ភ្នំពេញ៖ អ្នកនាំពាក្យអគ្គបញ្ជាការដ្ឋាន នៃកងយោធពលខេមរភូមិន្ទ បានបញ្ជាក់នៅរសៀលថ្ងៃទី២៨ ខែកុម្ភៈ ឆ្នាំ២០២៥ នេះថា ករណីនាយទាហានឈ្មោះ ម៉ី តារា នេះ ជារឿងចាស់ទេ ប៉ុន្តែទណ្ឌិត សម រង្ស៊ី បានយកមកបង្ហោះជាថ្មី ដើម្បីបំភាន់មតិសាធារណជន។ ឧត្តមសេនីយ៍ទោ ថោង សូលីម៉ូ អ្នកនាំពាក្យអគ្គបញ្ជាការដ្ឋាន នៃកងយោធពលខេមរភូមិន្ទ បានឱ្យដឹងថា ករណីធ្លាប់បានបកស្រាយតាមបណ្ដាញសង្គមម្ដងរួចមកហើយ ក្នុងខ្លឹមសារដូចខាងក្រោម៖បុគ្គលឈ្មោះ ម៉ី ដារ៉ា បានបន្លំស្លៀកពាក់ឯកសណ្ឋានជាកងទ័ព ធ្វើឱ្យប៉ះពាល់ដល់សន្តិសុខជាតិ និងសេចក្តីថ្លៃថ្នូររបស់កងយោធពលខេមរភូមិន្ទ គឺជាអំពើល្មើសច្បាប់ដ៏ធ្ងន់ធ្ងរបំផុត មិនអាចលើកលែងឱ្យបាន។ កន្លងមកបុគ្គលរូបនេះបានអំពាវនាវឱ្យយុវជនទៅចូលរួមធ្វើបាតុកម្មប្រឆាំងនឹងរាជរដ្ឋាភិបាលស្របច្បាប់ថែមទៀតផង។យោធភូមិភាគទី៥ បានបញ្ជាក់បុគ្គលរូបនេះបានប្រព្រឹត្តបទល្មើសឆបោក, អនុវត្តខុសនឹងបទវិន័យទូទៅកងយោធពលខេមរភូមិន្ទជាច្រើនលើក ព្រមទាំងបានបោះបង់អង្គភាពហើយបានរត់គេចខ្លួនពីការអនុវត្តច្បាប់ ទៅជ្រកកោណនៅប្រទេសអូស្រ្តាលី ថែមទាំងបានចូលរួមជាមួយក្រុមឧទ្ទាមក្រៅច្បាប់ វាយប្រហារជាបន្តបន្ទាប់មកលើកងយោធពលខេមរភូមិន្ទ និងរាជរដ្ឋាភិបាលកម្ពុជា។ ក្នុងនាមខ្ញុំ ជាអ្នកនាំពាក្យអគ្គបញ្ជាការ ខ្ញុំសូមអំពាវនាវឱ្យយុវជន និងប្រជាពលរដ្ឋទាំងអស់ កុំជឿតាមការឃោសនាអូសទាញ និងញុះញង់របស់ក្រុមជ្រុលនិយមមួយក្តាប់តូច ដែលនៅក្រៅប្រទេស រហូតចូលរួមក្នុងចលនាខុសច្បាប់ណាមួយដែលធ្វើឱ្យប៉ះពាល់ដល់សន្តិសុខ ស្ថិរភាព និងភាពសុខសាន្តរបស់ប្រជាពលរដ្ឋ ព្រោះនេះជាបទល្មើសព្រហ្មទណ្ឌ៕ដោយ៖ពលជ័យ

នាយឧត្តមសេនីយ៍ ឈុំ សុជាតិ អ្នកនាំពាក្យក្រសួងការពារជាតិកម្ពុជា គាំទ្រទាំងស្រុងចំពោះសេចក្តីថ្លែងការណ៍ដែលធ្វើឡើងដោយ ឯកឧត្តម Wu Qian អ្នកនាំពាក្យក្រសួងការពារជាតិ នៃសាធារណរដ្ឋប្រជាមានិតចិន នៅក្នុងសន្និសីទសារព័ត៌មាន កាលពីថ្ងៃទី២៧ ខែកុម្ភៈ ឆ្នាំ២០២៥ ពាក់ព័ន្ធនឹងទំនាក់ទំនងយោធារវាងកម្ពុជានិងចិន ដែលឯកឧត្តមបានចេញមកបដិសេធ ចំពោះការលើកឡើងទាំងឡាយណាដែលថា «ទំនាក់ទំនងយោធារវាងប្រទេសទាំងពីរមានភាពរកាំរកូស»។ អ្នកនាំពាក្យក្រសួងការពារជាតិកម្ពុជា បានបញ្ជាក់ថា ជាការពិតណាស់កម្ពុជា និងចិន គឺជាមិត្តដែកថែប ជាបងប្អូនដែលបានរួមសុខរួមទុក្ខជាមួយគ្នា និងតែងមានជំហរគាំទ្រគ្នាទៅវិញទៅមក នៅលើឆាកអន្តរជាតិ ហើយទំនាក់ទំនងយោធាកម្ពុជា-ចិនទៀតសោត ក៏កំពុងមានកិច្ចសហប្រតិបត្តិការល្អប្រកបដោយផ្លែផ្កា ព្រមទាំងពង្រឹង និងពង្រីកបន្ថែមជាបន្តបន្ទាប់។ ជាក់ស្ដែង កងទ័ពប្រទេសទាំងពីរ កន្លងមក បានបង្កើតឱ្យមានសមយុទ្ធរួមគ្នាជាច្រើន ក្នុងគោលបំណងចែករំលែកចំណេះដឹង បទពិសោធន៍ និងបច្ចេកវិទ្យាយោធា ក្នុងនោះមានសមយុទ្ធនាគមាស ដែលបានធ្វើឡើង៦លើកកន្លងមក ចាប់តាំងពីឆ្នាំ២០១៦ ហើយកំពុងពង្រីកកាន់តែធំឡើងៗ និងសមយុទ្ធសុខាភិបាលយោធារួមគ្នា ឈ្មោះថា «ទេវតាសន្តិភាព-ឆ្នាំ២០២៣» ជាដើម។ អ្នកនាំពាក្យក្រសួងការពារជាតិកម្ពុជា បានបន្តថា កាលពីឆ្នាំ២០២៤ «សមយុទ្ធនាគមាស» ត្រូវបានពង្រីកវិសាលភាពបន្ថែមការហ្វឹកហ្វឺននៅលើគោកដោយបន្តធ្វើនៅលើទឹកថែមទៀត ក្រោមប្រធានបទ «ប្រតិបត្តិការរំដោះចំណាប់ខ្មាំងពីក្រុមភេរវករ ចាប់ជំរិតនាវាដឹកទំនិញ» ហើយសមយុទ្ធនាគមាស ឆ្នាំ២០២៥…

តបតាមការអញ្ជើញរបស់លោក​ Kitsuki Fumio អគ្គលេខាធិការរបស់អង្គការ​OISCA International កាលរសៀលថ្ងៃទី២៧ ខែកុម្ភៈ ឆ្នាំ២០២៥ ឯកឧត្តម ទុយ រី ឯកអគ្គរាជទូតកម្ពុជា ប្រចាំប្រទេសជប៉ុន អមដោយលោក​ សុខ​ ធា​ អគ្គទីប្រឹក្សាស្ថានទូត​ បានចូលរួមវេទិកា OISCA International ទីក្រុងតូក្យូលើកទី៤៦ ដែលរៀបចំដោយអង្គការសម្រាប់ភាពរីកចម្រើនផ្នែកស្មារតី និងវប្បធម៌ឧស្សាហកម្ម (Organization for Industrial Spiritual and Cultural (OISCA) International នៅសភាជប៉ុន។ វេទិកានេះ ត្រូវបានរៀបចំឡើងដើម្បីស្វែងយល់ពីវឌ្ឍនភាពអនុវត្តន៍គម្រោងរបស់អង្គការ OISCA International ដែលបាននឹងកំពុងប្រតិបត្តិការក្នុងប្រទេសចំនួន​៤១ ដូចជា ការបង្កើនសមត្ថភាពដល់យុវជន​/ក្មេង ការអប់រំនិងបង្កើនការយល់ដឹងពីបរិស្ថាន​ ការអភិវឌ្ឍជនបទ​ ការអភិរក្ស​ និងការស្ថារឡើងវិញធនធានព្រៃឈើ និងសមុទ្រ​ និងផ្លាស់ប្តូរយោបល់ក្នុងចំណោមអ្នកចូលរួមទាំងអស់ ដើម្បីបង្កើនកិច្ចសហប្រតិបត្តិការ​ រួមទាំង​ រៀបចំសំណើក្នុងការអនុវត្តគម្រោងបន្តទៀត។ ក្នុងវេទិកានេះ មានការចូលរួមពីសមាជិកសភា ឯកអគ្គរាជ/រដ្ឋទូត តំណាងក្រសួងការបរទេសជប៉ុន ភារធារីនិង តំណាងស្ថានទូតបរទេសប្រចាំប្រទេសជប៉ុន និងក្រុមហ៊ុនឯកជនជប៉ុន​។…

លោកយាយ លោកតា ដែលជាអាណាព្យាបាល ក្រុមគ្រួសាររបស់ពលករខ្មែរដែលកំពុងធ្វើការនៅសាធារណរដ្ឋកូរ៉េបានបង្ហាញការព្រួយបារម្ភជាខ្លាំងលើសុវត្ថិភាព និងការប៉ះពាល់អាជីពការងាររបស់កូនៗចៅៗរបស់ខ្លួន ដែលខិតខំប្រឹងប្រែងទម្រាំបានចេញទៅធ្វើការងារនៅក្រៅប្រទេស បន្ទាប់ពីបានទទួលដំណឹងថា មានក្រុមអ្នកនយោបាយជ្រុលនិយមនៅក្រៅប្រទេសតែងតែបំផុសបំផុលកៀរគរពលករខ្មែរនៅក្រៅប្រទេសនិងប្រទេសកូរ៉េផងដែរ ឱ្យចូលរួមសកម្មភាពធ្វើបាតុកម្មខុសច្បាប់នៅលើទឹកដីបរទេសដែលពលករកំពុងធ្វើការនោះ។ ទន្ទឹមនឹងនេះ ក្នុងនាមជាចាស់ទុំដែលធ្លាប់ឆ្លងកាត់ភ្លើងសង្គ្រាមជោគជាំពីអតីតកាលហើយនោះ បានអំពាវនាវឱ្យកូនៗចៅៗទាំងអស់ដែលកំពុងធ្វើការនៅប្រទេសកូរ៉េ  សូមជឿទុកចិត្តមកលើរដ្ឋាភិបាលដែលជាតួអង្គសំខាន់តែមួយគត់ដែលអាចដោះស្រាយបញ្ហាដោយសន្តិវិធីបាន។ លោកតា សុន ទុយ ជាអាណាព្យាបាលរបស់ក្រុមគ្រួសារពលករដែលកំពុងធ្វើការនៅសាធារណកូរ៉េបានលើកឡើងថា លោកតា និងក្រុមគ្រួសារនៅក្នុងស្រុកមានការបារម្ភម្តងហើយម្តងទៀត លើសុវត្ថិភាព ទាំងការងារនិងផ្លូវចិត្តចំពោះកូនចៅរបស់ខ្លួនដែលកំពុងបម្រើការងារនៅសាធារណកូរ៉េ ពីព្រោះទម្រាំបានសម្រេចបញ្ជូនកូនចៅរបស់ខ្លួនទៅធ្វើការនៅបរទេសនេះគឺពិបាកណាស់ ដូច្នេះហើយប្រសិនបើបាត់បង់ការងារដោយសារតែមានការបំផុសបំផុលឱ្យធ្វើបាតុកម្មពីសំណាក់ក្រុមប្រឆាំងច្រើនលើកច្រើនសាពេកនោះ លោកតាទទួលយកមិនបាននោះទេ។ លោកតាបានសង្កត់ធ្ងន់ថា ចេះដឹងរឿងជាតិមិនខុសនោះទេ ក៏ប៉ុន្តែការទៅធ្វើបាតុកម្មប៉ាតណាប៉ាតណីលើទឹកដីបរទេសនេះ មិនមែនជាការស្នេហាជាតិនោះទេ វាជាការបង្កចលាចល និងដាក់បន្ទុកមកលើជាតិខ្លួនឯងវិញទេតើ។ ដែលទាំងនេះលោកតាថា ជាសកម្មភាពខុសគេខុសឯង ខុសពីពលរដ្ឋប្រទេសដ៏ទៃទៀតដែលគេទៅធ្វើការដូចគ្នាអ៊ីចឹងដែរ តែគេមានសណ្តាប់ធ្នាប់ជាង។ ផុតពីបាតុកម្មមួយចូលបាតុកម្មមួយទៀតឥតឈប់ឈរ ដែលលោកតាលើកឡើងថា ឃើញសកម្មភាពទាំងនេះម្តងៗគឺអាម៉ាស់ខ្លាំងណាស់ ខណៈម្ចាស់ស្រុកគេដើរតាមផ្លូវទៅធ្វើការ ដោយឡែកយើងជាពលរដ្ឋបរទេសបែរដើរហែរក្បួនតាមផ្លូវទៅវិញ។ លោកតាបានចោទសួរថា តើនេះជារឿងល្អគួរណាស់មែនទេ? ដោយឡែកលោកយាយ ភី ស៊ាមគាវ ជាអាណាព្យាបាលរបស់ក្រុមគ្រួសារពលករនៅសាធារណកូរ៉េម្នាក់ទៀតបានលើកឡើងពីក្តីបារម្ភដូចគ្នា ត្បិតកូនចៅរបស់ខ្លួននឹងមិនទៅចូលរួមធ្វើបាតុកម្មដែលជាការបំផុសបំផុលពីសំណាក់ក្រុមប្រឆាំងច្រើនលើកច្រើនសាក៏ដោយ ពីព្រោះលោកយាយថា ត្រីមួយកន្ត្រកស្អុយមួយ ស្អុយទាំងអស់ ពីព្រោះបើគេផ្តាច់ការងារ គឺផ្តាច់ទាំងអស់គ្នាហើយ ដោយសារពលរដ្ឋនៅបរទេសធ្វើឱ្យមានភាពចលាចលនៅលើទឹកដីបរទេសជាច្រើនលើកច្រើនសា។ លោកយាយបានលើកឡើងថា តែងមានការបារម្ភជានិច្ចលើសុវត្ថិភាពរបស់កូនចៅរបស់ខ្លួន បន្ទាប់ពីឃើញហេតុការតែងកើតឡើងនៅតាមការផ្សព្វផ្សាយនានា។…

ភ្នំពេញ៖ បណ្ឌិត សួន សេរីរដ្ឋា អ្នកតាមដានព្រឹត្តិការណ៍នយោបាយ និងជាប្រធានក្រុមប្រឹក្សាភិបាលវេទិកាសន្តិភាពកម្ពុជា បានមានប្រសាសន៍ថា សមាជបង្កើត “ក្រុមប្រឹក្សាជាតិបង្រួបបង្រួមកម្ពុជា” របស់ក្រុមប្រឆាំងជ្រុលនិយមនៅក្រៅប្រទេស ដែលចង់នាំការបះបោរដោយប្រើកម្លាំងប្រជាពលរដ្ឋដើម្បីផ្តួលរំលំរដ្ឋាភិបាលស្របច្បាប់ ដូចលោកស្រី មូរ សុខហួរ បានលើកឡើងនោះ គឺមិនអាចកើតមានបានទេនៅក្នុងប្រទេសកម្ពុជា ដែលជាប្រទេសមានច្បាប់រដ្ឋធម្មនុញ្ញ គោរពច្បាប់រដ្ឋធម្មនុញ្ញជាធំ ហើយដែលជាប្រទេសគោរពនូវលទ្ធិប្រជាធិបតេយ្យ សេរី ពហុបក្ស ដែលមានការបោះឆ្នោតទៀងទាត់រៀងរាល់៥ឆ្នាំម្តងៗ ទាំងរដ្ឋសភា ទាំងក្រុមប្រឹក្សាឃុំសង្កាត់ ទាំងព្រឹទ្ធសភា ទាំងក្រុមប្រឹក្សាខេត្ត រាជធានី និងក្រុមប្រឹក្សាស្រុក ខណ្ឌ ក្រុង នៅទូទាំងប្រទេស គ្រាន់តែចន្លោះនៃការបោះឆ្នោត នៃអាណត្តិនីមួយៗខុសគ្នា ប៉ុន្តែយន្តការប្រជាធិបតេយ្យរបស់កម្ពុជាដែលបានបង្កើតបដិសន្ធិតាំងពីឆ្នាំ១៩៩៣ មកដល់ពេលនេះ គឺកាន់តែរីកចម្រើនប្រសើរ។ អ្នកតាមដានព្រឹត្តិការណ៍នយោបាយបានបន្តថា បុគ្គល សម រង្ស៊ី មូរ សុខហួរ និងក្រុមបក្ខពួកឧទ្ទាមនយោបាយដែលធ្វើនយោបាយមិនមែនប្រយោជន៍ប្រជាជន និងប្រយោជន៍ប្រទេសជាតិ ហើយមិនមែនដើម្បីគោរពច្បាប់រដ្ឋធម្មនុញ្ញទេ គឺពួកគេតែងតែរំលោភច្បាប់រដ្ឋធម្មនុញ្ញ ប្រមាថអង្គព្រះមហាក្សត្រ និងធ្វើការអំពាវនាវឱ្យប្រជាពលរដ្ឋបះបោរ អំពាវនាវឱ្យកងកម្លាំងប្រដាប់អាវុធបែរចុងកាណុងមកទម្លាក់រដ្ឋាភិបាល។ បណ្ឌិតសួន សេរីរដ្ឋា បានអះអាងថា ពួកគេគឺជាក្រុមឧទ្ទាមនយោបាយ ហើយមិនយូរមិនឆាប់ទេនឹងក្លាយទៅជាក្រុមភេរវករដែលបង្កនៅអំពើភេវរកម្មប្រឆាំងនឹងសិទ្ធិរបស់ប្រជាពលរដ្ឋខ្មែរនៅក្នុងប្រទេស ប្រឆាំងនឹងច្បាប់រដ្ឋធម្មនុញ្ញ…

ភ្នំពេញ៖ ឯកឧត្តមបណ្ឌិត មហាំម៉ាត់ សាអ៉ីត អាល់ម៉ាជឌូអ៉ី អគ្គលេខាធិការរង នៃអង្គការសម្ព័ន្ធពិភពឥស្លាម នៅទីក្រុងម៉ាក់កា បានបញ្ជាក់ថា កម្ពុជាជាប្រទេសគំរូមួយនៅលើពិភពលោក ដែលធានាបាននូវសុខដុមនីយកម្មជាតិសាសន៍ និងសាសនា។ ការបញ្ជាក់នេះ ក្នុងជំនួបសម្តែងការគួរសម និងពិភាក្សាការងារជាមួយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជានាព្រឹកថ្ងៃទី២៧ ខែកុម្ភៈ ឆ្នាំ២០២៥។ ក្នុងឱកាសនៃជំនួប, ឯកឧត្តមបណ្ឌិតអគ្គលេខាធិការង បានថ្លែងអំណរគុណយ៉ាងជ្រាលជ្រៅចំពោះសម្ដេចធិបតី ដែលបានអនុញ្ញាតឱ្យរូបឯកឧត្តម និងគណៈប្រតិភូ ចូលជួបសម្ដែងការគួរសម និងបានថ្លែងអំណរគុណកម្ពុជាដែលបានទទួលស្វាគមន៍យ៉ាងកក់ក្ដៅចំពោះឯកឧត្តម និងគណៈប្រតិភូដែលបានចូលរួមកិច្ចកិច្ចប្រជុំកំពូលឥស្លាមក្រោមប្រធានបទ «ឥស្លាម និងពុទ្ធសាសនា» នាឱកាសនេះ។ ឯកឧត្តមបណ្ឌិតក៏បានសម្ដែងនូវក្ដីសោមនស្សរីករាយដែលបានមកបំពេញទស្សនកិច្ចនៅកម្ពុជា ជាថ្មីម្ដងទៀត និងបានវាយតម្លៃខ្ពស់ចំពោះការរីកចម្រើនយ៉ាងឆាប់រហ័សលើគ្រប់វិស័យរបស់កម្ពុជា ជាពិសេសការរីកចម្រើនខាងវិស័យសេដ្ឋកិច្ច និងវិស័យអប់រំ ដែលការណ៍នេះបានធ្វើឱ្យបណ្ដាប្រទេសលើពិភពលោក កាន់តែចាប់ផ្ដោតការយកចិត្តទុកដាក់ខ្ពស់ថែមទៀតមកលើកម្ពុជា។ បន្ថែមលើនេះ, ឯកឧត្តមបណ្ឌិតក៏បានលើកឡើងថា កម្ពុជា ជាប្រទេសគំរូមួយនៅលើពិភពលោក ដែលធានាបាននូវសុខដុមនីយកម្មជាតិសាសន៍ និងសាសនា។ ជាការឆ្លើយតប, សម្ដេចធិបតី បានស្វាគមន៍ចំពោះឯកឧត្តមបណ្ឌិត អគ្គលេខាធិការរង និងគណៈប្រតិភូ ដែលបានអញ្ជើញចូលរួមកិច្ចប្រជុំកំពូល ព្រមទាំងបានវាយតម្លៃខ្ពស់ចំពោះការរៀបចំកិច្ចប្រជុំកំពូលនេះ ជាលើកដំបូងនៅកម្ពុជា។ សម្ដេចធិបតីបានគូសបញ្ជាក់ថា កម្ពុជា ជាប្រទេសដែលគោរព…

ភ្នំពេញ៖ តាមរយៈបណ្តាញសង្គម នាព្រឹកថ្ងៃទី២៧ ខែកុម្ភៈ ឆ្នាំ២០២៥ នេះ សម្តេចតេជោ ហ៊ុន សែន បានសរសេរថា មានអ្នកបន់ឱ្យសម្តេចឆាប់ជា ដែលមានចំនួនច្រើនលើសលប់ និងមានអ្នកបន់ឱ្យសម្តេចឆាប់ស្លាប់ដែលមានចំនួនតិចតួចដែលសុទ្ធសឹងតែពួកជ្រុលនិយម។ សម្តេចតេជោបានសរសេរយ៉ាងដូច្នេះថា ៖ អ្នកជម្ងឺកូវីដវាយកូនគោល ! មានអ្នកបន់ឱ្យខ្ញុំឆាប់ជាដែលមានចំនួនច្រើនលើសលប់ និងមានអ្នកបន់ឱ្យខ្ញុំឆាប់ស្លាប់ដែលមានចំនួនតិចតួចដែលសុទ្ធសឹងតែពួកជ្រុលនិយម។ ព្រឹកនេះខ្ញុំប្រើពេលជាង៣ម៉ោងវាយកូនគោលកម្លាំងប្រៀបដូចយុវជនអាយុជាង៣០ឆ្នាំ ពេលវាយ driver ចេញ។ គ្មានក្អក គ្មានហៀរសំបោរ។ ទាំងគ្រូពេទ្យ និងបងប្អូនផ្សេងទៀតបានលើកទឹកចិត្តឱ្យខ្ញុំហាត់ប្រាណទើបឆាប់ជាសះស្បើយ។ ខ្ញុំយកការវាយកូនគោលដែលជាកីឡាដែលខ្ញុំចូលចិត្តដើម្បីហាត់ប្រាណ តែខ្ញុំនៅតែប្រុងប្រយ័ត្នមិនឱ្យជម្ងឺខ្ញុំឆ្លងទៅអ្នកផ្សេងទៀត ពិសេសកូនៗដែលបម្រើការងារនៅតារាងកូនគោល។ ដរាបណាការធ្វើតេស្តនៅតែមានវិជ្ជមានកូវីដ.19 ខ្ញុំតែមិនចូលរួមប្រជុំ ឬទទួលភ្ញៀវនោះទេ។ ខ្ញុំសង្ឃឹមថានឹងបានចូលរួមអាពាហ៍ពិពាហ៍កូនអ្នកឧកញ្ញា លី ហួរ នៅថ្ងៃ៧ មីនា ២០២៥ខាងមុខ៕ដោយ៖ពលជ័យ

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍បញ្ជាក់ថា លទ្ធិជ្រុលនិយម គឺជាសត្រូវនៃភាពសុខដុមរមនា និងសន្តិសហវិជ្ជមាននៅក្នុងសង្គម។ ជាក់ស្តែងគ្មានសង្គមណាមួយដែលមានភាពបរិសុទ្ធឥតខ្ចោះ នៃជាតិសាសន៍ ឬសាសនានោះទេ។ សង្គមដែលទាមទារភាពបរិសុទ្ធបែបនេះ គឺតែងតែនាំមកនៅសោកនាដកម្ម គឺធ្វើទុក្ខបុកម្នេញ ការសងសឹកគ្មានទីបញ្ចប់ ហើយដែលអាក្រក់បំផុតនោះ គឺការរុញច្រានបោសសម្អាតជាតិសាសន៍។ តាមពិតពិភពលោកយើងពិតជាមានមេរៀនជាច្រើនរាប់មិនអស់ពីសោកនាដកម្មមានឫសគល់ចេញពីលទ្ធិជ្រុលនិយម បូករួមទាំងអ្វីដែលកម្ពុជាបានឆ្លងកាត់នៅរបបប្រល័យពូជសាសន៍។ ការបញ្ជាក់របស់សម្តេចធិបតីក្នុងឱកាសអញ្ជើញជាអធិបតីកិច្ចប្រជុំកំពូលឥស្លាម ក្រោមប្រធានបទ “ឥស្លាម និងពុទ្ធសាសនា “រៀបចំដោយអង្គការសម្ព័ន្ធពិភពឥស្លាម (Muslim World League MWL)” នៅព្រឹកថ្ងៃទី២៧ ខែកុម្ភៈ ឆ្នាំ២០២៥។ សម្តេចធិបតីបានមានប្រសាសន៍បញ្ជាក់បន្ថែមទៀតថា “ក្រុមប្រឆាំងជ្រុលនិយមព្រោះតែមហិច្ឆតានយោបាយ បានបរិហារដើម្បីបំពានលើតថភាពប្រវត្តិសាស្ត្រ និងគុណតតម្លៃមិនអាចកាត់ថ្លៃបាននៃថ្ងៃរំដោះ ៧ មករា ១៩៧៩ ដែលជាថ្ងៃកំណើតទី២ របស់ប្រជាពលរដ្ឋទូទាំងប្រទេស រួមទាំងបងប្អូនខ្មែរឥស្លាមផង។ ដើម្បីឆ្លើយតបទៅនឹងការព្រួយបារម្ភកាន់តែខ្លាំងក្រុមជ្រុលនិយមមួយចំនួនបានបន្តបដិសេធព្រឹត្តិការណ៍សម្លាប់រង្គាល, រាជរដ្ឋាភិបាលកម្ពុជាបានចាត់វិធានការជាបន្តបន្ទាប់តាមរយៈការបង្កើតច្បាប់ស្តីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យ៕ដោយ៖ពលជ័យរូបភាព៖ហ្វេសប៊ុកផេកសម្តេចធិបតី ហ៊ុន ម៉ាណែត

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍បញ្ជាក់ថា កម្ពុជា​មានសុខដុមនីយកម្មជាតិសាសន៍ និងសាសនាពេញលេញ ដល់​ប្រជាជនរបស់ខ្លួន ដែលមានវប្បធម៌ និងប្រពៃណីចម្រុះជាតិសាសន៍។ ការបញ្ជាក់នេះ ក្នុងឱកាសអញ្ជើញ ចូលរួមកិច្ចប្រជុំ​កំពូលឥស្លាម ក្រោមប្រធានបទ “ឥស្លាម និងពុទ្ធ​សាសនា “រៀបចំដោយ​អង្គការសម្ព័ន្ធពិភពឥស្លាម (Muslim World League MWL)” នៅព្រឹកថ្ងៃព្រហស្បតិ៍ ទី២៧ ខែកុម្ភៈ ឆ្នាំ២០២៥។ សម្តេចធិបតី ហ៊ុន ម៉ាណែត បានបន្តថា សមាជិកអង្គការសហប្រតិបត្តិការឥស្លាម (OIC) ដែលមានរដ្ឋជាសមាជិកចំនួន ៥៧ប្រទេស មានប្រជាជនជិត២ពាន់​លាន​នាក់ និងអង្គរការសម្ព័ន្ធពិភពឥស្លាម រួមទាំងបណ្តាប្រទេសជា​ច្រើនទៀត គឺថ្នាក់ដឹកនាំប្រទេស និងអង្គការទាំងនេះ បានវាយតម្លៃខ្ពស់ និងបានកោតសរសើរដល់កម្ពុជា ដោយប្រៀបយកកម្ពុជា ធ្វើជាគំរូដ៏​ល្អនៃប្រទេសដែលមានសុខដមនីយកម្មជាតិសាសន៍ និងសាសនា រវាងឥស្លាម ៥% ព្រះពុទ្ធសាសនាប្រមាណ ៩៣% និងសាសនាផ្សេងៗ ២% ដែលមានសាមគ្គីភាពនឹងគ្នា ប្រកបដោយការអត់ឱន ដើម្បីជា​ការបញ្ជាក់ពីវឌ្ឍនភាពសាសនានៅកម្ពុជា ទើបសម្រេចចិត្តមករៀប​ចំកិច្ចប្រជុំកំពូលនេះនៅកម្ពុជា…

ភ្នំពេញ៖ មេដឹកនាំគណបក្សនយោបាយបានអះអាងស្រដៀងគ្នាថា ការបង្កើត «ប្រឹក្សាជាតិដើម្បីបង្រួបបង្រួមកម្ពុជា» របស់ក្រុមប្រឆាំងជ្រុលនិយមនៅក្រៅប្រទេស ក្នុងបំណងផ្តួលរំលំរាជរដ្ឋាភិបាលស្របច្បាប់ គឺជាចលនាមួយខុសច្បាប់ និងប្រឆាំងជាដាច់ខាតមិនអនុញ្ញាតឱ្យក្រុមចលនាខុសច្បាប់ នៃប្រឹក្សាជាតិដើម្បីបង្រួបបង្រួមកម្ពុជា ដែលកំពុងជ្រកនៅលើទឹកដីប្រទសអូស្ត្រាលី និងប្រទេសនូវែលហ្សេឡង់ មកបំផ្លាញរាជរដ្ឋាភិបាលស្របច្បាប់ ដែលកើតចេញមកពីការបោះឆ្នោត ដែលប្រជាពលរដ្ឋកម្ពុជាកំពុងរស់នៅក្នុងសន្តិភាព និងការអភិវឌ្ឍឡើយ។ ឯកឧត្តម ញឹក ប៊ុនឆៃ ប្រធានគណបក្សខ្មែររួបរួមជាតិ បានមានប្រសាសន៍ថា ការបង្កើត «ក្រុមប្រឹក្សាជាតិដើម្បីបង្រួបបង្រួមកម្ពុជា» របស់ក្រុមប្រឆាំងជ្រុលនិយមនៅក្រៅប្រទេស ជាចលនាខុសច្បាប់ និងជាការប្រមាថប្រជាពលរដ្ឋម្ចាស់ឆ្នោត ដែលបោះឆ្នោតគាំទ្ររាជរដ្ឋាភិបាល។ ការបង្កើតនេះ គឺដើម្បីតែកេងចំនេញនយោបាយ ពីព្រោះអ្វីដែលក្រុមប្រឆាំងជ្រុលនិយមលើកឡើងអំពីបញ្ហាសិទ្ធិមនុស្ស លទ្ធិប្រជាធិបតេយ្យ បូរណភាពទឹកដី និងបញ្ហាផ្សេងៗមួយចំនួនទៀត ជាលេសដើម្បីបង្កើតចលនាខុសច្បាប់នេះ គឺមិនត្រឹមត្រូវនោះទេ គឺរាជរដ្ឋាភិបាលធ្វើតាមច្បាប់ តាមរដ្ឋធម្មនុញ្ញ និងខិតខំប្រឹងប្រែងដោះស្រាយ មិនដូចការចោទប្រកាន់របស់ក្រុមប្រឆាំងនោះទេ។ ឯកឧត្តមបានបញ្ចាក់ថា “បើមើលផ្លូវច្បាប់ វាខុសច្បាប់ទៅបង្កើតចលនាដែលប្រឆាំងជាមួយរាជរដ្ឋាភិបាល វាផ្ទុយនឹង វាខុសច្បាប់ហើយ។ អ្វីដែលពួកគេធ្វើ គឺជារឿងដដែលៗទេ ហើយខាងរាជរដ្ឋាភិបាលមានការអនុវត្តច្បាប់ អនុវត្តតាមរដ្ឋធម្មនុញ្ញ គឺធ្វើតាមច្បាប់ ធ្វើតាមរដ្ឋធម្មនុញ្ញ។ ក្រុមប្រឆាំងជ្រុលនិយមធ្វើដើម្បីកេងចំនេញនយោបាយតែប៉ុណ្ណោះ”។ ចំណែកលោកជំទាវ ពោធិតី សាវត្ថី ប្រធានគណបក្សធម្មាធិបតេយ្យបានប្រកាសថា គណបក្សធម្មាធិបតេយ្យមិនគាំទ្រការបង្កើត…