(កំពង់ធំ-ត្បូងឃ្មុំ)៖ ក្រុមសហភាព អឺរ៉ុប ដែលក្នុងនោះរួមមាន ឯកអគ្គរដ្ឋទូត សហភាពអឺរ៉ុប អាល្លឺម៉ង់ និងសាធារណរដ្ឋឆេក តំណាងមកពីស្ថានទូតបារាំង ភ្នាក់ងារបារាំងសំរាប់ការអភិវឌ្ឍ (AFD) អាជ្ញាធរអភិវឌ្ឍន៍សហប្រតិបត្តិការស្វីស (SDC) និង អង្គការ GIZ រួមជាមួយ ឯកឧត្តម ឌិត ទីណា រដ្ឋមន្ត្រី ក្រសួង កសិកម្ម រុក្ខាប្រមាញ់ និងនេសាទនៅ ថ្ងៃទី ២៧-២៨ខែវិច្ឆិកា ឆ្នាំ ២០២៤ បានចុះធ្វើទស្សនកិច្ចដល់ទីតាំងចម្ការផ្ទាល់ដើម្បីស្វែងយល់អំពីបញ្ហាប្រឈមនានា នៅថ្នាក់មូលដ្ឋានដែលកសិករ និងក្រុមកែច្នៃកំពុងជួបប្រទះលើការផលិតដំណាំដែលមានតម្លៃខ្ពស់ ជាពិសេសគ្រាប់ស្វាយចន្ទី និងម្រេច។ យោងតាមសេចក្តីប្រកាសព័ត៌មានបានឱ្យដឹងថាក្នុងដំណើរទស្សនកិច្ចនេះក៏មានការភាក្សាមួយចំនួនដើម្បី ជួយបង្កើនការយល់ដឹងកាន់តែច្បាស់អំពីកំណើនសក្តានុពល នៃខ្សែច្រវាក់តម្លៃគ្រាប់ស្វាយចន្ទី និងម្រេច ទីផ្សារនៃការនាំចូល និងការអនុវត្តកសិកម្មដែលធន់នឹងអាកាសធាតុ។ នៅក្នុងដំណើរទស្សនកិច្ចនេះផងដែរក៏បានជួបជាមួយសហគមន៍កសិកម្មទំនើប (MACS) ក្រុមហ៊ុន កែច្នៃ និងអ្នកនាំចេញនានាក្នុងខេត្តកំពង់ធំ និងត្បូងឃ្មុំ ដែលក្នុងនោះក៏មានការធ្វើទស្សនកិច្ចទៅកាន់មជ្ឈមណ្ឌលឧត្តម ភាព បុសខ្នុរ ផងដែរ ។ ឯកឧត្តម ឌិត ទីណា រដ្ឋមន្ត្រី…

បាត់ដំបង៖ ឯកឧត្តម ឌិត ទីណា រដ្ឋមន្រ្តីក្រសួងកសិកម្មរុក្ខា​ប្រមាញ់ និងនេសាទនិងសហការីបានអញ្ជើញពិនិត្យសកម្មភាព​ផលិត​​​​​”​​​ពូជស្រូវ”​​​​ និង​ចូលរួមច្រូតកាត់ប្រមូលផលស្រូវ នៅស្ថានីយកសិដ្ឋាន​ផលិតពូជស្រូវទួល​សំរោង ស្រុកថ្មគោល ខេត្តបាត់ដំបង ។នៅទីនោះ​ឯកឧត្តមរដ្ឋមន្រ្តីបានអំពាវនាវដល់ប្រជាកសិករឱ្យដាំដុះស្រូវដែលមានពូជច្បាស់លាស់ ជាពិសេសពូជ​ស្រូវផ្ការំដួលនិងសែនក្រអូបដែលជាពូជ​ស្រូវរបស់ខ្មែរដែលទទួលបានចំណាត់ថ្នាក់អង្ករ​ល្អ និងកំពុងតែមាន​តម្រូវការទីផ្សារ​និងមានតម្លៃខ្ពស់។ បង្ហាញវត្តមាននៅស្ថានីយកសិដ្ឋានផលិតពូជស្រូវទួលសំរោង ក្នុង​ស្រុកថ្មគោល ខេត្តបាត់ដំបង កាលពីដើមសប្ដាហ៍នេះឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទបានអញ្ជើញ​ពិនិត្យសកម្មភាពផលិតបន្សុទ្ធគ្រាប់ពូជសុទ្ធលើប្រភេទស្រូវផ្កា​រំដួល និងស្រូវ”សែនក្រអូប០១”និងចូលរួមច្រូតស្រូវនៅកសិដ្ឋានផលិតពូជស្រូវទួលសំរោង នៃភូមិអូរញ ឃុំបឹងព្រីង ស្រុកថ្មគោល ទៀតផង។ សូមជម្រាបថា កសិដ្ឋានផលិតពូជស្រូវទួលសំរោង បានទទួលគ្រាប់​ពូជគ្រឹះ ពីវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា ហៅកាត់ថា កាឌី(CARDI)ដើម្បីយកមកផលិតជាពូជចុះបញ្ជី ដើម្បីត្រៀម​បញ្ចេញ​ទៅឱ្យសហគមន៍ផលិតទៅជាពូជមានវិញ្ញាបន​បត្រ។ ទាក់ទងនឹងសមិទ្ធផលរបស់ស្ថានីយ ឯកឧត្តមរដ្ឋមន្រ្តីក្រសួងកសិកម្ម បានបង្ហាញនូវការវាយតម្លៃថា តាមការពិនិត្យជាក់ស្តែងគ្រាប់​ពូជ​ដែលស្ថានីយផលិតបានទាំងអស់នេះ គឺមានលក្ខណៈ “សុទ្ធល្អ” ហើយតាមការប៉ាន់ស្មានទិន្នផលដែលទទួល​បានប្រមាណ​ជាង៤តោន ក្នុងមួយហិកតា។ ឯកឧត្តម ឌិត ទីណា បានអំពាវនាវដល់ប្រជាកសិករឱ្យដាំដុះប្រភេទ​ស្រូវដែលមានពូជច្បាស់លាស់ធានាបានទាំង​ទិន្នផលខ្ពស់ និងមាន​តម្លៃខ្ពស់ តាមតម្រូវការចាំបាច់របស់ទីផ្សារ ។ជាពិសេសពូជស្រូ​វផ្ការំដួល និងសែនក្រអូបដែលជាពូជស្រូវរបស់ខ្មែរ ទទួលបាន​ចំណាត់ថ្នាក់អង្ករល្អកំពុងមានទីផ្សារ និងមានតម្លៃខ្ពស់​នៅក្រៅប្រទេស។ សូមជម្រាបជូនថា កសិដ្ឋាននៃស្ថានីយផលិតពូជស្រូវទួលសំរោង គឺ…

(ភ្នំពេញ)៖ ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និង ជាប្រធានក្រុមការងារជំរុញការវិនិយោគក្នុងខេត្តព្រះសីហនុ កាលពីថ្ងៃទី ២៥ ខែ វិច្ឆិកា ឆ្នាំ ២០២៤, នៅទីស្តីការក្រសួងសេដ្ឋកិច្ច និង ហិរញ្ញវត្ថុ, បានដឹកនាំកិច្ចប្រជុំពិនិត្យគម្រោងវិនិយោគរោងចក្រផលិតដែកគ្រប់ប្រភេទ ដែលបានស្នើលើកទឹកចិត្តពិសេស ដូចជា ពន្ធអាករ ការលើកដាក់ទំនិញពីកំពង់ផែ និង អគ្គិសនី ជាដើម ។ កិច្ចប្រជុំនេះមានការអញ្ជើញចូលរួមពី តំណាងក្រសួងស្ថាប័នពាក់ព័ន្ធ និង មន្ត្រីជំនាញ ជាច្រើនរូប។ ជាលទ្ធផល, ក្រុមការងារបានគាំទ្រ និង ផ្តល់ការសម្របសម្រួល ព្រមទាំងការថែទាំវិនិយោគ សម្រាប់គម្រោងនេះ ឱ្យដំណើរការទៅដោយរលូន និង រីកធំធាត់ សំដៅចូលរួមចំណែកដល់ការអភិវឌ្ឍវិស័យឧស្សាហកម្ម រួមទាំងការកាត់បន្ថយការនំាចូលដែក និង ជំរុញការនាំចេញទៅក្រៅប្រទេស ។ សូមជម្រាបជូនថា បន្ទាប់ពីការប្រកាសដាក់ឱ្យអនុវត្តជាផ្លូវការដោយ សម្តេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា កាលថ្ងៃទី ៣១ ខែ មករា ឆ្នាំ ២០២៤,…

(ខេត្តបាត់ដំបង)៖ នៅរសៀលថ្ងៃទី២៥ ខែវិច្ឆិកា ឆ្នាំ២០២៤ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំក្រសួង បានអញ្ជើញពិនិត្យសកម្មភាពផលិតគ្រាប់ពូជស្រូវ និងចូលរួមច្រូតស្រូវនៅ​កសិដ្ឋានផលិតពូជស្រូវទួលសំរោង ដែលស្ថិតនៅភូមិអូរញ ឃុំបឹងព្រីង ស្រុក​ថ្មគោល ខេត្តបាត់ដំបង។ សូមជម្រាបជូនថា កសិដ្ឋានផលិត​ពូជ​ស្រូវ​ទួលសំរោង គឺជាទីតាំងផលិតគ្រាប់​ពូជស្រូវធំជាងគេនៅក្នុងប្រទេសកម្ពុជា។ នៅក្នុងរដូវវស្សាឆ្នាំ២០២៤នេះ កសិដ្ឋាននេះផលិតគ្រាប់ពូជស្រូវចំណា​ត់ថ្នាក់​ចុះ​បញ្ជីប្រភេទផ្ការំដួលលើផ្ទៃដី១៧៥ហិកតា និងសែនក្រអូប០១ ចំនួន ៤៥​ហិកតា ។ តាមការពិនិត្យជាក់ស្តែង ស្រែផលិតគ្រាប់ពូជទាំងអស់មាន​លក្ខណៈ​​​សុទ្ធល្អ ហើយកសិដ្ឋាននឹងផ្គត់ផ្គង់សម្រាប់សហគមន៍កសិកម្ម​ក្នុង​ការផលិតគ្រាប់ពូជវិញ្ញាបនបត្របន្ត។ តាមការប៉ាន់ស្មានទិន្នផលដែលទទួលបានប្រមាណ៤តោនក្នុងមួយហិកតា។ ដូច្នេះ បើសហគមន៍កសិកម្ម ឬក្រុមហ៊ុនផលិតពូជស្រូវត្រូវការគ្រាប់ពូជស្រូវ​សម្រាប់ផលិតជាគ្រាប់ពូជបន្ត សូមទំនាក់ទំនង លោក អ៊ឹង ស៊ីណា ដែលមានលេខទូរស័ព្ទ ០១២ ៩៧៤ ៤៩៤៕ ប្រភព ៖ ក្រសួងកសិកម្ម

(បន្ទាយមានជ័យ)៖ មន្រ្តីជាន់ខ្ពស់ធនាគារជាតិនៃកម្ពុជា បានអំពាវនាវដល់ប្រជាពលរដ្ឋ បណ្តារោងចក្រ សហគ្រាស ក្រសួង-ស្ថាប័ន គ្រឹះស្ថានធនាគារ និង ហិរញ្ញវត្ថុ បន្តចូលរួមប្រើប្រាស់ប្រាក់រៀល ឱ្យបានកាន់តែ ទូលំទូលាយ ដោយការទូទាត់ ការបិតស្លាកថ្លៃទំនិញ ការសន្សំជារៀល ព្រមទាំងផ្តល់អនុគ្រោះ ឱ្យកាន់តែច្រើន ចំពោះការប្រើប្រាស់ប្រាក់រៀល ។ នេះជាការថ្លែងរបស់ ឯកឧត្តម យឹម លាត ទេសាភិបាលរងធនាគារជាតិនៃកម្ពុជា ក្នុងសិក្ខាសាលាផ្សព្វផ្សាយ ស្ដីពី “ប្រាក់រៀល ប្រព័ន្ធបាគង និងខេអេចហ្សូអរ”នៅខេត្តបន្ទាយមានជ័យ នៅថ្ងៃទី ២៥ ខែ វិច្ឆិកា ឆ្នាំ ២០២៤ ។ ឯកឧត្តម យឹម លាត បានបន្តថា ដើម្បីឱ្យសេដ្ឋកិច្ចកម្ពុជា រឹងមាំ រាជរដ្ឋាភិបាល បានដាក់ចេញនូវគោលនយោបាយ ជាច្រើន ជាពិសេស ចាប់តាំងពីដើមទសវត្សរ៍ឆ្នាំ២០០០ មក ក្នុងនោះ ក៏មានគោលនយោបាយ លើកកម្ពស់ការ ប្រើប្រាស់ប្រាក់រៀលផងដែរ ស្របពេលដែលស្ថានភាពម៉ាក្រូសេដ្ឋកិច្ច មានលំនឹងល្អប្រសើរ ក្រោយកម្ពុជា…