ភ្នំពេញ៖លោកបណ្ឌិត សេក សុជាតិ អ្នកវិភាគមួយរូបបានបង្ហាញនូវទស្សនៈថា ការរួបរួមគ្នាររវាងគណបក្សខ្មែររួបរួមជាតិ និងគណបក្សកម្ពុជានិយមនាពេលនេះ ជាសញ្ញាល្អនិងវិជ្ជមានមួយ បើទោះបីជាមិនខ្លាំងក៏ដោយ ហើយក៏អាចមានទម្ងន់ក្នុងការតតាំងរឿងផ្សេងដែរឱ្យតែពួកគាត់មានឆន្ទៈនិងការប្ដេជ្ញាចិត្តខ្ពស់។គណបក្សទាំងពីរពីរនេះអាចក្លាយជាចលនាមួយ ដែលបង្ហាញឱ្យឃើញនូវការរួបរួមមួយពិត ដែលមិនបាននិយាយតែមាត់ តែគ្មានការបង្រួបបង្រួមគ្នាពិតប្រាកដ។ លោកបន្តថា ការបង្រួបបង្រួមនេះ ជាគំរូសម្រាប់ គណបក្សភ្លើងទៀន និង គណបក្សប្រជាធិបតេយ្យមូលដ្ឋាន ក៏ដូចជាគណបក្សនយោបាយផ្សេងៗទៀត។កម្លាំងដ៏ធំបំផុតសម្រាប់គណបក្សនយោបាយដែលគ្មានអាសនៈទាំងអស់ គឺត្រូវរួមគ្នាជាគណបក្សតែមួយ ទើបអាចប្រជែងជាមួយគណបក្សកាន់អំណាចបាន។ លោកសេក សុជាតិ បានបន្តថា គណបក្សភ្លើងទៀន គួរទម្លាក់ចោលគំនិតគណបក្សជាធំហើយត្រូវសម្លឹងមើលអនាគតសង្គម និងប្រជាពលរដ្ឋជាធំ។ ការរៀបចំសម្ព័ន្ធភាពនយោបាយរបស់ក្រុមអ្នកប្រជាធិបតេយ្យពិតជាសំខាន់ ណាស់ដូច្នេះគណបក្សភ្លើងទៀនគួរឈប់យកអំនួតជាមូលដ្ឋានដើម្បីកសាងកម្លាំងអ្នកប្រជាធិបតេយ្យសេរីមួយពិតប្រាកដ។ អ្នកវិភាគដដែលបានបន្តទៀតថា គណបក្សប្រជាធិបតេយ្យមូលដ្ឋានមានបញ្ញវន្តល្អៗច្រើន។រីឯគណបក្សភ្លើងទៀន មានសកម្មជននៅគ្រប់កន្លែងហើយគណបក្សនយោបាយផ្សេងៗទៀតគេមានឆន្ទៈចូលរួមដូច្នេះគណបក្សភ្លើងទៀនបើមិនកែប្រែទម្លាប់មិនល្អនេះទេអនាគតបានត្រឹមជាគណបក្សកំដរនយោបាយគណបក្សកាន់អំណាចជាដរាប។ សូមជម្រាបថា មេដឹកនាំគណបក្សខ្មែររួបរួមជាតិ និងគណបក្សកម្ពុជានិយម នឹងជួបគ្នានៅថ្ងៃចន្ទ ទី១០ ខែតុលា ឆ្នាំ២០២២ ដើម្បីពិភាក្សាលម្អិតស្វែងរកការសម្រេចរួមឈានទៅបង្កើតប៉ូលនយោបាយប្រជាធិបតេយ្យសេរីថ្មីមួយ ។ ក្នុងគោលដៅបង្រួបបង្រួម ផ្សះផ្សា អ្នកតស៊ូដើម្បីបុព្វហេតុជាតិ អ្នកជាតិនិយម អ្នកប្រជាធិបតេយ្យសេរីនិយម និងលើកកម្ពស់ប្រជាធិបតេយ្យសេរីសិទ្ធិសេរីភាពការគោរពសិទ្ធិមនុស្សយុត្តិធម៌សង្គមដើម្បីផលប្រយោជន៍ដ៏ឧត្ដុង្គឧត្តម សម្រាប់ប្រទេសជាតិ និងប្រជាពលរដ្ឋ គណបក្សខ្មែររួបរួមជាតិ និងគណបក្សកម្ពុជានិយមនឹងជួបពិភាក្សាគ្នា ស្តីពីការរួបរួមគ្នាដើម្បីបង្កើតប៉ូល នយោបាយប្រជាធិបតេយ្យសេរីថ្មី ដោយមានសមាសភាពចូលរួមចម្រុះពី និស្សិត…

ភ្នំពេញៈឧបនាយករដ្ឋមន្រ្តីឯកឧត្តម អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុនិងជារដ្ឋមន្រ្តីស្តីទីនៃក្រសួងកសិកម្ម រុក្ខាប្រមាញ់ និងនេសាទ បានសេចក្ដីណែនាំស្តីពីការធានានិរន្តរភាពការងាររបស់ ក្រសួងកសិកម្ម រុក្ខាប្រមាញ់ និងនេសាទ ។នេះបើយោងតាមសេចក្តីណែនាំផ្លូវការនៅថ្ងៃទី៩ខែតុលាឆ្នាំ២០២២។ សេចក្តីណែនាំបានបញ្ជាក់ថា យោងព្រះរាជក្រឹត្យលេខ នស/រកត/១០២២/១២០៦ ចុះថ្ងៃទី ៨ ខែតុលា ឆ្នាំ ២០២២ និងសេចក្តី សម្រេចលេខ៦៩សសរចុះថ្ងៃទី៨ខែតុលាឆ្នាំ២០២២ស្តីពីការចាត់តាំងរដ្ឋមន្ត្រីស្តីទីនៃក្រសួង កសិកម្ម រុក្ខាប្រមាញ់ និងនេសាទ, ខ្ញុំសូមផ្ដល់ការណែនាំមួយចំនួនដូចខាងក្រោមៈ ១-គ្រប់អង្គភាពទាំងអស់ចំណុះក្រសួងកសិកម្ម រុក្ខាប្រមាញ់ និងនេសាទ ត្រូវបន្តអនុវត្តតាម មុខងារ និងភារកិច្ច ដែលត្រូវបានកំណត់ដោយច្បាប់ និងលិខិតបទដ្ឋានគតិយុត្តជាធរមាន ព្រមទាំងត្រូវថែរក្សានិងការពាររាល់ ឯកសារការងារទាំងអស់ដែលស្ថិតនៅក្រោមសមត្ថកិច្ចនិងការទទួលខុសត្រូវរបស់ខ្លួនឱ្យបានត្រឹមត្រូវប្រកបដោយសុវត្ថិភាព តាមការកំណត់ន បទប្បញ្ញត្តិជាធរមាន ។ ២- ខុទ្ទកាល័យអតីតរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ត្រូវថែរក្សានិងការពារឯកសារទាំងអស់ឱ្យ បានត្រឹមត្រូវដើម្បីត្រៀមផ្ទេរប្រគល់ជូនខុទ្ទកាល័យរដ្ឋមន្រ្តីថ្មីដែលនឹងត្រូវបានតែងតាំងនិងចូលកាន់តំណែងនាពេលខាងមុខ។ចំពោះមុខ​,ខុទ្ទកាល័យ​អតីតរដ្ឋមន្ត្រីក្រសួងកសិកម្មរុក្ខាប្រមាញ់និងនេសាទត្រូវប្រគល់ត្រារបស់ក្រសួងកសិកម្ម រុក្ខាប្រមាញ់ និងនេសាទ ជូនមកខុទ្ទកាល័យរដ្ឋមន្ត្រីស្តីទី ដែលមានទីតាំង​នៅក្រសួងសេដ្ឋកិច្ច និងហិរញ្ញវត្ថុដើម្បីគ្រប់គ្រងជាបណ្តោះអាសន្នចាប់ពីពេលនេះរហូតដល់រដ្ឋមន្រ្តីថ្មីត្រូវបានតែងតាំងចូលកាន់តំណែងជាផ្លូវការ ។ ៣- ចំពោះរាល់ឯកសារ ឬលិខិតបទដ្ឋានគតិយុត្ត ដែលត្រូវការនូវការពិនិត្យ និងការសម្រេច​របស់រដ្ឋមន្ត្រីស្តីទី,…

ភ្នំពេញ៖ឯកឧត្តម ជិន ម៉ាលីន រដ្ឋលេខាធិការនិងជាអ្នកនាំពាក្យក្រសួងយុត្តិធម៌ បានមានប្រសាសន៍ប្រាប់AMS នៅព្រឹកថ្ងៃទី៩ ខែតុលានេះថា ការអំពាវនាវរបស់គណបក្សភ្លើងទៀនទាក់ទងករណីលោក សុន ឆ័យគឺអត់យល់ អំពីនីតិវិធី និងគោលការណ៍ច្បាប់ទាល់តែសោះ។សាលាដំបូងរាជធានីភ្នំពេញបានសម្រេចរួចហើយ ហើយមានរឿងអីត្រូវពិចារណាឡើងវិញ។អ្វីដែលត្រូវធ្វើគឺធ្វើការប្តឹងទៅឧទ្ធរណ៍ដើម្បីការពារសិទ្ធិ បើខ្លួនយល់ថាសាលាដំបូងរាជធានីភ្នំពេញសម្រេចមិនត្រឹមត្រូវ ។ខ្លួននៅមានសិទ្ធិការពារខ្លួនតាមរយៈការប្តឹងឧទ្ធរណ៍មិនមែនឱ្យសាលាដំបូង រាជធានីភ្នំពេញពិចារណាឡើងវិញទេ។ ការអំពាវនាវរបស់គណបក្សភ្លើងទៀន គឺអត់យល់ពីនីតិវិធីច្បាប់តែម្តង ។ អ្នកនាំពាក្យក្រសួងយុត្តិធម៌ដដែលបានបញ្ជាក់ថា”បើខ្លួនយល់ថាសាលាដំបូងរាជធានីភ្នំពេញសម្រេចមិនត្រឹមត្រូវទេ អាចធ្វើការការពារសិទ្ធិការពារខ្លួនតាមផ្លូបច្បាប់នៅក្នុងដំណើរការនីតិវីធីតុលាការបន្តទៀតហើយធ្វើការបង្ហាញ ភស្តុតាងសក្ខីកម្មផ្លូវច្បាប់ឱ្យបានរឹងមាំក្នុងការដោះបន្ទុកតតាំងគ្នានៅឧទ្ធរណ៍បន្តទៀត។នេះជានីតិវិធីច្បាប់អ្វីដែលគាត់ត្រូវធ្វើ” ។ សូមជម្រាបថា សាលាដំបូងរាជធានីភ្នំពេញប្រកាសសាលក្រមផ្តន្ទាទោសលោក សុន ឆ័យ អនុប្រធានគណបក្សភ្លើងទៀនដោយពិន័យជាប្រាក់ចំនួន៩លានរៀលបង់ចូលថវិកាជាតិពីបទបរិហាកេរ្តិ៍ជាសាធារណៈទាក់ទិននឹងបណ្ដឹងរបស់គណៈកម្មាធិការជាតិរៀបចំការបោះឆ្នោត។ការប្រកាសសាលក្រមនេះបានធ្វើឡើងនៅរសៀលថ្ងៃទី៧ខែតុលាបន្ទាប់ពីសាលាដំបូងរាជធានីភ្នំពេញ បានបើកសវនាការជំនុំជម្រះកាលពីថ្ងៃទី២៩ ខែកញ្ញា ឆ្នាំ២០២២។ ចំណែកសំណុំរឿងមួយទៀតសាលាដំបូងរាជធានីភ្នំពេញបានបើកសវនាការជំនុំជម្រះលើសំណុំរឿងគណបក្សប្រជាជនកម្ពុជា ប្តឹងលោក សុន ឆ័យ អនុប្រធានគណបក្សភ្លើងទៀន កាលពីព្រឹកថ្ងៃទី៧ ខែតុលា ។ បន្ទាប់ពីសវនាការចប់ ចៅក្រមបានប្រកាសសាលក្រម​យកតែម្តង ដោយសម្រេចផ្ដន្ទាទោសលើឈ្មោះ សុន ឆ័យ ពិន័យជាប្រាក់ចំនួន ៨លាន​រៀលពីបទបរិហារកេរ្តិ៍ជាសាធារណៈនិង បង្គាប់ឱ្យឈ្មោះ សុន ឆ័យ សងសំណងជំងឺចិត្តឱ្យដើមបណ្តឹងរដ្ឋប្បវេណីចំនួន ៣.០០០លានរៀល៕ ដោយ៖ពលជ័យ

ភ្នំពេញ៖មន្រ្តីជាន់ខ្ពស់នៃគណៈកម្មាធិការជាតិរៀបចំការបោះឆ្នោតឬគ.ជ.បបានហៅការប្រកាសសាលក្រមរបស់សាលាដំបូងរាជធានីភ្នំពេញផ្តន្ទាទោសលោកសុន ឆ័យ អនុប្រធានគណបក្សភ្លៀងទៀន កាលពីថ្ងៃទី៧ ខែតុលាពាក់ព័ន្ធករណីបរិហាកេរ្តិ៍ និងចោទប្រកាន់ គ.ជ.ប គឺបានផ្តល់យុត្តិធម៌សម្រាប់ស្ថាប័ន គ.ជ.ប និងទទួលបាននូវភាពស្អាតស្អំ ការស្តារកិត្តិយស និងសេចក្តីថ្លៃថ្នូរក្នុងនាមស្ថាប័នជាតិ។ សាលាដំបូងរាជធានីភ្នំពេញកាលពីថ្ងៃទី៧ ខែតុលា ឆ្នាំ២០២២បានប្រកាសសាលក្រមផ្តន្ទាទោសលោក សុន ឆ័យ ដោយពិន័យជាប្រាក់ចំនួន ៩លានរៀល បង់ចូលថវិកាជាតិ​ពីបទបរិហាកេរ្តិ៍ជាសាធារណៈលើស្ថាប័ន គ.ជ.ប តាមបញ្ញត្តិមាត្រា ៣០៥ នៃក្រមព្រហ្មទណ្ឌនៃព្រះរាជាណាចក្រកម្ពុជានិងផ្តន្ទាទោសតាមបញ្ញត្តិមាត្រា ៣៥ និងមាត្រា ៣១០នៃក្រមព្រហ្មទណ្ឌ នៃព្រះរាជាណាចក្រកម្ពុជា។ ការប្រកាសសាលក្រមនេះបានធ្វើឡើងនៅរសៀលថ្ងៃទី៧ខែតុលាបន្ទាប់ពីសាលាដំបូងរាជធានីភ្នំពេញបានបើកសវនាការជំនុំជម្រះកាលពីថ្ងៃទី២៩ ខែកញ្ញា ។ ឯកឧត្តម សោម សូរីដា អគ្គលេខាធិការរង គ.ជ.ប បានថ្លែងប្រាប់ AMS នៅព្រឹកថ្ងៃទី៨ ខែតុលានេះថាសេចក្តីសម្រេចរបស់ សាលាដំបូងរាជធានីភ្នំពេញ ពិតជាបានផ្តល់យុត្តិធម៌សម្រាប់ស្ថាប័ន គ.ជ.ប ដែលត្រូវបានកំណត់ភារកិច្ចឲ្យរៀបចំចាត់ចែង និងគ្រប់គ្រងការបោះឆ្នោតដូចចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជាតាមច្បាប់ស្តីពីការរៀបចំនិងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត។ការផ្តល់យុត្តិធម៌មួយនេះ ពិតជាឆ្លើយតបទៅនិងស្ថានភាពជាក់ស្តែងដែល គ.ជ.ប កំពុងអនុវត្ត។គ.ជ.បនឹងកាន់តែរឹងមាំឡើងដោយការជឿជាក់របស់ប្រជាពលរដ្ឋដែលបានចូលរួមនៅក្នុងការបោះឆ្នោតកន្លងមក ពិសេសគឺការចូលរួមប្រកួតប្រជែងរបស់គណបក្សនយោបាយ។ អគ្គលេខាធិការរង គ.ជ.ប បានរូបនេះបានបញ្ជាក់ថា នៅឆ្នាំ២០២៣ខាងមុខនេះ ដែល​គ.ជ.បត្រូវរៀបចំការបោះឆ្នោតជ្រើសតាំងតំណាងរាស្ត្រនីតិកាលទី៧ដែលនឹងប្រព្រឹត្តទៅនៅថ្ងៃទី២៣ខែកក្កដាឆ្នាំ២០២៣គ.ជ.បនឹងបំពេញកិច្ចការរបស់ខ្លួនឱ្យបានកាន់តែប្រសើរឡើង ធ្វើយ៉ាងណាឱ្យការបោះឆ្នោតប្រព្រឹត្តទៅដោយត្រឹមត្រូវ…

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ថា តាមរយៈសេចក្ដីសម្រេចរបស់សាលាដំបូងរាជធានីភ្នំពេញនៅថ្ងៃនេះ គ.ជប ពិតជាទទួលបាននូវភាពស្អាតស្អំ ការស្តារកិត្តិយសនិងសេចក្តីថ្លៃថ្នូរ ក្នុងនាមជាស្ថាប័នជាតិ។ តាមរយៈសេចក្តីប្រកាសព័ត៌មានរបស់គ.ជ.ប.នៅរសៀលថ្ងៃទី៧ ខែតុលា បានបញ្ជាក់ថា នៅរសៀលថ្ងៃទី៧ ខែតុលា ឆ្នាំ២០២២ សាលាដំបូងរាជធានីភ្នំពេញ បានប្រកាសសាលក្រមព្រហ្មទណ្ឌ លេខ២៩០៧ ពាក់ព័ន្ធនឹងបណ្តឹងពីបទបរិហារកេរ្តិ៍ គ.ជ.ប ទៅលើជនជាប់ចោទឈ្មោះ សុន ឆ័យ ដែលបានធ្វើបទសម្ភាសន៍ជាមួយ លោក តាំង សារ៉ាដា តាមរយៈកម្មវិធី IDEA TALK កាលពីថ្ងៃទី៧ ខែមិថុនា ឆ្នាំ២០២២។ តុលាការបានច្រានចោលការចោទប្រកាន់របស់ជនជាប់ចោទ និងទទួលយកសំណូមពររបស់ដើមបណ្តឹងរដ្ឋប្បវេណី គ.ជ.ប ដោយតុលាការបានពិនិត្យឃើញថា ការអះអាងរបស់ឈ្មោះ សុន ឆ័យ មិនមែនជាការពិត និងមានការទំលាក់កំហុសដោយអសុទ្ធចិត្តលើអំពើណាមួយដែលនាំឱ្យប៉ះពាល់ដល់ស្ថាប័នជាតិ ហើយអំពើរបស់ជនជាប់ចោទបានធ្វើឱ្យខូចខាតសណ្ដាប់ធ្នាប់ និងរបៀបរៀបរយសង្គម។ សាលាដំបូងរាជធានីភ្នំពេញ បានសំអាងហេតុទៀតថា “នៅក្នុងរឿងនេះ អ្នកតំណាងដើមបណ្តឹងរដ្ឋប្បវេណី គ.ជ.ប ស្នើសុំតុលាការផ្តន្ទាទោសជនជាប់ចោទតាមច្បាប់ និងបង្គាប់ឱ្យឈ្មោះ សុន ឆ័យ ធ្វើលិខិតសុំទោសស្ថាប័ន គ.ជ.ប…

ភ្នំពេញ៖ សាលាដំបូងរាជធានីភ្នំពេញ បានប្រកាសសាលក្រមផ្តន្ទាទោសលោក សុន ឆ័យ អនុប្រធានគណបក្សភ្លើងទៀន ដោយពិន័យជាប្រាក់ចំនួន៩លានរៀល បង់ចូលថវិកាជាតិ ពីបទបរិហាកេរ្តិ៍ជាសាធារណៈ តាមបញ្ញត្តិមាត្រា ៣០៥ នៃក្រមព្រហ្មទណ្ឌ នៃព្រះរាជាណាចក្រកម្ពុជា និងផ្តន្ទាទោសតាមបញ្ញត្តិមាត្រា ៣៥ និងមាត្រា ៣១០ នៃក្រមព្រហ្មទណ្ឌ នៃព្រះរាជាណាចក្រកម្ពុជា។ ដោយបិទផ្សាយសេចក្តីសម្រេចផ្តន្ទាទោសនៅទីសំណាក់ចុងក្រោយរបស់ជនជាប់ចោទនៅសាលាសង្កាត់ នៃលំនៅរបស់ដ្ឋានរបស់ជនជាប់ចោទ នៅមណ្ឌលបោះឆ្នោតឃុំ សង្កាត់ រាជធានី ខេត្ត និងនៅបញ្ឈរព័ត៌មានសាលាដំបូងរាជធានីភ្នំពេញ សម្រាប់រយៈពេល២ខែ ព្រមទាំងផ្សព្វផ្សាយសេចក្តីសម្រេចផ្តន្ទាទោសនេះ នៅក្នុងសារព័ត៌មានសរសេរនៅតាមគ្រប់មធ្យោបាយ ទូរគមនាគមន៍ សោតឬស្សន៍សម្រាប់រយៈពេល៨ថ្ងៃ ដោយការចំណាយជាបន្ទុករបស់ជនជាប់ចោទ។ ការប្រកាសសាលក្រមនេះ បានធ្វើឡើងនៅរសៀលថ្ងៃទី០៧ ខែតុលា ឆ្នាំ២០២២ បន្ទាប់ពីសាលាដំបូងរាជធានីភ្នំពេញ បានបើកសវនាការជំនុំជម្រះកាលពីថ្ងៃទី២៩ ខែកញ្ញា ឆ្នាំ២០២២។ គណៈកម្មាធិការជាតិរៀបចំការបោះឆ្នោត (គ.ជ.ប) បានដាក់ពាក្យបណ្តឹងប្តឹងលោក សុន ឆ័យ កាលពីថ្ងៃទី១៧ ខែមិថុនា ឆ្នាំ២០២២ ពីបទបរិហាកេរ្តិ៍ជាសាធារណៈ និងចោទប្រកាន់ថា គ.ជ.ប ជាចោរលូចបន្លំសន្លឹកឆ្នោត។ ទាក់ទងទៅនឹងសំណុំរឿងគណបក្សប្រជាជនកម្ពុជា ប្តឹងលោក សុន…