សៀមរាប៖ អង្គសិក្ខាសាលា ស្តីពីការផ្សព្វផ្សាយដាក់ឲ្យដំណើរការគម្រោងជំនាញដើម្បីភាពជោគជ័យ បានរៀបចំសិក្ខាសាលានេះឡើងដោយអង្គការភ្លែនអន្តរជាតិកម្ពុជានៅសាលាខេត្ត នាថ្ងៃទី១០ខែវិច្ឆិកាឆ្នាំ២០២០ លោក នាក់ ណេរ៉ុណ អភិបាលរងខេត្ត និងជាតំណាងដ៍ខ្ពង់ខ្ពស់ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប មានប្រសាសន៍ថា៖ គម្រោងជំនាញដើម្បីភាពជោគជ័យមានគោលបំណងចម្បងពីរគឺគាំទ្រប្រព័ន្ឋអប់រំបណ្តុះបណ្តាលបច្ចេកទេស និងវិជ្ជាជីវៈឲ្យកាន់តែប្រសើរឡើង និងបង្កើតឱកាសទទួលបានការងារសមរម្យ និងបង្កើនប្រាក់ចំណូលដល់យុវជនទាំងបុរស និងស្ត្រីដែលងាយរងគ្រោះ ជាពិសេសអ្នកដែលមានកម្រិតជំនាញនៅទាប ហើយដើម្បីសម្រេចនូវគោលបំណងខាងលើ ទាមទារការអភិវឌ្ឍគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) ប្រកបដោយកិច្ចសហការ និងភាពគ្រប់ជ្រុងជ្រោយ និងជំរុញវិធីសាស្រ្តនវានុវត្តន៍សម្រាប់ការអភិវឌ្ឍជំនាញ និងស្វែងរកដំណោះស្រាយលើបញ្ហាជាមូលដ្ឋាននៅក្នុងទីផ្សារការងារ ជាមួយនឹងការបណ្តុះបណ្តាលជំនាញបច្ចេកទេស និងវិជ្ជាជីវៈសម្រាប់យុវជនដែលងាយរងគ្រោះ ដោយផ្តល់ការបណ្តុះបណ្តាលប្រកបដោយគុណភាពនូវជំនាញបច្ចេកទេសមានជាអាទិ៍ ជំនាញស្នូល ជំនាញទន់ សហគ្រិនភាពហើយភ្ជាប់ពួកគេទៅនឹងការងារដែល ទទួលបានប្រាក់ឈ្នួល ឬ ប្រកបមុខរបរដោយខ្លួនឯង។ លោក បានលើកឡើងថា៖ ដើម្បីឲ្យគម្រោងជំនាញដើម្បីភាពជោគជ័យ ទទួលបានលទ្ធផលល្អប្រសើរ យើងត្រូវចូលរួមសហការ និងផ្តល់នូវមុខជំនាញដែលមានតម្រូវការទីផ្សារទៅអ្នកផ្តល់ការបណ្តុះបណ្តាល ដែលមានអង្គការភ្លែនអន្តរជាតិ សមាគមបណ្តុះកុមារ និងវិទ្យាស្ថានពហុបច្ចេកទេសភូមិភាគតេជោសែនសៀមរាប និងអាជ្ញាធរមូលដ្ឋាននៅថ្នាក់ស្រុក សង្កាត់ /ឃុំ ភូមិ ត្រូវចូលរួមសហការ ក្នុងការផ្សព្វផ្សាយ រួមទាំងការជ្រើសរើសក្រុមយុវជនឲ្យសមស្របតាមលក្ខណៈវិនិច្ឆ័យរបស់គម្រោង។  លោក…

ភ្នំពេញ៖ បុរស៣នាក់បានជិះម៉ូតូឌុបគ្នាមិនគោរពភ្លេីងស្ទុបបានជ្រុលទៅបុករថយន្ត Lexus LX570 ចំក្បាលរថយន្តចំហៀងខាងស្ដាំពេញទំហឹង  បណ្ដាលឲ្យរបួសធ្ងន់ទាំង៣នាក់ ត្រូវបានរថយន្តសាមុយដឹកបញ្ជួនទៅកាន់មន្ទីពេទ្យភ្លាមៗ។ ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១១ និង៤០នាទីយប់ ថ្ងៃទី៨ ខែវិច្ឆិកា ឆ្នាំ ២០២០  នៅត្រង់ចំណុចស្ទុបអាងទឹកអូឡាំពិក តាមបណ្ដោយផ្លូវមុនីរ៉េត កែងផ្លូវព្រះសីហនុ ក្នុងសង្កាត់ទួលស្វាយព្រៃ ២ ខណ្ឌបឹងកេងកង  រាជធានីភ្នំពេញ។ យោងតាមសម្ដីបុរសម្នាក់មិនសញ្ចេញឈ្មោះ ដែលជាម្ចាស់រថយន្ត Lexus Lx570 ពណ៌ខ្មៅ ពាក់ស្លាកលេខភ្នំពេញ 2Y-5455 បានបង្ហេីបប្រាប់ថា រូបគាត់បេីករថយន្តតាមបណ្ដោយផ្លូវ២១៥ រួចបំណងឆ្លងស្ទុបអាងទឹកអូឡាំពិក មកកផ្លូវព្រះសីហនុ  ខណៈឆ្លងដល់កណ្ដាលស្ទុប ស្រាប់តែមានបុរស៣នាក់ជិះម៉ូតូវីវ៉ា ពណ៌ខ្មៅ ពាក់ស្លាកលេខភ្នំពេញ 1R-9870 ឌុបគ្នាតាមបណ្ដោយផ្លូវមុនីរ៉េត ទិសដៅពីត្បូងមកជេីងក្នុងល្បឿនលឿន ហេីយមិនគោរពស្ទុបផងដែរ ក៏បានបុករថយន្ត Lexus Lx570 របស់បុរសខាងលេីចំពីក្បាលរថយន្តចំហៀងខាងស្ដាំពេញទំហឹង បណ្ដាលឲ្យបុរស៣នាក់ភាគីខាងម៉ូតូរងរបួសធ្ងន់  ចំណែករថយន្ត និងម៉ូតូរងការខូចខាត ទាំងសងខាង។ ក្រោយកេីតហេតុ ភ្លាមៗ បុរសទាំង៣នាក់ខាងលេីត្រូវបានរថយន្តសាមុយមកដឹកយកទៅកាន់មន្ទីពេទ្យដេីម្បីសង្គ្រោះអាយុជីវិត  ចំណែកភាគីរថយន្ត Lexus 570ខាងលេីក៏មិនបានគេចខ្លួនទៅណាដែរ  រហូតសមត្ថកិច្ចមូលដ្ឋាន និងជំនាញចរាចរណ៍ចុះមកដល់កន្លែងកេីតហេតុក៏ប្រគល់រថយន្តខ្លួនឲ្យជំនាញធ្វេីការវាស់វែងយកទៅរក្សាទុកជាមួយម៉ូតូខាងលេី …

ភ្នំពេញ៖ ជនជាតិចិនម្នាក់រួមដំណើរ និងជនជាតិចិនម្នាក់ទៀតបើករថយន្តស៊េរីទំនើប KIAមួយគ្រឿងឆ្លងផ្លូវទៅបុកនឹងម៉ូតូMSXមួយគ្រឿងជិះដោយប្រុសស្រី២នាក់ពេញទំហឹងបណ្ដាលឲ្យរងរបួសធ្ងន់ស្រាល។ ហេតុការណ៍នេះកើតឡើងកាលពីវេលាម៉ោង០១ យប់រំលងអធ្រាត្រឈានចូលថ្ងៃទី០៩ ខែវិច្ឆិកា ឆ្នាំ២០២០ ស្ថិតនៅខាងកើតរង្វង់មូលចមចៅប្រមាណជាង ១០០ ម៉ែត្រតាមបណ្តោយផ្លូវសហព័ន្ធរុស្ស៊ី ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសជនជាតិចិន ពីរនាក់បើករថយន្តស៊េរីទំនើបម៉ាកKIAមួយគ្រឿងពណ៌ខ្មៅពាក់ស្លាកលេខភ្នំពេញ2AW-8228ធ្វើដំណើរតាមបណ្ដោយផ្លូវបេតុងក្នុងទិសដៅពីជើងទៅត្បូង លុះមកដល់ចំណុចកើតហេតុខាងលើកែងនឹងផ្លូវសហព័ន្ធរុស្ស៊ីជ្រុលទៅបុកម៉ូតូមួយគ្រឿងម៉ាកMSXពណ៌ក្រហមពាក់ស្លាកលេខភ្នំពេញ1HP-0107 ជិះដោយបុរសម្នាក់ និងស្ត្រីម្នាក់ទៀតធ្វើដំណើរតាមបណ្ដោយផ្លូវសហព័ន្ធរុស្ស៊ីទិសដៅពីកើតទៅលិចពេញទំហឹងបណ្ដាលឲ្យខ្ទាតម៉ូតូជាច្រើនម៉ែត្រ ចំណែកជនរងគ្រោះផ្លោងបោកនឹងថ្នល់បណ្ដាលឲ្យស្ត្រីម្នាក់រងរបួសធ្ងន់ចំណែកបុរសម្នាក់ទៀតរងរបួសស្រាល។ភ្លាមៗនោះរថយន្តសង្គ្រោះបន្ទាន់បានមកដឹកជនរងគ្រោះយកទៅសង្គ្រោះនៅឯមន្ទីរពេទ្យ។ ក្រោយកើតហេតុសមត្ថកិច្ចមូលដ្ឋានបានចុះមកដល់បានឲ្យភាគីទាំងសងខាងធ្វើការសម្របសម្រួលគ្នាអស់រយៈពេលជាង១ម៉ោង ទើបខាងភាគីរថយន្តបានចេញសំណងទៅឲ្យខាងភាគីម៉ូតូដើម្បីបញ្ចប់រឿងនៅនឹងកន្លែងកើតហេតុ៕ដោយ៖  ជីម ភារ៉ា