ភ្នំពេញ៖ ក្រសួងយុត្តិធម៌កំពុងសិក្សាលើទិដ្ឋភាពច្បាប់ដែលនឹងកំណត់ចំពោះជនណា ឬក្រុមណាដែលមានគម្រោងការ ឬអំពើឃុបឃិតបង្កើតចលនាប្រឆាំងជ្រុលនិយម បង្កភាពវឹកវរ អសន្តិសុខក្នុងសង្គម បង្កឱ្យមានជម្លោះជាមួយរដ្ឋដទៃ និងប៉ុនប៉ងផ្ដួលរំលំរាជរដ្ឋាភិបាលស្របច្បាប់ គឺជាភេរវករ។ ឯកឧត្តម សេង ឌីណា អ្នកនាំពាក្យក្រសួងយុត្តិធម៌ បានបញ្ជាក់ប្រាប់ AMS នៅព្រឹកថ្ងៃទី៧ ខែមករា ឆ្នាំ២០២៥ នេះថា “ទាក់ទងនឹងរឿងនេះ ក្រសួងយុត្តិធម៌កំពុងសិក្សាលើទិដ្ឋភាពច្បាប់ ហើយនឹងផ្តល់ព័ត៌មានជូនពេលក្រោយ នៅពេលមានវឌ្ឍនភាព”។ ក្នុងពិធីមីទ្ទីងរំឭកខួបលើកទី ៤៦ នៃទិវាជ័យជម្នះ ៧ មករា (០៧.០១.១៩៧៩ – ០៧.០១.២០២៥) នាព្រឹកថ្ងៃទី៧ ខែមករា ឆ្នាំ២០២៥ នេះ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានមានប្រសាសន៍បញ្ជាក់ថា ដល់ពេលហើយដែលត្រូវកសាងច្បាប់ដែលនឹងកំណត់ចំពោះជនណា ឬក្រុមណាដែលមានគម្រោងការ ឬអំពើឃុបឃិតបង្កើតចលនាប្រឆាំងជ្រុលនិយម បង្កភាពវឹកវរ អសន្តិសុខក្នុងសង្គម បង្កឱ្យមានជម្លោះជាមួយរដ្ឋដទៃ និងប៉ុនប៉ងផ្ដួលរំលំរាជរដ្ឋាភិបាលស្របច្បាប់ គឺជាភេរវករ ដែលត្រូវតែនាំខ្លួនយកមកវិនិច្ឆ័យទោសដើម្បីការពារសន្តិភាព។ សម្តេចតេជោ ហ៊ុន សែន បានមានប្រសាសន៍បន្តថា ព្រមជាមួយនោះ…

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានបញ្ជាក់ថា ៧ មករា ជាថៃ្ងបុណ្យជាតិដ៏សំខាន់ដើម្បីរំលឹកដល់គុណបំណាច់របស់យុទ្ធជន យុទ្ធនារី ដែលបានពលីជីវិតដើម្បីរំដោះប្រទេសជាតិ ចេញពីរបបប្រល័យពូជសាសន៍ ប៉ុល ពត ដែលបានកាប់សម្លាប់ប្រជាជនខ្លួនឯងអស់ជាង៣លាននាក់។ សម្តេចធិបតី ហ៊ុន ម៉ាណែត បានបន្តថា ក្នុងរបបដ៏ប្រល័យនេះ ប្រជាពលរដ្ឋខ្មែរគ្រប់រូបត្រូវរស់នៅក្រោមការបង្ខិតបង្ខំឱ្យធ្វើការលើសកម្លាំង គ្មានថ្ងៃឈប់សម្រាក អាហារមិនគ្រប់គ្រាន់ គ្មានមន្ទីរពេទ្យ គ្មានសាលារៀន គ្មានវត្តអារាម និងគ្មានសិទ្ធិសេរីភាពទាំងអស់។ ក្រោយថ្ងៃរំដោះ ៧ មករា ១៩៧៩ ប្រជាពលរដ្ឋគ្រប់រូប មានសិទ្ធិសេរីភាពពេញលេញឡើងវិញ ប្រទេសជាតិទាំងមូលមានសុខសន្តិភាព និងការអភិវឌ្ឍគ្រប់វិស័យ ជារួម បើគ្មានថ្ងៃ៧ មករា ឆ្នាំ ១៩៧៩ ទេនោះ យើងនឹងគ្មានអ្វីៗទាំងអស់នៅថ្ងៃនេះដែរ។ ស្មារតី៧មករា មានគុណតម្លៃធំធេងជាអមតៈសម្រាប់ប្រជាជនកម្ពុជា និងជាសច្ចធម៌ប្រវត្តិសាស្រ្ត ដែលមិនអាចបំភ្លៃ ឬបំផ្លាញបាននោះឡើយ។ សម្តេចនាយករដ្ឋមន្ត្រីបានបញ្ជាក់ថា ជាមួយគ្នានេះ ៧ មករា ជាគុណតម្លៃនៃការយកជីវិតជាដើមទុនរបស់ថ្នាក់ដឹកនាំជំនាន់មុន ក្នុងការតស៊ូរំដោះជាតិ និងសង្គ្រោះជីវិតប្រជាជន…

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានមានប្រសាសន៍បញ្ជាក់ថា ថ្ងៃនេះ គម្រប់ខួបលើកទី ៤៦ នៃទិវាជ័យជម្នះ៧មករា ជាប្រវត្តិសាស្ត្រ ដែលបានផ្តួលរំលំរបបប្រល័យពូជសាសន៍ ប៉ុល ពត សង្រ្គោះជាតិ និងប្រជាជនកម្ពុជាឱ្យមានជីវិតរស់រានឡើងវិញ រួចផុតពីការកាប់សម្លាប់នៃរបបដ៏សាហាវយង់ឃ្នងនេះ ហើយបើកឡើងនូវសករាជថ្មីរបស់កម្ពុជា គឺឯករាជ្យ សន្តិភាព សេរីភាព ប្រជាធិបតេយ្យ និងវឌ្ឍនភាពសង្គម។ បន្ទាប់ពីជ័យជម្នះ ថ្ងៃ៧មករា ឆ្នាំ ១៩៧៩ គណបក្សប្រជាជនកម្ពុជា បានសាមគ្គីប្រជាជាតិទាំងមូល ដឹកនាំប្រទេសឆ្លងកាត់ឧបសគ្គ និងការលំបាករាប់ម៉ឺនសែនជំពូក សម្រេចបានជោគជ័យយ៉ាងធំធេងក្នុងបុព្វហេតុស្ដារ កសាង និងការពារមាតុភូមិ ព្រមទាំងការស្វែងរកសន្តិភាព និងការផ្សះផ្សាជាតិ ធ្វើឱ្យប្រទេសជាតិបានចាកផុតពីស្ថានភាពដែលត្រូវបំផ្លាញខ្ទេចខ្ទី និងសង្គ្រាមដ៏រ៉ាំរ៉ៃ ឈានមកដល់ដំណាក់កាលអភិវឌ្ឍន៍លើគ្រប់វិស័យក្រោមម្លប់នៃសន្តិភាពប្រកបដោយមោទនភាពជាទីបំផុត។ ការបញ្ជាក់នេះ ក្នុងពិធីមីទ្ទីងរំឭកខួបលើកទី ៤៦ នៃទិវាជ័យជម្នះ ៧ មករា(០៧.០១.១៩៧៩ – ០៧.០១.២០២៥)។ សម្ដេចតេជោ ហ៊ុន សែន បានមានប្រសាសន៍បន្តថា យើងប្រារព្ធខួបនៃទិវាជ័យជម្នះជាប្រវត្តិសាស្ត្រនេះឡើង ក្នុងស្មារតីចងចាំពុំអាចបំភ្លេចបាននូវមហាឧក្រិដ្ឋកម្មដែលរបបប្រល័យពូជសាសន៍ ប៉ុល…

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានមានប្រសាសន៍បញ្ជាក់ថា ដល់ពេលហើយដែលត្រូវកសាងច្បាប់ដែលនឹងកំណត់ចំពោះជនណា ឬក្រុមណាដែលមានគម្រោងការ ឬអំពើឃុបឃិតបង្កើតចលនាប្រឆាំងជ្រុលនិយម បង្កភាពវឹកវរ អសន្តិសុខក្នុងសង្គម បង្កឱ្យមានជម្លោះជាមួយរដ្ឋដទៃ និងប៉ុនប៉ងផ្ដួលរំលំរាជរដ្ឋាភិបាលស្របច្បាប់ គឺជាភេរវករ ដែលត្រូវតែនាំខ្លួនយកមកវិនិច្ឆ័យទោសដើម្បីការពារសន្តិភាព។ ព្រមជាមួយនោះ យើងក៏ត្រូវយល់ឱ្យបានច្បាស់ថា សន្តិភាពនឹងមិនអាចគង់វង្សបានយូរអង្វែងឡើយ ប្រសិនបើពុំមានការផ្សះផ្សាជាតិ យុត្តិធម៌ និងការអភិវឌ្ឍប្រកបដោយចីរភាព និងបរិយាបន្នទេនោះ។ ការបញ្ជាក់នេះ ក្នុងពិធីមីទ្ទីងរំឭកខួបលើកទី ៤៦ នៃទិវាជ័យជម្នះ ៧ មករា(០៧.០១.១៩៧៩ – ០៧.០១.២០២៥) នៅព្រឹកថ្ងៃទី៧ មករា ឆ្នាំ២០២៥។ សម្តេចតេជោបន្តថា សម្រាប់កម្ពុជាយើង ទោះបីយើងមានសន្តិភាពពេញលេញ ២៦ឆ្នាំមកហើយក្ដី ក៏សន្តិភាពនៅតែជាបញ្ហាបច្ចុប្បន្នភាពក្នុងជីវភាពប្រចាំថ្ងៃរបស់ប្រជាជនយើង ក្នុងពេលដែលនៅតែមានពួកជ្រុលនិយមមួយចំនួនតូច ព្យាយាមសាបព្រោះឥតឈប់ឈរនូវនយោបាយសតិអារម្មណ៍ជ្រុលនិយមមកលើសង្គមជាតិយើង សំដៅអុជអាល ញុះញង់ បំផុសប្រជាជន កងកម្លាំងប្រដាប់អាវុធ មន្ត្រីរាជការឱ្យធ្វើការប្រឆាំងនឹងរាជរដ្ឋាភិបាលស្របច្បាប់ ដែលនោះគឺ ជាការគម្រាមកំហែងពិតដល់សន្តិភាព។ យើងបានឆ្លងកាត់សង្គ្រាមរ៉ាំរ៉ៃជាច្រើនទសវត្ស ដូចនេះយើងដឹងច្បាស់ណាស់អំពីសារៈសំខាន់ដែលពុំអាចកាត់ថ្លៃបាននៃសន្តិភាព។ នៅពេលដែលគ្មានសន្តិភាព យើងមិនអាចនិយាយដល់សិទ្ធិមនុស្ស លទ្ធិប្រជាធិបតេយ្យ ឬការអភិវឌ្ឍបានឡើយ អាស្រ័យហេតុនេះ…

ភ្នំពេញ៖ មេដឹកនាំគណបក្សនយោបាយ បានលើកឡើងថា មហាជ័យជម្នះ ៧ មករា គឺជាថ្ងៃកំណើតទី២ របស់ប្រជាពលរដ្ឋខ្មែរទូទាំងប្រទេស និងជាទិវាប្រវត្តិសាស្ត្ររបស់ប្រជាជាតិខ្មែរទាំងមូល ដែលកើតឡើងក្រោមការដឹកនាំដ៏ត្រឹមត្រូវ និងឈ្លាសវៃរបស់ឥស្សរជនស្នេហាជាតិ ពិសេសសម្តេចអគ្គមហាសេនាបតីតេជោ ហ៊ុន សែន ដែលជាតួអង្គស្នួលមិនអាចខ្វះបាន បានក្រោកឈរឡើងរួមគ្នាដឹកនាំធ្វើការតស៊ូប្រឆាំងវាយផ្តួលរំលំរបបប្រល័យពូជសាសន៍ប៉ុល ពត ដើម្បីសង្គ្រោះជាតិ មាតុភូមិ និងអាយុជីវិតប្រជាជនកម្ពុជាឱ្យរួចចាកផុតពីការកាប់សម្លាប់។ ឯកឧត្តម អ៊ុន វិសិទ្ធគុន ប្រធានគណបក្សកម្លាំងប្រជាធិបតេយ្យ បានមានប្រសាសន៍ថា ថ្ងៃ ៧មករា គឺជាថ្ងៃកំណើតទី២ របស់ប្រជាពលរដ្ឋខ្មែរទូទាំងប្រទេស ការលះបង់ដ៏ធំធេងរបស់សម្តេចតេជោ ហ៊ុន សែន ដែលបានលះបង់សាច់ស្រស់ ឈាមស្រស់ ដឹកនាំឥស្សរជនជាន់ខ្ពស់ដើម្បីរំដោះប្រទេសឱ្យរួចផុតពីរបបប្រល័យពូជសាសន៍ដ៏យង់ឃ្នងបំផុតប្រល័យជាតិសាសន៍ឯង គឺពិតជាគុណូបការៈដ៏ធំធេងណាស់ដែលប្រជាជនខ្មែរទូទាំងប្រទេសពិតជាមិនអាចបំភ្លេចគុណដ៏ធំធេងនេះបានឡើយ។ បានជាហ៊ាននិយាយដូច្នេះ ប្រជាពលរដ្ឋដែលស្ថិតជាប់នៅក្នុងរបបប្រល័យពូជសាសន៍ គឺក្តីសង្ឃឹមដែលរួចផុតពីរបបនេះសូម្បីតែបន្តិចក៏គ្មានដែរ រង់ចាំតែថ្ងៃស្លាប់តែប៉ុណ្ណោះ។ ជាពិសេសទៅទៀតនោះ គឺការរំដោះជាតិឱ្យរួចផុតពីក្រញាំបិសាចដ៏សែនខ្មៅងងឹតនេះ ហើយដែលយើងមិនអាចបំភ្លេចបាន គឺគុណូបការៈដ៏ធំធេងរបស់សម្តេចតេជោ ហ៊ុន សែន ដែលបានលះបង់សាច់ស្រស់ ឈាមស្រស់ឃ្លាតចាកឆ្ងាយពីក្រុមគ្រួសារ ដើម្បីទៅរំដោះយកទឹកដីជាតិមាតុភូមិត្រឡប់មកវិញ។ ឆ្នាំ១៩៧៩ ទទួលបាននៅជ័យជម្នះដ៏ធំធេង កម្ពុជាបានរួចផុតពីនឹមដ៏ខ្មៅងងឹតហើយបានចាប់ផ្តើមបើកទំព័រសករាជថ្មី។ ចំណែកលោកជំទាវ ពោធិតី សាវត្ថី…

ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាអនុប្រធានប្រចាំការ គ.វ.រ. បានបញ្ជាក់ថា “រដ្ឋបាលសាធារណៈ គឺជាឆ្អឹងខ្នងមួយដ៏សំខាន់ក្នុងការធានានិរន្តរភាពប្រទេសជាតិ​។ ការវិភាគមុខងារ គឺជាឱកាសរបស់យើងទាំងអស់គ្នាចូលរួមដោះស្រាយ កែលម្អ និងធ្វើទំនើបកម្មប្រព័ន្ធរដ្ឋបាលសាធារណៈ ដើម្បីកសាងបន្ថែមផង និងបន្សល់ទុកជាកេរតំណែលសម្រាប់អ្នកជំនាន់ក្រោយផង”។ ការបញ្ជាក់នេះ ក្នុងសិក្ខាសាលាស្តីពី«ពិនិត្យឡើងវិញ និងការវិភាគមុខងារ និងរចនាសម្ព័ន្ធក្រសួងធនធានទឹក និងឧតុនិយម» នាព្រឹកថ្ងៃទី៦ ខែមករា ឆ្នាំ២០២៥។ ក្រោយកិច្ចពិភាក្សា ឯកឧត្តមឧបនាយករដ្ឋមន្ត្រី ហ៊ុន ម៉ានី បានកោតសរសើរដល់ក្រសួងធនធានទឹក និងឧតុនិយម ដែលបានរៀបចំការវិភាគមុខងារ និងរចនាសម្ព័ន្ធរបស់ក្រសួងខ្លួន ព្រមទាំងបានបញ្ជាក់ពីមូលហេតុដែលក្រសួងមុខងារសាធារណៈ​ ចាំបាច់រៀបចំឱ្យមានការផ្សព្វផ្សាយនៅតាមក្រសួង ស្ថាប័​ន។​ គោលបំណងនោះគឺដើម្បីបង្ហាញនូវការវិវឌ្ឍ និងលទ្ធផលនៃការស្វែងយល់ និងការតម្រង់ទិស ពន្យល់ដល់មន្ត្រីតាមក្រសួង ស្ថាប័ន ឱ្យមានការយល់ដឹងឱ្យកាន់តែច្បាស់ពីការវិភាគមុខងារ និងកាត់បន្ថយការយល់ច្រឡំថាការវិភាគមុខងារគឺជាការវៈកាត់។ ឯកឧត្តមឧបនាយករដ្ឋមន្ត្រី បានបញ្ជាក់បន្ថែមថា ការវិភាគមុខងារនេះ មិនមែនជាយន្តការវះកាត់ ឬធ្វើឱ្យប៉ះពាល់ដល់ផលប្រយោជន៍មន្ក្រីដែលមានចែងដោយច្បាប់នោះទេ។ ឯកឧត្តមឧបនាយករដ្ឋមន្ត្រី បានបន្តថា ការកែទម្រង់រដ្ឋបាលសាធារណៈ ពិសេសការអនុវត្តវិធានការគន្លឹះទាំង៣ របស់រាជរដ្ឋាភិបាល កំពុងដំណើរការទៅមុខ​ ហើយទាមទារឱ្យគ្រប់ក្រសួង ស្ថាប័ន…

៤៦ឆ្នាំមុន កងទ័ពស្ម័គ្រចិត្តវៀតណាម និងរណសិរ្សសាមគ្គីសង្គ្រោះជាតិកម្ពុជា បានរួមគ្នា​ឆ្លើយតបនឹងការដង្ហោយ​ហៅ​របស់ប្រជាជនកម្ពុជាស្លូតត្រង់ ដែលនាំទៅដល់ជ័យជម្នះជាប្រវត្តិសាស្ត្រនៅថ្ងៃទី៧ ខែមករា ឆ្នាំ១៩៧៩ ដែលជួយ​សង្គ្រោះ​ប្រជាជន​កម្ពុជាពីអំពើប្រល័យពូជសាសន៍ ដែលជារឿងដ៏រន្ធត់បំផុតក្នុងប្រវត្តិសាស្ត្រមនុស្សជាតិ។ នេះជាជ័យជម្នះ​នៃ​បុព្វហេតុ​​សុចរិត​មួយ ជានិមិត្តរូបដ៏ថ្លៃថ្លានៃស្មារតីសាមគ្គីភាព និងការតស៊ូដោយស្មោះត្រង់ និងបរិសុទ្ធរវាងប្រជាជនកម្ពុជា និងវៀតណាម។ ទឹកចិត្តជួយអ្នកគឺជួយខ្លួនឯងឱ្យសមជាមួយប្រទេសជិតខាងទាំងពីរដែលផឹកទឹកពីទន្លេមេគង្គដូចគ្នា។ កម្ពុជានិងវៀតណាមមានទំនាក់ទំនងមិត្តភាពជាប្រពៃណីយូរអង្វែងដែលជាទ្រព្យសម្បត្តិមិនអាចកាត់ថ្លៃបានសម្រាប់ប្រជាជនទាំងពីរ។ បន្ទាប់ពីការឈរក្បែរគ្នាជាច្រើនឆ្នាំ ចែករំលែកទុក្ខលំបាកនៃសង្រ្គាមដ៏រ៉ាំរ៉ៃ និងលំបាកប្រឆាំងនឹងអាណានិគមនិយម និង​ចក្រពត្តិនិយម ប្រជាជននៃប្រទេសទាំងពីរប្រាថ្នាចង់រស់នៅជាមួយគ្នាដោយសន្តិភាព ដើម្បីកសាងជីវិតរុងរឿង ប៉ុន្តែ​របប​ខ្មែរក្រហមដឹកនាំដោយ ប៉ុល ពត អនុវត្ត “នយោបាយឃោរឃៅ និងប្រល័យពូជសាសន៍” នៅកម្ពុជា ហើយបានធ្វើ​សង្រ្គាម​បង្ហូរឈាម ដែលបានរំលោភលើអធិបតេយ្យភាព និងទឹកដីភាគនិរតីរបស់ប្រទេសវៀតណាម។ ឆ្លើយតបនឹងការអំពាវនាវជាបន្ទាន់របស់រណសិរ្សសាមគ្គីសង្គ្រោះជាតិ និងបងប្អូនប្រជាជនកម្ពុជា ទន្ទឹមនឹងនោះ ត្រូវ​អនុវត្តសិទ្ធិការពារខ្លួនស្របច្បាប់ ដើម្បីការពា មាតុភូមិដ៏ពិសិដ្ឋ ដោយស្មារតី “ជួយមិត្ត គឺជួយខ្លួនឯង” មេដឹកនាំ​និងប្រជា​ជនវៀតណាមប្ដេជ្ញាចិត្តគាំទ្រប្រជាជនកម្ពុជាក្នុងការផ្តួលរំលំរបបខ្មែរក្រហម។ ចាប់ពីថ្ងៃទី២៣ ខែធ្នូ ឆ្នាំ១៩៧៨ បណ្តា​អង្គភាពទ័ពស្រួចរបស់វៀតណាមបានចាប់ផ្តើមយុទ្ធនាការវាយលុកគ្រប់បែបយ៉ាង ដោយបន្តវាយបកលើ​កងទ័ព​ខ្មែរក្រហម។ ថ្ងៃទី៧ ខែមករា ឆ្នាំ១៩៧៩ រាជធានីភ្នំពេញ ត្រូវបានរំដោះទាំងស្រុង។ កងកម្លាំងរបស់ ប៉ុល ពត-អៀង…

លោក ហ្វា សាលី មេដឹកនាំសម្ព័ន្ធសហជីពជាតិ​ ដែលធ្វើការងារលើវិស័យឧស្សាហកម្មកាត់ដេរ សំលៀកបំពាក់​ ស្បែកជើង​ និងសម្ភារៈធ្វើដំណើរ​ បានបញ្ជាក់ថា ដំណើរការនៃការនាំចេញរបស់វិស័យនេះទៅកាន់ទីផ្សារអឺរ៉ុប​ EU នៅតែមានស្ថានភាពល្អប្រសើរ បើទោះបីជាមានការកាត់បន្ថយប្រព័ន្ធអនុគ្រោះពន្ធ EBA ចំនួន 20% តាំងពីឆ្នាំ២០១៨ ក៏ដោយ។ លោកបានបន្ត ក្រៅពី EBA ដែលជាប្រព័ន្ធអនុគ្រោះពន្ធរបស់អឺរ៉ុប ការនាំចេញវិស័យកាត់ដេរ ជាពិសេសកាបូប ក៏ទទួលបានអត្ថប្រយោជន៍ពីប្រព័ន្ធអនុគ្រោះពន្ធ GSP ពីសហរដ្ឋអាមេរិក​ដែរ។ បើផ្អែកលើស្ថានភាពនយោបាយ សិទ្ធិមនុស្ស សិទ្ធិការងារនៅកម្ពុជា និងទំនាក់ទំនងរវាងកម្ពុជា និងសហរដ្ឋអាមេរិកក្រោមការដឹកនាំអាណត្តិទី២ របស់លោក ដូណាល់​ ត្រាំ គឺក្នុងនាមជាសហជីព យើងសង្ឃឹមជឿជាក់ថាកម្ពុជាមានលក្ខខណ្ឌគ្រប់គ្រាន់ក្នុងការទទួលបាន GSP បន្តទៀត ដោយមិនប្រកាន់លើភូមិសាស្ត្រនយោបាយ​ និងប្រាកដជាយល់អំពីកម្ពុជា​ ដែលជាប្រទេសឯករាជ្យ​ ប្រជាធិបតេយ្យ​ និងសង្ឃឹមថាអាណត្តិនេះ​ នឹងមានការវិនិយោគក្រុមហ៊ុនអាមេរិកលើទឹកដីកម្ពុជា​។ លោក ហ្វា សាលី សង្ឃឹមថា​ អ្នកនយោបាយបក្សប្រឆាំង​ ឬសហជីពបម្រើបរទេស​ គួរជួយអំពាវនាវ​ដល់អាមេរិកក្នុងការវិនិយោគនៅកម្ពុជា​ ជៀសវាងដើរបាតុកម្មឱ្យគេកាត់ផ្តាច់ EBA ឬGSP…

ភ្នំពេញ៖ មេដឹកនាំក្រុមយុវជនសង្គមស៊ីវិល និងតំណាងផែនក្រុមអ្នកប្រកបរបរសេដ្ឋកិច្ចក្រៅប្រព័ន្ធ នៃសមាគមយុវជនខ្មែរមនគរ និងបណ្តុំអង្គការសង្គមស៊ីវិល បានជួបជុំគ្នាអបអរសាទរ និងបានបង្ហាញពីការដឹងគុណចំពោះ «ទិវាជ័យជម្នះ ៧ មករា» និងការដឹងគុណដល់វីរភាពឥស្សរជនខ្មែរ និងប្រជាជន ដែលបានពលីជីវិត សង្គ្រោះជាតិ និងប្រជាជនកម្ពុជាឱ្យរស់ឡើងវិញរួចផុតពីការកាប់សម្លាប់នៃរបបប្រល័យពូជសាសន៍ ប៉ុល ពត។ លោក ហេង សំណាង មេដឹកនាំក្រុមយុវជនសង្គមស៊ីវិលបានថ្លែងថា ក្នុងឱកាសខួបអនុស្សាវរីយ៍លើកទី៤៦ នៃទិវាជ័យជម្នះ ៧ មករានេះ ក្រុមអ្នកប្រកបរបរសេដ្ឋកិច្ចក្រៅប្រព័ន្ធចងចាំជានិច្ចចំពោះ ថ្ងៃ ៧ មករា ដែលជាសករាជនាំមកនូវសន្តិភាព និងការរំដោះជាតិ ពិសេសដឹងគុណចំពោះឥស្សរជនខ្មែរដែលបានពលី បូជាសាច់ស្រស់ ឈាមស្រស់ និងជាពិសេសដឹងគុណូបក្ការៈចំពោះសម្តេចអគ្គមហាសេនាបតីតេជោ ហ៊ុន សែន ដែលបានធ្វើពលិកម្មយ៉ាងអង់អាច ដើម្បីសង្គ្រោះជាតិពីរបបប្រល័យ ពូជសាសន៍ និងការពារការរស់ឡើងវិញរបស់ប្រជាជន។ លោក សង្កត់ធ្ងន់ទៀតថា «បើគ្មានការលះបរបស់សម្តេចតេជោ ហ៊ុន សែន ប្តូរយកនូវសន្តិភាពទេនោះ ប្រទេសកម្ពុជា មកទល់ពេលនេះ ប្រហែលជាអាចបាត់បង់ពីផែនដីនេះ។ ដូច្នេះ ក្នុងនាមជាយុវជន សូមដឹងគុណចំពោះឥស្សរជន ក៏ដូចជាការរំលឹក និងចងចាំជានិច្ចចំពោះ…

ឯកឧត្តម ឧបនាយករដ្ឋមន្ត្រី ហ៊ុន ម៉ានី បានសរសេរលើបណ្តាញសង្គមថា ៧ មករា គឺជាថ្ងៃដែលប្រជាជាតិរស់រានមានជីវិញឡើងវិញពីជ្រោះមរណៈនៃបនប្រល័យពូជសាសន៍។ ៧ មករាកើតចេញពីការងើបឡើងតស៊ូរបស់យុទ្ធជន ដែលមិនអាចទ្រាំឃើញប្រជាជនរងទុក្ខវេទនា ក្នុងសោកនាដកម្មអស់រយៈពេល ៣ឆ្នាំ ៨ខែ និង២០ថ្ងៃ។ បើគ្មានការចាកចេញទៅស្វែងរកការសង្រ្គោះជាតិរបស់សម្តេចតេជោ នៅថ្ងៃទី២០ ខែមិថុនា ឆ្នាំ១៩៧៧ និងការប្រមូលផ្តុំកម្លាំងពីទិសនានា ក៏គ្មានរណសិរ្សសាមគ្គីសង្រ្គោះជាតិកម្ពុជាដែរ។ បើគ្មាន ២ ធ្នូ ១៩៧៨ ក៏មិនមាន ៧ មករា ១៩៧៩ ដែរ។ ឯកឧត្តម ហ៊ុន ម៉ានី បានបន្តថា នេះជាសច្ចធម៌ប្រវត្តិសាស្រ្តដែលមិនអាចប្រកែកបាន។ យើងខ្ញុំជាយុវជនជំនាន់ក្រោយចងចាំជានិច្ចគុណូបការៈដ៏ធំធេង នៃថ្ងៃ ៧ មករា ដែលជាចំណុចផ្តើមនៃដំណើរស្វែងរកសន្តិភាព និងការអភិវឌ្ឍជាបន្តបន្ទាប់ រហូតមកដល់យើងមានអ្វីៗដូចបច្ចុប្បន្ននេះ។ ថ្ងៃ ៧ មករា នឹងឋិតនៅក្នុងបេះដូងរបស់យើងជារៀងរហូតតទៅ៕ដោយ៖ពលជ័យ