ភ្នំពេញ: រាជរដ្ឋាភិបាលកម្ពុជានឹងទទួលបន្តបង់ថ្លៃសិក្សាសម្រាប់សិស្សបណ្ឌិតសភាយោធាកម្ពុជាទាំង៦រូប ដែលកំពុងសិក្សានៅសហរដ្ឋអាមេរិក បន្ទាប់ពីសហរដ្ឋអាមេរិកបញ្ឈប់ការបង់ថ្លៃសិក្សាឱ្យពួកគេ។ នេះបើយោងតាមសេចក្តីប្រកាសព័ត៌មានរបស់អ្នកនាំពាក្យក្រសួងការពារជាតិនៃព្រះរាជាណាចក្រកម្ពុជានៅថ្ងៃទី២ ខែកក្កដា ឆ្នាំ២០២១។ សម្តេចពិជ័យសេនា ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិ បានមានប្រសាសន៍ថ្លែងប្រាប់ AMS ថា ចំពោះករណីនេះ ក្រសួងការពារជាតិកម្ពុជា កំពុងតែធ្វើកិច្ចការងារនេះ ជាមួយភាគីសហរដ្ឋអាមេរិក។ ប៉ុន្តែសម្តេចមិនបានបញ្ជាក់លម្អិតនោះទេ។ យោងតាមសេចក្តីប្រកាសព័ត៌មានរបស់អ្នកនាំពាក្យក្រសួងការពារជាតិកម្ពុជា នៅថ្ងៃទី២ ខែកក្កដា បានឲ្យដឹងថា យោងតាមការសម្រេចជាឯកតោភាគីរបស់សហរដ្ឋអាមេរិកបញ្ឈប់ការបង់ថ្លៃសិក្សាសម្រាប់សិស្សបណ្ឌិតសភាយោធាកម្ពុជា ដែលកំពុងសិក្សានៅសហរដ្ឋអាមេរិក ក្រសួងការពារជាតិនៃព្រះរាជាណាចក្រកម្ពុជា សូមបញ្ជាក់នូវចំណាត់ការបន្ទាន់ និងចាំបាច់ពាក់ព័ន្ធនឹងការសិក្សារបស់សិស្សបណ្ឌិតសភាយោធាកម្ពុជា ចំនួន៦រូប ដែលកំពុងសិក្សានៅតាមបណ្តាសាលាបណ្ឌិតសភាយោធារបស់សហរដ្ឋអាមេរិក ដូចតទៅ៖ដោយមើលឃើញអំពីការលំបាករបស់សិស្សបណ្ឌិតសភាយោធាកម្ពុជាទាំងអស់ ដែលបណ្តាលមកពីការបញ្ឈប់នូវកាតព្វកិច្ចនៃការបង់ថ្លៃសិក្សាពីសំណាក់ភាគីអាមេរិក និងនៅក្នុងស្មារតីទទួលខុសត្រូវចំពោះអនាគត និងផលប្រយោជន៍របស់សិស្សបណ្ឌិតសភាយោធាកម្ពុជា រាជរដ្ឋាភិបាលនៃព្រះរាជាណាចក្រកម្ពុជានឹងទទួលបន្តបង់ថ្លៃសិក្សាសម្រាប់សិស្សបណ្ឌិតសភាយោធាកម្ពុជាទាំង៦រូប រហូតដល់បញ្ចប់ការសិក្សារបស់ខ្លួន ជាស្ថាពរ។ ក្រសួងការពារជាតិនៃព្រះរាជាណាចក្រកម្ពុជា នឹងទំនាក់ទំនងជាមួយស្ថាប័នពាក់ព័ន្ធរបស់សហរដ្ឋអាមេរិក នៅក្នុងចំណាត់ការនេះ។ និស្សិតកម្ពុជា ចំនួន៦នាក់ ដែលកំពុងសិក្សានៅបណ្ឌិតសភាយោធាចំនួនបួន ក្នុងសហរដ្ឋអាមេរិក ត្រូវបានប្រាប់ឱ្យផ្អាកការសិក្សាមុនពេលកំណត់នៅពេលបញ្ចប់ឆ្នាំសិក្សាឆ្នាំនេះ ដោយសារ តែកម្ពុជាបានបាត់បង់ ភាពស្របច្បាប់ក្នុងការទទួលជំនួយពីសហរដ្ឋអាមេរិក។ និស្សិតទាំង៦រូបនេះ កំពុងសិក្សានៅបណ្ឌិតសភាយោធាជើងគោក West Point ចំនួន២រូប បណ្ឌិតសភាទ័ពអាកាស ចំនួន២រូប…

ភ្នំពេញៈ រដ្ឋលេខាធិការ និងជាអ្នកនាំពាក្យក្រសួងយុត្តិធម៌ បានឆ្លើយតបទៅនឹងការលើកឡើងរបស់អង្គការសហប្រជាជាតិ(អ.ស.ប.)ផ្នែកសិទ្ធិមនុស្ស និងបរិស្ថាន ដែលបានបង្ហាញកង្វល់ពីការឃុំខ្លួនសកម្មជនបរិស្ថាននាពេលកន្លងមកនេះ វាគ្រាន់តែជាសារនយោបាយ និងមិនមានឥទ្ធិពលអ្វីទៅលើការសម្រេចរបស់តុលាការនោះទេ ពីព្រោះតុលាការសម្រេចដោយផ្អែកទៅលើភស្តុតាង មានមូលដ្ឋានច្បាប់ក្នុងការចោទប្រកាន់ និងដំណើរការនីតិវិធីតាមផ្លូវតុលាការ។ ឯកឧត្តម ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌បានមានប្រសាសន៍ប្រាប់ AMS នៅរសៀលថ្ងៃទី២ ខែកក្កដា នេះថា ការលើកឡើងនេះ(របស់មន្រ្តីអ.ស.ប.)ត្រូវហើយ ការលើកស្ទួយបរិស្ថាន និងសិទ្ធិមនុស្ស មិនមែនជាបទល្មើសទេ ហើយកម្ពុជាប្រកាន់ភ្ជាប់នូវគោលការណ៍ហ្នឹង។ ក៏ប៉ុន្តែសកម្មជនដែលរងការចោទប្រកាន់មិនមែនដោយសារសកម្មភាពស្ទួយបរិស្ថាន និងសិទ្ធិមនុស្ស គឺដោយសារតែបានប្រព្រឹត្តបទល្មើស ហើយសមត្ថកិច្ចមានភស្តុតាង មានមូលដ្ឋានច្បាប់គ្រប់គ្រាន់ក្នុងការចោទប្រកាន់ និងដំណើរការនីតិវិធីតាមផ្លូវតុលាការ។ អ្នកនាំពាក្យក្រសួងយុត្តិធម៌ បានបញ្ជាក់ថា “ការលើកឡើងនេះ វាគ្រាន់តែជាសារនយោបាយ។ វាអត់មានមូលដ្ឋានផ្លូវច្បាប់ណាមកការពារកើតដែរ។ អ៊ីចឹង ការដែលលើកឡើងហើយថ្លែងជាសារនយោបាយវាអត់មានឥទ្ធិពលអីទៅលើការសម្រេចរបស់តុលាការ ព្រោះតុលាការគេសម្រេចផ្អែកទៅលើភស្តុតាង សក្ខីកម្ម ហើយបើយើងអត់មានភស្តុតាង សក្ខីកម្ម ហើយបើយើងអត់មានភស្តុតាងសក្ខីកម្ម រឹងមាំនៅក្នុងការដោះបន្ទុកតតាំងបទចោទផង ការថ្លែងសារនយោបាយវាមិនមានឥទ្ធិពលអី ហើយក៏គ្មានប្រយោជន៍អីដែរ”។ សេចក្ដីប្រកាសព័ត៌មានរបស់អ.ស.ប. តាមរយៈអង្គភាពសិទ្ធិមនុស្ស និងកម្មវិធីបរិស្ថាននៃអង្គការពិភពលោកមួយចេញផ្សាយកាលពីថ្ងៃទី៣០ មិថុនា ដោយបានបង្ហាញកង្វល់ចំពោះការចាប់ឃុំខ្លួនសកម្មជនបរិស្ថាននៅក្នុងប្រទេសកម្ពុជា។ លោកស្រី Cynthia Veliko តំណាងអាស៊ីអាគ្នេយ៍នៃការិយាល័យសិទ្ធិមនុស្សនៃអ.ស.ប.ប្រចាំទីក្រុងបាងកក…

ភ្នំពេញៈមុននេះបន្តិច សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានបញ្ជាក់លើទំព័រហ្វេសប៊ុកផ្លូវការរបស់សម្តេចថា” ថ្ងៃនេះក្រុមគ្រូពេទ្យបានមកយកសំណាកខ្ញុំទៅធ្វើតេស្តជាលើកចុងក្រោយ បន្ទាប់ពីការធ្វើចត្តាឡីស័ករយៈពេល១៤ថ្ងៃ។ លទ្ធផលពីមន្ទីរពិសោធន៍បានបញ្ជាក់ថា ខ្ញុំអវិជ្ជមានពីកូវីដ-១៩ ដែលខ្ញុំត្រូវបញ្ចប់ការធ្វើចត្តាឡីស័កត្រឺមល្ងាចថ្ងៃទី០២ ខែកក្កដា ឆ្នាំ២០២១នេះ”។ សម្តេចតេជោបានបន្តថា ក្នុងចំណោមមេដឹកនាំអាស៊ានប្រហែលមានតែខ្ញុំម្នាក់ទេដែលធ្វើចត្តាឡីស័កច្រើនជាងគេ រហូតដល់ទៅ៣ដងក្នុងរយៈពេល៨ខែ។ ខ្ញុំសង្ឃឹមថានឹងពុំមានលើកទី៤ទៀតទេ។ដើម្បីធានាថាពុំមានលើកទី៤ មនុស្សដែលត្រូវជួបខ្ញុំត្រូវបានធ្វើតេស្តជាមុនយ៉ាងហោចណាស់គឺ ការធ្វើតេស្តរហ័សនិងកាន់តែធានាសម្រាប់ទាំងអស់គឺការមិនជួបគ្នាដោយផ្ទាល់ និងជំនួសដោយការជួបគ្នាតាមប្រព័ន្ធបច្ចេកវិទ្យាព័ត៌មានវិញ៕

ភ្នំពេញៈ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិ បានបញ្ជាក់ថា លទ្ធិប្រជាធិបតេយ្យមិនមែនជាការរត់ប្រណាំងចម្ងាយខ្លីនោះទេ ប៉ុន្តែវាជាការរត់ចម្ងាយឆ្ងាយមួយ។ រាល់វិធានការច្បាប់ និងគ្រប់គ្រងរដ្ឋបាល ត្រូវបានពង្រឹងនិងអនុវត្តនៅក្នុងព្រំដែនច្បាប់។ ការចោទប្រកាន់ត្រូវបានធ្វើឡើងនៅចំពោះមុខតុលាការ ពាក់ព័ន្ធនឹងបទល្មើសព្រហ្មទណ្ឌនិងការរំលោភច្បាប់រដ្ឋធម្មនុញ្ញ។ ជនជាប់ចោទមានឱកាសពេញលេញក្នុងការស្តាប់ និងបដិសេធរាល់ការចោទប្រកាន់ ដែលជាផ្នែកមួយនៃសិទ្ធិទទួលបាននីតិវិធីត្រឹមត្រូវ។ ការបញ្ជាក់នេះ បានធ្វើឡើងនៅក្នុងជំនួបសន្ទនាតាមប្រព័ន្ឋវីដេអូជាមួយលោក សាស្ត្រាចារ្យ វិទិត មុនតាប៊ន អ្នករាយការណ៍ពិសេសថ្មី ទទួលបន្ទុកស្ថានភាពសិទ្ធិមនុស្សនៅកម្ពុជា កាលពីរសៀលថ្ងៃទី១ ខែកក្កដា ឆ្នាំ២០២១។ ប្រភពក្រសួងការបរទេសបានបញ្ជាក់ថា កិច្ចពិភាក្សានេះបានផ្តោតលើបញ្ហាចំនួន៣។ទី១. កិច្ចសហប្រតិបត្តិការអន្តរជាតិ និង តំបន់ ,ទី២.ជំងឺកូវីដ១៩ និងផលវិបាករបស់វាព្រមទាំង និងទី៣. សិទ្ឋប្រជាធិបតេយ្យ និងពលរដ្ឋ។ ភាគីទាំងពីរបានផ្លាស់ប្តូរទស្សនៈផងដែ រលើការរៀបចំរបស់កម្ពុជាក្នុងនាមជាប្រធានអាស៊ាន នៅឆ្នាំ២០២២ និងគំនិតផ្តួចផ្តើមដែលមានសក្តានុពលពាក់ព័ន្ធមួយចំនួន។ ស្តីពីប្រជាធិបតេយ្យ និងពលរដ្ឋ ឯកឧត្តមឧបនាយករដ្ឋមន្រ្តី បានសង្កត់ធ្ងន់ថា ការវាយតម្លៃណាមួយមកលើប្រទេសកម្ពុជា គួរតែចងចាំថា តើការវាយតម្លៃនោះចេញពីប្រភពណា ហើយវាស្ថិតនៅត្រង់ណានៅពេលនេះ។ យន្តការនានា ត្រូវបានរៀបចំបង្កើតឡើង ដើម្បីបង្កើតភាពជាដៃគូរវាងរដ្ឋាភិបាល និងអង្គការសង្គមស៊ីវិលឲ្យកាន់តែជិតស្និទ្ធ។ លទ្ធិប្រជាធិបតេយ្យមិនមែនជាការរត់ប្រណាំងចម្ងាយខ្លីនោះទេ…

ភ្នំពេញ:សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអនុញ្ញាតឱ្យឯកឧត្តម វូ គ័ងមិញ (Vu Quang Minh) ឯកអគ្គរដ្ឋទូតសាធារណរដ្ឋសង្គមនិយមវៀតណាមប្រចាំព្រះរាជាណាចក្រកម្ពុជា ដែលនឹងត្រូវចប់អាណត្តិក្នុងពេលឆាប់ៗនេះ ជួបសម្តែងការគួរសម និងជម្រាបលាតាមប្រព័ន្ធវីដេអូអនឡាញ នាព្រឹកថ្ងៃទី២ ខែកក្កដា ឆ្នាំ២០២១នេះ។ ក្នុងឱកាសនេះ ឯកឧត្តមអគ្គរដ្ឋទូតវៀតណាមបានសូមអភ័យទោសពីសម្តេចចក្រីប្រធានរដ្ឋសភា ដែលមិនបានចូលជួបសម្តែងការគួរសម និងជម្រាបលាសម្តេចដោយផ្ទាល់នៅក្នុងឱកាសត្រូវបញ្ចប់អាណត្តិការទូតនេះ ដោយសារការរាតត្បាតជំងឺកូវីដ១៩។ ឯកឧត្តមបានថ្លែងអំណរគុណដ៏ជ្រាលជ្រៅជូនសម្តេចប្រធានរដ្ឋសភាដែលបានគំាទ្រ និងណែនាំចំពោះលោកជាប្រចំារហូតមកនៅក្នុងការបំពេញបេសកកម្មការទូតរយៈពេល៣ឆ្នាំនេះ ក្នុងការបម្រើដល់ផលប្រយោជន៍និងកិច្ចសហប្រតិបត្តិការប្រទេសទំាងពីរឱ្យទទួលបានជោគជ័យយ៉ាងធំធេង។ ឯកឧត្តមឯកអគ្គរដ្ឋទូតបានអបអរសាទរយ៉ាងខ្លំាងក្លានូវលទ្ធផលយ៉ាងធំធេងកើតចេញពីជំនួបទ្វេភាគីរវាងសម្តេចអគ្គមហាពញាចក្រី ហេង សំរិន និងលោក វឿង ឌិញហ្វេ ប្រធានរដ្ឋសភាវៀតណាមកាលពេលថ្មីៗនេះដែលនាំមកនូវ កិច្ចសហប្រតិបត្តិការកាន់តែគ្រប់ជ្រុងជ្រោយដល់ប្រទេសទំាងពីរ ជាពិសេសស្ថាប័នរដ្ឋសភានៃប្រទេសទំាងពីរបន្ថែមទៀត។ ចំណែកសម្តេចពញាចក្រី ហេង សំរិន បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង ក្នុងអាណត្តិបេសកកម្មការទូតរបស់លោកនៅកម្ពុជា ពិតជាបាននំាមកនូវសមិទ្ធផលយ៉ាងច្រើនឥតគណនា ក្នុងការរួមចំណែកយ៉ាងសកម្ម សំដៅលើកកម្ពស់ទំនាក់ទំនង ចំណងមិត្តភាព សាមគ្គីភាពជាប្រពៃណី និងកិច្ចសហប្រតិបត្តិការ លើគ្រប់វិស័យ រវាងបក្ស រដ្ឋ រដ្ឋាភិបាល និងប្រជាជនយើងទំាងពីរ កម្ពុជា-វៀតណាម ឱ្យកាន់តែរឹងថែមទៀត។ សម្តេចបានកត់សម្គាល់ថានៅរយៈពេលជាង៣ឆ្នាំនៃបេសកកម្មរបស់ឯកឧត្តម វូ…

ភ្នំពេញៈ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានមានប្រសាសន៍បញ្ជាក់ថា នៅឆ្នាំក្រោយ គឺជាឆ្នាំនៃព្រឹត្តិការណ៍បោះឆ្នោត ដែលអ្នកនយោបាយផ្សេងៗ អាចយកបញ្ហាប្រឈម និងទំនាស់នានាក្នុងមូលដ្ឋានឆ្កឹះក្នុងបំណងទាញប្រជាប្រិយភាព ដូច្នេះអាជ្ញាធរមានសមត្ថកិច្ចទាំងអស់ ត្រូវតែយកចិត្តទុកដាក់ពីឥឡូវទៅ ដើម្បីគ្រប់គ្រងសភាពការណ៍ ហើយដោះស្រាយបញ្ហាប្រជាពលរដ្ឋឱ្យបានល្អ ដោយមិនត្រូវមានទស្សនៈខុសឆ្គងថា បញ្ហាទាំងនោះ គឺដោយសារមានពួកប្រឆាំង ឬដោយសារបញ្ហានេះ បញ្ហានោះឡើយ ពោលគឺសំខាន់ត្រូវមើលខ្លួនឯងថា តើមានបញ្ហាមែនដែរទេ? មានប៉ះពាល់សិទ្ធិ និងផលប្រយោជន៍ប្រជាពលរដ្ឋឬទេ? ហើយបើមានត្រូវដោះស្រាយភ្លាម។ ការបញ្ជាក់របស់សម្តេចក្រឡាហោម ស ខេង បានធ្វើឡើងនៅក្នុងពិធីប្រកាសចូលកាន់តំណែងឯកឧត្តម ស៊ុន សុវណ្ណារិទ្ធិ ជាអភិបាលនៃគណៈអភិបាលខេត្តកំពង់ឆ្នាំងជំនួសឯកឧត្តម ឈួរ ច័ន្ទឌឿន និងប្រកាសចូលកាន់មុខតំណែងលោក ណី ចារី ជាអភិបាលរងនៃគណៈភិបាលខេត្តកំពង់ឆ្នាំងកាលពីព្រឹកថ្ងៃទី១ ខែកក្កដា ឆ្នាំ២០២១។ សម្ដេចបានណែនាំឱ្យអាជ្ញាធរយកចិត្តទុកដាក់អប់រំប្រជាពលរដ្ឋឱ្យចូលរួមគោរពច្បាប់ ការពារផលប្រយោជន៍សាធារណៈ ផលប្រយោជន៍សហគមន៍ និងចៀសវាងការចូលរួមក្នុងសកម្មភាពផ្ទុយពីច្បាប់ដែលធ្វើឱ្យប៉ះពាល់សន្តិសភាព និងស្ថិរភាពនយោបាយ ព្រមទាំងយកចិត្តទុកដាក់ដោះស្រាយជម្លោះនៅមូលដ្ឋានឱ្យបានល្អ ដោយចៀសវាងឱ្យបាននូវការប្រើប្រាស់អំពើហិង្សាគ្រប់រូបភាព។ សម្ដេចបានណែនាំឱ្យខិតខំជំរុញការនុវត្តគោលនយោបាយភូមិឃុំសង្កាត់មានសុវត្ថិភាពទាំង៧ចំណុច រួមមានផ្ដល់សេវាសាធារណៈជាពិសេសសេវារដ្ឋបាលប្រកបដោយគុណភាព តម្លាភាព និងប្រកបដោយការជឿទុកចិត្ត, គ្មានបទល្មើសលួច ឆក់ ប្លន់…

ភ្នំពេញ​៖ ​សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អំពាវនាវ​ទៅកាន់​ក្រុមហ៊ុន​ឯកជន​ទាំងអស់​នៅក្នុងប្រទេស​កម្ពុជា​ ត្រូវ​ទិញ​ឧបករណ៍​តេស្ត​រហ័ស​សម្រាប់​ធ្វើតេស្ត​បុគ្គលិកកម្មករ​របស់ខ្លួន​។​ ជាមួយគ្នានេះ ​សម្តេច​តេ​ជោ ហ៊ុន សែន ក៏​បានចេញ​បទបញ្ជា​ឲ្យ​កងទ័ពនគរបាល និង​អាវុធហត្ថ ក៏ត្រូវ​មាន​ឧបករណ៍​តេស្ត​រហ័ស​នៅក្នុង​ដៃ​ជា​ចាំបាច់ ដោយ​មិនចាំបាច់​ក្រុមគ្រូពេទ្យ​ទើប​អាចធ្វើ​តេស្ត​នោះទេ។ ជាមួយនេះ​ ស​ម្តេចបាន​បញ្ជា​ឱ្យក្រសួងសុខាភិបាល​ត្រូវ​ចុះទៅ​បង្រៀន​ក្រុមហ៊ុន និងកងទ័ព នគរបាល អាវុថហត្ថ ឱ្យចេះ​ប្រើ​ឧបករណ៍​នេះ។ ​ដោយ​សម្តេច​លើកឡើងថា ​យើង​មិនអាច​នៅពេល​មាន​ករណី​សង្ស័យ​កើតឡើង​ហើយ​រង់ចាំ​គ្រូពេទ្យ​ទៅយក​សំណាក​នោះទេ។ សម្តេច​តេ​ជោ ហ៊ុន សែន បាន​ថ្លែង​បែបនេះ​នៅក្នុង​កិច្ចប្រជុំ​គណៈកម្មការ​ជាតិ​ប្រយុទ្ធ​ប្រឆាំងនឹង​ជំងឺ​កូ​វីដ​១៩ នៅ​ព្រឹក​ថ្ងៃទី​០១ ខែកក្កដា ឆ្នាំ​២០២១​តាម​ប្រព័ន្ធ វីដេអូ ដើម្បី​ពិភាក្សា​និង​ដោះស្រាយ​ទៅលើ​បញ្ហា​ជំងឺ​កូ​វីដ​១៩ ដែល​កំពុង​រីក​រាលដាល​នៅក្នុង​ប្រទេស​កម្ពុជា​។ សម្តេច​តេ​ជោ ហ៊ុន សែន បាន​មានប្រសាសន៍ថា​ ​ការពង្រីក​ការធ្វើ​តេស្ត​រហ័ស​ជា​ចំណុច​ដែល​សម្តេច​ធ្វើការ​សម្រេចចិត្ត​ជំនួស​ឱ្យ​រដ្ឋមន្ត្រី​សុខាភិបាល​ដែល​កន្លង ទៅ​នៅ​ស្ទាក់ស្ទើរ​រង់ចាំ​ដល់​តែ​ពេទ្យ​ទើប​អាចធ្វើ​តេស្ត​បាន។ សម្តេច​បាន​លើកឡើងថាពេទ្យ​នៅតាម​ស្រុក​ខ្លះ​មានតែ៥នាក់​ ប្រជាជនមាន​រហូត១០​ម៉ឺន​នាក់​តើ​អាចទៅរួច​ទេ​។ សម្តេចតេ​ជោ​នាយក​រដ្ឋ​ម​ន្ត្រីបាន​បន្តថា​​ ​ថ្ងៃនេះ​ខ្ញុំ​យក​ការសម្រេច​មួយ​ផ្តល់​សិទ្ធិ​ឱ្យក្រុមហ៊ុន​ឯកជន​អាចធ្វើ​តេស្ត​លើ​បុគ្គលិក​របស់គេ។ រដ្ឋ​ត្រូវធ្វើ​ហើយ​កំពុង​ធ្វើ រាល់ថ្ងៃ​ប៉ុន្តែ​យើង​ត្រូវ​បើកឱកាសឱ្យ​ក្រុមហ៊ុន​ឯកជន​ដើម្បី​ក្រុមហ៊ុន​ឯកជន ​គេ​អាច​គ្រប់គ្រង​លើ​បុគ្គលិក​របស់គេ​បាន​ឆាប់រហ័ស​។ ​អ៊ីចឹង​ក្រុមហ៊ុន​ឯកជន​ទាំងអស់​ត្រូវ​គ្រប់គ្រង​បុគ្គលិក​កម្មករ​របស់ខ្លួន​ពេល​មាន​បញ្ហា​ត្រូវធ្វើ​តេស្ត​លើ​បុគ្គលិក​របស់ខ្លួន​តែម្ដង​។​ សម្តេច​បាន​ឱ្យដឹងផង​ដែរ​ថា ​ការបញ្ជាទិញ​ឧបករណ៍​តេស្ត​រហ័ស​នេះ​អាចទាក់ទង​តាម​លោក ជា វ៉ាន់​ដេ​ត រដ្ឋមន្ត្រីក្រសួង​ប្រៃសណីយ៍​និង​ទូរគមនាគមន៍​ដែលជាផលិតផល​របស់​សាធារណរដ្ឋ​កូរ៉េ ដែលមាន​តម្លៃថោក​សម​រម្យ​មួយ​តម្លៃ ៣.៧ ដុល្លារ​តែប៉ុណ្ណោះ។ ដូច្នេះ​ក្រុមហ៊ុន​នីមួយៗ​អាច​ទិញ​ក្នុង​រង្វង់​១០០០ ទៅ…

ភ្នំពេញ : ឯកឧត្តម ប្យ៊ន ហេម៉ាក ឯកអគ្គរាជទូតស៊ុយអែតប្រចាំកម្ពុជាបានសម្ដែងការកោតសរសើរវិធានការរាជរដ្ឋាភិបាលកម្ពុជាក្នុងការខិតខំប្រឹងប្រែងទប់ស្កាត់ការឆ្លងរីករាលដាលជំងឺកូវីដ-១៩ ជាពិសេសការខិតខំអនុវត្តយុទ្ធនាការចាក់វ៉ាក់សាំង ជូនប្រជាពលរដ្ឋនិងការបង្ការទប់ស្កាត់ការឆ្លងជំងឺនេះនៅក្នុងពន្ធនាគារ។  ការកោតសរសើរនេះបានធ្វើឡើងនៅក្នុងជំនួបពិភាក្សាការងារជាមួយសម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នារសៀលថ្ងៃទី៣០ ខែមិថុនា ឆ្នាំ២០២១នេះ ។ ជាកិច្ចចាប់ផ្ដើម ឯកឧត្តម ប្យ៊ន ហេម៉ាក បានជម្រាបជូនសម្ដេចអំពីការងារពាក់ព័ន្ធនឹងការបញ្ចប់តួនាទីការទូតរបស់លោកនៅកម្ពុជាទន្ទឹមគ្នានឹងការធ្វើកំណែទម្រង់រចនាសម្ព័ន្ធ និងប្រព័ន្ធហិរញ្ញវត្ថុ ដែលតម្រូវឱ្យស្ថានទូតស៊ុយអែតប្រចាំនៅកម្ពុជាបិទជាផ្លូវការនៅខែធ្នូខាងមុខនេះ។  ឯកឧត្តមបន្តថា ទោះបីជាមានការបិទស្ថានទូត ប៉ុន្តែប្រទេសស៊ុយអែតនៅតែបន្តមានកិច្ចសហប្រតិបត្តិការជាមួយរាជរដ្ឋាភិបាលកម្ពុជា លើវិស័យពាណិជ្ជកម្ម ទេសចរណ៍ ការងារឧត្តមសិក្សា ស្រាវជ្រាវ និងវប្បធម៌ ហើយថាការងារបន្តនឹងទទួលអនុវត្តដោយស្ថានទូតស៊ុយអែត នៅទីក្រុងបាងកក ប្រទេសថៃ។  ឯកឧត្តមបានលើកឡើងអំពីសំណូមពរ២ដល់កម្ពុជា ទី១ គឺស្នើបង្កើតកុងស៊ុលកិត្តិយស ដោយឯកឧត្តមបានបន្តថា បច្ចុប្បន្ន ស្ថានទូតស៊ុយអែតប្រចាំទីក្រុងបាងកកកំពុងរង់ចាំការយល់ព្រមពីភាគីកម្ពុជា ដើម្បីបង្កើតជាស្ថានកុងស៊ុលកិត្តិយស ដើម្បីសម្រួលដល់ប្រជាពលរដ្ឋស៊ុយអែត ដែលកំពុងមានវត្តមាននៅកម្ពុជា។  សំណើរទី២ វិញ ឯកឧត្តម បានជម្រាបជូនថា ប្រជាពលរដ្ឋស៊ុយអែត នៅកម្ពុជាមានការលំបាកក្នុងការបន្តទិដ្ឋាការរបស់ខ្លួនដោយសារលិខិតឆ្លងដែនជិតផុតកំណត់ ហើយស្ថានទូតនៅកម្ពុជាមិនអាចទទួលសំណើធ្វើលិខិតឆ្លងដែនបាន ដោយតម្រូវឱ្យពួកគេត្រូវធ្វើដំណើរទៅទីក្រុងបាងកក ដើម្បីដាក់សំណើស្នើសុំលិខិតឆ្លងដែនថ្មី ប៉ុន្តែត្រូវជួបឧបសគ្គដោយសារជំងឺកូវីដ-១៩។  ឯកឧត្តមបានជម្រាបជូនសម្ដេចថា ជាដំណោះស្រាយ ស្ថានទូតស៊ុយអែត នៅកម្ពុជាបានអនុវត្តវិធានការបណ្ដោះអាសន្នដោយដាក់ចេញទម្រង់លិខិតឆ្លងដែនថ្មីជូនពួកគាត់។ ស្នើសុំភាគីកម្ពុជា ពិនិត្យលទ្ធភាពអនុញ្ញាតបន្តទិដ្ឋាការស្នាក់នៅដល់ពលរដ្ឋស៊ុយអែតដោយទទួលនូវទម្រង់លិខិតឆ្លងដែនថ្មីដែលបានចេញជាបណ្ដោះអាសន្ននេះ។  ឆ្លើយតបនឹងសំណើរទី១ របស់ឯកអគ្គរាជទូត សម្ដេចក្រឡាហោម ស ខេង បានមានប្រសាសន៍ថា ក្រសួងការបរទេស និងសហប្រតិបត្តិការអន្តរជាតិ កំពុងពិនិត្យ និងធ្វើការលើរឿងនេះ ហើយពាក់ព័ន្ធនឹងសំណើទី២ សម្ដេចបានបន្តថានឹងប្រមូលព័ត៌មានឱ្យបានគ្រប់ជ្រុងជ្រោយ ព្រមទាំងធ្វើការងារនេះជាមួយសហការីដើម្បីឆ្លើយតបទៅស្ថានទូត។ នាឱកាសនោះដែរ សម្ដេចក្រឡាហោម ស ខេង ឧបនាយករដ្ឋមន្រ្តី ក៏បានលើកឡើងអំពីកិច្ចសហប្រតិបត្តិការមួយចំនួនដែលភាគីកម្ពុជា និងស៊ុយអែត ត្រូវបន្តជាមួយគ្នាទៀត គឺការងារកំណែទម្រង់ថ្នាក់ក្រោមជាតិ និងការអនុវត្តច្បាប់ផ្នែកនគរបាល ដូចជាការប្រយុទ្ធប្រឆាំងបទល្មើសឆ្លងដែនជាដើម។  សម្ដេចបានមានប្រសាសន៍ថា កន្លងមកស៊ុយអែត បានចូលរួមក្នុងការងារកំណែទម្រង់រដ្ឋបាលថ្នាក់ក្រោមជាតិនៅកម្ពុជា ហើយថាស៊ុតអែត ជាប្រទេសមានបទពិសោធន៍ច្រើនលើការងារកំណែទម្រង់នេះ ពិសេសសម្ដេចផ្ទាល់ក៏បានអញ្ជើញទស្សនកិច្ចផ្ទាល់នៅប្រទេស៊ុយអែត ដើម្បីស្វែងយល់លើការងារកំណែទម្រង់នេះផងដែរ។ សម្ដេចបានបន្តថា សម្រាប់កម្ពុជា ទោះគោលដៅកំណែទម្រង់មិនទាន់សម្រេចបានទាំងស្រុង ប៉ុន្តែបានបោះជំហានទៅមុខជាប្រចាំនិងទទួលបានលទ្ធផលតាមការរំពឹងទុក ជាក់ស្ដែងកម្ពុជាកំពុងរៀបចំដាក់ចេញផែនការ១០ឆ្នាំ ដំណាក់កាលទី២ជុំវិញការងារកំណែទម្រង់រដ្ឋបាលថ្នាក់ក្រោមជាតិ។ ចំពោះការងារអនុវត្តច្បាប់ផ្នែកនគរបាល ដូចជាការបង្ក្រាបឧក្រិដ្ឋកម្មឆ្លងដែន រួមមានការប្រឆាំងបទល្មើសបច្ចេកវិទ្យា បញ្ហាគ្រឿងញៀន និងការប្រឆាំងភេវរកម្ម សម្ដេក្រឡាហោម បានស្នើសុំភាគីស៊ុយអែត ពិនិត្យលទ្ធភាពបន្តពង្រឹការងារនេះជាមួយភាគីកម្ពុជាបន្ថែមទៀត។ ជាការឆ្លើយតបឯកអគ្គរាជទូតស៊ុយអែត បានថ្លែងអំណរគុណចំពោះសម្ដេចក្រឡាហោម ដែលបានលើកឡើងអំពីការងារកំណែទម្រង់ និងបានបន្តថាស៊ុយអែត ពិតជាមានមោទកភាព ដែលបានគាំទ្រកម្ពុជាបង្កើតជាមូលដ្ឋានក្នុងការធ្វើកំណែទម្រង់រដ្ឋបាលថ្នាក់ក្រោមជាតិ។  ចំពោះសំណើរសម្ដេច ពាក់ព័ន្ធនឹងការពង្រឹងបន្ថែមនូវកិច្ចសហប្រតិបត្តិការផ្នែកនគរបាល និងប្រយុទ្ធប្រឆាំងឧក្រិដ្ឋកម្មឆ្លងដែនឯកឧត្តម បានជម្រាបសម្ដេចថានឹងនាំសំណើនេះជូនរដ្ឋាភិបាលស៊ុយអែត និងបានអះអាងថាការងារប្រយុទ្ធប្រឆាំងឧក្រិដ្ឋកម្មឆ្លងដែនពិតជាមានសារៈសំខាន់ ពិសេសបទល្មើសឧក្រិដ្ឋកម្មបច្ចេកវិទ្យា៕  ដោយ: ពលជ័យ

ភ្នំពេញៈ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានធ្វើការរំលឹកដល់លោក ទិន សៃ តំណាងស្ថាបនិកគណបក្សកែទម្រង់កម្ពុជា ឱ្យបញ្ឈប់នូវរាល់សកម្មភាពនយោបាយនៅតាមមូលដ្ឋាន ពីព្រោះគណបក្សនេះពុំទាន់បានចុះឈ្មោះក្នុងបញ្ជីគណបក្សនយោបាយនៅក្រសួងមហាផ្ទៃជាផ្លូវការនៅឡើយ។ ការឱ្យបញ្ឈប់សកម្មភាពនយោបាយនៅតាមមូលដ្ឋាននេះ បានធ្វើឡើងខណៈពេលដែលលោកអ៊ូ ច័ន្ទរ័ត្ន លោកប៉ុល ហំម និង មន្ត្រីមួយចំនួនបានចុះធ្វើសកម្មភាពនៅតាមមូលដ្ឋានដោយមានការជួបជុំប្រជាពលរដ្ឋ។ យោងតាមលិខិតរបស់សម្តេចក្រឡាហោម ស ខេង បានជម្រាបទៅលោក ទិន សៃ តំណាងស្ថាបនិកគណបក្សកែទម្រង់កម្ពុជា នៅថ្ងៃទី៣០ ខែមិថុនា ឆ្នាំ២០២១ បានបញ្ជាក់ថា គណបក្សកែទម្រង់កម្ពុជាពុំទាន់បានចុះឈ្មោះក្នុងបញ្ជីគណបក្សនយោបាយនៅក្រសួងមហាផ្ទៃជាផ្លូវការនៅឡើយ។ ក្នុងរយៈពេលកន្លងមកនេះ ក្រសួងមហាផ្ទៃពិនិត្យឃើញថា គណបក្សកំពុងធ្វើសកម្មភាពនយោបាយនៅរាជធានីភ្នំពេញ និងនៅតាមបណ្តាខេត្តមួយចំនួនដែលសកម្មភាពទាំងនេះ គឺជាការអនុវត្តបំពានទៅនឹងបញ្ញត្តិមាត្រា៩ និងបញ្ញត្តិមាត្រា១៩ថ្មី នៃច្បាប់ស្តីពីគណបក្សនយោបាយ។ ដូច្នេះគណបក្សកែទម្រង់កម្ពុជាត្រូវបញ្ឈប់នូវរាល់សកម្មភាពនយោបាយនៅតាមមូលដ្ឋានរហូតដល់គណបក្សនេះ បានចុះឈ្មោះក្នុងបញ្ជីគណបក្សនយោបាយនៅក្រសួងមហាផ្ទៃ ស្របតាមស្មារតី នៃលិខិតរបស់ក្រសួងមហាផ្ទៃ។ ជាការកត់សម្គាល់ នៅក្នុងរយៈពេលប៉ុន្មានថ្ងៃកន្លងមកនេះ គេសង្កេតឃើញលោក ប៉ុល ហំម លោកអ៊ូ ច័ន្ទរ័ត្ន រួមទាំងមន្ត្រីមួយចំនួននៃគណបក្សកែទម្រង់កម្ពុជា បានចុះធ្វើសកម្មភាពជួបប្រជាពលរដ្ឋនៅតាមមូលដ្ឋានដើម្បីកៀរគរ និងស្វែករកកាគាំទ្រពីប្រជាពលរដ្ឋ។ សកម្មភាពទាំងនេះ គឺបំពានទៅនឹងច្បាប់ស្ដីពីគណបក្សនយោបាយ ខណៈដែលគណបក្សកែទម្រង់កម្ពុជានៅមិនទាន់ត្រូវបានចុះបញ្ជីនៅក្រសួងមហាផ្ទៃនៅឡើយ។…

ភ្នំពេញៈ រាជរដ្ឋាភិបាលបានអនុញ្ញាតយល់ព្រមឲ្យក្រសួងមហាផ្ទៃសាងសង់អគារទីស្តីការថ្មី លើទីតាំងចាស់ដែលមានទំហំប្រមាណជាង៥ហិកតា ស្ថិតនៅដងមហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយប្រើប្រាស់ថវិការបស់ក្រសួងមហាផ្ទៃដែលមានស្រាប់ចំនួនជាង២០លានដុល្លារអាម៉េរិក។ នេះបើយោងតាមលិខិតរបស់ទីស្តីការគណៈរដ្ឋមន្ត្រី ជម្រាបជូនសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃទី២៩ ខែមិថុនា ឆ្នាំ២០២១។ នៅក្នុងលិខិតរបស់ទីស្តីការគណៈរដ្ឋមន្ត្រីបានជម្រាបជូនសម្តេចក្រឡាហោម ស ខេង ថា “រាជរដ្ឋាភិបាលយល់ព្រមជាគោលការណ៍ឱ្យក្រសួងមហាផ្ទៃសាងសង់អគារទីស្ដីការថ្មី លើទីតាំងចាស់ ស្ថិតនៅលើវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយប្រើប្រាស់ថវិការបស់ក្រសួងមហាផ្ទៃដែលមានស្រាប់ ចំនួន២០ ៤៥០ ០០០ (ម្ភៃលាន បួនរយហាសិបពាន់)ដុល្លារអាម៉េរិក។ ថវិកាដែលខ្វះសម្រាប់សាងសង់អគារនេះ ក្រសួងមហាផ្ទៃត្រូវស្នើសុំគោលការណ៍ដោះស្រាយជាជំហានៗ តាមវិធីស្របច្បាប់ជាធរមាន ដោយខិតខំកាត់បន្ថយឱ្យបានជាអតិបរមានូវការប្រើប្រាស់ថវិកាជាតិដែលកំពុងមានបន្ទុកធ្ងន់ធ្ងរលើចំណាយប្រឆាំងជំងឺកូវីដ-១៩”។ នាយឧត្តមសេនីយ៍ សន្តិបណ្ឌិត ខៀវ សុភ័គ អ្នកនាំពាក្យក្រសួងមហាផ្ទៃបានមានប្រសាសន៍ប្រាប់ AMS នៅរសៀលថ្ងៃទី៣០ ខែមិថុនា នេះថា បន្ទាប់ពីទទួលបានលិខិតរបស់ទីស្តីការគណៈរដ្ឋមន្ត្រី ក្រសួងមហាផ្ទៃទើបតែបានបង្កើតគណៈកម្មការដើម្បីលើកយោបល់ជូនសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ នៅពេលដែលគណៈកម្មការបប្រជុំសម្រេចហើយជាផ្លូវការទើបមានព័ត៌មានលម្អិត។ អ្នកនាំពាក្យក្រសួងមហាផ្ទៃបានបញ្ជាក់ថា “ទើបបង្កើតគណៈកម្មការដើម្បីសិក្សាប្លង់…