ភ្នំពេញ៖ ក្រោយមានការជួយអន្តរាគមន៍ និងសម្របសម្រួលជាបន្តបន្ទាប់ ពលការិនីខ្មែរចំនួន២៤នាក់បន្ថែមទៀត បានធ្វើដំណើរមកដល់ប្រទេសកម្ពុជាវិញហើយនៅថ្ងៃទី១២ ខែឧសភា ឆ្នាំ២០២៤នេះ ក្រោមការជួយជ្រួមជ្រែងរបស់រាជរដ្ឋាភិបាលកម្ពុជា និងភាគីនៃរាជរដ្ឋាភិបាលអារ៉ាប៊ីសាអូឌីតដែលជាប្រទេសជាមិត្ត។ ក្រោយមកដល់ប្រទេសកម្ពុជាវិញ ពលការិនី ជុន សារុន ដែលធ្វើការនៅក្រុមហ៊ុនBAB នៅប្រទេសអារ៉ាប៊ីសាអូឌីត បានបង្ហាញពីការសប្បាយចិត្តជាខ្លាំងដែលបានមកដល់ស្រុកកំណើតវិញ ហើយក៏ថ្លែងអំណរគុណចំពោះរាជរដ្ឋាភិបាលកកម្ពុជា ដែលបានដុតដៃដុតជើងជួយពលរដ្ឋដោយមិនទុកពលរដ្ឋណាម្នាក់ចោលនោះឡើយ។ ពលការិនីខ្មែរដែលបានទៅធ្វើការនៅប្រទេសអារ៉ាប៊ីសាអូឌីតចំនួន២៤នាក់នេះ ជាពលករស្របច្បាប់ ដែលត្រូវបានបញ្ជូនដោយក្រុមហ៊ុនហ្វាទីណា។ ការមកដល់របស់ពលការិនីខ្មែរទាំង២៤នាក់នេះ មានការទទួលស្វាគមន៍យ៉ាងកក់ក្ដៅពីសំណាក់រាជរដ្ឋាភិបាលកម្ពុជា តាមរយៈក្រសួងការងារ និងបណ្ដុះបណ្ដាលវិជ្ជាជីវៈ និងអាជ្ញាធរពាក់ព័ន្ធផ្សេងៗទៀតផងដែរ។ សូមបញ្ជាក់ថា បន្ទាប់ពីសម្របសម្រួលពលការិនីចំនួន២៤នាក់ ឲ្យបានត្រឡប់មកប្រទេសកម្ពុជាវិញ នៅថ្ងៃទី១២ ខែឧសភា ឆ្នាំ២០២៤នេះ ក្រសួងការងារ និងបណ្តុះបណ្តាលវិជ្ជាជីវៈ នៅតែបន្តសហការយ៉ាងសកម្មជាមួយក្រសួងការបរទេស និងសហប្រតិបត្តិការអន្តរជាតិ និងស្ថានឯកអគ្គរាជទូតកម្ពុជាប្រចាំព្រះរាជាណាចចក្រអារ៉ាប៊ីសាអូឌីត ដែលមាននិវេសនដ្ឋាននៅទីក្រុងគែរ ប្រទេសអេហ្ស៉ីប ដើម្បីធ្វើការយ៉ាងជិតស្និទ្ធជាមួយរាជរដ្ឋាភិបាលនៃព្រះរាជាណាចក្រអារ៉ាប៊ីសាអូឌីត អាជ្ញាធរ និងស្ថាប័នពាក់ព័ន្ធក្នុងការសម្របសម្រួលជូនពលការិនីផ្សេងទៀតដែលមានបំណងចង់វិលត្រឡប់មកមាតុប្រទេសវិញ៕ដោយ៖ពលជ័យ

ចៅក្រមស៊ើបសួរនៃសាលាដំបូងរាជធានីភ្នំពេញ សម្រេចឃុំខ្លួនបណ្តោះអាសន្ន ឈ្មោះ ស៊ុន ចន្ធី ភេទប្រុស នៅមណ្ឌលអប់រំកែប្រែទី៤ (ម៤) ពីបទ៖ ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម តាមមាត្រា ៤៩៤ និងមាត្រា ៤៩៥ នៃក្រមព្រហ្មទណ្ឌ។ នេះបើតាមការបញ្ជាក់របស់លោក អ៊ី រិន អ្នកនាំពាក្យសាលាដំបូងរាជធានីភ្នំពេញ នៅថ្ងៃទី១១ ខែឧសភា ឆ្នាំ២០២៤។ គួររម្លឹកឱ្យដឹងថា ឯកឧត្តម ជិន ម៉ាលីន អ្នកនាំពាក្យក្រសួងយុត្តិធម៌ បានមានប្រសាសន៍ប្រាប់ AMS នៅរសៀលថ្ងៃទី១០ ខែឧសភានេះថា ការចាប់ខ្លួនលោក ស៊ុន ចន្ធី គឺជាវិធានការច្បាប់សុទ្ធសាធ ហើយធ្វើឡើងមិនមែនដោយសារតែគាត់ជាប្រធានគណបក្សនយោបាយនោះទេ គឺដោយសារតែគាត់បានប្រព្រឹត្តអំពើល្មើសទៅនឹងច្បាប់ ហើយសមត្ថកិច្ចមានមូលដ្ឋានរឹងមាំ និងច្បាស់លាស់ក្នុងចំណាត់ការ និងដំណើរការនីតិវិធីតាមផ្លូវតុលាការ។ ឯកឧត្តមបានបញ្ជាក់ថា “វិធានការច្បាប់ចំពោះអ្នកដែលប្រព្រឹត្តល្មើសច្បាប់បែបនេះ មិនមែនជាការរឹតត្បិតសិទ្ធិសេរីភាព ឬក៏ធ្វើទុក្ខបុកម្នេញដល់សកម្មជនអ្នកនយោបាយនោះទេ។ ការប្រើពាក្យថ្កោលទោសទៅលើវិធានការច្បាប់របស់សមត្ថកិច្ចដែលមានមូលដ្ឋានច្បាប់ត្រឹមត្រូវរឹងមាំច្បាស់លាស់ គឺជារឿងមិនត្រឹមត្រូវនោះទេ។ ក្នុងនាមជាស្ថាប័ននីតិបុគ្គលមួយដែលបានចុះបញ្ជីតាមផ្លូវច្បាប់ ហើយមានការយល់ដឹងងំពីច្បាប់”។ យោងតាមសេចក្តីថ្លេងការណ៍របស់ក្រសួងយុត្តិធម៌កាលពីថ្ងទី៩ ខែឧសភា ឆ្នា២០២៤ បានឱ្យដឹងថា ការចាប់ខ្លួនបុគ្គលឈ្មោះ ស៊ុន ចន្ធី…

ភ្នំពេញ៖ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម ផាទ្រីក មើហ្វី (W. Patrick Murphy) ឯកអគ្គរដ្ឋទូតអាមេរិក ប្រចាំកម្ពុជាចប់អាណត្តិ បានឯកភាពគ្នាក្នុងការលើកកម្ពស់កិច្ចសហប្រតិបត្តិការក្នុងការប្រយុទ្ធប្រឆាំងបទល្មើសឆបោកតាមប្រព័ន្ធអនឡាញ តាមរយៈកិច្ចសហប្រតិបត្តិការផ្លាស់ប្តូរព័ត៌មានឱ្យបានជាក់លាក់ និងច្បាស់លាស់ដើម្បីឈានទៅធ្វើការទប់ស្កាត់ និងបង្ក្រាប ពិសេសធ្វើការកាត់ទោសខ្សែរយៈបណ្តាញដែលនៅពីក្រោយបទល្មើសទាំងអស់នេះផងដែរ។ ការឯកភាពគ្នានេះ បានធ្វើឡើងនៅក្នុងជំនួបសម្តែងការគួរសម និងជម្រាបលា របស់ឯកឧត្តម ផាទ្រីក មើហ្វី (W. Patrick Murphy) ឯកអគ្គរដ្ឋទូតអាមេរិក ប្រចាំកម្ពុជាចប់អាណត្តិ កាលពីរសៀលថ្ងៃទី១០ ខែឧសភា ឆ្នាំ២០២៤ នៅទីស្តីការក្រសួងមហាផ្ទៃ។ ជាកិច្ចចាប់ផ្តើម ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានសម្តែងការស្វាគមន៍ និងវាយតម្លៃខ្ពស់ចំពោះវត្តមានឯកអគ្គរដ្ឋទូតអាមេរិក ប្រចាំកម្ពុជា និងគណៈប្រតិភូ ដែលបានអញ្ជើញចូលជួប ដើម្បីសម្តែងការគួរសម និងជម្រាបលា។ ឯកឧត្តម ផាទ្រីក មើហ្វី (W. Patrick Murphy) ឯកអគ្គរដ្ឋទូតអាមេរិក ប្រចាំកម្ពុជា…

ភ្នំពេញ៖ ឯកឧត្តម ជិន ម៉ាលីន អ្នកនាំពាក្យក្រសួងយុត្តិធម៌ បានមានប្រសាសន៍ប្រាប់ AMS នៅរសៀលថ្ងៃទី១០ ខែឧសភា នេះថា ការចាប់ខ្លួនលោក ស៊ុន ចន្ធី គឺជាវិធានការច្បាប់សុទ្ធសាធ ហើយធ្វើឡើងមិនមែនដោយសារតែគាត់ជាប្រធានគណបក្សនយោបាយនោះទេ គឺដោយសារតែគាត់បានប្រព្រឹត្តអំពើល្មើសទៅនឹងច្បាប់ ហើយសមត្ថកិច្ចមានមូលដ្ឋានរឹងមាំ និងច្បាស់លាស់ក្នុងចំណាត់ការ និងដំណើរការនីតិវិធីតាមផ្លូវតុលាការ។ ឯកឧត្តមបានបញ្ជាក់ថា “វិធានការច្បាប់ចំពោះអ្នកដែលប្រព្រឹត្តល្មើសច្បាប់បែបនេះ មិនមែនជាការរឹតត្បិតសិទ្ធិសេរីភាព ឬក៏ធ្វើទុក្ខបុកម្នេញដល់សកម្មជនអ្នកនយោបាយនោះទេ។ ការប្រើពាក្យថ្កោលទោសទៅលើវិធានការច្បាប់របស់សមត្ថកិច្ចដែលមានមូលដ្ឋានច្បាប់ត្រឹមត្រូវរឹងមាំច្បាស់លាស់ គឺជារឿងមិនត្រឹមត្រូវនោះទេ។ ក្នុងនាមជាស្ថាប័ននីតិបុគ្គលមួយដែលបានចុះបញ្ជីតាមផ្លូវច្បាប់ ហើយមានការយល់ដឹងងំពីច្បាប់”។ យោងតាមសេចក្តីថ្លេងការណ៍របស់ក្រសួងយុត្តិធម៌កាលពីថ្ងទី៩ ខែឧសភា ឆ្នា២០២៤ បានឲ្យដឹងថា ការចាប់ខ្លួនបុគ្គលឈ្មោះ ស៊ុន ចន្ធី អំពីដំណើររឿងពាក់ព័ន្ធនឹង “ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម” ដោយបុគ្គល រូបនេះបានផ្សព្វផ្សាយព័ត៌មានលើបណ្តាញសង្គម ដោយបានទម្លាក់កំហុសដោយអសុទ្ធចិត្តទៅលើរាជរដ្ឋាភិបាល លើការចែកប័ណ្ណក្រីក្រជូនប្រជាពលរដ្ឋថាមានការលម្អៀង និងរើសអើង ព្រមទាំងបានមួលបង្កាច់អំពីការអភិវឌ្ឍ ប្រទេសរបស់រាជរដ្ឋាភិបាល ក្នុងចេតនាញុះញង់បំភ្លព័ត៌មាន នាំឱ្យប្រជាពលរដ្ឋមានការយល់ច្រឡំ ដែលបង្កភាព វឹកវរធ្ងន់ធ្ងរដល់សន្តិសុខសង្គម និងសណ្ដាប់ធ្នាប់សាធារណៈ។ ការចាប់ខ្លួននេះ ជាការអនុវត្តច្បាប់ស្របតាមក្រមនីតិវិធីព្រហ្មទណ្ឌ ហើយការចាប់ខ្លួននេះផងដែរ គឺពាក់ព័ន្ធទៅនឹងអង្គហេតុនៃបទល្មើស ហើយជាការអនុវត្តច្បាប់សុទ្ធសាធ ដោយផ្អែកតាមក្រមព្រហ្មទណ្ឌ និងក្រមនីតិវិធីព្រហ្មទណ្ឌនៃព្រះរាជាណាចក្រកម្ពុជា។…

ឯកឧត្តម សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ បានបញ្ជាក់ជាថ្មីនូវការប្តេជ្ញាចិត្តរបស់កម្ពុជាក្នុងការធ្វើការយ៉ាងជិតស្និទ្ធជាមួយសហភាពអឺរ៉ុប និងបណ្តាប្រទេសសមាជិកសហភាពអឺរ៉ុបទាំងអស់ ក្នុងការពង្រឹងបន្ថែមទៀតនូវកិច្ចសហប្រតិបត្តិការ និងភាពជាដៃគូ ដើម្បីបុព្វហេតុសន្តិភាព សន្តិសុខ ស្ថិរភាព និងវិបុលភាពរួមគ្នាក្នុងតំបន់ និងអន្តរជាតិ។ ការបញ្ជាក់នេះ ក្នុងឱកាសខួបលើកទី៧៤ នៃទិវាសហភាពអឺរ៉ុប កាលពីថ្ងៃទី០៩ ខែឧសភា ឆ្នាំ២០២៤។ រដ្ឋមន្ត្រីការបរទេស និងសហប្រតិបត្តិការអន្តរជាតិ ក៏បានអបអរសាទរដោយស្មោះ និងសូមជូនពរដល់ប្រជាជន និងប្រទេសជាសមាជិកសហភាពអឺរ៉ុបទាំងអស់ ឱ្យជួបតែសន្តិភាព សុភមង្គល និងវិបុលភាព។ ឯកឧត្តមឧបនាយករដ្ឋមន្ត្រី បានវាយតម្លៃខ្ពស់ចំពោះកិច្ចសហប្រតិបត្តិការ និងភាពជាដៃគូដ៏ជិតស្និទ្ធរវាងកម្ពុជានិងសហភាពអឺរ៉ុប ក្នុងរយៈពេលប៉ុន្មានឆ្នាំកន្លងមកនេះ ដែលឆ្លុះបញ្ចាំងតាមរយៈការធ្វើឱ្យស៊ីជម្រៅនូវទំនុកចិត្តទៅវិញទៅមកផ្នែកនយោបាយ ការពង្រីកកិច្ចសហប្រតិបត្តិការរួមគ្នា ក៏ដូចជាការរក្សាទំនាក់ទំនង និងការសម្របសម្រួលយ៉ាងជិតស្និទ្ធលើបញ្ហាតំបន់ និងអន្តរជាតិសំខាន់នានា។ ដោយ៖ពលជ័យរូបភាព៖ ក្រសួងការបរទេស

លោក សំ វិច្ឆិកា អ្នកពាក្យស្នងការដ្ឋាននគរបាលរាជធានីភ្នំពេញ បានឱ្យដឹងថា សមត្ថកិច្ចនៃស្នងការដ្ឋាននគរបាលរាជធានីភ្នំពេញ អនុវត្តឃាត់ខ្លួនបុគ្គលឈ្មោះ ស៊ុន ចន្ធី ប្រធានគណបក្សកម្លាំងជាតិ គឺអនុវត្តទៅតាមដីកាបញ្ជាឱ្យចូលខ្លួនរបស់តំណាងអយ្យការអមសាលាដំបូងរាជធានីភ្នំពេញ ចុះថ្ងៃទី៧ ខែឧសភា ឆ្នាំ២០២៤។ នាព្រឹកថ្ងៃទី៩ ខែឧសភា សមត្ថកិច្ចបានឃាត់ខ្លួនឈ្មោះ ស៊ុន ចន្ធី មកសាកសួរនៅស្នងការដ្ឋាននគរបាលរាជធានីភ្នំពេញ ដើម្បីបន្តអនុវត្តតាមនីតិវិធី។អ្នកនាំពាក្យរូបនេះបញ្ជាក់ថា បុគ្គលឈ្មោះ ស៊ុន ចន្ធី រងការចោទប្រកាន់ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម តាមរយៈការបង្ហោះផ្សព្វផ្សាយព័ត៌មានលើបណ្តាញសង្គមក្នុងចេតនាញុះញង់បំភ្លៃព័ត៌មានមិនពិតនាំឱ្យប្រជាពលរដ្ឋមានការយល់ច្រឡំបង្កឲ្យកើតមានភាពវឹកវរក្នុងសង្គម៕ដោយ៖ពលជ័យ

ភ្នំពេញ៖ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ បានអំពាវនាវដល់ប្រជាពលរដ្ឋខ្មែរឱ្យគាំទ្រការអនុវត្តគម្រោងព្រែកជីកហ្វូណនតេជោ ដែលជាគំនិតផ្តួចផ្តើមរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងបន្តជឿជាក់លើសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ចំពោះការបន្តបេសកកម្មពីសម្តេចតេជោ ដើម្បីដឹកនាំនាវាកម្ពុជាឆ្ពោះទៅកាន់ការអភិវឌ្ឍ និងភាពសម្បូរសប្បាយរបស់ប្រជាជនកម្ពុជាគ្រប់រូប។ ការអំពាវនាវនេះ ក្នុងពិធីបុណ្យសម្ពោធសមិទ្ធផលនានា នៅវត្តសិរីសោភា ហៅវត្តអង្គតាមិញ (នៅទល់មុខជាមួយទីស្តីការក្រសួងមុងងារសាធារណៈ) ដែលស្ថិតក្នុងភូមិចំបក់ សង្កាត់ចោមចៅទី១ ខណ្ឌពោធិ៍សែនជ័យទី១ រាជធានីភ្នំពេញ នាព្រឹកថ្ងៃទី៩ ខែឧសភា ឆ្នាំ២០២៤។ ក្នុងឱកាសនោះ ឯកឧត្តមឧបនាយករដ្ឋមន្ត្រី បានបញ្ជាក់ពីសមិទ្ធផលនៅថ្ងៃនេះ មិនអាចកើតឡើងដោយឯកឯងបានទេ បើមិនមានការចូលរួមចំណែកពីគ្រប់ភាគីពាក់ព័ន្ធ ជាពិសេសការខិតខំប្រឹងប្រែងរបស់រាជរដ្ឋាភិបាល ដែលបាននាំមកនូវសុខសន្តិភាព និងស្ថិរភាពនយោបាយជូនប្រទេសជាតិ។ ឯកឧត្តមបានរំលេច កត្តាសុខសន្តិភាព និងស្ថិរភាពនយោបាយនេះហើយ ដែលបានផ្តល់ឱកាសឱ្យយើង បានជួបជុំគ្នា និងមានឱកាសធ្វើបុណ្យរួមគ្នា ដូចជាការប្រមូលបច្ច័យពីគ្រប់ទិសទីសម្រាប់ កសាងសមិទ្ធផលនានាឱ្យចេញជារូបរាងនៅថ្ងៃនេះ។ ឯកឧត្តម បានគូសបញ្ជាក់ថា “សមិទ្ធផលជាច្រើនដែលយើងកំពុងមាននេះ គឺកើតឡើងពីការដឹកនាំរបស់របស់សម្តេចតេជោ ហ៊ុន សែន និងថ្នាក់ដឹកនាំដទៃទៀត បានជម្នះនូវបញ្ហាពីមួយដំណាក់កាលទៅមួយដំណាក់កាលមួយ ដើម្បីទទួលបានជ័យជម្នះ…

ភ្នំពេញ៖ លោក ប៉ា ប៉ុណ្ណារ៉ាដា អ្នកនាំពាក្យគណៈកម្មាធិការសិទ្ធិមនុស្សកម្ពុជា បានបញ្ជាក់ថា ការទៅចូលរួមពិនិត្យរបាយការណ៍ឡើងវិញជាសកលតាមការកំណត់ (UPR) ដែលឯកឧត្តម កែវ សុទ្ធិ អនុប្រធានគណៈកម្មាធិការសិទ្ធិមនុស្សកម្ពុជា ដឹកនាំគណៈប្រតិភូកម្ពុជាដែលមានមកពីតំណាងក្រសួងស្ថាប័នពាក់ព័ន្ធទៅចូលរួមការពិនិត្យរបាយការណ៍ឡើងវិញជាសកលតាមការកំណត់នេះ (ជុំទី៤) ប្រព្រឹត្តទៅនៅទីក្រុងហ្សឺណែវ ប្រទេស្វីស នៅថ្ងៃទី៨ ខែឧសភា ឆ្នាំ២០២៤។ ការទៅចូលរួមពិនិត្យរបាយការណ៍នេះ ជាទម្រង់សន្ទនាបែបស្ថាបនាជាមួយនឹងតំណាងប្រទេសផ្សេងៗទៀត គឺមិនមែនជាវេទិកាសម្រាប់បន្ទោសបង្អាប់រិះគន់វាយប្រហារគ្នាលើបញ្ហាសិទ្ធិមនុស្សនោះទេ។ លោកបន្តថា ក្នុងនាមជាសមាជិករបស់អង្គការសហប្រជាជាតិ ប្រទេសកម្ពុជាក៏ដូចជាសមាជិកដទៃទទៀតដែរ គឺមានកាតព្វកិច្ចក្នុងការរៀបចំនឹងបញ្ជូនរបាយការណ៍ UPR ទៅអង្គការសហប្រជាជាតិក្នុងចន្លោះពី ៤ឆ្នាំកន្លះ ទៅ៥ឆ្នាំ។ ព្រមទាំងត្រូវចូលរួមពិនិត្យរបាយការណ៍នេះជាទម្រង់សន្ទនាបែបស្ថាបនាជាមួយនឹងតំណាងប្រទេសផ្សេងៗទៀត។ អ្នកនាំពាក្យគណៈកម្មាធិការសិទ្ធិមនុស្សកម្ពុជាបានបញ្ជាក់ថា យន្តការនៃការពិនិត្យឡើងវិញជាសកលតាមការកំណត់របស់ក្រុមប្រឹក្សាសិទ្ធិមនុស្ស គឺមិនមែនជាវេទិកាសម្រាប់បន្ទោសបង្អាប់រិះគន់វាយប្រហារគ្នាលើបញ្ហាសិទ្ធិមនុស្សនោះទេ។ ប៉ុន្តែវាជាវេទិកាសម្រាប់កិច្ចសន្ទនាបែបស្ថាបនារវាងរដ្ឋ និងរដ្ឋក្នុងគោលបំណងចែករំលែកនិងផ្លាស់ប្តូរនៅការអនុវត្តល្អៗ បទពិសោធន៍ចំណុចខ្វះខាត និងបញ្ហាប្រឈមផ្សេងៗ។ ទោះបីជាកម្ពុជាក្នុងអំឡុងពេលមានការរីករាលដាលនៃជំងឺកូវីដ-១៩ ក៏ក្រសួងស្ថាប័នពាក់ព័ន្ធនានាបានខិតខំអនុវត្តនៅអនុសាសន៍ទាំង១៧៣ បានយ៉ាងភ្ជាប់ខ្ជួនដែលជាការឆ្លុះបញ្ចាំងអំពីឆន្ទៈក្នុងការលើកកម្ពស់ក៏ដូចជាការការពារសិទ្ធិផងដែរ។ អ្នកនាំពាក្យបានបញ្ជាក់ថា បើក្រឡេកមើលសេរីភាព នៃការបញ្ចេញមតិវិញ គឺមានភាពទូលំទូលាយ យើងបានឃើញការប្រើប្រាស់នៅប្រព័ន្ធ social madai ហ្វេសប៊ុក មានអ្នកប្រើប្រាស់ចំនួន ១៣លាននាក់ មិនទាន់រាប់បញ្ចូលទាំងតេឡេក្រាម ឡាញ វើសអាប់ និងបណ្តាញសង្គមផ្សេងៗទៀតផង។…