប្រកួតប្រជែងតម្លៃ, បង្កើនប្រព័ន្ធស្រោចស្រព និងការរំដោះទឹកជំនន់, ជួយពង្រីកការដាំដុះនៅភាគនិរតី, ទទួលបានផលនេសាទ និងពីវារីវប្បកម្ម ព្រមទាំងជំរុញដល់វិស័យទេសចរណ៍ផងដែរ។ ការបញ្ជាករបស់សម្តេចតេជោ ក្នុងមិទ្ទីងអបអរសាទរខួប៧៣ឆ្នាំ ថ្ងៃកំណើតបក្សប្រជាជនកម្ពុជា (២៨ មិថុនា ១៩៥១-២៨ មិថុនា ២០២៤)។ ពិធីនេះប្រារព្ធធ្វើឡើងនៅវិមាន ៧មករា ស្នាក់ការកណ្ដាលគណបក្សប្រជាជនកម្ពុជា នាព្រឹកថ្ងៃទី២៨ ខែមិថុនា ឆ្នាំ២០២៤។ សម្តេចតេជោបានមានប្រសាសន៍បន្តថា ព្រែកជីកហ្វូណនតេជោ នឹងជួយឱ្យកម្ពុជាពង្រឹងនូវឯក-រាជ្យភាពខាងនយោបាយលើការដឹកជញ្ជូនតាមផ្លូវទឹក។ ព្រែកជីកនេះ នឹងមិនបង្កផលប៉ះពាល់ដល់បរិស្ថាន និងរំហូរទឹកទន្លេមេគង្គឡើយ។ ជាមួយគ្នានេះ សម្តេចតេជោ បានថ្លែងអំណរគុណចំពោះបងប្អូនជនរួមជាតិនៅគ្រប់ទិសទីដែលបានគាំទ្រពេញទំហឹងដល់គម្រោងអភិវឌ្ឍន៍ព្រែកជីកហ្វូណនតេជោ ដែលនឹងត្រូវបើកការដ្ឋានស្ថាបនានៅក្នុងពេលដ៏ខ្លីខាងមុខនេះ។ នេះជាចលនាជាតិដ៏ខ្លាំងក្លាមួយទៀតរបស់ប្រជាជនទាំងមូល ដូចទៅនឹងចលនាជាតិការពារអធិបតេយ្យ បូរណភាពទឹកដី និងចលនាជាតិការពារខឿនសុខភាពប្រជាជននាពេលកន្លងមក៕ដោយ៖ពលជ័យរូបភាព៖ហ្វេសប៊ុកសម្តេចតេជោ ហ៊ុន សែន

ភ្នំពេញ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានមានប្រសាសន៍បញ្ជាក់ថា “យើងមិនអនុញ្ញាតដាច់ខាតឱ្យពួកអ្នកនយោបាយជ្រុលនិយមមួយក្ដាប់តូចមកបំផ្លាញសន្តិភាពបានឡើយ ក្នុងន័យនេះ ខ្ញុំសូមអំពាវនាវដល់ប្រជាជនទាំងមូលលើកកម្ពស់ស្មារតីជាតិនិយម និងកម្ចាត់នយោបាយជ្រុលនិយមឱ្យអស់ពីកម្ពុជា”។ ការបញ្ជាក់របស់សម្តេចតេជោ ក្នុងមិទ្ទិញអបអរសាទរខួប៧៣ឆ្នាំ ថ្ងៃកំណើតបក្សប្រជាជនកម្ពុជា (២៨ មិថុនា ១៩៥១-២៨ មិថុនា ២០២៤)។ ពិធីនេះប្រារព្ធធ្វើឡើងនៅវិមាន ៧មករា ស្នាក់ការកណ្ដាលគណបក្សប្រជាជនកម្ពុជា នាព្រឹកថ្ងៃទី២៨ ខែមិថុនា ឆ្នាំ២០២៤។ ប្រមុខដឹកនាំគណបក្សប្រជាជនកម្ពុជាបានបញ្ជាក់ទៀតថា សន្តិភាពពេញលេញដែលយើងបង្កើតបានរយៈពេលជាង២៥ឆ្នាំមកនេះ គឺបានមកដោយលំបាកជាទីបំផុត។ យើងត្រូវឆ្លងកាត់ការតស៊ូ ការលះបង់ ការព្យាយាម អត់ធ្មត់ និងទប់ទល់នឹងកត្តាអវិជ្ជមានច្រើនណាស់ទើបសម្រេចបាន។ ហេតុនេះ យើងត្រូវអរគុណសន្តិភាព ត្រូវរួមគ្នាការពារសន្តិភាពឱ្យឋិតថេរគង់វង្សរឹងមាំជានិច្ច។ មានសន្តិភាពទើបមានការអភិវឌ្ឍប្រកបដោយចីរភាព ផ្ទុយមកវិញ មានការអភិវឌ្ឍប្រកបដោយចីរភាព និងសមធម៌ ទើបធានាការពារបាននូវសន្តិភាព។ សម្តេចតេជោបានបន្តថា ម្យ៉ាងទៀតដើម្បីធានានិរន្តរភាពនៃការអភិវឌ្ឍ ចាំបាច់ត្រូវបន្តជំរុញការកែទម្រង់ជាប់ជានិច្ច ព្រោះថាការកែទម្រង់ជាកម្លាំងចលករនៃអភិវឌ្ឍន៍ បើគ្មានការកែទម្រង់ ឬការកែទម្រង់គ្មានប្រសិទ្ធភាពនោះ ការអភិវឌ្ឍនឹងខ្វះកម្លាំងជំរុញហើយ។ សម្តេចតេជោបានបញញជាក់បន្ថែមថា គណបក្សប្រជាជនកម្ពុជាបន្តជ្រោងខ្ពស់ទង់មហាសាមគ្គីជាតិក្រោមដំបូលរដ្ឋធម្មនុញ្ញ នៃព្រះរាជាណាចក្រកម្ពុជា និងបាវចនា ជាតិ សាសនា ព្រះមហាក្សត្រ ប្រឆាំងដាច់ខាតនូវរាល់សកម្មភាពណាដែលធ្វើឱ្យសាមគ្គីភាពត្រូវចុះខ្សោយ។…

ភ្នំពេញ៖ មេដឹកនាំគណបក្សនយោបាយ ដែលមានសហប្រតិបត្តិការ និងសម្ព័ន្ធភាពជាមួយគណបក្សប្រជាជនកម្ពុជា បានអបអរសាទរខួបអនុស្សាវរីយ៍លើកទី៧៣ នៃថ្ងៃបង្កើតគណបក្សប្រជាជនកម្ពុជា ដែលបានចាប់បដិសន្ធិឡើងនាថ្ងៃទី២៨ ខែមិថុនា ឆ្នាំ១៩៥១ ដល់ថ្ងៃទី២៨ ខែមិថុនា ឆ្នាំ២០២៤។ គណបក្សនយោបាយទាំងនោះ ក៏បានចូលរួមអបអរសាទរដោយស្មារតីមោទនភាពជាតិដ៏ខ្ពង់ខ្ពស់បំផុតចំពោះគណបក្សប្រជាជនកម្ពុជា ដែលជាបង្អែកដ៏រឹងមាំរបស់ជាតិមាតុភូមិកម្ពុជា។ លោកជំទាវ ពោធិតី សាវត្ថី ប្រធានគណបក្សធម្មាធិបតេយ្យ បានមានប្រសាសន៍ថា ក្នុងឱកាសដ៏ប្រពៃថ្លៃថ្លា នៃខួបអនុស្សាវរីយ៍លើកទី៧៣ នៃថ្ងៃបង្កើត គណបក្សប្រជាជនកម្ពុជា ដែលបានចាប់បដិសន្ធិឡើង នាថ្ងៃទី២៨ ខែមិថុនា ឆ្នាំ១៩៥១ ដល់ថ្ងៃទី២៨ ខែមិថុនា ឆ្នាំ២០២៤ គណបក្សធម្មាធិបតេយ្យ សូមចូលរួមអបអរសាទរដោយស្មារតីមោទនភាពជាតិដ៏ខ្ពង់ខ្ពស់បំផុត ចំពោះ គណបក្សប្រជាជនកម្ពុជា ដែលជាបង្អែកដ៏រឹងមាំរបស់ជាតិមាតុភូមិកម្ពុជា។ លោកជំទាវ ពោធិតី សាវត្ថី មានប្រសាសន៍យ៉ាងដូច្នេះថា ៖ “យើងខ្ញុំទាំងអស់គ្នា សូមចងចាំជានិច្ចនូវស្នាដៃដឹកនាំ ដ៏ឧត្តុង្គឧត្តម ធំធេងមហាសាល របស់សម្តេចអគ្គមហាសេនាបតីតេជោ ហ៊ុន សែន និងបុព្វបុរស អ្នកស្នេហាជាតិ ដែលបានចូលរួមបូជាអាយុជីវិតពុះពារជម្នះគ្រប់ឧបសគ្គ ដើម្បីប្រទេសកម្ពុជា ឱ្យមានឯករាជ្យ សន្តិភាព សេរីភាព…

ភ្នំពេញ៖ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានមានប្រសាសន៍បញ្ជាក់ថា បន្ទាប់ពីថ្ងៃជ័យជម្នះ ៧មករា គណបក្សប្រជាជនកម្ពុជា បានដឹកនាំប្រជាជនជ្រោងទង់មហាសាមគ្គីជាតិ ដើម្បីការពារការរស់ឡើងវិញរបស់ប្រជាជាតិ ទប់ស្កាត់ការប៉ុនប៉ងនាំយករបបប្រល័យពូជសាសន៍មកវិញ និងស្ដារកសាងមាតុភូមិឡើងវិញពីគំនរផេះផង់។ យើងពិតជាមិនអាចរៀបរាប់អស់អំពីឧបសគ្គ និងការលំបាករាប់ម៉ឺនជំពូកដែលយើងបានជួប និងឆ្លងកាត់ក្នុងរយៈពេលជាង៤៥ឆ្នាំ មកនេះបានឡើយ ប៉ុន្តែយើងអាចអះអាងប្រកបដោយមោទនភាពបំផុត អំពីបណ្ដាសមិទ្ធផលធំៗជាប្រវត្តិសាស្ត្រដែលយើងសម្រេចបានក្នុងការស្ដារ ការកសាង និងអភិវឌ្ឍសង្គមជាតិ ដោយចាប់ផ្ដើមពីស្ថានភាពវិនាសអន្តរាយខ្ទេចខ្ទីដោយអំពើប្រល័យពូជសាសន៍ និងសង្គ្រាមស៊ីវិលដ៏រ៉ាំរ៉ៃ មកកាន់ស្ថានភាពដែលប្រទេសជាតិទាំងមូលមានសន្តិភាព ឯកភាពជាតិពេញលេញ និងមានការផ្លាស់ប្ដូររីកចម្រើនលើគ្រប់វិស័យ។ សម្តេចតេជោបញ្ជាក់ថា យើងបានធ្វើឱ្យបរាជ័យគ្រប់ជំហានចំពោះឧបាយកល និងសកម្មភាពប្រទូសរ៉ាយឥតឈប់ឈររបស់កម្លាំងនយោបាយជ្រុលនិយម និងមជ្ឈដ្ឋានអគតិមួយចំនួន ដែលប៉ុនប៉ងផ្ដួលរំលំគណបក្សប្រជាជនកម្ពុជា។ ការរស់ឡើងវិញរបស់ប្រជាជាតិខ្មែរយើងដែលបានរំដោះរួចផុតពីរបបប្រល័យពូជសាសន៍, ការបង្កើតបានសន្តិភាពពេញលេញតាមរយៈនយោបាយឈ្នះ ឈ្នះ និងការអភិវឌ្ឍដ៏រស់រវើករបស់សង្គមជាតិយើងបច្ចុប្បន្ននេះ គឺជាតថភាពប្រវត្តិសាស្ត្រ ដែលយើងទាំងអស់គ្នាជាខ្មែរគប្បីមានការយល់ដឹងឱ្យបានច្បាស់ និងចងចាំជានិច្ចដើម្បីធានាការកសាងអនាគតមួយរបស់កម្ពុជាប្រកបដោយភាពរុងរឿង ដែលគ្មានអំពើប្រល័យពូជសាសន៍ គ្មានការបែកបាក់ជាតិ និងសង្គ្រាមជាថ្មីទៀត។ សម្តេចតេជោបញ្ជាក់ទៀតថា ការសម្រេចបាននូវសន្តិភាពពេញលេញរយៈពេលជាង២៥ ឆ្នាំមកនេះ បានអនុញ្ញាតឱ្យយើងប្រមូលផ្ដុំធនធានគ្រប់យ៉ាង និងកម្លាំងជាតិទាំងមូល ដើម្បីអភិវឌ្ឍប្រទេសជាតិឱ្យមានការរីកចម្រើនយ៉ាងលឿន ដោយបានចេញផុតពីប្រទេសមានចំណូលទាបទៅជាប្រទេសមានចំណូលមធ្យមកម្រិតទាប ហើយកំពុងប្រឹងប្រែងឆ្ពោះទៅសម្រេចចក្ខុវិស័យជាប្រទេសមានចំណូលមធ្យមកម្រិតខ្ពស់ នៅឆ្នាំ២០៣០ ដើម្បីបន្តឈានទៅជាប្រទេសមានចំណូលខ្ពស់ នៅឆ្នាំ២០៥០។ បច្ចុប្បន្ន ដំណើរជាតិយើងកំពុងបន្តប្រព្រឹត្តទៅប្រកបដោយភាពវិជ្ជមាន។ នៅក្នុងឆមាសទី១…