ភ្នំពេញ:​ មានរោងចក្រចំនួនប្រាំបានបិទទ្វារ នៅក្នុងត្រីមាសទី១ ឆ្នាំ ២០២៤នេះ ស្របពេលដែលការបង្កើតថ្មីមានចំនួនជាង ៤០រោងចក្រ ។ ឯកឧត្តម ហេង សុខគង់ អ្នកនាំពាក្យក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានប្រាប់ទូរទស្សន៍អប្សរាដូច្នេះនៅថ្ងៃអង្គារនេះ។ ប៉ុន្តែ មន្រ្តីជាន់ខ្ពស់រូបនេះ មិនទាន់បានបញ្ជាក់ពីចំនួនដែលកម្មករ កម្មការិនី បាត់បង់ការងារ និងឈ្មោះរោងចក្រដែលបិទទ្វារនៅឡើយ។ ទោះយ៉ាងណា ឯកឧត្តម កត្តា អ៊ន រដ្ឋលេខាធិការក្រសួងការងារ និងបណ្តុះ បណ្តាល វិជ្ជាជីវៈបានប្រាប់ទូរទស្សនអប្សរាថា ដំណោះស្រាយករណីរោងចក្របិទទ្វារ ក្រសួងត្រូវអនុវត្តច្បាប់ការងារ ដើម្បីធានាប្រាក់ឈ្នួល ប្រាក់ដំណាច់ និងអត្ថប្រយោជន៍ជូនកម្មករ និយោជិត។កាលពីឆ្នាំ២០២៣ មានរោងចក្រជិត១០០ បានបិទទ្វារ ហើយថ្មីៗនេះ ក៏មានការផ្ទុះការតវ៉ាពីការបិទរោងចក្រដោយគ្មានសំណង តែក្រោយមកត្រូវបានអន្តរាគមន៍ដោះស្រាយដោយក្រសួងការងារ។ គិតត្រឹមខែមេសាឆ្នាំ ២០២៤ រោងចក្រចំនួន២១០០ កំពុងដំណើរការនៅទូទាំងប្រទេស និងមានកម្មករកំពុងធ្វើការចំនួនជាង ១,៥លាននាក់។ លោក ឡោ វិចិត្រ អនុប្រធានសមាគមពាណិជ្ជកម្មកម្ពុជា ចិន និយាយថា ទោះមានរោងចក្របិទខ្លះ តែនៅតែជាសញ្ញាល្អដែលមានរោងចក្របន្តបើកថ្មី។…

ភ្នំពេញ:​ ហាងទិញ-លក់ គ្រឿងអលង្ការកាន់តែច្រើននៅរាជធានីភ្នំពេញប្រកាសមិនទទួលទិញគ្រឿងមាសពេជ្រ ផ្លាកទីន ពីពលរដ្ឋ ឬអតិថិជនដែលទិញក្រៅពីហាងខ្លួន ។ពោលគឺ ពួកគេទិញយកវិញតែចំពោះគ្រឿងណាដែលភ្ញៀវទិញពីហាងរបស់ពួកគេប៉ុណ្ណោះ។ហាងមាសពេជ្រ ទីមង្គល ជាហាងធំមួយនៅកណ្តាលក្រុងភ្នំពេញ។ ថ្មីៗនេះ ហាងនេះប្រកាសជាសាធារណៈឈប់ទទួលទិញគ្រឿងមាស ផ្លាកទីន ដែលអតិថិជនទិញពីហាងដទៃ។ លោក ទី មង្គល ជាម្ចាស់ហាងបានប្រាប់ទូរទស្សន៍អប្សរាថា ពីមុនលោកទិញចូលធម្មតា តែពេលនេះលោកឈប់ទទួលទិញដោយសារពិបាកក្នុងការផ្តល់តម្លៃ និងមិនអាចតម្រូវចិត្តអតិថិជនបាន។ ខុសពី ហាង ទីមង្គល ហាងលក់មាសពេជ្រ បុប្ឋាគន្ធ ដ៏ល្បីល្បាញដែលមានបីទីតាំងនៅរាជធានីភ្នំពេញ ម្ចាស់ហាងបានប្រាប់ទូរទស្សន៍អប្សរាថា ពួកគេមិនទទួលទិញដោយសារបញ្ហាគុណភាព។ ក្រៅពីហាងទំាងពីរខាងលើ នៅមានហាងមាសពេជ្រច្រើនផ្សេងទៀតដែលធ្វើបែបនេះដូចគ្នា ដែលខុសពីពេលមុន អតិថិជនអាចទិញលក់គ្រឿងមាសពេជ្រនៅហាងណាក៏បាន គ្រាន់តែថា បើលក់នៅហាងផ្សេងពីហាងដែលបានទិញ ពួកគេខាតច្រើនជាងបន្តិច។ ប៉ុន្តែ ការទិញលក់បានប្រែប្រួល ក្រោយពីហាងគ្រឿងអលង្កាមួយចំនួនតូចបានដួលរលំ និងខ្លះក្នុងរូបភាពបោកប្រាស់លក់ពេជ្រក្លែងបន្លំ។ ជាក់ស្តែង កាលពីឆ្នាំមុន ផ្ទុះការតវ៉ាស្វែងរកយុត្តិធម៌ក្រោយពេលហាងពេជ្រខ្លះបានក្ស័យធន គ្មានប្រាក់ទិញគ្រឿងចូលវិញ។ លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា លើកឡើងថា នេះជាការខាត់បង់សម្រាប់ពលរដ្ឋជាអតិថិជន ប៉ុន្តែ មិនមានផលប៉ះពាល់ទៅលើសេដ្ឋកិច្ចជាតិ ឬប៉ះខ្លាំងលើវិស័យគ្រឿងអលង្ការទេ។ លោកថា បញ្ហានេះកើតមាននៅពេលតម្រូវការធ្លាក់ចុះ…

បន្ទាយមានជ័យ៖វិញ្ញាបនបត្រ និងបណ្ណសរសើរ ត្រូវបាន ប្រគល់ ជូនដល់សិស្សានុសិស្ស និងបុគ្គលិកសិក្សា នៃសាលា រៀនផី ឆឹង កាលពីចុងសប្ដាហ៍កន្លងទៅនេះ ។សាលាផី ឆឹង ជាសាលារៀនចំណេះទូទៅ និងភាសាចិន ភាសាអង់គ្លេស ស្ថិតនៅ ភូមិខ្លាកូន ចាស់ សង្កាត់កំពង់ស្វាយ ក្រុងសិរីសោភ័ណ។ ពិធីនេះប្រព្រឹត្តទៅក្រោមអធិបតីភាពឯកឧត្តម ឈើយ ចាន់ណា សមាជិកព្រឹទ្ធសភានិងជាឧត្តមទីប្រឹក្សាសមាគមខ្មែរ-ចិនខេត្តបន្ទាយ មានជ័យនិងចូលរួមដោយឯកឧត្តម អេង ប៊ុនឆាយ សមាជិកក្រុមប្រឹក្សាខេត្ត-ឧត្តមទីប្រឹក្សាសមាគម លោកឈូ ប៊ូនរឿង ប្រធាន មន្ទីរអប់រំ យុវជននិងកីឡាខេត្ត លោកស្រេង សុផល អភិបាលក្រុងព្រមទាំងភ្ញៀវកិត្តិយស ជាច្រើនទៀត។ក្នុងឱកាសនេះលោក ឈូ ប៊ូនរឿង បានលើកឡើងថា រាជរដ្ឋា ភិបាល ក្រសួងអប់រំ និងអ្នកជំនាញ បានផ្តល់ទស្សនាទានថា ដើម្បី អនាគត រុងរឿង កូនចៅប្រជាពលរដ្ឋមានតែស្វែង រក ចំណេះ ជំនាញមកដាក់ខ្លួន។ ឯកឧត្តម ឈើយ ចាន់ណា…

ភ្នំពេញ៖ TVS Motor (TVSM) ដែលជាក្រុមហ៊ុនផលិតម៉ូតូ និងម៉ូតូកង់បីរបស់ឥណ្ឌា ធំជាងគេបង្អស់នៅលើពិភពលោក នៅពេលថ្មីៗនេះ បានសម្ពោធក្រុមហ៊ុនចែកចាយលក់ម៉ូតូទំនើបជាផ្លូវការនៅលើទីផ្សារប្រទេសកម្ពុជា មានទីតាំងស្ថិតនៅសង្កាត់វាលវង់ ខណ្ឌ៧មករា ឬជិតផ្សារទំនើបអូឡាំព្យា រាជធានីភ្នំពេញ។ ក្រុមហ៊ុន TVS Motor (TVSM) បានចាប់ដៃគូជាមួយក្រុមហ៊ុន Silverline Global Venture Co. Ltd ដើម្បីក្លាយជាតំណាងចែកចាយម៉ូតូនាំមុខគេក្នុងប្រទេសកម្ពុជា។ ទន្ទឹមគ្នា ក្រុមហ៊ុនេះក៏បានដាក់សម្ពោធជាផ្លូវការ នូវបន្ទប់តាំងបង្ហាញ (Showroom) ថ្មីដំបូង សម្រាប់ដាក់តាំងបង្ហាញផលិតផលម៉ូតូនៅក្នុងទីក្រុងភ្នំពេញផងដែរ។ កន្លងមក ក្រុមហ៊ុន TVS Motor (TVSM) ធ្លាប់បានដាក់លក់ផលិតផលម៉ូតូកង់បីរបស់ខ្លួននៅកម្ពុជា អស់រយៈពេលជាច្រើនឆ្នាំមកហើយ។ ថ្លែងក្នុងពិធីនេះ លោក ជេ តាំងហ្គារ៉ាចាន់ (J. Thangarajan) អគ្គនាយកក្រុមហ៊ុន PT TVS Motor Company មានប្រសាសន៍ថា យើងរីករាយក្រៃលែង ក្នុងការពង្រីកទីផ្សារ នៅក្នុងប្រទេសកម្ពុជាឱ្យកាន់តែទូលំទូលាយ ដោយមានការគាំទ្រ និងភាពជឿទុកចិត្តពីអតិថិជន ជាពិសេសការចាប់ដៃគូជាមួយក្រុមហ៊ុន…

ភ្នំពេញ៖ ក្នុងរយៈពេលបីខែដើមឆ្នាំ ២០២៤នេះ អាកាសយានដ្ឋានអន្តរជាតិសៀមរាបអង្គរ បានភ្ជាប់ជើងហោះហើរត្រង់ទៅមករវាងប្រទេសចំនួនប្រាំបី រួមមាន វៀតណាម, ថៃ, ម៉ាឡេស៊ី, ឡាវ, សិង្ហបូរី, កូរ៉េខាងត្បូង និងចិន។ ការហោះហើរត្រង់នេះបានបង្កើនចំនួនជើងហោះហើរចូលព្រលានថ្មីនេះសរុប៤៤ជើង ក្នុងមួយថ្ងៃ និងមានភ្ញៀវទេសចរធ្វើដំណើរជាមធ្យមប្រហែល៤ ៥០០នាក់ ក្នុងថ្ងៃតែមួយ។ លោក ពេជ្រ សុប៉ុនតារា មន្ត្រីទទួលបន្ទុកផ្នែកអាកាសចរណ៍នៃអាកាសយានដ្ឋានអន្តរជាតិសៀមរាប-អង្គរ បានប្រាប់ទូរទស្សន៍អប្សរានៅថ្ងៃចន្ទនេះថា អាកាសយានដ្ឋានសៀមរាបគ្រោងពង្រីកជើងហោះហើរត្រង់ទៅប្រទេសចំនួន ៥បន្ថែមទៀត មានឥណ្ឌូនេស៊ី, ហ្វីលីពីន, មីយ៉ាន់ម៉ា, ព្រុយណេ, និងឥណ្ឌា។ នៅពេលនេះមន្ត្រីអាកាសចរកំពុងចរចារជាមួយក្រុមហ៊ុនដឹកអ្នកដំណើរតាមអាកាសធំៗដូចជា ក្រុមហ៊ុន Edmonton International Airport ដែលមានមូលដ្ឋាននៅ ប្រទេសកាណាដា និង។ ក្រុមហ៊ុន Jeju Air Co., Ltd. ដែលជាក្រុមហ៊ុនអាកាសចរណ៍មានតម្លៃទាបដំបូងគេ និងធំជាងគេរបស់កូរ៉េខាងត្បូង ជាដើម។ លោក ពេជ្រ សុប៉ុនតារា លើកឡើងថា ការហោះហើរត្រង់កាត់បន្ថយពេលធ្វើដំណើរ និងសន្សំថវិកាផងដែរ។ យ៉ាងណាក៏ដោយ លោក ធួន…

ភ្នំពេញ៖ នៅក្នុងខែមីនាតែមួយ កម្ពុជាមានរោងចក្រថ្មីសរុប៤២។ ក្នុងនោះរោងចក្រចំនួន ២២ បានបើកដំណើរការក្រោមទុនវិនិយោគសរុបជិត៦០លានដុល្លារ និងត្រូវរំពឹងថា នឹងបង្កើតឳកាសការងារថ្មីចំនួន១ម៉ឺនកន្លែង។  ចំណែករោងចក្រចំនួន ២០ផ្សេងទៀត ទើបទទួលបានអាជ្ញាបណ្ណ ពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍។ ឯកឧត្តម ហេង សុខគង់ អ្នកនាំពាក្យក្រសួងឧស្សាហកម្ម បានប្រាប់ទូរទស្សន៍អប្សរាថា នៅក្នុងចំណោម២២រោងចក្រដែលបានដាក់ឱ្យដំណើរការនេះ មានរោងចក្រផលិតសម្លៀកបំពាក់ច្រើនជាងគេចំនួន ៩ បន្ទាប់មករោងចក្រផលិតកាបូប វ៉ាលី ខ្សែក្រវ៉ាត់ ចំនួន ៤រោងចក្រ ក្រៅពីនេះ រោងចក្រផលិតតុក្តា និងប្រដាប់ក្មេងលេង រោងចក្រផលិតកេះកាតុង រោងចក្រផ្គុំបន្ទះសូឡា និងរោងចក្របោះពុម្ព វេចខ្ចប់ ជាដើម។ ប្រទេសដែលដាក់ទុនវិនិយោគច្រើនជាងគេលើវិស័យកម្មន្តសាលរោងចក្រនៅកម្ពុជា គឺប្រទេសចិន មានជាងមួយពាន់រោងចក្រ និងកោះតៃវ៉ាន់ជាង ២០០រោងចក្រ។ ចំណែក ហុងកុង កូរ៉េខាងត្បូង និងជប៉ុន ប្រដំប្រសងគ្នាដោយម្នាក់ៗកាន់កាប់ជាង៨០រោងចក្រ។ ថៃ វៀតណាម និងអាមេរិក តាមពីក្រោយប្រកៀកប្រកិតគ្នា។ បើគិតពេញមួយត្រីមាសទី១នៃឆ្នាំ ២០២៤ រោងចក្របង្កើតថ្មីមានចំនួន ១៧៨…

ភ្នំពេញ៖ ឧបនាយករដ្ឋមន្ត្រី សាយ សំអាល់ បានលើកឡើងថា កិច្ចប្រជុំកំពូលធុរកិច្ចអាស៊ានកម្ពុជា ឆ្នាំ២០២៤នេះ គឺជាព្រឹត្តិការណ៍ដ៏សំខាន់ដើម្បីបង្កើនមិត្តភាព ភាពជាដៃគូ កិច្ចសហប្រតិបត្តិការរវាងភាគីពាក់ព័ន្ធទាំងអស់ រួមទាំងសហគ្រិន និងវិនិយោគិនរបស់យើងទាំងអស់គ្នានៅក្នុងតំបន់អាស៊ាន។ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានថ្លែងនៅក្នុងពិធីបិទវេទិកាធុរកិច្ចអាស៊ាន-កម្ពុជា ឆ្នាំ២០២៤ នាល្ងាចថ្ងៃទី២ ខែមេសា ឆ្នាំ២០២៤ថា វេទិកាដ៏សំខាន់មួយនេះ បានផ្តល់ឲ្យអ្នកចូលរួមទាំងអស់ដើម្បីពិភាក្សាលើប្រធានបទសំខាន់ៗទាក់ទងទៅនឹងការតភ្ជាប់បណ្តាញថាមពលអាស៊ាន និងថាមពលកកើតឡើងវិញ និងនិរន្តរភាពអាស៊ាន, បច្ចេកវិទ្យា និងកំណើនប្រកបដោយបរិយាប័ន្ន ដែលបានបង្ហាញអំពីសក្ដានុពលដ៏ធំនៅក្នុងតំបន់អាស៊ាន សម្រាប់ការកសាងភាពធន់របស់សហគមន៍តែមួយ។ ឧបនាយករដ្ឋមន្ត្រីបន្តថា វេទិកានេះគឺជាជំហានដ៏សំខាន់ ដើម្បីពង្រឹងបន្ថែមទៀតនូវចំណងរវាងរដ្ឋជាអាស៊ាន និងពង្រីកកិច្ចសហប្រតិបត្តិការ និងការធានានូវអត្ថប្រយោជន៍រួម ទាំងមានពេលបច្ចុប្បន្ន និងអនាគតថា ទីផ្សារការងារប្រជាជនជាង ៦៧០លាននាក់ ដើម្បីលើកកម្ពស់បរិយាកាសនៃការវិនិយោគនៅក្នុងតំបន់អាស៊ាន តាមរយៈការភ្ជាប់បណ្តាញឧស្សាហកម្ម និងកិច្ចព្រមព្រៀងអាស៊ាន ក្នុងការធ្វើសមារណកម្មសេដ្ឋកិច្ច ដែលជាប្រទេសធំជាងគេទី៤។ សូមបញ្ជាក់ថា វេទិកាធុរកិច្ចអាស៊ាន-កម្ពុជា ឆ្នាំ២០២៤នេះ បានផ្តោតទៅលើកិច្ចពិភាក្សាលើប្រធានបទ៖ ការតភ្ជាប់បណ្តាញថាមពលអាស៊ាន និងថាមពលកកើតឡើងវិញ និងនិរន្តរភាពអាស៊ាន, កិច្ចពិភាក្សាស្វែងយល់ពីសក្តានុពលរបស់កម្ពុជា ជាច្រកយុទ្ធសាស្ត្រទៅកាន់ទីផ្សារអាស៊ាន,…