ការចូលរួមរបស់សហគ្រិន ក្នុងការបិទបញ្ចប់ “កម្មវិធីធ្វើឲ្យអាជីវកម្មប្រសើរឡើ​ង” នៅទីស្នាក់ការសហគ្រិនខ្មែរ សៀមរាប៖ នៅដើមខែមេសា ឆ្នាំ២០២៤ សហគ្រិនខ្មែរ ដែលត្រូវបានបង្កើតឡើងដោយរាជរដ្ឋាភិបាលកម្ពុជា ក្នុងតួនាទីជាស្ថាប័នគាំទ្រប្រព័ន្ធអេកូឡូស៊ីសហគ្រិនភាព ក្នុងភាពជាដៃគូជាមួយ អេនធើប្រាយវិហ្សិនអាខេដេមី ដែលជាមជ្ឈមណ្ឌលកសាងវិជ្ជាជីវៈ និងសមត្ថភាពសហគ្រិន បានរៀបចំកម្មវិធីសម្ពោធ “ក្លឹបមិត្ដសហគ្រិនឆ្នាំ២០២៤” នៅខេត្ដសៀមរាប។ កម្មវិធីនេះ ត្រូវបានរៀបចំឡើង បន្ទាប់ពីបានបញ្ចប់ “កម្មវិធីធ្វើឲ្យអាជីវកម្មប្រសើរឡើង” រដូវកាលទី១ ទី២ និងទី៣។ ការជួបជុំរវាងមិត្តសហគ្រិននៅក្នុងកម្មវិធីបើកសម្ពោធ ក្លឹបមិត្តសហគ្រិនឆ្នាំ២០២៤ កាលពីថ្ងៃទី ១២ ខែមេសា ឆ្នាំ ២០២៤ នៅខេត្តសៀមរាប នៅក្នុងខែមីនា ឆ្នាំ២០២៤ កន្លងទៅ ការបិទបញ្ចប់ “កម្មវិធីធ្វើឲ្យអាជីវកម្មប្រសើរឡើង” បានរៀបចំឡើងនៅទីស្នាក់ការសហគ្រិនខ្មែរ ប្រកបដោយភាពជោគជ័យ ក្រោមអធិបតីភាពរបស់ ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្តិសហគ្រិនខ្មែរ។ ការពិភាក្សារបស់សហគ្រិនក្នុងកម្មវិធីបើកសម្ពោធ ក្លឹបមិត្តសហគ្រិន (E-Friends) តាមរយៈការគាំទ្រពីសហគ្រិនខ្មែរ ក្លឹបមិត្ដសហគ្រិន (E-Friends) ដែលបានចាប់ផ្តើមនៅក្នុងឆ្នាំ២០២៣ បានក្លាយជាវេទិកាបណ្តាញសហគ្រិនមួយ ដែលផ្តោតសំខាន់ទៅលើការគាំទ្រមិត្តសហគ្រិន ទៅវិញទៅមក។ E-Friends…

ភ្នំពេញ៖ សហគ្រិនខ្មែរម្នាក់បានចាប់ដៃជាមួយបុរសជនជាតិហូឡង់ថ្មីៗនេះបានបោះទុនជាងពីរលានដុល្លារអាមេរិកបង្កើតរោងចក្រផលិតចង្ក្រាន ដុតអុសឬធ្យូង ទំនើបដោយមិនហុយផ្សែង មិនប៉ះពាល់សុខភាព និងបរិស្ថាន។ រោងចក្រនេះស្ថិតនៅខេត្តសៀមរាប និងកំពុងផលិតចង្ក្រានគ្មានផ្សែងប្រហែល១៥០គ្រឿងក្នុងមួយថ្ងៃ។ លោក សេង ចាន់វាសនា ប្រធាន​ផ្នែក​លក់របស់ក្រុមហ៊ុន ACE Energy Cambodia ដែលផ្តួចផ្តើមការផលិតនេះ បានប្រាប់ទូរទស្សន៍អប្សរាថា ចង្ក្រាននេះដែលត្រូវគេដាក់ឈ្មោះថា ចង្ក្រានបរិស្ថាន ត្រូវបានផលិតពីថ្មសេរ៉ាមិចស្រោបដោយដែកអ៊ីណុក និងមានបន្ទះថ្ម ឬ Power Bank នៅបាតចង្ក្រានដើម្បីអាចឲ្យចង្ក្រានបំលែងផ្សែង និងឧស្ម័នផ្សេងៗទៅជាអណ្តាតភ្លើង។ ការបំលែងនេះហើយជួយកាត់បន្ថយផ្សែងបាន ៩៥ភាគរយ និងសន្សំអុស និងធ្យូងបាន៦០ភាគរយ។ ជាបច្ចេកវិទ្យារបស់ប្រទេសហូល្លង់ ចង្ក្រាននេះមានតម្លៃ ១៤០ ដុល្លារ និងអាចប្រើបានពី៦ទៅ៧ឆ្នាំ។ ចង្ក្រាននេះភ្ជាប់មកជាមួយនូវផ្ទាំងសូឡា អុសបរិស្ថាន និងអំពូលភ្លើង ដែលអាចចល័តបានគ្រប់ទីកន្លែង។ លោក សេង ចាន់វាសនា លើកឡើងថា តម្លៃនេះអាចថ្លៃសម្រាប់អ្នកមិនធ្លាប់ប្រើ ប៉ុន្តែ បើគិតពីផលប្រយោជន៍គឺមានច្រើនណាស់ ក្រៅពីសន្សំអុស ធ្យូង ចង្ក្រាននេះកាត់បន្ថយការកើនកម្តៅភពផែនដី ដែលមួយផ្នែកបានពីចំហាយឧស្ម័នចេញពីការចំអិនអាហារ។ អ្នកស្រី រ៉ែន រីម រស់នៅភូមិពួកចាស់ ស្រុកពួក…

 ភ្នំពេញ៖ក្នុងមួយឆ្នាំៗប្រទេសកម្ពុជាចាយប្រាក់៧៣៤លានដុល្លារនាំចូលទឹកដោះគោស្រស់ពីក្រៅប្រទេស ខណៈបច្ចុប្បន្នការផលិតក្នុងស្រុកបានត្រឹមតែ ១៧ភាគរយប៉ុណ្ណោះនៃតម្រូវការសរុបប្រមាណ៣០លានលីត្រ។ នេះបើតាមការឱ្យដឹងពីសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជានៅថ្ងៃព្រហស្បតិ៍នេះ។ នៅពេលនេះ កម្ពុជាមានកសិដ្ឋានចិញ្ចឹមគោយកទឹកដោះចំនួនបួនមានគោសរុបជិត ១២០០ក្បាល ដែលអាចផលិតទឹកដោះគោស្រស់ជាង ១៣ពាន់លីត្រ ក្នុងមួយថ្ងៃ ស្មើនឹងប្រាំលា​នលីត្រក្នុងមួយឆ្នាំ។ ដើម្បីបញ្ចៀសការនាំចូល លោក ឈរ រិទ្ធី អគ្គនាយកក្រុមហ៊ុនខ្មែរ ហ្វ្រេស មិល និងកសិដ្ឋានគិរីសួគ៌ ប្រាប់ទូរទស្សន៍អប្សរាថា កម្ពុជាត្រូវការកសិដ្ឋានបន្ថែម និង គោប្រមាណ ១៥.០០០ក្បាលយ៉ាងតិច ហើយត្រូវចំណាយពេលប្រហែល ១០ឆ្នាំទៀត។  ត្រូវការពេលយូរដោយសារតែកម្ពុជាមានបញ្ហាប្រឈមច្រើន រួមទាំង ភាពស៊ាំរបស់គោទៅនឹងអាកាសធាតុនៅខ្មែរ និង បញ្ហាថវិកាដែលត្រូវចំណាយច្រើន​ ហើយត្រូវការពេលវេលាចិញ្ចឹមយូរ។ នេះបើតាមអគ្គនាយកកសិដ្ឋានគិរីសួគ៌ដដែល។ លោកបណ្ឌិត ជ័យ តិច អ្នកស្រាវជ្រាវការអភិវឌ្ឍសង្គម និងសេដ្ឋកិច្ច ឲ្យអប្សរាដឹងថា ការនាំចូលទឹកដោះគោស្រស់ រដ្ឋាភិបាលចំណេញពន្ធ ហើយចំពោះការផលិតក្នុងស្រុកអាចបង្កើតការងារជូនប្រជាពលរដ្ឋ និងផ្តល់តម្លៃសមរម្យដល់អតិថិជន៕ អត្ថបទ៖ ឃួន សុភ័ក្រ

 ភ្នំពេញ:ធនាគារអភិវឌ្ឍន៍អាស៊ី (ADB) បានព្យាករថា សេដ្ឋកិច្ចកម្ពុជានឹងកើនឡើងក្នុងអត្រា ៥,៨ភាគរយក្នុងឆ្នាំ២០២៤ និង ៦,០ភាគរយក្នុងឆ្នាំ ២០២៥ ដែលជំរុញដោយកំណើនក្នុងវិស័យកម្មន្តសាល និងការស្ទុះឡើងវិញជាបន្តទៀតនៃវិស័យទេសចរណ៍។ ចំណែកវិស័យកសិកម្ម សំណង់ និងអចលនទ្រព្យត្រូវបានរំពឹងថា នឹងកើនឡើងក្នុងកម្រិតមធ្យម។ អតិផរណាអាចនឹងបន្តនៅទ្រឹងខណៈដែលតម្លៃប្រេងឥន្ធនៈសកលមានស្ថិរភាព។ នាយិកា ADB ប្រចាំប្រទេសកម្ពុជា លោកស្រី Jyotsana Varma និយាយថា ទោះបីជាមានបញ្ហាប្រឈមនៃសេដ្ឋកិច្ចពិភពលោកក៏ដោយ ក៏សេដ្ឋកិច្ចកម្ពុជាបានដំណើរការល្អក្នុងឆ្នាំ២០២៣ ហើយរំពឹងថា កំណើនសេដ្ឋកិច្ចនឹងមានភាពកាន់តែប្រសើរក្នុងឆ្នាំ២០២៤-២០២៥ ដោយសារវិស័យកាត់ដេរសម្លៀកបំពាក់ស្បែកជើង និងទំនិញធ្វើដំណើរ (GFT) ទំនងជានឹងមានកំណើនខ្ពស់ ដោយផ្អែកលើសន្ទុះវិជ្ជមានដែលបានកើតឡើងក្នុងត្រីមាសចុងក្រោយនៃឆ្នាំ២០២៣។ យ៉ាងណាក៏ដោយ បញ្ហាប្រឈមនៅតែមាន។ របាយការណ៍ដដែល ដែលបានចេញផ្សាយនៅថ្ងៃព្រហស្បតិ៍នេះ បានបង្ហាញពីកិច្ចពិភាក្សាក្នុងការរៀបចំជាយុទ្ធសាស្ត្ររបស់កម្ពុជាដើម្បីចាកចេញពីក្រុមប្រទេសអភិវឌ្ឍន៍តិចតួច ឬ Least-Developed Country) នៅឆ្នាំ២០២៧។ ADB ថាដើម្បីសម្រេចផែនការនេះ កម្ពុជាត្រូវបង្កើនសមាហរណកម្មសេដ្ឋកិច្ចទៅក្នុងពិភពលោក ធ្វើពិពិធកម្មទីផ្សារដោយផ្តោតលើផលិតផលដែលមានតម្លៃបន្ថែមខ្ពស់ វិនិយោគលើហេដ្ឋារចនាសម្ព័ន្ធប្រកបដោយនិរន្តរភាព វិនិយោគលើធនធានមនុស្សនិងពង្រឹងការកៀរគរធនធានវិនិយោគក្នុងស្រុក។ លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា  និយាយថា សេដ្ឋកិច្ចបន្តមានកំណើនជារឿងល្អ ប៉ុន្តែ វាមិនមែនមានន័យថា ប្រជាជនមិនរងផលប៉ះពាល់ពីស្ថានភាពសេដ្ឋកិច្ចនាពេលបច្ចុប្បន្ននេះទេ។ លោកថា សេដ្ឋកិច្ចកើន បញ្ហាអតិផរណាក៏កើតមានដូចគ្នា ធ្វើឱ្យពលរដ្ឋមានចំណូលបានសមរម្យ ត្រូវចំណាយច្រើនអស់ទៅវិញ…

ភ្នំពេញ៖ ជាមួយនឹងការបញ្ចប់វគ្គទី២ នៃកម្មវិធីកៀរគរថវិកាសម្រាប់សហគ្រាសធុនតូច និងមធ្យម សហគ្រិនខ្មែរ បានរៀបចំពិធីបិទបញ្ចប់វគ្គសិក្សា និងផ្តល់រង្វាន់លើកទឹកចិត្តដល់សហគ្រាសធុនតូច និងមធ្យមចំនួន៥ ក្នុងចំណោម៣០ ដែលបានចូលរួមក្នុងវគ្គបណ្តុះបណ្តាលនេះ។ កម្មវិធីកៀរគរថវិកាសម្រាប់សហគ្រាសធុនតូច និងមធ្យម មានគោលបំណងលើកកំពស់សមត្ថភាព ធុរកិច្ចថ្មី និង សហគ្រាសធុនតូច និងមធ្យម ក្នុងការកៀរគរថវិកាពីខាងក្រៅ ដោយការកសាងជំនាញ ចំណេះដឹង និងសមត្ថភាព និងបង្កើតបណ្តាញជាមួយវិនិយោគិន និងធនាគារិក។ កម្មវិធីនេះក៏កំណត់ និងជ្រើសរើសសហគ្រាសធុនតូចនិងមធ្យមដែលមានសក្តានុពលនិងត្រូវបានលើកទឹកចិត្តដែលពួកគេបានជម្នះបញ្ហាប្រឈមក្នុងការពង្រីកប្រតិបត្ដិការអាជីវកម្មរបស់ពួកគេដោយប្រើប្រាស់ហិរញ្ញប្បទានពីខាងក្រៅ។ សហគ្រាសធុនតូច និងមធ្យមដែលបានជ្រើសរើសបានទទួលការបណ្តុះបណ្តាលស៊ីជម្រៅនិងបានទទួល ការណែនាំផ្ទាល់ និងការគាំទ្រការប្រឹក្សាកម្រិតខ្ពស់ពីអ្នកជំនាញក្នុងវិស័យហិរញ្ញវត្ថុ ដើម្បីគាំទ្រដល់ដំណើរការកៀរគរថវិការបស់ពួកគេ។ ឯកឧត្ដមបណ្ឌិត ឈៀង វណ្ណមុនិណ្ណ នាយកប្រតិបត្តិសហគ្រិនខ្មែរ មានប្រសាសន៍ថា “កម្មវិធីនេះត្រូវបានរៀបចំឡើងជាពិសេសដើម្បីគាំទ្រដល់សហគ្រាសធុនតូច និងមធ្យមទទួលបានហិរញ្ញប្បទានពាណិជ្ជកម្ម បន្ថែមពីលើការផ្តល់ហិរញ្ញប្បទានឥតសំណង ដែលជាការធានានិរន្តរភាពនៃយន្តការគាំទ្ររបស់ របស់សហគ្រិនខ្មែរ”។ លោកក៏បានបន្ថែមថា សហគ្រិនខ្មែរ គឺធ្វើការគាំទ្រ និងអភិវឌ្ឍដល់ប្រព័ន្ធអេកូឡូស៊ីវិនិយោគដ៏រស់រវើក ហើយកម្មវិធីនេះនឹងបង្កើនចំនួនក្រុមហ៊ុនដែលអាចមានសម្ថតភាពក្នុងការទទួលបានការវិនិយោគ ហើយកម្មវិធីនេះនឹងក្លាយជាជាប្រព័ន្ធ តភ្ជាប់ និងបង្កើនឱកាសវិនិយោគ រវាងសហគ្រាសធុនតូច និងមធ្យម ជាមួយអ្នកវិនិយោគ និងធនាគារ។ សហគ្រិនខ្មែរ សូមថ្លែងអំណរគុណដល់ធនាគារ ABA,…