គណៈកម្មាធិការសិទ្ធិមនុស្សកម្ពុជា (គ.ស.ម.ក.) បានធ្វើការបដិសេធចំពោះសេចក្តីថ្លែងការណ៍របស់ ASEAN Parliamentarians for Human Rights (APHR) ដែលគ្មានមូលដ្ឋាន ខុសពីការពិត និងមានលក្ខណៈនយោបាយ។ សេចក្តីថ្លែងការណ៍នេះ មិនបានឆ្លុះបញ្ចាំងពីស្ថានភាពសិទ្ធិមនុស្សពិតប្រាកដ នៅកម្ពុជានោះទេ។ ដោយហេតុនេះ គ.ស.ម.ក. សូមធ្វើការស្រាយបំភ្លឺដូចខាងក្រោម៖

ភ្នំពេញ៖ អ្នកតាមដានព្រឹត្តិការណ៍នយោបាយបានលើកឡើងថា អ្វីដែលក្រុមប្រឆាំងជ្រុលនិយមមួយក្តាប់តូចធ្វើបាតុកម្មនៅក្រៅប្រទេស ដែលមានជនក្បត់ជាតិ៣ជំនាន់ នៅពីក្រោយខ្នង គឺជាជនអន្ធពាលដែលគ្មានសីលធម៌ គ្មានគុណធម៌ ហើយអ្វីដែលពួកគេធ្វើ គឺមានចេតនាមួយច្បាស់លាស់ បំផុសបំផុលបញ្ជេះកំហឹងដើម្បីបង្កើតនៅចលនានយោបាយបដិវត្តន៍ពណ៌ ដើម្បីផ្តួល​រំលំរាជរដ្ឋាភិបាល ហើយមានបំណងចង់ឡើងមកកាន់អំណាចគ្រប់គ្រង់ប្រទេសតាមបែបមិនប្រជាធិបតេយ្យ។ បណ្ឌិត សួន សេរីរដ្ឋា អ្នកតាមដានព្រឹត្តិការណ៍នយោបាយ និងជាប្រធានក្រុមប្រឹក្សាភិបាលវេទិកាសន្តិភាពកម្ពុជា បានមានប្រសាសន៍ ចំពោះការធ្វើបាតុកម្មសម្តែងមតិរិះគន់ក្នុងន័យស្ថាបនាមិនថានៅប្រទេសណាទេ គឺគេតែងតែអនុញ្ញាតឱ្យប្រជាពលោរដ្ឋមានសិទ្ធិគ្រប់ៗគ្នា កម្ពុជាក៏មានដែរ គឺសិទ្ធិក្នុងការធ្វើបាតុកម្មដែលស្របតាមច្បាប់ ហើយត្រូវបានធានាដោយរដ្ឋធម្មនុញ្ញដែលជាច្បាប់កំពូលរបស់ព្រះរាជាណាចក្រកម្ពុជា។ ប៉ុន្តែចំពោះអ្វីដែលយើងបានឃើញ គឺក្រុមពួកខ្មែរជ្រុលនិយមមួយចំនួនតូចរស់នៅបរទេសដែលបានរៀបចំធ្វើបាតុម្មប្រឆាំងនឹងរាជរដ្ឋាភិបាលកម្ពុជាដោយរៀបចំទាំងសម្ភារៈ និងរូបថតមួយចំនួនដែលទុកសម្រាប់ការធ្វើបាតុកម្មនោះ យើងមិនអាចទទួលបានថាជាការធ្វើបាតុម្ម ជាការសម្តែងមតិក្នុងន័យរិះគន់ស្ថាបនាមកលើរាជរដ្ឋាភិបាលកម្ពុជាទេ។ ប៉ុន្តែវាគឺជាការប្រមាថមើលងាយមកដល់ថ្នាក់ដឹកនាំនៃព្រះរាជាណាចក្រកម្ពុជា ដែលរួមមានសម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចធិបតី ហ៊ុន ម៉ាណែត នាយករដ្ឋមន្ត្រី នៃរាជរដ្ឋាភិបាលកម្ពុជា ក្នុងពេលបច្ចុប្បន្ន។ លោកបន្តថា ចំពោះរូបភាពសម្ភារៈ និងអ្វីដែលបានឃើញបានបញ្ជាក់យ៉ាងច្បាស់ថា ពួកគេ គឺជាក្រុមជ្រុលនិយមដែលកំពុងតែប្រើប្រាស់សិទ្ធបាតុកម្ម ក៏ប៉ុន្តែមិនជាការអនុវត្តនៅសិទ្ធិបាតុកម្មត្រឹមត្រូវស្របតាមច្បាប់សម្តែងមតិទេ ក៏ប៉ុន្តែកំពុងតែធ្វើការប្រមាថមើលងាយយ៉ាងធ្ងន់ធ្ងរបំផុតមកលើថ្នាក់ដឹកនាំកំពូលនៃព្រះរាជាណាចក្រកម្ពុជា ដែលមិនអាចទទួលយកបានទេ។ សរបញ្ជាក់ឱ្យឃើញកាន់តែច្បាស់ចរិតរបស់ក្រុមពួកខ្មែរជ្រុលមនិយមដែលនៅសេសសល់មួយក្តាប់តូចដែលតាមមេដឹកនាំរបស់ខ្លួនដែលជាបុគ្គលបរាជ័យនយោបាយរត់ចោលស្រុក គឺជនក្បត់ជាតិ សម រង្ស៊ី នោះ គឺពួកគេកំពុងតែដុតបញ្ជេះកំហឹងឱ្យប្រជាពលរដ្ឋកម្ពុជាខឹងយល់ខុសស្អប់មកលើការដឹកនាំរបស់ប្រមុខរាជរដ្ឋាភិបាលកម្ពុជា និងសស្អប់អតីតនាយករដ្ឋមន្ត្រីកម្ពុជា…

ភ្នំពេញ៖ “ចំនួនអ្នកចុះឈ្មោះទៅលេងកម្សាន្តតាមខេត្តទិសឦសាន នៃតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) គិតត្រឹមម៉ោង ៤៖៤០រសៀលថ្ងៃទី២ ខែកញ្ញា ឆ្នាំ២០២៤ មានចំនួនជាង៧០០នាក់ ហើយ ដោយក្នុងនោះប្រជាពលរដ្ឋ ព្រះសង្ឃ ជាពិសេសយុវជនដែលបានចុះឈ្មោះ។ មានប្រជាពលរដ្ឋមកពីរាជធានីភ្នំពេញ និងពីតាមបណ្តាខេត្តជាច្រើនដូចជា ខេត្តកណ្តាល តាកែវ កំពង់ចាម កំពង់ធំ កំពង់ឆ្នាំង ពោធិ៍សាត់ ព្រះវិហារ សៀមរាប បន្ទាយមានជ័យ មណ្ឌលគីរី រតនគិរី ស្ទឹងត្រែង ក្រចេះ ព្រះស៊ីហនុ ត្បូងឃ្មុំ និងខេត្តមួយចំនួនទៀត”។ នេះ​បើតាមការបញ្ជាក់របស់ឯកឧត្តម ទេព អស្នារិទ្ធ អ្នកនាំពាក្យក្រសួងព័ត៌មានបានបញ្ជាក់នៅរសៀលថ្ងៃទី២ ខែកញ្ញា ឆ្នាំ២០២៤ នេះ។ អ្នកនាំពាក្យក្រសួងព័ត៌មានបានមានប្រសាសន៍ថា ដំណើរទស្សនកិច្ចបែបនេះ គឺជាការរៀបចំដំណើរទស្សនកិច្ចដំបូងសម្រាប់ព្រះរាជាណាចក្រកម្ពុជា ហើយជាឱកាសមួយដ៏ពិសិដ្ឋដែលផ្តល់ជូនប្រជាពលរដ្ឋកម្ពុជា ក៏ដូចជាយុវជនទាំងអស់ដែលមានបំណងចង់ចូលរួមអាចទទួលបាននៅឱកាសដ៏ពិសិដ្ឋនេះ និងចំណេះដឹងបន្ថែម ក៏ដូចជាឱកាសក្នុងការទទួលយកនៅភាពពិត ទិដ្ឋភាពជាក់ស្តែងស្តីពីស្ថានភាពក្នុងការការពារអធិបតេយ្យភាព ក៏ដូចជាបូរណភាពទឹកដីជាតិកម្ពុជាដោយផ្ទាល់។ ដូច្នេះការរៀបចំចាំបាច់ណាស់ត្រូវពិនិត្យមើលសន្ទុះនៃការចូលរួម ក៏ដូចជាតម្រូវការជាក់ស្តែងពាក់ព័ន្ធទៅនឹងការរៀបចំដំណើរទស្សនកិច្ចក្នុងទម្រង់បែបនេះ។ អ្នកនាំពាក្យរួបនេះបានបន្តថា រាជរដ្ឋាភិបាល ក៏ដូចជាក្រសួងព័ត៌មាន អអ្គភាពអ្នកនាំពាក្យរាជរដ្ឋាភិបាល និងរដ្ឋលេខាធិការដ្ឋានទទួលបន្ទុកកិច្ចការព្រំដែនបានខិតខំយ៉ាងខ្លាំងនៅក្នុងការរៀបចំធ្វើយ៉ាងណាឱ្យដំណើរទស្សនកិច្ចនេះ…

ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាននៃព្រះរាជាណាចក្រកម្ពុជា ជួបសម្តែងការគួរសមនិងពិភាក្សាការងារជាមួយសមភាគីម៉ាឡេស៊ី ឯកឧត្តម Ahmad Fahmi bin Mohamed Fadzil រដ្ឋមន្ត្រីក្រសួងគមនាគន៍នៃប្រទេសម៉ាឡេស៊ី នៅរសៀលថ្ងៃទី២ ខែកញ្ញា ឆ្នាំ២០២៤ ក្នុងអំឡុងពេលនៃដំណើរចូលរួមកិច្ចប្រជុំមហាសន្និបាតលើកទី២២ និងសន្និសីទកំពូលសារព័ត៌មានអាស៊ីលើកទី១៩ (19th Asia Media Summit) រៀបចំឡើងដោយវិទ្យាស្ថានអភិវឌ្ឍន៍ប្រព័ន្ធផ្សាយសោតទស្សន៍អាស៊ីប៉ាស៊ីហ្វិក នៅប្រទេសម៉ាឡេស៊ី។ នៅក្នុងជំនួបនេះ ភាគីទាំងពីរបានគូសបញ្ជាក់ពីសារៈសំខាន់នៃកិច្ចសហប្រតិបត្តិការរវាងក្រសួងព័ត៌មានកម្ពុជា និងក្រសួងគមនាគន៍នៃប្រទេសម៉ាឡេស៊ី ក្នុងក្របខណ្ឌនៃការផ្លាស់ប្តូរព័ត៌មានរវាងគ្នានឹងគ្នាជាពិសេសការផ្លាស់ប្តូរព័ត៌មានរវាងទីភ្នាក់ងារសារព័ត៌មានកម្ពុជា និងទីភ្នាក់ងារសារព័ត៌មានជាតិរបស់ម៉ាឡេស៊ី BERNAMA ក៏ដូចជាកិច្ចសហការជាមួយវិទ្យុផងដែរ។ ជាងនេះទៅទៀត រដ្ឋមន្ត្រីនៃប្រទេសទាំងពីរក៏បានប្តេជ្ញាចិត្តរួមគ្នា ក្នុងការប្រយុទ្ធប្រឆាំងនឹងព័ត៌មានក្លែងក្លាយ និងការផ្លាស់ប្តូរបទពិសោធន៍គ្នាទៅវិញទៅមកលើកិច្ចការព័ត៌មាន និងការផ្សព្វផ្សាយដើម្បីធ្វើឱ្យមានសុវត្ថិភាពព័ត៌មានសម្រាប់អ្នកប្រើប្រាស់។ រដ្ឋមន្ត្រីទាំងពីររូបក៏បានឯកភាពសហការរួមគ្នាផ្តួចផ្តើមគំនិតលើការពង្រឹងសុវត្ថិភាពនិងសណ្តាប់ធ្នាប់ព័ត៌មាន សម្រាប់ប្រជាពលរដ្ឋនៃប្រទេសទាំងពីរ និងធ្វើការរួមគ្នាដើម្បីអំពាវនាវដល់ប្រទេសដទៃទៀតក្នុងតំបន់អាស៊ាន ចូលរួមជាមួយកម្ពុជា និងម៉ាឡេស៊ី ក្នុងគំនិតផ្តួចផ្តើមនេះ។ គួរបញ្ជាក់ថា កាលពីថ្ងៃទី១ ខែកញ្ញា ឆ្នាំ២០២៤ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មានអំពាវនាវឱ្យបណ្តាប្រទេសជាសមាជិកវិទ្យាស្ថានអភិវឌ្ឍន៍ប្រព័ន្ធផ្សាយសោតទស្សន៍អាស៊ីប៉ាស៊ីហ្វិក AIBD ចូលរួមជាមួយកម្ពុជាក្នុងយុទ្ធនាការប្រយុទ្ធប្រឆាំងនឹងព័ត៌មានក្លែងក្លាយ ដែលជាបញ្ហារួមរបស់តំបន់ និងបានអំពាវនាវឱ្យបណ្តាលប្រទេសជាសមាជិក ចូលរួមជាមួយកម្ពុជានៅក្នុងយុទ្ធនាការនេះ ដើម្បីរួមគ្នាលើកកម្ពស់ការយល់ដឹងរបស់ប្រជាពលរដ្ឋ។…

សម្តេចធិបតី នាយករដ្ឋមន្ត្រី៖ «កាលពីថ្ងៃទី២២ ខែសីហា ឆ្នាំ២០២៤ កន្លងទៅ ទូលព្រះបង្គំ ខ្ញុំព្រះករុណា ខ្ញុំបានប្រកាសបង្កើត “មូលនិធិកសាងហេដ្ឋារចនាសម្ព័ន្ធតាមព្រំដែន” ដោយផ្តោតលើការកសាងផ្លូវក្រវាត់ព្រំដែន ហើយដែលចាប់ពីថ្ងៃទី២៦ ខែសីហា ឆ្នាំ២០២៤ មក ក្រុមការងារមូលនិធិបានចាប់ផ្តើមទទួលការបរិច្ចាគថវិកាដោយស្ម័គ្រចិត្តពីជនរួមជាតិខ្មែរគ្រប់ទិសទីទាំងក្នុង និងក្រៅប្រទេស។ ទូលព្រះបង្គំ ខ្ញុំព្រះករុណា ខ្ញុំពិតជាមានមោទនភាពក្រៃលែង ដែលមូលនិធិមួយនេះបានទទួលការគាំទ្រយ៉ាងផុលផុសពីសំណាក់អង្គព្រះមហាក្សត្រ ព្រះមហាក្សត្រី ឥស្សរជនថ្នាក់ដឹកនាំ ព្រះសង្ឃ មន្ត្រីរាជការ កងកម្លាំងប្រដាប់អាវុធ លោកគ្រូ អ្នកគ្រូ សិស្ស និស្សិត កម្មករ និយោជិត អាជីវករ កសិករ និងប្រជាពលរដ្ឋខ្មែរគ្រប់មជ្ឈដ្ឋានទាំងក្នុង និងក្រៅប្រទេស ជាពិសេស លោកយាយ លោកតា អ៊ំ ពូ មីង និងបងប្អូនជាច្រើននៅតាមមូលដ្ឋានភូមិស្រុក តាមរយៈការសស្រាក់សស្រាំចូលរួមបរិច្ចាគថវិកា មានតិច មានច្រើនទៅតាមលទ្ធភាព និងប្រកបដោយស្នាមញញឹមសប្បាយរីករាយក្នុងធ្លុងមហាសាមគ្គីជាតិ និងស្មារតីខ្មែរតែមួយ។ ក្នុងនាមរាជរដ្ឋាភិបាល និងក្នុងនាមខ្លួនទូលព្រះបង្គំ ខ្ញុំព្រះករុណា ខ្ញុំផ្ទាល់ ទូលព្រះបង្គំ ខ្ញុំព្រះករុណា ខ្ញុំសូមថ្លែងអំណរព្រះគុណ…

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានអញ្ជើញដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា នាព្រឹក ថ្ងៃចន្ទ ទី២ ខែកញ្ញា ឆ្នាំ២០២៤ ដើម្បីពិនិត្យ និងអនុម័តលើរបៀបវារៈមួយចំនួន។ ក្រោយពីបានពិភាក្សារួចរាល់ គណៈកម្មាធិការអចិន្រ្តៃយ៍រដ្ឋសភា បានសម្រេចទទួលយកសេចក្តីព្រាងច្បាប់ទាំងពីរ ដែលស្នើឡើងដោយរាជរដ្ឋាភិបាល ដើម្បីប្រគល់ជូនគណៈកម្មការជំនាញរដ្ឋសភាពិនិត្យ និងសិក្សា ហើយធ្វើរបាយការណ៍ជូនគណៈកម្មាធិការអចិន្រ្តៃយ៍រដ្ឋសភាវិញ។ សេចក្តីព្រាងច្បាប់ទំាងពីរនោះមាន៖១-សេចក្តីព្រាងច្បាប់ស្តីពី ប្រព័ន្ធទឹកកខ្វក់២-សេចក្តីព្រាងច្បាប់ស្តីពី ការអនុម័តយល់ព្រមឱ្យព្រះរាជាណាចក្រកម្ពុជាចូលជាភាគីនៃកិច្ចព្រមព្រៀងស្តីពីការទទួលយកបទប្បញ្ញត្តិបច្ចេកទេសរួមនៃអង្គការសហប្រជាជាតិសម្រាប់យានយន្ត បរិក្ខារ និងគ្រឿងបន្លាស់ ដែលអាចបំពាក់ និង/ឬប្រើប្រាស់ទៅលើយានយន្តនិងលក្ខខណ្ឌសម្រាប់ការទទួលស្គាល់ទៅវិញទៅមកនៃការផ្តល់អនុលោមភាពដោយឈរលើមូលដ្ឋាននៃបទប្បញ្ញត្តិអង្គការសហប្រជាជាតិ៕ដោយ៖ពលជ័យរូបភាព៖រដ្ឋសភា

ភ្នំពេញ៖ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាននៃប្រទេស​កម្ពុជា បានទាញការចាប់អារម្មណ៍ពីបណ្ដាប្រទេសនានាក្នុង​តំបន់​ថា​ព័ត៌មានក្លែងក្លាយគឺបញ្ហារួមរបស់តំបន់។ ឯកឧត្តមបានអំពាវនាវ​ឱ្យបណ្តាប្រទេសជាសមាជិកវិទ្យាស្ថានអភិវឌ្ឍន៍ប្រព័ន្ធផ្សាយសោតទស្សន៍អាស៊ីប៉ាស៊ីហ្វិក (AIBD) ចូលរួមជាមួយកម្ពុជាក្នុងយុទ្ធនាការ​ប្រយុទ្ធ​ប្រឆាំងនឹងព័ត៌មានក្លែងក្លាយ ដើម្បីរួមគ្នាលើកកម្ពស់​ការ​យល់ដឹងរបស់ប្រជាពលរដ្ឋ។ គំនិតផ្តួចផ្តើមនេះត្រូវបានទទួលជំហរគាំទ្រនិងសាទរពីបណ្ដាប្រទេសនានា។ ការបង្ហាញពីគំនិតផ្តួចផ្តើមលើការប្រយុទ្ធប្រឆាំងព័ត៌មាន​ក្លែង​ក្លាយនៅក្នុងតំបន់នេះត្រូវបានធ្វើឡើងក្នុងអំឡុងពេលឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន នៃព្រះរាជាណាចក្រកម្ពុជា អញ្ជើញ​ចូលរួមជាអធិបតីក្នុងពិធីបិទ”កិច្ចប្រជុំប្រចាំឆ្នាំលើកទី៤៩ និងមហា​សន្និបាតលើកទី២២ និងកិច្ចប្រជុំពាក់ព័ន្ធ” (49th Annual Gathering/22nd AIBD General Conference & Association Meetings) របស់វិទ្យាស្ថានអភិវឌ្ឍន៍ប្រព័ន្ធផ្សាយ​សោតទស្សន៍អាស៊ីប៉ាស៊ីហ្វិក នៅរសៀលថ្ងៃទី១ ខែកញ្ញា ឆ្នាំ២០២៤ នាទីក្រុងគូឡាឡាំពួរ ប្រទេសម៉ាឡេស៊ី។ពិធីនេះមានការចូលរួម​ពីបណ្តា​ប្រទេសសមាជិក១៩ផ្សេងគ្នា និងមានអ្នកចូលរួម​ប្រមាណ​៦០រូប។ ក្នុងសុន្ទរកថាបិទ ឯកឧត្តមរដ្ឋមន្រ្តី នេត្រ ភក្រ្តា បានជម្រាបជូន​គណៈប្រតិភូពីកិច្ចខិតខំប្រឹងប្រែងរបស់កម្ពុជាចំពោះការប្រឆាំង នឹងព័ត៌មានក្លែងក្លាយ តាមរយៈការបង្កើតគណៈកម្មាធិការប្រយុទ្ធ​ប្រឆាំងព័ត៌មានក្លែងក្លាយនិងគណៈកម្មការត្រួតពិនិត្យ ព័ត៌មាន​ក្លែងក្លាយ។ បន្ថែមលើនេះ ក្រសួងព័ត៌មានក៏បាន និងកំពុងរៀបចំយុទ្ធនាការ​ទូទាំងប្រទេសក្រោមប្រធានបទ «និយាយថាទេចំពោះព័ត៌មាន ក្លែងក្លាយ» ដើម្បីជំរុញការផ្សព្វផ្សាយព័ត៌មានពិត និងបង្កើន​ការយល់ដឹងដល់ពលរដ្ឋទាក់ទងនឹងផលប៉ះពាល់ នៃព័ត៌មានក្លែង​ក្លាយ។យុទ្ធនាការនេះ នឹងចាប់ផ្ដើមអនុវត្តនៅចុងឆ្នាំ២០២៤ ដោយឃោសនា និងផ្សព្វផ្សាយជាសាធារណៈ ពីវិធានការទប់​ស្កាត់ការសាយភាយព័ត៌មានក្លែងក្លាយ ការប្រើប្រាស់បណ្ដាញ​សង្គមប្រកបដោយប្រសិទ្ធភាព…

ភ្នំពេញ៖ ឯកឧត្តម ហ៊ាង គឹមស្រឿន ប្រធានគណបក្សមហាសាមគ្គីជាតិខ្មែរ បានថ្លែងថា ជនក្បត់ជាតិ៣ជំនាន់ ធ្វើនយោបាយគ្មានអ្វីក្រៅតែពីការញុះញង់ បំផ្លើសបំភ្លៃ លាបពណ៌ គ្មានការពិត ឃោសនាឱ្យប្រជាពលរដ្ឋងើបឡើងបះបោរប្រឆាំងជាមួយរាជរដ្ឋាភិបាលតាមបែបក្រុមឧទ្ទាមក្រៅច្បាប់ បែបដណ្តើមអំណាច មិនគោរពវិធានច្បាប់ប្រជាធិបតេយ្យ សេរី ពហុបក្ស អំណាចទាំងអស់ជារបស់ប្រជាពលរដ្ឋដែលមានចែងនិងបញ្ញត្តិក្នុងរដ្ឋធម្មនុញ្ញដែលជាច្បាបើកំពូលរបស់កម្ពុជា។ ឯកឧត្តម ហ៊ាង គឹមស្រឿន បានបញ្ជាក់ថា រាជរដ្ឋាភិបាលខិតខំកសាងសន្តិភាពខាងក្នុង និងខិតខំកសាងសន្តិភាពខាងក្រៅ ចងចំណងមិត្តភាពការទូតតាមបណ្តាប្រទេសជាមិត្ក ក៏ដូចជាខិតខំកសាងព្រំដែនសន្តិភាពជាមួយប្រទេសជិតខាងដើម្បីទុកជនកូនខ្មែរជំនាន់ក្រោយៗ ឱ្យបានរាប់រយជំនាន់តកូនតចៅខ្មែរ ដើម្បីបញ្ចប់ជម្លោះប្រវត្តិសាស្ត្រដោយសារតែព្រំដែនមិនជាក់លាក់ណាមួយរបស់កម្ពុជាជាមួយនឹងប្រទេសជិតខាង។ ជាមួយគ្នានេះ គណបក្សមហាសាមគ្គីជាតិខ្មែរ ក៏បានចេញសេចក្តីថ្លែងការណ៍ដោយបានកត់សម្គាល់ឃើញថា ក្នុងរយៈពេលថ្មីៗនេះ ដោយសារតែមានការចាប់អារម្មណ៍ច្រើនទាក់ទងទៅនឹងបញ្ហាព្រំដែនរវាងប្រទេសកម្ពុជាជាមួយនឹងប្រទេសវៀតណាម ស្របពេលដែលក្រុមប្រឆាំងជ្រុលនិយមមួយក្តាប់តូច កំពុងតែធ្វើការវាយប្រហារលើកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV- DTA នេះ ក្នុងចេតនាញុះញង់បំភ្លៃការពិត ដោយគ្មានមូលដ្ឋានជាក់លាក់ ជាពិសេសទណ្ឌិត សម រង្ស៊ី ជនក្បត់ជាតិបីជំនាន់ និងបក្ខពួក ក្រុមប្រឆាំងជ្រុលនិយមមួយចំនួន តែងតែធ្វើការចោទប្រកាន់មកលើរាជរដ្ឋាភិបាលកម្ពុជាថាមានការកាត់ទឹកដី ឬប្រគល់ដែនដីបញ្ចូលគ្នាណាមួយទៅឱ្យប្រទេសវៀតណាម ដែលនេះគឺជាចោទប្រកាន់ក្នុងចេតនាជ្រុលនិយមទាំងស្រុង ក្នុងគោលបំណងបំផ្លិចបំផ្លាញសុខសន្តិភាព ដោយបានបំភ្លៃព័ត៌មាន និងបង្កើតព័ត៌មានក្លែងក្លាយពាក់ព័ន្ធនឹងកិច្ចសហប្រតិបត្តិការ CLV-DTA នេះ។ កិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA…

ភ្នំពេញ៖ អ្នកនាំពាក្យក្រសួងព័ត៌មានឯកឧត្តម ទេព អស្នារិទ្ធ បានបញ្ជាក់ថា​ “ដំណើរកម្សាន្តទៅកាន់ទឹកដីភាគឦសាន​នាពេលខាងមុខនេះ នឹងបំផុសមនសិការស្រលាញ់ទឹកដី ស្រលាញ់ជាតិកាន់តែខ្លាំងឡើង ទៅដល់គ្រប់ជនរួមជាតិ ហើយដើម្បីយើងទាំងអស់គ្នាចូលរួមការពារបូរណភាពទឹកដី និងអធិបតេយ្យភាពកម្ពុជាយើង ឱ្យនៅស្ថិតស្ថេរ និងគង់វង្ស ព្រមទាំងដើម្បីចូលរួមគាំទ្រដល់ការអភិវឌ្ឍប្រកបដោយនិរន្តរភាពរបស់រាជរដ្ឋាភិបាល”។ អ្នកនាំពាក្យបានបន្តថា ការរៀបចំដំណើរកម្សាន្តដោយឥតគិតថ្លៃ ទៅកាន់ព្រំដែនខេត្តក្រចេះ មណ្ឌលគិរី រតនគិរី និងស្ទឹងត្រែង សម្រាប់ប្រជាពលរដ្ឋ និងយុវជន ដែលមានបំណងចង់ចូលរួម ហើយនឹងត្រូវរៀបចំនៅរៀងរាល់ចុងសប្តាហ៍ ចាប់ផ្តើមធ្វើឡើងពីខែកញ្ញា រហូតដល់ចុងឆ្នាំ២០២៤នេះ នឹងក្លាយជាសក្ខីកម្មដ៏ជាក់លាក់មួយ ដើម្បីឆ្លើយតបទៅនឹងព័ត៌មានបំភ្លៃពីក្រៅប្រទេស ក៏ដូចជាការបារម្ភនានា ហើយក៏ដើម្បីផ្តល់ឱកាសដល់បងប្អូនប្រជាពលរដ្ឋបានឃើញដោយផ្ទាល់នូវការអភិវឌ្ឍជាក់ស្តែង នៅតាមបណ្តោយខេត្តជាប់ព្រំដែនទាំង៤នេះ។ ដំណើរកម្សាន្តទៅកាន់ទឹកដីភាគឦសានខាងមុខនេះ ក៏នឹងបង្ហាញជូនជនរួមជាតិនូវភូមិសាស្រ្តរបស់ប្រទេសកម្ពុជាយើង ជីវភាពរស់នៅរបស់បងប្អូនប្រជាពលរដ្ឋ និងសហគមន៍នៅតំបន់ទាំងនោះ ព្រមទាំងការអភិវឌ្ឍហេដ្ឋារចនាសម្ព័ន្ធដទៃទៀត ដែលរាជរដ្ឋាភិបាលបាននិងកំពុងអភិវឌ្ឍជាបណ្តើរៗនៅតាមព្រំដែនទាំងនោះ។ បន្ថែមពីលើនេះ ជនរួមជាតិខ្មែរដែលនឹងធ្វើដំណើរទៅកម្សាន្តនោះ នឹងឃើញដោយផ្ទាល់ភ្នែក នូវការខិតខំរបស់រាជរដ្ឋាភិបាលក្នុងការថែរក្សាបូរណភាពទឹកដី និងអធិបតេយ្យភាពរបស់កម្ពុជាយើងជាមួយនឹងប្រទេសជិតខាង ដោយឈរលើមូលដ្ឋានគោរពគ្នាទៅវិញទៅមក។ អ្នកនាំពាក្យរូបនេះជឿជាក់ថា កម្ពុជាមិនចង់បានដីប្រទេសជិតខាងនោះទេ ហើយរាជរដ្ឋាភិបាលក៏នឹងមិនធ្វើឱ្យបាត់ដីមួយមីលីម៉ែត្រនោះដែរ។ សម្តេចតេជោ អតីតនាយករដ្ឋមន្ត្រី ធ្លាប់មានប្រសាសន៍បែបនេះច្រើនដងមកហើយៗបន្តមកដល់សម្តេចធិបតី នាយករដ្ឋមន្ត្រី នាពេលបច្ចុប្បន្ន ក៏បានបញ្ជាក់ និងធានាអះអាងជាច្រើនដងផងដែរ។ ជនរួមជាតិយើងនឹងមិនត្រឹមតែជាសាក្សី ប៉ុណ្ណោះទេ…

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មានបានឱ្យដឹងថា កិច្ចការពារអធិបតេយ្យនិងបូរណភាពទឹកដីរបស់ជាតិ គឺជាសិទ្ធិនិងករណីកិច្ចរបស់ប្រជាពលរដ្ឋគ្រប់រូប ហើយរាជរដ្ឋាភិបាលតែងបានចាត់ទុកការងារនេះជាភារកិច្ច និងកាតព្វកិច្ចជាអាទិភាពដ៏សំខាន់បំផុត ជាអាយុជីវិតរបស់ជាតិ និងតែងតែប្រកាន់យ៉ាងខ្ជាប់ខ្ជួននូវស្មារតីទទួលខុសត្រូវ ខ្ពស់បំផុត ក្នុងការបំពេញភារកិច្ចរបស់ខ្លួន ដើម្បីកសាងខ្សែបន្ទាត់ព្រំដែនមួយដែលមានភាពច្បាស់លាស់ ត្រឹមត្រូវ ជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍជាមួយប្រទេសជិតខាង និងធានាឱ្យបានដាច់ខាតថា បូរណភាពទឹកដី នៃព្រះរាជាណាចក្រកម្ពុជានឹងមិនបាត់បង់ឡើយ សូម្បីតែមួយម៉ែត្រក្រឡា។ រដ្ឋមន្ត្រីក្រសួងព័ត៌មានបានបន្តថា យុទ្ធសាស្រ្តរបស់រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភានៃព្រះរាជាណាចក្រកម្ពុជា បន្តដឹកនាំនិងអនុវត្តដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នីតិកាលទី៧ នៃរដ្ឋសភា នៅពេលនេះ សំដៅកសាងខ្សែបន្ទាត់ព្រំដែនមួយច្បាស់លាស់ ជាមួយប្រទេសជិតខាងទាំងព្រំដែនគោក និងព្រំដែនសមុទ្រ ក្នុងគោលដៅរក្សាឱ្យបានផ្ទៃដី ១៨១ ០៣៥ គ.ម២ ដើម្បីទុកជាមរតកសម្រាប់ប្រជាជាតិ និងប្រជាជនកម្ពុជាជានិច្ចនិរន្តរ៍។ ឯកកឧត្តម នេត្រ ភក្ត្រា បានបញ្ជាក់ថា ក្នុងការបោះបង្គោលខណ្ឌសីមាព្រំដែនដែលជាបូរណភាពទឹកដី និងអធិបតេយ្យភាពជាតិ គេមិនដែលដេកស្រម៉ៃ និងយកផែនទី​ google…