ភ្នំពេញ៖ អ្នកជំនាញអចលនទ្រព្យបានព្យាករណ៍ពីការកើនឡើងនៃតម្រូវការប្រើប្រាស់ដីធ្លីនៅតាមបណ្តោយ​ផ្លូវក្រវាត់ក្រុងទី៣ ដែលទើបសម្ពោធដាក់ឱ្យប្រើប្រាស់កាលពីចុងឆ្នាំមុនក្នុងរាជធានីភ្នំពេញ។ ផ្លូវនេះបានជំរុញសកម្មភាពសេដ្ឋកិច្ច និងការអភិវឌ្ឍន៍មួយចំនួន ដែលរំពឹងថា នឹងផ្តល់ប្រយោជន៍លើសពីការដឹកជញ្ជូន និងការធ្វើដំណើរចេញ-ចូលទីក្រុង។ បច្ចុប្បន្នលើកំណាត់ផ្លូវក្រវាត់ក្រុងដែលភ្ជាប់ពីផ្លូវឈ្នះ ឈ្នះ ឬគេនិយមហៅថា ផ្លូវទំនប់កប់ស្រូវភ្ជាប់ទៅស្ពានអាកាសជម្ពូវ័ន្តលើផ្លូវជាតិលេខ៤ និងបន្តរហូតដល់ផ្លូវជាតិលេខ៣ មានត្រៀមដីសម្រាប់អភិវឌ្ឍន៍សំណង់លំនៅឋានខ្លះដែរ ហើយក្នុងនោះក៏ឃើញមានអាជីវកម្មមួយចំនួន ដូចជា ភោជនីយដ្ឋាន  អាហារដ្ឋាន ឃ្លាំងស្តុកទំនិញ ថ្មីៗទៀតចាប់ផ្ដើមលេចរូបរាងជាបន្តបន្ទាប់។ លោក ប៉ូ អ៊ាវគង់ អគ្គនាយក ក្រុមហ៊ុន អចលនទ្រព្យ Advance និយាយថា នៅតាមបណ្ដោយផ្លូវក្រវាត់ក្រុង មានតំបន់ប៉ែកខាងលិចឆៀងខាងត្បូងគឺជាតំបន់ដែលមានសក្ដានុពល សម្រាប់អភិវឌ្ឍជាពិសេសឃ្លាំងស្តុកទំនិញមុននិងក្រោយផលិត ព្រោះទីតាំង នោះសម្បូរទៅដោយ រោងចក្រ និងសហគ្រាស។ ចំណែកតំបន់ប៉ែកខាងត្បូង  និងខាងកើតវិញ លោកប៉ូ អ៊ាវគង់ លើកឡើងថា  វាជាតំបន់ដែលនឹងមាន តម្រូវការដីលំនៅឋាន  ទាំងសម្រាប់អ្នកមានចំណូលមធ្យម  និងបង្គួរ។ យ៉ាងណាក៏ដោយសន្ទុះកំណើនរំពឹងទុកនៅផ្លូវក្រវាត់ក្រុងនេះ មិនឆ្លុះបញ្ចាំងពីវិស័យអចលទ្រព្យទាំងមូលនោះទេ។ ទស្សនវិស័យ និងទិសដៅការងារឆ្នាំ២០២៤ របស់ធនាគារជាតិនៃកម្ពុជា បានព្យាករថា  វិស័យសំណង់ និងអចលនទ្រព្យ នឹងបន្តមានកំណើនទាបនៅឆ្នាំនេះ ហើយថា ការងើបឡើងយ៉ាងទន់ខ្សោយនៃវិស័យសំណង់…

ភ្នំពេញ៖ ក្រុមហ៊ុនធំមួយរបស់ចិនដែលមានមូលដ្ឋាននៅខេត្តគ័ងស៊ីកំពុងចរចាទិញគ្រាប់ស្វាយចន្ទីក្រៀមចំនួន ២០ ម៉ឺនតោនពីប្រទេសកម្ពុជាសម្រាប់ឆ្នាំ២០២៥។ នេះបើយោងតាមសមាគមស្វាយចន្ទីកម្ពុជា។ លោក អួន ស៊ីឡុត ប្រធានសមាគមស្វាយចន្ទីកម្ពុជាបានឱ្យដឹងនៅថ្ងៃព្រហស្បតិ៍នេះថា គ្រាប់ស្វាយចន្ទីក្រៀមដែលក្រុមហ៊ុនចង់ចិនចង់ទិញពីកម្ពុជានេះគឺសម្រាប់ផ្គត់ផ្គង់នៅក្នុងខេត្តគ័ងស៊ី។លោកថា ពេលនេះក្រុមប្រឹក្សាភិបាលរបស់ក្រុមហ៊ុន និង សមាគមរបស់លោក បានត្រៀមចរចាដើម្បីសម្រេចលើនីតិវិធីលើការដឹកជញ្ជូន មុននឹងឈានទៅដល់ការចុះកុងត្រា។ ចំពោះតម្លៃ លោក អួន ស៊ីឡុត បញ្ជាក់ថា ផ្អែកទៅតាមតម្លៃទីផ្សារ។ បច្ចុប្បន្នគ្រាប់ស្វាយចន្ទីក្រៀម ឬស្ងួតមានតម្លៃ ជាង ១៦០០ ដុល្លារក្នុងមួយតោន។ កាលពីខែមេសាកន្លងទៅនេះ គ្រាប់ស្វាយចន្ទីសើមមានតម្លៃ ៥០០០រៀល ក្នុង១គីឡូក្រាម។ គួរបញ្ជាក់ដែរថា នៅក្នុងរយៈពេលបីខែ ដើមឆ្នាំ២០២៤នេះ  កម្ពុជាផលិតគ្រាប់ស្វាយចន្ទីឆៅបានជាង ៤៧ម៉ឺន៤ពាន់តោន ដោយក្នុងនោះបាននាំចេញទៅប្រទេសវៀតណាមចំនួន  ៤២៤.០០០តោន គិតជាទឹកប្រាក់  ៥៤៣លានដុល្លារ  ។ នេះបើតាមការឱ្យដឹងពីប្រធានសមាគមស្វាយចន្ទីកម្ពុជា។ បើគិតពេញមួយឆ្នាំ ២០២៣ កម្ពុជានាំចេញគ្រាប់ស្វាយចន្ទីឆៅទៅទីផ្សារអន្តរជាតិចំនួន ៦៥៦.០០០ មតោន ថយចុះ ៧.៦ភាគរយគិតជាទឹក ប្រាក់ ចំនួន ៨៣៧ លានដុល្លារបើប្រៀបធៀបឆ្នាំ២០២២។ ទោះយ៉ាងណាបញ្ហាប្រឈមធំបំផុតមួយរបស់កម្ពុជាគឺការនាំចេញភាគច្រើននៅពេលនេះជាគ្រាប់ស្វាយចន្ទីមិនទាន់កែច្នៃ និងក្នុងតម្លៃទាបនៅឡើយដោយសារខ្វះកន្លែងសម្រាប់សម្ងួត និងខ្វះឃ្លាំងស្តុកទុក…

ភ្នំពេញ៖ ដោយមានកិច្ចសហការជាមួយមជ្ឈមណ្ឌលកសិកម្ម និងជីវវិទ្យាអន្តរជាតិ (CABI) នាយកដ្ឋានការពារដំណាំ អនាម័យ និងភូតគាមអនាម័យនៃអគ្គនាយកដ្ឋានកសិកម្ម បានរៀបចំកិច្ចប្រជុំបញ្ចប់គម្រោងជំរុញសុវត្ថិភាពចំណីអាហារខ្សែច្រវាក់តម្លៃដំណាំម្រេច និងការបើកទីផ្សារក្នុងប្រទេសវៀតណាម ឡាវ និងកម្ពុជា របស់កម្មវិធី STDF (STDF/PPG/619) នាសណ្ឋាគារហ៊ីម៉ាវ៉ារី ។ កិច្ចប្រជុំនេះប្រព្រឹត្តរយៈពេលពីរថ្ងៃ គឺចាប់ពីរសៀលថ្ងៃទី២០ ដល់ថ្ងៃទី២១ ខែឧសភា ឆ្នាំ២០២៤ ក្រោមវត្តមាន លោកបណ្ឌិត កែ មុនធីវុធ ប្រធាននាយកដ្ឋានការពារដំណាំ អនាម័យ និងភូតគាមអនាម័យ។ គោលបំណងសំខាន់របស់គម្រោង គឺ ដើម្បីបង្កើនប្រាក់ចំណូលរបស់កសិករដាំដុះដំណាំម្រេច តាមរយៈការលើកកម្ពស់គុណភាពនិងសុវត្ថិភាពផលិតកម្មដំណាំម្រេចឱ្យស្របតាមស្តង់ដារអន្តរជាតិ ការចរចារបើកទីផ្សារ និងការជំរុញការនាំចេញផលិតផលម្រេចពីប្រទេសកម្ពុជាទៅកាន់ទីផ្សារអន្តរជាតិ ជាពិសេសទីផ្សាររបស់ប្រទេសចិន អឺរ៉ុប ជប៉ុន និងអាមេរិកជាដើម។ ទន្ទឹមនឹងនេះ គម្រោងក៏បានធ្វើការយ៉ាងជិតស្និតជាមួយក្រុមហ៊ុននាំចេញម្រេច និងសហគមន៍កសិកម្មដំណាំម្រេច តាមរយៈការកសាងសមត្ថភាព ដោយមានការរៀបចំឯកសារបច្ចេកទេស ការរៀបចំវគ្គបណ្តុះបណ្តាល ការកសាងសមត្ថភាពពាក់ព័ន្ធនឹងការគ្រប់គ្រងសមាសភាពចង្រៃ ការបំពេញលក្ខខណ្ឌតម្រូវភូតគាមអនាម័យក្នុងការនាំចេញម្រេច ការអនុវត្តគោលការណ៍នៃការអនុវត្តកសិកម្មល្អកម្ពុជា ព្រមទាំងគោលការណ៍ PGS។ សូមបញ្ជាក់ផងដែរថា ប្រទេសកម្ពុជាត្រូវបានជ្រើសរើសជាប្រទេសសាកល្បងក្នុងការអនុវត្តគម្រោងខាងលើ (Pilot Country) ដោយបានដំណើរការអនុវត្តចាប់ពីខែតុលា ឆ្នាំ២០២០…

ភ្នំពេញ៖ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន នៅក្នុងជំនួបជាមួយអ្នកសារព័ត៌មាន នៅព្រឹកថ្ងៃចន្ទ ទី២០ ខែឧសភា ឆ្នាំ២០២៤ បានលើកឡើងថា ក្រសួងបរិស្ថានការរៀបចំតាំងពិព័រណ៍ និងចែកកូនឈើ ក្រោមមូលបទ«ពន្លកបៃតង» ចាប់ពីថ្ងៃទី១០-១៦ ខែកក្ដដា ខាងមុខនេះ ដោយមានការដាក់តាំងបង្ហាញនូវដើមឈើជាច្រើនប្រភេទ ចំនួនជាង ១លានដើម ដើម្បីចែកជូនប្រជាសហគមន៍ ដាំលើផ្ទៃដីសឹករិចរិល នៅតាមផ្លូវសាធារណៈ សាលារៀន វត្តអារាម និងតាមតំបន់ផ្សេងៗទៀតនៅក្នុងមូលដ្ឋានរស់នៅរបស់ប្រជាពលរដ្ឋ ទូទាំងប្រទេសកម្ពុជា។ បើតាមប្រសាសន៍របស់ ឯកឧត្ដមបណ្ឌិត អ៊ាង សុផល្លែត ពិព័រណ៍និងចែកកូនឈើ «ពន្លកបៃតង» គឺព្រឹត្តិការណ៍ជាប្រវត្តិសាស្ត្រ រៀបចំឡើងស្របតាមយុទ្ធសាស្ត្រចក្រាវិស័យបរិស្ថាន ក្នុងគោលបំណងប្រែក្លាយសក្តានុពលវិស័យបរិស្ថាន ឱ្យទៅជាឧត្តមប្រយោជន៍ពិតជាក់ស្តែង សម្រាប់ប្រទេសជាតិ និងប្រជាជនកម្ពុជាគ្រប់ជំនាន់។ ឯកឧត្តមបណ្ឌិតរដ្ឋមន្រ្តី បានបញ្ជាក់ថា កម្ពុជាបាននឹងកំពុង តែមានភាពល្អប្រសើរ និងទទួលបានជោគជ័យ លើការកាត់បន្ថយប្រើប្រាស់ប្លាស្ទិក ដោយមានអ្នកចូលរួមចំនួនជាង ៨ លាន/អង្គនាក់ បានបេ្ដជ្ញា«ថ្ងៃនេះ ខ្ញុំមិនប្រើថង់ប្លាស្ទិក» បើគិតចាប់ពីថ្ងៃទី០១ ខែកញ្ញា ឆ្នាំ២០២៣ មកដល់ពេលបច្ចុប្បន្ននេះ។ ឯកឧត្ដមបណ្ឌិត…

 ភ្នំពេញ៖ កម្ពុជាកំពុងប្រឈមនឹងបញ្ហាផ្នែកហិរញ្ញវត្ថុ ដោយបំណុលរបស់រដ្ឋាភិបាលបានបន្តកើនឡើងដល់ ១១ ៥០០លានដុល្លារអាមេរិកត្រឹមដំណាច់ឆ្នាំ ២០២៣ ពី ១០ ២៨០លានដុល្លារ កាលពីឆ្នាំ២០២២ ពោលគឺកើនឡើងចំនួន ១១,៨ភាគរយ។ នេះបើយោងតាមទិន្នន័យចុងក្រោយរបស់ធនាគារជាតិនៃកម្ពុជា។ របាយការណ៍ស្តីពីស្ថានភាពស្ថិរភាពហិរញ្ញវត្ថុឆ្នាំ ២០២៣ របស់ធនាគារជាតិនៃកម្ពុជាដែលចេញផ្សាយនៅថ្ងៃច័ន្ទនេះ បានបង្ហាញទៀតថា ចាប់ពីឆ្នាំ ២០២០ ដល់ឆ្នាំ ២០២៣ ក្នុងអំលុងនៃជំងឺរាតត្បាតកូវីដ១៩ ការចំណាយរបស់ប្រទេសកម្ពុជាបានកើនលើសចំណូលជាបន្តបន្ទាប់។ នៅឆ្នាំ ២០២៣ ចំណាយរបស់រដ្ឋមានចំនួន ៧ ២០០លានដុល្លារ កើនឡើងជិត១០ភាគរយធៀបនឹងឆ្នាំ ២០២២ ខណៈដែលការប្រមូលចំណូលបានធ្លាក់ចុះ ៤,៧ភាគរយ មកត្រឹម ៦ ១០០លានដុល្លារ។ ពោលគឺ ចាយលើសចំណូលជិត១ ០០០ លានដុល្លារ។ ការណ៍នេះបានរុញឱនភាពថវិកាកើនដល់ ២,៦ភាគរយ នៃផលិតផលក្នុងស្រុកសរុប ឬ GDP របស់កម្ពុជា ពីត្រឹម ០,៤ភាគរយ នៅឆ្នាំ២០២២។ ធនាគារជាតិនៃកម្ពុជា បានចង្អុលបង្ហាញពីការធ្លាក់ចុះនៃការប្រមូលពន្ធ ចំពេលមានការថយចុះនៃសកម្មភាពសេដ្ឋកិច្ចក្នុងវិស័យមួយចំនួន និងការថយចុះនៃពន្ធគយដោយសារការនាំចូលទាប រួមជាមួយនឹងការកើនឡើងនៃការចំណាយទាក់ទងនឹងការរៀបចំកីឡា SEA Game និង ASEAN…

ភ្នំពេញ៖ របាយការណ៍ ផ្លូវ ការ បង្ហាញថា កំណើន ឥណទាន ក្នុង វិស័យធនាគារ «មាន ការ ធ្លាក់ចុះ យ៉ាង ខ្លាំង» ប៉ុន្តែ ប្រព័ន្ធធន គារ គម្ពុជា «នៅ បន្ត» រីក ចម្រើន នៅឡើយ។ នៅ ក្នុង សិក្ខា សាលា មួយ នៅថ្ងៃ ចន្ទនេះ ធនាគារជាតិ បានបង្ហាញ ក្នុង របាយការណ៍ របស់ ខ្លួនថា «កំណើនប្រាក់កម្ចីបានធ្លាក់ចុះ» ១៤,៨ ភាគរយ ចន្លោះ ពីឆ្នាំ២០២២ ដល់ ឆ្នាំ ២០២៣។ ការ ធ្លាក់ ចុះ នេះ ដោយសារ អត្រា ការ ប្រាក់ ខ្ពស់ បង្កើន កម្រិត…

ភ្នំពេញ៖ រាជរដ្ឋាភិបាលកម្ពុជានាពេលថ្មីៗនេះ បានផ្តួចផ្តើមឲ្យបង្កើតតំបន់សេដ្ឋកិច្ចពិសេសមួយសម្រាប់តែក្រុមហ៊ុនកូរ៉េ ដែលរំពឹងថានឹងជួយជំរុញវិនិយោគិនកូរ៉េដែលកំពុងបណ្តាញក់ទុននៅកម្ពុជាស្រាប់ឱ្យបង្កើនទុនវិនិយោគ និងទាក់ទាញក្រុមហ៊ុនកូរ៉េថ្មីៗផ្សេងទៀតឲ្យមកកម្ពុជា។ ឯកឧត្តម តាន់ ហ្សង់ហ្វ្រង់ស្វ័រ រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការបរទេស បាននិយាយក្នុងសន្និសិទកាសែតកាលពីថ្ងៃអាទិត្យថា យន្ដការពិគ្រោះយោបល់ទៀងទាត់មួយរវាងក្រុមប្រឹក្សាអភិវឌ្ឍន៍កម្ពុជា (CDC )និងស្ថានទូតកូរ៉េ នឹងត្រូវបង្កើតឡើងដើម្បីសម្របសម្រួលប្រតិបត្តិការនានា ឈានទៅរកការបង្កើតតំបន់សេដ្ឋកិច្ចពិសេសនេះ។ ដោយឡែក សម្រាប់ពេលវេលាជាក់លាក់នៃការបង្កើតតំបន់សេដ្ឋកិច្ចពិសេសរបស់កូរ៉េនៅកម្ពុជានេះ គឺនៅមិនទាន់អាចកំណត់បាននៅឡើយទេ ដោយឯកឧត្តម តាន់ ហ្សង់ហ្វ្រង់ស្វ័រ បានគូសបញ្ជាក់ថា រដ្ឋាភិបាលនឹងផ្ដល់អាទិភាពឱ្យ CDC និងស្ថានទូតកូរ៉េ បានជជែកពិភាក្សាគ្នាជាមុនសិន។ ឆ្លើយតបទៅនឹងគំនិតផ្តួចផ្តើមនេះ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានលើកឡើងថា ការមានតំបន់សេដ្ឋកិច្ចពិសេសកាន់តែច្រើន នឹងធ្វើឱ្យសេដ្ឋកិច្ចប្រទេសមួយអាចរីកចម្រើនបានលឿន។ លោកបញ្ជាក់ថា តំបន់សេដ្ឋកិច្ចពិសេសអាចជួយសម្រួលដំណើរការរត់ឯកសាររបស់វិនិយោគិន ព្រមទាំងការដឹកជញ្ជូនផ្សេងៗ បូករួមជាមួយនឹងការអនុគ្រោះជាច្រើនផ្សេងទៀត។ គួរសម្គាល់ថា សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ ឈរលើលេខរៀងទី១១ ក្នុងឆ្នាំ២០២៣កន្លងមកនេះ។ ការវិនិយោគផ្ទាល់ពីកូរ៉េមកកម្ពុជាមានចំនួនជាង ៤០០លានដុល្លារនៅឆ្នាំ ២០២៣ ឈរលេខរៀងទី២បន្ទាប់ពីប្រទេសចិន។ ក្រៅពីតំបន់សេដ្ឋកិច្ចពិសេសកូរ៉េ កម្ពុជាក៏កំពុងស្ថិតក្នុងដំណាក់កាលបង្កើតតំបន់សេដ្ឋកិច្ចពិសេសសម្រាប់វិនិយោគគិនកូរ៉េ និងតំបន់សេដ្ឋកិច្ចដោយឡែកមួយទៀតសម្រាប់ វិនិយោគិនចិនផងដែរ។ បច្ចុប្បន្ន តំបន់សេដ្ឋកិច្ចពិសេសដែលកំពុងដំណើរការនៅកម្ពុជាមានចំនួន ២៤ ជាមួយនឹងគម្រោងវិនិយោគ ៥៦១ គម្រោង…