ភ្នំពេញៈ នៅថ្ងៃទី៦ ខែឧសភា ឆ្នាំ២០២១ ដែលជាថ្ងៃដំបូងនៃការចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត សម្រាប់ការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ នៃខេត្តកំពត មានគណបក្សនយោបាយ ចំនួន១ ដែលបានមកដាក់ពាក្យចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត នៅគណៈកម្មការរៀបចំការបោះឆ្នោតខេត្តកំពត (គ.ខ.ប) គិតត្រឹមម៉ោង១៧:៣០នាទី។ ប្រធានគណៈកម្មការរៀបចំការបោះឆ្នោតខេត្តកំពត លោក តែ ជិនណារិទ្ធ បានបញ្ជាក់ថា គណៈកម្មការរៀបចំការ បោះឆ្នោតខេត្តកំពតបានទទួលពាក្យចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោតពីគណបក្សប្រជាជនកម្ពុជា។ សម្រាប់ការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ ការចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត មានរយៈពេល៥ថ្ងៃ ដោយត្រូវចាប់ផ្តើម ពីថ្ងៃទី៦ ដល់ថ្ងៃទី១០ ខែឧសភា នៅរៀងរាល់ម៉ោងធ្វើការ។ គណបក្សនយោបាយ ដែលបានចុះបញ្ជីត្រឹមត្រូវស្របតាមច្បាប់ស្តីពីគណបក្សនយោបាយនៅក្រសួងមហាផ្ទៃ មានសិទ្ធិចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត សម្រាប់ការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ នៃខេត្តកំពត ឆ្នាំ២០២១ ដែលនឹងប្រព្រឹត្តទៅនៅថ្ងៃអាទិត្យ ទី២៥ ខែកក្កដា ឆ្នាំ២០២១។ ពាក្យសុំចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោតគណបក្សនយោបាយទាំងអស់អាច ស្នើសុំនៅ គ.ជ.ប ឬ នៅលេខាធិការដ្ឋានរៀបចំការបោះឆ្នោតខេត្តកំពត ឬទាញយកពីគេហទំព័រ គ.ជ.ប www.nec.gov.kh…

ភ្នំពេញៈ ប្រធានសម្ព័ន្ធសហជីពជាតិបានឆ្លើយតបទៅក្រុមសហជីពក៏ដូចជាអង្គការសង្គមស៊ីវិលមួយចំនួនតូច ដែលបានលើកឡើងអំពីស្ថានភាពកម្មករ កម្មការិនី នៅក្នុងអំឡុងពេលបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ នៃខេត្តកណ្តាលនាពេលកន្លងមកនេះ។ ប្រធានសម្ព័ន្ធសហជីពជាតិរូបនេះបានអះអាងថា ការនិយាយនោះជាការបំភ្លៃការពិត បង្កភាពញុះញង់ ចំពោះកម្មករនិយោជិត។ លោក ហ្វា សាលី ប្រធានសម្ព័ន្ធសហជីពជាតិ បានមានប្រសាសន៍ប្រាប់ AMSនៅថ្ងៃទី៦ខែឧសភានេះ ថា មានក្រុមសហជីព ក៏ដូចជាអង្គការសង្គមស៊ីវិលមួយចំនួនតូច បានលើកឡើងហួសពីស្ថានភាពជាក់ស្តែង និងបំភ្លៃបំផ្លើសបង្កភាពញុះញង់ និងចលាចលចំពោះកម្មករនិយោជិត។ លោកថា គឺមិនមានអ្នកណាម្នាក់ស្រែកថា ដាច់អាហាររហូតដល់ស្លាប់នោះទេ។ មកដល់ពេលនេះ នៅក្នុងតំបន់បិទខ្ទប់ គឺកម្មករ កម្មការិនីនិងប្រជាពលរដ្ឋបាន ទទួលស្បៀងអាហារគ្រប់គ្រាន់ ដោយមិនមានអ្នកណា ម្នាក់ដាច់ពោះស្លាប់ដោយសារអត់អាហារនោះទេ។ រាជរដ្ឋាភិបាលបានខិតខំពុះពារបិទខ្ទប់តំបន់មួយចំនួន ដើម្បីបញ្ជៀសពីការស្លាប់ដោយសារជំងឺកូវីដ១៩ និងដើម្បីឲ្យប្រជាពលរដ្ឋ ទទួលបានសុខមាលភាពល្អជៀសវាងការឆ្លងរីលរាលដាលជំងឺដ៏កាចសាហាវនេះ។ ប្រធានសម្ព័ន្ធសហជីពជាតិបានសូមឲ្យអង្គការសង្គមស៊ីវិល និងសហជីពមួយចំនួនតូចដែលមាននិន្នាការ ទៅរកខាងប្រឆាំងសូមឲ្យមានសុទិដ្ឋនិយម និយាយឲ្យមានការពិតជាក់ស្តែង។ កុំនិយាយបំផ្លើស។ ចំពោះការលើកឡើងរបស់អង្គការសង្គមស៊ីវិលខ្លះនោះ គឺវាហួសពីការពិតដែរ។ ដូចជាទាក់ទងថ្លៃស្នាក់នៅ ពីព្រោះមានម្ចាស់ផ្ទះជួលមួយចំនួនក៏បានអនុគ្រោះលើកលែងមិនយកថ្លៃ ផ្ទះជួលនោះទេ និងខ្លះទៀតយក៥០ភាគរយ។ ហេតុនេះកុំលើកឡើងបញ្ហានេះ ហើយមកដាក់បន្ទុកលើរាជរដ្ឋាភិបាល។ ជាមួយគ្នានេះ លោកប្រធានសម្ព័ន្ធសហជីពជាតិក៏បានអំពាវនាវដល់រាជរដ្ឋាភិបាលមិនគួរណាអនុញ្ញាតឲ្យមានការបើករោងចក្រសហគ្រាសឡើងវិញទេ នៅតំបន់ដែលពោរពេញ ដោយការឆ្លងជំងឺកូវីដ១៩ ជាពិសេសនៅតំបន់ក្រហម…

ភ្នំពេញៈនៅថ្ងៃទី០៦ ខែឧសភា ឆ្នាំ២០២១នេះ សម្តេចតេជោ ហ៊ុន សែន ថ្លែងសារពិសេសពាក់ព័ន្ធការសម្រេចចិត្តបិទខ្ទប់ខេត្តមួយចំនួន និងបញ្ជាឲ្យអភិបាលខេត្តកែសម្រួលសេចក្តីសម្រេចឡើងវិញបន្ទាន់៕

វីដេអូ៖ ល្បិចនយោបាយ «មាន់រងាវមុនថ្ងៃរះ» ជាសម្រែកខ្មោចស៊ីពែ

ភ្នំពេញៈកាលពីថ្ងៃទី៤ ខែឧសភា ឆ្នាំ២០២១ ក្រសួងព័ត៌មានបានចេញសេចក្តីជូនដំណឹងស្តីពីការចូលយកព័ត៌មាន និងការផ្សាយព័ត៌មានក្នុងតំបន់ហាមឃាត់។ បន្ថែមលើការណែនាំនេះ អ្នកនាំពាក្យក្រសួងព័ត៌មានបានបញ្ជាក់ថាមានមូលហេតុធំពីរដែលជំរុញឱ្យក្រសួងត្រូវតែហាមប្រាម។ ឯកឧត្តម មាស សុភ័ណ្ឌ អ្នកនាំពាក្យក្រសួងព័ត៌មានបញ្ជាក់ប្រាប់ថា ទាក់ទងទៅនឹងសេចក្តីប្រកាសព័ត៌មានកាលពីថ្ងៃទី៤ខែឧសភាឆ្នាំ២០២១ អំពីការហាមប្រាមមិនឲ្យអ្នកសារព័ត៌មានចូលទៅក្នុងតំបន់ហាមឃាត់ ជាពិសេសតំបន់ក្រហម ដើម្បីធ្វើការផ្សព្វផ្សាយនោះគឺទី១.ក្រសួងព័ត៌មានសង្កេតឃើញថាការផ្សព្វផ្សាយរបស់អ្នកសារព័ត៌មានមួយចំនួនដែលបានផ្សព្វផ្សាយអំពីតំបន់ហាមឃាត់ ជាពិសេសតំបន់ក្រហមក៏ដូចជាសកម្មភាពផ្សេងៗទៀតដែលចូលទៅកន្លែងព្យាបាលអ្នកជំងឺកូវីដ ទាំងមន្ទីពេទ្យរដ្ឋ និងឯកជន ដូចជាការដេញតាមរថយន្តសង្គ្រោះ ដើម្បីផ្សព្វផ្សាយព័ត៌មាននោះ គឺជាការផ្សព្វផ្សាយដែលមិនមាននូវប្រភពច្បាស់លាស់ ក៏ដូចជានូវការផ្ទៀងផ្ទាត់ព័ត៌មានឲ្យបានគ្រប់ ជ្រុងជ្រោយ ពីស្ថាប័នពាក់ព័ន្ធ ក៏ដូចជាអ្នកជំនាញពាក់ព័ន្ធនៅក្នុងការអនុវត្តការងារប្រចាំថ្ងៃនៅក្នុងតំបន់ទាំងនោះ ក៏ដូចជាពាក់ព័ន្ធទៅនឹងការអនុវត្តវិធានការសុខាភិបាល ដូចជា ច្បាប់ លិខិតបទដ្ឋានគតិយុត្តិ សារាចរណែនាំ គោលការណ៍ណែនាំរបស់ រាជរដ្ឋាភិបាល។ នេះគឺជាចំណុចដែលប្រាសចាកពីក្រមសីលធម៌វិជ្ជាជីវៈ ក៏ដូចជាច្បាប់បើមានជាធរមានផងដែរ។ ទី២. ការដែលមិនអនុញ្ញាតឲ្យអ្នកសារព័ត៌មាន ចូលទៅក្នុងតំបន់ក្រហម គឺជាវិធានការរបស់រាជរដ្ឋាភិបាលនៅក្នុងការទប់ស្កាត់ ការរីករាលដាលជំងកូវីដនៅក្នុងសហគមន៍នៅក្នុងព្រះរាជាណាចក្រកម្ពុជា ធ្វើយ៉ាងណាកុំឱ្យមានការរីករាលដាលឬក៏មានការឆ្លងជាបន្តបន្ទាប់ចេញពីតំបន់ដែលកំពុងតែមានហានិភ័យខ្ពស់ នៃការរីករាលដាលនៃជំងឺកូវីដ១៩ គឺតំបន់ក្រហម។ ដូច្នេះហើយអ្នកសារព័ត៌មានទាំងអស់ ដូចជាប្រជាពលរដ្ឋ គឺត្រូវតែគោរពឲ្យបានខ្ជាប់ខ្ជួនបំផុតចំពោះការដាក់ចេញការដាក់ចេញនូវវិធានការនានារបស់រាជរដ្ឋាភិបាល ដូចជាក្រសួងសុខាភិបាល ជាពិសេសនៅក្នុងតំបន់ក្រហមដែលជា តំបន់ហាមឃាត់តំបន់មានហានិភ័យខ្ពស់នៅក្នុងការរីករាលដាលនៃជំងឺកូវីដ។ ដូច្នេះហើយការដែលអាជ្ញាធរមានសមត្ថកិច្ច​ ក៏ដូចជារាជរដ្ឋាភិបាលនេះហាមឃាត់ គឺមិនមែនក្នុងគោលបំណងដើម្បីបំបិទសិទ្ធិប្រជាពលរដ្ឋដូចជាបំបិទសិទ្ធិអ្នកសារព័ត៌មាន នោះទេ។ ការដាក់ចេញនូវវិធានការនេះគឺដើម្បីធានាអំពីការការពារសុខភាពសាធារណៈរបស់ប្រជាពលរដ្ឋដែលរស់នៅក្នុងតំបន់មានហានិភ័យខ្ពស់ក្នុងការរីករាលដាលនៃជំងឺកូវីដ១៩ ដូចជាការការពារនៃការរីករាលដាលនៅក្នុងសហគមន៍ និងនៅក្នុងព្រះរាជាណាចក្រកម្ពុជាទាំងមូល។…

ភ្នំពេញៈ “យើងនឹងស្រោចទីក្រុងភ្នំពេញ និងខេត្តកណ្ដាលឲ្យជន់លិចទៅដោយវ៉ាក់សាំង។ ប៉ុន្តែដំបូងនេះ យើងធ្វើនៅក្នុងក្របខ័ណ្ឌតំបន់ក្រហម។ គ្រាន់តែតំបន់ក្រហមនេះ ប្រជាជនមានរហូតដល់ជាង៥០ម៉ឺននាក់រួចហើយ។ ដូច្នេះវាមិនយូរប៉ុន្មានទីក្រុងភ្នំពេញ និងខេត្តកណ្ដាលនឹងជោកជាំទៅដោយវ៉ាក់សាំង”។ នេះជាប្រសាសន៍ប្រកបដោយជំនឿចិត្ត និងការទទួលខុសត្រូវខ្ពស់របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្នុងសារជាសំឡេងកាលពីព្រឹកមិញនេះ។ សម្តេចតេជោបានគូសបញ្ជាក់ថា “យើងនឹងស្រោចទីក្រុងភ្នំពេញ និងខេត្តកណ្ដាលឲ្យជន់លិចទៅដោយវ៉ាក់សាំង។ ប៉ុន្តែដំបូងនេះយើងធ្វើនៅក្នុងក្របខណ្ឌតំបន់ក្រហម។ គ្រាន់តែតំបន់ក្រហមនេះ ប្រជាជនមានរហូតដល់ជាង៥០ម៉ឺននាក់រួចហើយ ដូច្នេះវាមិនយូរប៉ុន្មានទីក្រុងភ្នំពេញ និងខេត្តកណ្ដាលនឹងជោកជាំទៅដោយវ៉ាក់សាំងដែលយើងខិតខំរកហើយ ដែលមានការសហការជួយផ្គត់ផ្គង់ពីសាធារណរដ្ឋប្រជាមានិតចិន ដែលជាប្រភពផ្ដល់ជំនួយមិនចេះរីងស្ងួតសម្រាប់យើងសម្រាប់ជំនួយក៏ដូចជាសម្រាប់ការផ្គត់ផ្គង់តាមរយៈការទិញ របស់យើងផងដែរ “។ សម្តេចតេជោបានលើកឡើងទៀតថា សម្តេចពិតជាអរគុណចំពោះបងប្អូនជនរួមជាតិដោយយល់ដឹងច្បាស់លាស់អំពីវ៉ាក់សាំងដែលនឹងត្រូវចាក់ជូនបងប្អូន ដើម្បីការពារអាយុជីវិតហើយការពារការឆ្លងរីករាលដាលនៃជំងឺកូវីដ១៩។ យើងមិនចាញ់បោកអ្នកណាដែលបំផ្លាញការចាក់វ៉ាក់សាំងរបស់យើងនោះទេ ដោយសារយើងមានប្រជាពលរដ្ឋ ចូលរួមសហការ ដើម្បីទទួលបានវ៉ាក់សាំងសម្រាប់ប្រជាពលរដ្ឋរួចហើយ។ ជាមួយនឹងការបញ្ជាក់ខាងលើសម្តេចតេជោ ក៏បានប្រាប់ទៅកាន់ប្រជាជនកម្ពុជាផងដែរថា កុំព្រួយបារម្ភ ពីការមិនមានវ៉ាក់សាំងសម្រាប់។ សម្តេចបានគូសបញ្ជាក់ថា ប្រជាពលរដ្ឋដែល ត្រូវទទួលការចាក់វ៉ាក់សាំង ហើយសូមបងប្អូនកុំមកប្រជ្រៀតគ្នាជាការល្អ ព្រោះវ៉ាក់សាំងរបស់យើងមកដល់ គ្រាន់តែមុននិងក្រោយតែប៉ុណ្ណោះ។ ដូច្នេះការចាក់ បើទោះបីថាវ៉ាក់សាំង មកដល់ទាន់ពេលក៏យើងមិនអាចធ្វើបែបនេះបានដែរ។ មួយថ្ងៃយើងចាក់បានក្នុងកម្រិត ៣ទៅ៤ម៉ឺននាក់តែប៉ុណ្ណោះ។ ដូច្នោះយើងមិនអាចសម្រុកមកទាំងបីបួនម៉ឺននាក់ក្នុងពេលតែមួយ នោះទេ។ត្រូវធ្វើទៅតាមការណែនាំរបស់ក្រុមគ្រូពេទ្យក៏ដូចជាអាជ្ញាធរនៅក្នុងមូលដ្ឋានដើម្បីធានាថាយើងចាក់ វ៉ាក់សាំងហើយ និងមិនមានការឆ្លងរាលដាលតាមរយៈការប្រជ្រៀតគ្នា នោះឡើយ។ ក្នុងសេចក្តីណែនាំស្តីពីការពង្រឹងការអនុវត្តវិធានការចាំបាច់មួយចំនួនដើម្បីទប់ស្កាត់ការឆ្លងរាលដាលនៃជំងឺកូវីដ-១៩…

ភ្នំពេញៈសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាក់ថា វ៉ាក់សាំងសម្រាប់៥២ម៉ឺននៅតំបន់ក្រហម មិនខ្វះទេ។ ដរាបណាដំណើរការចាក់វ៉ាក់សាំងនៅតំបន់ក្រហមមិនទាន់ បានចាក់គ្រប់គ្នាទេ គឺមិនដើរចេញឡើយ។ សម្តេចរំពឹងថា បន្ទាប់ពីដំណើរការចាក់វ៉ាក់សាំងនៅតំបន់ក្រហមចប់ ប្រជាជនកម្ពុជាប្រមាណ២លាននាក់ បានទទួលវ៉ាក់សាំង ស្មើនឹង២០ភាគរយនៃប្រជាជន១០លាននាក់ដែលរាជរដ្ឋាភិបាលបានគ្រោងចាក់ជូន។ ក្នុងសារជាសំឡេងនៅព្រឹកថ្ងៃទី៥ខែឧសភា ជម្រាបទៅសម្តេចពិជ័យសេនា ទៀ បាញ់,ឯកឧត្តម វង្សី វិសុទ្ធ ,លោកជំទាវ ឱ វណ្ណឌីន, ឯកឧត្តម ឥត សារ៉ាត់ ,ឯកឧត្តម ឃួង ស្រេង នោះ សម្តេចតេជោបានមានប្រសាសន៍ថា ដំណើរការចាក់វ៉ាក់សាំងរបស់យើងនៅក្នុងតំបន់ក្រហមគឺប្រព្រឹត្តទៅបានយ៉ាងល្អ ធ្វើឲ្យចំនួនអ្នកចាក់វ៉ាក់សាំងនៅក្នុងក្របខ័ណ្ឌទូទាំងប្រទេស កើនឡើងដល់ជាង១,៥លាននាក់ដែលត្រូវនឹង១៥ ភាគរយនៃចំនួនប្រជាជនដែលត្រូវចាក់វ៉ាក់សាំងនៅក្នុងក្របខណ្ឌទូទាំងប្រទេស។ សម្រាប់នៅខាងក្នុងតំបន់ក្រហមកន្លងទៅ គណៈកម្មការចំពោះកិច្ចបញ្ជូនវ៉ាក់សាំងចំនួន៩០ម៉ឺនដូសជូនទៅកម្លាំងប្រដាប់អាវុធ ដែលបានចូលចាក់នៅក្នុងតំបន់ក្រហម ។ ប៉ុន្តែចំនួនតួលេខជាក់ស្ដែងរបស់ប្រជាពលរដ្ឋ នៅតំបន់នោះគឺមានរហូតទៅដល់ជាង៥២ម៉ឺននាក់ នេះបើយោងតាមតួលេខដែលខ្ញុំបានទទួលហើយដែលយើងបានដឹងទាំងអស់គ្នា។ ប៉ុន្តែវ៉ាក់សាំងរបស់យើងមានត្រឹមតែ៩0ម៉ឺនដូស ប៉ុណ្ណោះ។ ប៉ុន្តែខ្ញុំសូមបញ្ជាក់ថានៅក្នុងតំបន់ក្រហមនេះ ប្រសិនបើមិនទាន់បានចាក់ប្រជាជនអស់យើងមិនដើរចេញនោះចោលប្រជាជនណាម្នាក់នោះទេ។ សម្តេចតេជោបន្តថា ចំនួន៩០ម៉ឺនដូសដែលបានបញ្ជូនទៅក្នុងតំបន់នេះគឺចាក់បានប្រជាជនតែត្រឹមជាង៤០ម៉ឺននាក់ ប្រសិនជាមានការខូចខាតមួយចំនួនដែលយើងគិតថាបានចំនួនជាង ៤៤ម៉ឺននាក់ទៅចុះ។ ដូច្នេះវាអាចនឹងមានការខ្វះជាមួយនឹងវ៉ាក់សាំង។ ប៉ុន្តែខ្ញុំសូមបញ្ជាក់ឱ្យបានច្បាស់ថាវ៉ាក់សាំងសម្រាប់ចាក់ចំនួន៥២ម៉ឺននាក់នៅក្នុងតំបន់ក្រហមមិនខ្វះទេថ្ងៃទី១១ ខែឧសភានេះនឹងមកដល់ចំនួន៥០ម៉ឺនដូសបន្ថែមទៀតហើយនៅថ្ងៃទី១៥ ឧសភា…

ប្រសាសន៍របស់សម្តេចតេជោ ហ៊ុន សែន បញ្ជាឲ្យចាក់វ៉ាក់សាំងកូវីដ១៩ ជូនប្រជាពលរដ្ឋទាំងអស់ដែលរស់នៅ «តំបន់ក្រហម» ជាង៥២ម៉ឺននាក់៕ ប្រភពៈ Fresh News

​ភ្នំពេញៈ​អភិបាល​រាជា​ធានី​ភ្នំពេញ​ បានស្នើ​ឱ្យ​សមត្ថកិច្ច​ពាក់ព័ន្ធ​ទាំងអស់​ត្រួត​ពិនិត្យឡើងវិញ​និង​ដាក់​ទិសដៅបន្តទៀត ដើម្បី​ការទប់ស្កាត់​ឱ្យបាន​នូវ​ការរីក​រាលដាល​ជំងឺ​កូ​វីដ​១៩ ឲ្យ​កាន់​តែមាន​ប្រសិទ្ធភាព​ថែមទៀត។ ​ការជំរុញ​នេះ​បាន​កើតឡើង​ក្នុង​កិច្ចប្រជុំ​គណៈបញ្ជាការ​ឯកភាពរ​ដ្ឋ​បាល​រាជធានី​ភ្នំពេញ​តាម​ប្រព័ន្ធ​វីដេអូ​នា​រសៀល​ថ្ងៃទី​៤​ខែឧសភា នេះ​ខណៈដែល​វិធាន​ការបិទ​ខ្ទប់​រាជធានី​ភ្នំពេញ​ និង​ក្រុង​តាខ្មៅ នឹង​បញ្ចប់​នៅ​រាត្រី​ថ្ងៃទី​៥​ខែឧសភា​ខាងមុខ​។​ ​ក្នុង​កិច្ចប្រជុំ​នេះ​ឯកឧត្តម ឃួ​ង ស្រេង អភិបាល​រាជធានី​ភ្នំពេញ​ និង​ជា​ប្រធាន​គណៈបញ្ជាការ​ឯកភាពរដ្ឋបាល​រាជធានី​ភ្នំពេញ ​បាន​ជំ​រុញឱ្យ​អាជ្ញាធរ​ខណ្ឌ​ទាំង​១៤ និង​សមត្ថកិច្ច​ពាក់ព័ន្ធ​ទាំងអស់​ត្រួត​ពិនិត្យឡើងវិញ និង​ដាក់​ទិសដៅ​បន្តទៀត ដើម្បី​ការទប់ស្កាត់​ឱ្យបាននៃ​ការរីក​រាលដាល​ជំងឺ​កូ​វីដ​១៩ ​ឲ្យ​កាន់​តែមាន​ប្រសិទ្ធភាពថែមទៀត ដើម្បី​ឈានទៅ​កាត់ផ្ដាច់​បាន​នូវ​ការរីក​រាលដាលនៃ​ជំងឺ​កាច​សាហាវ​នេះ​។ ​នៅក្នុង​កិច្ចប្រជុំ​នេះ​ ក៏បាន​លើកឡើង​ពី​ការបែងចែក​ការងារចាក់​វ៉ាក់សាំង​បង្ការ​ជំងឺ​កូ​វីដ​-១៩ ជូន​ប្រជាពលរដ្ឋ ដូចជា​ការផ្តល់​អំណោយជូន​បងប្អូន​ប្រជាពលរដ្ឋ​។​ កិច្ចប្រជុំ​គណៈបញ្ជាការ​ឯកភាព​រា​ជ​ធានី​ភ្នំពេញ​នេះ​ក្នុង​បំណង​ដើម្បី​ត្រួតពិនិត្យ​ការងារ​មួយចំនួន​របស់​អាជ្ញាធ​រ​ខណ្ឌ​ទាំង​១៤ និង​កម្លាំង​មាន​សមត្ថកិច្ច​ចំណុះ​គណៈបញ្ជាការ​ឯករាជ​ធានី​ភ្នំពេញ​ និង​ដាក់​ទិសដៅ​បន្ត​ក្នុង​កិច្ចការពារទប់ស្កាត់​ជំងឺ​រាតត្បាត​ជំងឺ​កូ​វីដ​-១៩​។​ អភិបាលខណ្ឌ​ទាំង​១៤ បាន​រាយការណ៍អំពី​ស្ថានភាព​នានា​នៅក្នុង​មូលដ្ឋានរបស់ខ្លួន​ជុំវិញ​ការវិវត្ត​នានា នៃ​ជំងឺ​កូ​វីដ​១៩ ដើម្បី​យក​ចំណុច​ទាំងនោះ មក​ពិភាក្សាគ្នា ស្វែងរក​ចំណុច​ល្អៗ ដែល​ធ្វើយ៉ាងណា ដែល​អាចឈាន​ទៅដល់ការផ្តាច់​ជំងឺ​កូ​វីដ​១៩ ឱ្យបាន​ជោគជ័យនៅពេល​ដ៏​ខ្លីខាងមុខនេះ​។​ ​នៅ​រសៀល​ថ្ងៃ​នេះដែរ រាជរដ្ឋាភិបាល​បាន​សេចក្តីណែនាំស្តីពី​ការពង្រឹង​ការអនុវត្ត​វិធានការ​ចាំបាច់​មួយចំនួន ដើម្បី​ទប់ស្កាត់​ការឆ្លង​រាលដាល​នៃ​ជំងឺ​កូ​វីដ​-១៩ បន្ទាប់ពី​រាជរដ្ឋាភិបាល​បានសម្រេច​បញ្ចប់​ការបិទ​ខ្ទប់​ភូមិសាស្ត្រ​រាជធានី​ភ្នំពេញ និង​ក្រុង​តាខ្មៅ​នៃ​ខេត្តកណ្តាល​។​ ​សូមជម្រាបថា គិត​ត្រឹម​ព្រឹក​ថ្ងៃទី​០៤ ខែឧសភា អ្នក​ឆ្លង​ជំងឺ​កូ​វីដ​១៩ មាន​ចំនួន​សរុប១៦.២៩៩​នាក់, អ្នកជា​សះស្បើយ​មាន​ចំនួន ៥.៧៩១​នាក់ , អ្នក​កំពុង​ព្យាបាល​មាន​ចំនួន ១០.៣៩៤​នាក់ និង​អ្នកស្លាប់​ចំនួន ១០៧​នាក់​៕ដោយៈ ពល​ជ័យ​