(ភ្នំពេញ)៖ អ្នកជំនាញនៃរាជបណ្ឌិត្យសភាកម្ពុជាមើលឃើញថា ការពង្រឹងការធ្វើអធិការកិច្ចរបស់ក្រសួងការងារ និងបណ្តុះបណ្តាលវិជ្ជាជីវៈ លើរោងចក្រ សហគ្រាស គ្រឹះស្ថានផ្នែកវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរនិងកាបូប សម្រាប់ឆ្នាំ២០២៥ នេះគឺជាពង្រឹងការគោរពច្បាប់ការងារ សិទ្ធិកម្មករ និងបង្កើតឱ្យមានបរិយាកាសវិនិយោគនៅកម្ពុជាកាន់តែប្រសើរ ដើម្បីទាក់ទាញអ្នកវិនិយោគិនបរទេសថ្មីៗចូលមកក្នុងស្រុកបន្ថែមទៀត។ លោកបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា និងជាអ្នកជំនាញវិទ្យាសាស្ត្រនយោបាយ បានលើកឡើងថា យន្តការពង្រឹងការធ្វើអធិការកិច្ចរបស់ក្រសួងការងារគឺជាយន្តការមួយដើម្បីលើកកម្ពស់ការអនុវត្តច្បាប់របស់និយោជកក្នុងការយកចិត្តទុកដាក់ផ្តល់អត្ថប្រយោជន៍ឱ្យបានពេញលេញទៅដល់កម្មករនិយោជិតនៅកម្ពុជា ដើម្បីកុំឱ្យមានវិវាទកើតឡើងនៅកន្លែងធ្វើការ។ ដើម្បីធានាបានថា ម្ចាស់រោងចក្រ សហគ្រាសទាំងនោះមិនកេងប្រវ័ញ្ច និងផ្តល់អត្ថប្រយោជន៍បានពេញលេញតាមច្បាប់ការងារដែលមានចែងជាធរមាន ជាពិសេសលើប្រាក់ឈ្នួលអប្បបរមាប្រចាំឆ្នាំ។ អ្នកជំនាញរូបនេះ បានគូសបញ្ជាក់បន្ថែមថា កាលណាប្រទេសកម្ពុជាធ្វើបានយ៉ាងត្រឹមត្រូវ និងហ្មត់ចត់បែបនេះ កម្ពុជាខ្លួនឯងនឹងប្រែក្លាយជាប្រទេសដែលមានបរិយាកាសល្អសម្រាប់អ្នកវិនិយោគបរទេសដែលកំពុងរកស៊ី និងកំពុងពិចារណាមកបោះទុនវិនិយោគចូលមកប្រទេសកម្ពុជា។ បរិយាកាសល្អនេះផងដែរ កម្ពុជានឹងទាក់ទាញអ្នកវិនិយោគមកប្រទេសកម្ពុជាកាន់តែច្រើន និងបង្កើតការងារជាច្រើនកន្លែងដល់ពលរដ្ឋកម្ពុជាផងដែរ។ ដោយឡែក លោកបណ្ឌិត ឈត ប៊ុនថង អ្នកជំនាញផ្នែកទស្សនវិទ្យានៃរាជបណ្ឌិត្យសភាកម្ពុជា បានគូសបញ្ជាក់ផងដែរថា លោកគាំទ្រយ៉ាងពេញទំហឹងលើយន្តការពង្រឹងការធ្វើអធិការកិច្ចរបស់ក្រសួងការងារពីព្រោះដើម្បីត្រួតពិនិត្យ និងធ្វើឱ្យបណ្តាម្ចាស់រោងចក្រ សហគ្រាស អនុវត្តបានពេញលេញ និងត្រឹមត្រូវនូវប្រាក់ឈ្នួលអប្បបរមា និងអត្ថប្រយោជន៍ជាច្រើនផ្សេងៗទៀត។ បណ្ឌិតរូបនេះមើលឃើញថា ការដាក់ចេញនូវយន្តការនេះ ត្បិតតែមិនមែនជារឿងថ្មីក៏ពិតមែន ក៏ប៉ុន្តែបង្ហាញពីការយកចិត្តទុកដាក់របស់រាជរដ្ឋាភិបាលកម្ពុជាលើសុខទុកបងប្អូនកម្មករ តាមរយៈការតាមដានយ៉ាងម៉ឺងម៉ាត់បំផុតនូវកាតព្វកិច្ចរបស់និយោជកលើអត្ថប្រយោជន៍កម្មករ ជៀសវាងមានការកេងប្រវ័ញ្ច…

កំពត៖ក្នុងឱកាសបុណ្យចូលឆ្នាំថ្មីប្រពៃណីចិនក្នុងសប្ដាហ៍នេះ ប្រជានេសាទខេត្តកំពតចេញទៅនេសាទជាធម្មតា​ខណៈ​ដែលអាជីវករ​លក់គ្រឿងសមុទ្រអះអាងថា ទោះថ្ងៃបុណ្យទានណាក៏ដោយ ក៏គ្រឿងសមុទ្រមិនដំឡើងថ្លៃទេ តែក្នុងករណី​គ្រឿង​សមុទ្រ​មានតិច អាចឡើងថ្លៃបន្តិចបន្តួច ដើម្បីរួចថ្លៃប្រេងរបស់អ្នកនេសាទ។ ប្រាប់អ្នកសារព័ត៌មាននៅថ្ងៃទី២៨ ខែមករា ដែលជាថ្ងៃសែនបុណ្យចូលឆ្នាំចិន អ្នកនេសាទនៅភូមិដូនតោក សង្កាត់ ត្រើយកោះ ក្រុងកំពត បាននិយាយថា នៅក្នុងឱកាសបុណ្យចូលឆ្នាំថ្មីប្រពៃណីជនជាតិចិន អ្នកភូមិគាត់​ចេញទៅ​នេសាទ ជាធម្មតា មិនឈប់សម្រាកទេ។ ផលនេសាទមិនទៀងទាត់ទេ ថ្ងៃខ្លះអាកាសធាតុល្អ រកគ្រឿងសមុទ្របានច្រើន ។ថ្ងៃ​ខ្លះក៏រកមិនសូវបាន ។ប៉ុន្តែជាទូទៅក្នុងមួយថ្ងៃ កូនដៃទូក(អ្នកស៊ីឈ្នួលនេសាទគេ)អាចរកចំណូលបានពី ៤ទៅ​៥ម៉ឺនរៀល ក្រោយទូទាត់ថ្លៃចំណាយផ្សេងៗ។ ចំណែកលក់ដូរគ្រឿងសមុទ្រនៅផែនេសាទកំពង់កណ្តាល និងផ្សារសាមគ្គីទីរួមខេត្តកំពត បានបញ្ជាក់ថា ខេត្តកំពត​​​រយៈ​ពេលចុងក្រោយនេះ មានភ្ញៀវទេសចរមកលេងច្រើន ធ្វើឱ្យតម្រូវការគ្រឿងសមុទ្រកើនឡើង ។ប៉ុន្តែអាជីវករមិន​បាន​ដំឡើង​ថ្លៃនោះទេ  តែក្នុងករណីអ្នកនេសាទរកគ្រឿងសមុទ្របានតិច នោះទើបតម្លៃគ្រឿង​សមុទ្រអាចឡើង​ថ្លៃបន្តិចបន្តួច ដើម្បីឱ្យរួចថ្លៃប្រេងរបស់អ្នកនេសាទ។ សូមជម្រាបថា ខេត្តកំពត ដោយមានការយកចិត្តទុកដាក់ និងការណែនាំពីឯកឧត្តមអភិបាលខេត្ត ម៉ៅ ធនិន ,មន្ត្រីជំនាញ និងអាជ្ញាធរក្រុង ស្រុក តែងតែបានចុះទៅណែនាំដល់អាជីវករ អ្នកផ្តល់សេវាទេសចរណ៍ផ្សេងៗទូទាំងខេត្ត មិនឱ្យ​មានការ​ដំឡើង​ថ្លៃនោះទេ ពិសេសនៅថ្ងៃបុណ្យទានផ្សេងៗ។ ដោយសារចំណុចល្អនេះ បានធ្វើឱ្យខេត្តកំពតកាន់តែមាន​ប្រជាប្រិយ​ភាព និងទាក់ទាញទេសចរកាន់តែច្រើន៕ដោយ៖ សិលា សារិន

(ស្វាយរៀង)៖ ប្រជាកសិករប្រកបមុខរបរចិញ្ចឹមកង្កែបជាលក្ខណៈគ្រួសារ ជាច្រើនគ្រួសារក្នុងស្រុកស្វាយជ្រំទទួលបានជោគជ័យ អាចរកប្រាក់ចំណូល បានជាមធ្យម ចំនួន៤លានរៀលក្នុងមួយវគ្គរយៈពេល៣ខែ ធ្វើឲ្យជីវភាពក្នុងគ្រួសារល្អប្រសើរ។ លោក សាន់ សំអាត វ័យ ៤៧ឆ្នាំ ជាកសិករគំរូម្នាក់រស់នៅក្នុងភូមិអូរស្រង៉ាំ ឃុំដូនសរ ស្រុកស្វាយជ្រំ ខេត្តស្វាយរៀងបានឲ្យដឹងថា គាត់បានចាប់យកមុខរបរការចិញ្ចឹមកង្កែបជាលក្ខណៈគ្រួសារ ទទួលបានជោគជ័យ ដោយគាត់ចិញ្ចឹមកង្កែបយកសាច់និងចិញ្ចឹមកង្កែបមេពូជ ភ្ញាស់យកកូនលក់ អាចរកប្រាក់បាន៥លានរៀលក្នុង១វគ្គរយៈពេល៣ខែ ហើយការចិញ្ចឹមកង្កែបរបស់គាត់ មានរយៈពេល៥ឆ្នាំគឺទទួលបានជោគជ័យអាចរកប្រាក់ចំណូលបានច្រើនធ្វើឲ្យជីវភាពគ្រួសាររបស់គាត់ល្អប្រសើរជាងមុន។ប្រសិនបើប្រជាកសិករងាកមកចិញ្ចឹមសត្វ ត្រី កង្កែបជាលក្ខណៈគ្រួសារច្រើន គឺកាត់បន្ថយការចំណាកស្រុកនិងរស់នៅជួបជុំគ្រួសារទៀតផង។ លោក សាន់ សំអាត បានបន្តថា មុខរបបចិញ្ចឹមកង្កែបលក្ខណៈគ្រួសារ គឺអាចរកប្រាក់ចំណូលបន្ថែម ដោយការចិញ្ចឹមកង្កែប គឺងាយស្រួលក្នុងការចិញ្ចឹម ហើយងាយស្រួលរកទីផ្សារដែរ។ លោក សាន់ សំអាត បានបន្ថែមថា គាត់ត្រូវបានមន្ទីរកសិកម្មជ្រើសរើសឲ្យធ្វើជាកសិករគំរូ ធ្វើអាជីវកម្មភ្ញាស់កូន កង្កែបខ្នាតតូច ក្នុងសហគមន៍«សហគមន៍កសិកម្មទងធ្លករីកចំរើន»គឺបានភ្ញាស់កូនកង្កែបលក់បន្ថែមលើរបរកសិកម្មផ្សេងៗទៀត គ្រួសារគាត់បានចាប់យករបរនេះ មានរយៈពេល៥ឆ្នាំហើយ ដោយទទួលបានចំណូលល្អប្រសើរ ក្រោយពេលធ្វើការភ្ញាស់កូនមួយវគ្គៗហើយត្រូវបានទទួលការគាំទ្រពីអ្នកបញ្ជាទិញយកទៅចិញ្ចឹមយកសាច់លក់បន្ត ។ លោកបន្តទៀតថា ការចិញ្ចឹមកង្កែបមានភាពងាយស្រួលក្នុងការចិញ្ចឹមណាស់បើការចិញ្ចឹមយកសាច់ ក៏ប៉ុន្តែបើការចិញ្ចឹមមេពូជភ្ញាស់យកកូន ក៏មិនជាពិបាកប៉ុន្មានទេបើយើងមានការព្យាយាម ពីព្រោះកង្កែបមេពូជបង្កើតកូននៅពេលវាមានអាយុ ៤ខែ ក្នុងរយៈពេលបីខែកង្កែបអាចបង្កើតកូនបានម្តង…

ភ្នំពេញ៖គម្រោងស្ពានអាកាសភ្លោះ “សម្តេចមហាបវរធិបតី” គ្រោងនឹង​បញ្ចប់ស្ពានទី១ (មហាវិថីសម្តេច ហ៊ុន សែន ទៅព្រលាន​តេជោ)នៅមុន​ខែមេសាឆ្នាំ២០២៥ និងបញ្ចប់គម្រោងទាំងមូលនៅខែមិថុនា ។ ក្រសួងសាធារណការ និងដឹកជញ្ជូនបានឱ្យដឹងនៅថ្ងៃទី២៧ ខែមករា ថា ស្ពានអាកាសភ្លោះ “សម្តេចមហាបវរធិបតី” សម្រេចបានប្រមាណ៤៥ភាគ​រយហើយ គិតត្រឹមថ្ងៃទី២៥ ខែមករា។ ប្រភពដដែលបន្ថែមថា គម្រោងសាងសង់ស្ពានអាកាស​ភ្លោះនេះ ស្ពានជាប្រភេទ​បេតុងអាមេ ( ធ្នឹមរាងអក្សរ I ) ដែល​មានបណ្ដោយស្ពានសរុប ៦២២ម៉ែត្រ, បណ្ដោយតួស្ពាន ២៨១ម៉ែត្រ, ផ្លូវតភ្ជាប់ក្បាលស្ពានទៅមក ខាងមហាវិថី​សម្តេចតេជោ ហ៊ុន សែន ប្រវែង ១៨០ម៉ែត្រ, ផ្លូវតភ្ជាប់ក្បាលស្ពានទៅមកខាង​ព្រលានយន្តហោះ អន្តរជាតិតេជោ ១៦១ម៉ែត្រ។គិតត្រឹមថ្ងៃទី២៥ ខែមករាវឌ្ឍនភាពនៃដំណើរការសាងសង់ស្ពានអាកាសភ្លោះ “សម្តេចមហាបវរធិបតី” ការដ្ឋានទាំងមូល សម្រេចបានប្រមាណ៤៥ភាគរយ​ហើយ ដោយគ្រោងនឹងបញ្ចប់ស្ពានទី១ (មហាវិថីសម្តេច ហ៊ុន សែន ទៅព្រលានតេជោ) នៅមុនខែមេសា ឆ្នាំ២០២៥ និងបញ្ចប់គម្រោងទាំងមូល​នៅខែមិថុនាឆ្នាំ២០២៥៕

(ភ្នំពេញ)៖ បើនិយាយពីស្រុកកំពង់លែង ខេត្តកំពង់ឆ្នាំនោះគេនឹងគិតទៅដល់ភ្លាម “រមនីយដ្ឋានភ្នំនាងកង្រី”និងអ្វីដែលល្បីឈ្មោះមួយទៀតដែរនោះគឺ ឃុំ កំពង់ហៅ ដែលមានចម្រៀងមួយបទក្រោមចំណងជើងថា “បុប្ផាកំពង់ហាវ” ជាបទចម្រៀង ច្រៀង និងនិពន្ធទំនុកច្រៀង ព្រមទាំងនិពន្ធបទភ្លេងដោយ លោក ស៊ីន ស៊ីសាមុត។ កាលបើនិយាយដល់តំបន់មួយនេះអ្នកទេសចរខ្មែរមួយចំនួន ពុំបានដឹងជាក់ឬបានទៅដល់ដោយផ្ទាល់ឡើយ ដោយគេអាចដឹងត្រឹមតែរយៈរូបភាព ឬឈ្មោះ និងពិសេសជាងនេះទៅទៀតនោះគឺបទចម្រៀងដ៏ពិរោះរណ្តំដែលរៀបរាប់អំពីជម្រៅចិត្តស្នេហាបង្កប់ទៅដោយអត្ថន័យបទចម្រៀងរបស់ លោក ស៊ីន ស៊ីសាមុត រៀបរាប់ស្នេហាទៅលើអ្នកគ្រូពេទ្យម្នាក់នៅឃុំកំពង់ហៅ។ គួរបញ្ជាក់ថាកំពង់ឆ្នាំងជាខេត្ដមួយដែលស្ថិតនៅជុំវិញបឹងទនេ្លសាប មានចម្ងាយប្រមាណ៩១គីឡូម៉ែត្រ ពីរាជធានីភ្នំពេញ។ខេត្តកំពង់ឆ្នាំងមានតំបន់ទេសចរណ៍ប្រមាណ ២៤ កន្លែង ក្នុងនោះតំបន់ទេសចរណ៍ប្រវត្តិសាស្ត្រមាន ១០ កន្លែង និងតំបន់ទេសចរណ៍ធម្មជាតិមាន ១៤ កន្លែង។ ខេត្តនៅភាគកណ្តាលប្រទេសកម្ពុជាមួយនេះល្បីខាសិប្បកម្មសូន្យឆ្នាំង រាប់ជំនាន់មកហើយនេះ ក៏មានរមណីយដ្ឋានទេសចរណ៍ច្រើនកន្លែង។ ក្រៅពីរមនីយដ្ឋានភ្នំនាងកង្រី ល្បីទូទាំងប្រទេស និងជាអត្តសញ្ញាណខេត្តមួយនេះ អ្វីចាប់អារម្មណ៍មួយទៀត ហើយជារឿយគេតែងមើលរំលងដែរនោះគឺតំបន់ទេសចរណ៍តាមទឹកនៅឃុំកំពង់ហៅ និងតំបន់ទេសចរណ៍តាមទឹក តំបន់ប្រាសាទជាច្រើនកន្លែងទៀតស្ថិតនៅក្នុងខេត្តនេះ។ លោក អេង ស្រស់វណ្ណៈ អភិបាលរង ស្រុក កំពង់លែង ខេត្ត កំពង់ឆ្នាំង បានឱ្យដឹងថា៖ស្រុកកំពង់លែងប្រៀបប្រដូចទៅនឹងគ្រាប់ពេជ្រមិនទាន់កែច្នៃ ដោយសារតំបន់សក្តានុពលទេសចរណ៍ជាច្រើនមិនទាន់បានអភិវឌ្ឍន៍នៅឡើយ។…

(ភ្នំពេញ)៖ អនុវិស័យដំណាំបាន ចូលរួមធំជាងគេ ក្នុងវិស័យកសិកម្មទាំងមូល រហូតដល់ ៦១ភាគរយ ដោយក្នុងឆ្នាំ២០២៤ សម្រេចបានផលិតកម្ម ៣៩,៤លានតោន កើនឡើង ២,៥៩លានតោនធៀបឆ្នាំ២០២៣ ក្នុងនោះផលិតកម្មស្រូវសម្រេចបាន ១៣,៨៩លានតោន ដែលធានាបានទាំងស្រុងនូវសន្តិសុខស្បៀង ។ នេះជាការថ្លែងបញ្ជាក់ ពីសំណាក់ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅក្នុងពិធីបិទ «សន្និបាត បូកសរុបការងារកសិកម្ម រុក្ខាប្រមាញ់ និងនេសាទទូទាំងប្រទេសប្រចាំឆ្នាំ២០២៤ និងទិសដៅអនុវត្តឆ្នាំ២០២៥» នៅថ្ងៃ២២ ខែមករា ឆ្នាំ២០២៥កន្លងមក ។ ឯកឧត្តមរដ្ឋមន្ត្រី ឌិត ទីណាបានមានប្រសាសន៍ក្នុងពិធីនេះដែរថាទោះបីជាមានការប៉ះពាល់ដោយគ្រោះធម្មជាតិ ការបំផ្លាញពីសត្វល្អិតផ្សេងៗយើងកាន់តែមានភាពធន់ទៅនឹង បម្រែបម្រួលអាកាសធាតុ ជាមួយបង្កើនការផ្សព្វផ្សាយបច្ចេកទេសដល់កសិករ ពូជ ជី ថ្នាំ និងបច្ចេកវិទ្យា”៕ ដោយ ៖ ម៉ាដេប៉ូ

(ភ្នំពេញ)៖ ធនាគារជាតិ នៃកម្ពុជា និងក្រុមហ៊ុនបណ្ដាញប័ណ្ណទូទាត់អន្តរជាតិវីសា (Visa) បានប្រកាសដាក់ឱ្យដំណើរការ កម្មវិធីទូទាត់បាគងទេសចរ ជាផ្លូវការ ដើម្បីលើកកម្ពស់សេវាទូទាត់ឱ្យកាន់តែប្រសើរ រួមចំណែកគាំទ្រវិស័យទេសចរណ៍នៅកម្ពុជា ។ កម្មវិធីទូទាត់បាគងទេសចរ បានដាក់ឲ្យដំណើរការ នៅថ្ងៃទី២២ ខែមករា ឆ្នាំ២០២៥ ក្រោមការចូលពីលោកជំទាវបណ្ឌិត ជា សិរី ទេសាភិបាលធនាគារជាតិ នៃកម្ពុជា, លោក DITH SOCHAL នាយកប្រតិបត្តិនៃធនាគារពាណិជ្ជកម្មបរទេសនៃកម្ពុជា, លោក ARTURO PLANELL អ្នកគ្រប់គ្រងនៃក្រុមហ៊ុន VISA Group Country Manager និងមានការចូលរួមពីតំណាងក្រសួង-ស្ថាប័នរាជរដ្ឋាភិបាល ក្រុមហ៊ុនបណ្តាញទូទាត់អន្តរជាតិ និងវិស័យឯកជនសរុបប្រមាណ ៣០០នាក់ ។ លោកជំទាវបណ្ឌិត ជា សិរី បានមានប្រសាសន៍ថា តាមរយៈដំណើរការកម្មវិធីនេះ ទេសចរអន្តរជាតិ ដែលធ្វើដំណើរកម្សាន្តនៅកម្ពុជា អាចធ្វើប្រតិបត្តិការទូទាត់បែបឌីជីថ លបានយ៉ាងងាយស្រួល ដោយគ្រាន់តែទាញយកកម្មវិធីទូទាត់បាគងទេសចរដាក់ក្នុងទូរសព្ទដៃ ដើម្បីចុះឈ្មោះប្រើប្រាស់ហើយភ្ជាប់ជាមួយប័ណ្ណទូទាត់វីសា ដែលមានស្រាប់ពីប្រទេសដើមរបស់ខ្លួន ។ បន្ទាប់ពីតភ្ជាប់រួចរាល់ អ្នកប្រើប្រាស់អាចផ្ទេរប្រាក់ចូលក្នុងគណនីបាគង ហើយធ្វើប្រតិបត្តិការទូទាត់តាមខេអេចឃ្យូអរកូត ជាមួយអាជីវករប្រមាណ…

(ខេត្តបាត់ដំបង)៖ លោក ឈឹម វជិរា ប្រធានមន្ទីរកសិកម្ម រុក្ខាប្រមាញ់ និង នេសាទ ខេត្តបាត់ដំបង បានអំពាវនាវ និងលើកទឹកចិត្តឱ្យកសិករក្នុងខេត្ត នាំគ្នាដាំដុះស្រូវ សែនក្រអូប ដែលកំពុងតែមានតម្រូវការទីផ្សារខ្ពស់ ខណៈដែលស្រូវនេះមានតម្លៃខ្ពស់ល្អ និងមិនមានហានិភ័យ ដល់បងប្អូនក្នុងពេលប្រមូលផល ។ លោក ឈឹម វជិរ៉ា បន្ថែមថា ការដាំដុះ”ស្រូវសែនក្រអូប” នៅក្នុងខេត្តបាត់ដំបង មានចំនួនតិចតួចនៅឡើយ បើផ្អែកទៅតាមតម្រូវការនៃទីផ្សារនាំចេញ ។ តម្លៃស្រូវសែនក្រអូបជាទូទៅ មានតម្លៃខ្ពស់ ដូច្នេះកសិករគួរងាកមកដាំដុះស្រូវសែនក្រអូប ដែលជាពូជស្រូវខ្មែរយើងវិញ នេះប្រសិនបើបងប្អូនមានផ្ទៃដី ដែលអាចដាំដុះពូជស្រូវនេះបាន ។ សូមបញ្ជាក់ដែរថា៖ ក្នុងឱកាសចុះពិនិត្យមើលការប្រមូលផលស្រូវពូជនៅ​កសិដ្ឋានផលិតពូជស្រូវទួលសំរោង ស្រុកថ្មគោល ខេត្តបាត់ដំបង កន្លងទៅ និងជាបន្តបន្ទាប់ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និង នេសាទ តែងតែធ្វើការដាស់តឿនក្រើនរំលឹក ផ្តល់ការលើកទឹកចិត្ត និងជំរុញដល់បងប្អូនប្រជាកសិករឱ្យនាំគ្នាងាកមកប្រើប្រាស់ពូជស្រូវរបស់ខ្មែរយើងរួមមាន៖ពូជស្រូវសែនក្រអូបនិងពូជស្រូវផ្ការំដួល ដែលអាចរក្សាបាននូវតម្លៃទីផ្សារល្អ ហើយក៏កំពុងតែមានតម្រូវកាទីផ្សារខ្ពស់ ថែមទាំងមានការអន្តរាគមន៍ពីក្រសួងកសិកម្មផ្ទាល់ទៀតផង និងជាជាងបងប្អូនជ្រើសយកក្នុងការដាំដុះពូជស្រូវ ដែលនាំចូលពីបរទេស…