ខេត្តកំពង់ចាម៖ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក នៅព្រឹកថ្ងៃ១២វិច្ឆិកានេះ បានអញ្ជើញតំណាងឲ្យ សម្តេច តេជោ នាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិត ចុះសួរសុខទុក្ខ និងចែកស្រូវពូជ ដល់ប្រជាពលរដ្ឋដែលរងផលប៉ះពាល់ដោយសារជំនន់ទឹកភ្លៀង នៅខេត្តកំពង់ចាម។ ពិធីចែលស្រូវពូជនោះ ធ្វើឡើង នៅបរិវេណវិទ្យាល័យ ហ៊ុន សែន ព្រៃទទឹង ឃុំជ្រៃវៀន ស្រុកព្រៃឈរ ខេត្តកំពង់ចាម ដែលមានប្រជាពលរដ្ឋ៣ពាន់២០០គ្រួសារ មកពីស្រុកចំនួន៥ស្រុក មាន១៣ឃុំ ដើម្បីស្ដារឡើងវិញឡើងវិញបន្ទាប់ពីរងនូវការខូចខាតដោយជំនន់ទឹកភ្លៀងក្នុងឆ្នាំ២០២០។ តាមរបាយការណ៍របស់លោក អ៊ុន ចាន់ដា អភិបាលខេត្តកំពង់ចាម បានឲ្យដឹងថា ជំនន់ទឹកភ្លៀងប៉ះពាល់ដល់៩ស្រុក ១ក្រុង ស្មើនឹង ៥០ឃុំ-សង្កាត់ ប៉ះពាល់ប្រជាជន៣៧១ខ្នងផ្ទះ លិចសាលារៀន ២០កន្លែង លិចផ្លូវជាតិ ផ្លូវខេត្ត ផ្លូវគ្រួសក្រហម ផ្លូវលំ ប្រមាណ ២៣គីឡូម៉ែត្រ ។ លោកថា ទឹកជំនន់ បានលិចស្រូវចំនួន ២ពាន់៩០៤ហិកតា ស្មើនឹង៣ពាន់៩៣២គ្រួសារ ក្នុងនោះ ខូចខាត៩៦៧ហិចតា…

ខេត្តស្ទឹងត្រែង៖ ប្រសាសន៍អំពាវនាវ របស់អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក លោកឧត្តមសេនីយ៍ឯក ហ៊ុន ម៉ាណែត បានថ្លែងក្នុងពិធីចែកអាវរងារ ជូនដល់កងកម្លាំងប្រដាប់អាវុធ ទិសយោធភូមិភាគទី១ នៅទីបញ្ជាការកងពលតូចអន្តរាគមន៍លេខ ១២៨ ស្ថិតក្នុងខេត្តស្ទឹងត្រែង ភាគឥសាន្តកម្ពុជា កាលពីថ្ងៃទី១១វិច្ឆិកាឆ្នាំ២០២០ មកនេះ។ លោកឧត្តមសេនីយ៍ឯក ហ៊ុន ម៉ាណែត បាននាំយកអាវរងារច្រើនម៉ឺនអាវ ដែលជាអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន មកចែកជូនដល់កងកម្លាំងប្រដាប់អាវុធទាំង៣ គឺកម្លាំងកងទ័ព ,កម្លាំងនគរបាល និងកម្លាំងកងរាជអាវុធហត្ថជាតិ ប្រចាំទិសយោធភូមិភាគទី១ នៃទីបញ្ជាការកងពលតូចអន្តរាគមន៍លេខ ១២៨ នៃខេត្តស្ទឹងត្រែង។ លោកឧត្តមសេនីយ៍ឯក ហ៊ុន ម៉ាណែត បានមានប្រសាសន៍ ពាំនាំការផ្តាំផ្ញើរសាកសួរសុខទុក្ខ និងនឹករលឹកពីសំណាក់សម្តេចតេជោ និងសម្តេចកិតិព្រឹទ្ធបណ្ឌិត ដែលសម្តេចទាំងពីរតែងយកចិត្តទុកដាក់គិតគូរគ្រប់ពេលវេលា អំពីសុខទុក្ខរបស់កងម្លាំងប្រដាប់អាវុធទាំងអស់ ដែលកំពុងឈរជើងបំពេញភារកិច្ច យ៉ាងអង់អាចក្លាហាន ក្នុងកិច្ចការពារបូរណភាពទឹកដី នៅតាមបណ្តោយខ្សែបន្ទាត់ព្រំដែន ដែលស្ថិតនៅក្នុងភូមិសាស្ត្រ យោធភូមិភាគទី១ ខេត្តស្ទឹងត្រែងនេះ។ លោកឧត្តមសេនីយ៍…

ខេត្តស្វាយរៀង៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងាររាជរដ្ឋាភិបាលចុះជួយខេត្តស្វាយរៀង តំណាងដ៏ខ្ពង់ខ្ពស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញជួបសំណេះសំណាល និងនាំពូជស្រូវចែកជូនដល់ប្រជាពលរដ្ឋរងគ្រោះដោយជំនន់ទឹកភ្លៀង ១.០២០គ្រួសារ ដែលមានទីតាំងតាមបណ្ដោយមាត់ទន្លេវ៉ៃគោ ស្ថិតក្នុងសង្កាត់ស្វាយរៀង ក្រុងស្វាយរៀង ខេត្តស្វាយរៀង នាព្រឹកថ្ងៃព្រហស្បតិ៍ ១២រោច ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹង ថ្ងៃទី១២ ខែវិច្ឆិកា ឆ្នាំ២០២០។ លោកជំទាវកិត្តិសង្គហបណ្ឌិត បាននំានូវការផ្តាំផ្ញើសាកសួរសុខទុក្ខពីសំណាក់ សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ដែលជានិច្ចកាល សម្ដេចទាំងពីរតែងតែគិតគូរ អំពីសុខទុក្ខប្រជាពលរដ្ឋទូទាំងប្រទេសដោយចុះដល់ទីតាំងរងគ្រោះ និងបានចាត់តំណាងចូលរួមជំនួសសម្តេច ។ លោកជំទាវកិត្តិសង្គហបណ្ឌិត បានមានប្រសាសន៍ថា ៖សម្តេចតេជោ ពិតជាសោកស្តាយ ដែលមិនអាចមកចូលរួមផ្ទាល់ ប៉ុន្តែសម្តេចបានចាត់ឲ្យតំណាងចូលរួមទៅកាន់ខេត្តគោលដៅតាមផែនការកំណត់ ដោយតាមដានការអនុវត្តជាប់ជាប្រចាំ ការចែកស្បៀង និងស្រូវពូជជូនដល់ប្រជាពលរដ្ឋរងគ្រោះ ឲ្យបានទាន់ពេលវេលា នៅក្នុងដំណាក់កាលស្តាឡើងវិញនេះ គឺជាកិច្ចការអាទិភាពសំខាន់ចាំបាច់…

ខេត្តបន្ទាយមានជ័យ៖ នៅវេលាម៉ោង២យប់ឈាងចូលថ្ងៃទី១១វិច្ឆិកា ឆ្នាំ២០២០ មានករណីខ្យល់កន្ត្រាក់បោកបក់យ៉ាងខ្លាំងបណ្តាលឲ្យខូចខាតផ្ទះប្រជាពលរដ្ឋជាច្រើនខ្នង ស្ថិតនៅភូមិថ្មរមៀលលិច, ភូមិថ្មរមៀលកើត និងភូមិធ្នង់ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។ ក្រោយទទួលបានដំណឹងភ្លាមៗ នៅថ្ងៃ១១វិច្ឆិកានេះ លោកវរសេនីយ៍ឯក សឹង្ហ ទុំ មេបញ្ជាការ កងពលតូចថ្មើរជើងលេខ៥១ បានចាត់កម្លាំង សហការជាមួយ អាជ្ញាធរដែនដី នាំយកអំណោយស័ង្កសីរបស់ លោកឧត្តមសេនីយ៍ឯក ហ៊ុន ម៉ាណែត និងលោកស្រី ចុះជួយជួសជុលដំបូលផ្ទះជូនប្រជាពលរដ្ឋ ដែលបានរងការខូចខាត់ដោយខ្យល់កន្ត្រាក់នោះ។ ករណីខ្យលកន្ត្រាក់ តែងតែកើតមានជាញឹកញាប់ក្នុងភូមិសាស្ត្រខេត្តបន្ទាយមានជ័យ ហើយ កងកម្លាំងអន្តរាគមន៍របស់ កងពលតូចថ្មើរជើងលេខ៥១ តែងតែត្រៀងលក្ខណៈជាមុនរាល់ពេលមានភ្លៀងលាយឡំជាមួយ និងខ្យល់កន្ត្រាក់ គឺកម្លាំង តាមបណ្តាអង្គភាពចំណុះកងពល តែងតែចុះត្រួតពិនិត្យលំនៅដ្ឋានប្រជាពលរដ្ឋ ក្នុងតំបន់ឈរជើងនីមួយៗ ដើម្បីជួយសង្គ្រោះបានទាន់ពេលវេលា។ អំណោយស័ង្គសីដែលក្រុមការងារយកមកជួសជុលដំបូលផ្ទះខូចខាតដោយខ្យលកន្ត្រាក់នាពេលនោះ គឺជាអំណោយឧបត្ថម្ភផ្ទាល់របស់ លោកឧត្តមសេនីយ៍ឯក ហ៊ុន ម៉ាណែត និងលោកស្រី ទៅកាន់កងពលតូចថ្មើរជើងលេខ៥១ ដើម្បីត្រៀមលក្ខណៈបម្រុងទុកសម្រាប់ប្រើប្រាស់ជួយជួសជុល ឬសាងសង់ផ្ទះ ទៅដល់គ្រួសារទ័ព និងប្រជាពលរដ្ឋ ជួបការលំបាក ឫក៏ក្នុងករណីរងគ្រោះដោយខ្យល់កន្ត្រាក់ដូចជាពេលនេះផ្ទាល់ផងដែរ។ យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម ថ្ងៃទី១០វិច្ឆិកា…