-
គ្រាប់ស្វាយចន្ទីស្រស់នាំ ចេញទៅកាន់ប្រទេសវៀតណាមថយចុះ ខណៈការកែច្នៃគ្រាប់ចន្ទីនៅកម្ពុជាកើនឡើង
(ភ្នំពេញ)៖ ដំណាំគ្រាប់ស្វាយចន្ទីឆៅរបស់កម្ពុជាដែលនាំចេញទៅក្រៅប្រទេសកន្លងមក គឺបាននាំទៅកាន់ប្រទេសវៀតណាមច្រើនជាងគេ ប៉ុន្តែបច្ចុប្បន្នការនាំចេញនេះបានធ្លាក់ចុះបន្តិចវិញ ក្រោយពីពេលដែលការកែច្នៃក្នុងស្រុកកើនឡើងរួចមក ។ ថ្លែងបញ្ជាក់ប្រាប់បណ្តាញសារព័ត៌មាននាថ្ងៃទី ១០ ខែកក្កដា ឆ្នាំ២០២៤នេះ លោក ជំទាវ អ៊ឹម រចនា មន្រ្តីនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ៖ កាលពីមុនមកនេះគ្រាប់ស្វាយចន្ទីឆៅនៅកម្ពុជានាំចេញក្រៅប្រទេសស្ទើរតែ៩៩ភាគរយទៅហើយ ដោយក្នុងចំណោមនេះគ្រាប់ស្វាយចន្ទីនាំទៅកាន់ប្រទេសវៀតណាមច្រើនជាងគេ ។ សម្រាប់នាពេលបច្ចុប្បន្ននេះដែរការនាំចេញគ្រាប់ស្វាយចន្ទីស្រស់មានប្រមាណ ៩០ភាគរយ ទាំងនេះដោយសារថាការកែច្នៃគ្រាប់ផ្លែចន្ទីស្រស់នៅក្នុងស្រុកមាន និន្នការកាន់តែកើនឡើង។ លោក ជំទាវ អ៊ឹម រចនា បានថ្លែងថាក្រសួងកសិកម្មចង់បានការកែច្នៃគ្រាប់ចន្ទីស្រស់ និងគ្រាប់ស្វាយចន្ទីឆៅក្នុងស្រុកឱ្យទៅជាផលិតផលសម្រេចដើម្បីនាំចេញទៅក្រៅប្រទេស។ ក្រសួងត្រូវការក្រុមហ៊ុនវិនិយោគកើនឡើង ជាមួយគ្នានេះការកែច្នៃនាំចេញនេះដែរគឺនឹងនាំមកនូវប្រាក់ចំណូលដល់ប្រជាកសិករ ដល់សហគ្រាស ហើយយន្តការមួយនេះគឺជាការចង់បានរបស់ក្រសួងកសិកម្ម។ លោកជំទាវ បានថ្លែងបញ្ជាក់បន្ថែមថា”ការកែច្នៃគ្រាប់ចន្ទីស្រស់ និងគ្រាប់ចន្ទី ឆៅ ឱ្យទៅជាផលិតផលសម្រេច ហើយនាំចេញទៅក្រៅប្រទេស ការវិនិយោគទៅលើការកែច្នៃនេះ គឺមានសារៈសំខាន់ទាល់តែមែនទែនក្នុងការបង្កើនតម្លៃបន្ថែមសម្រាប់ផលិតផលផ្លែចន្ទី តម្លៃបន្ថែមនេះហើយគឺផ្តល់ផលចំណេញបន្ថែមរបស់ប្រជាកសិករលើការដាំដុះ ហើយនិងមុខមាត់របស់ផលិតផលរបស់កម្ពុជាលើឆាកអន្តរជាតិ”។ គួរបញ្ជាក់ថា ក្រសួងកសិកម្ម រុក្ខាប្រមាញ់ និងនេសាទ បានចុះបញ្ជីការពារពូជស្វាយចន្ទីចំនួន ៤ ប្រភេទ រួមមានពូជចន្ទី M-23,ពូជ…
-
ខេត្តព្រះសីហនុ នឹងបន្តអភិវឌ្ឍទៅជាតំបន់សេដ្ឋកិច្ចពិសេសគំរូពហុបំណង ដោយអនុវត្តជាពីរដំណាក់កាល
(ភ្នំពេញ)៖ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និង ជាប្រធានគណៈកម្មាធិការសម្របសម្រួលអន្តរក្រសួងរៀបចំផែនការមេ ដើម្បីអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង (គ.ស.ផ.) បានដឹកនាំកិច្ចប្រជុំគណៈកម្មាធិការសម្របសម្រួលអន្តរក្រសួង លើកទី៣ នាថ្ងៃទី៩ ខែ កក្កដា ឆ្នាំ២០២៤ នៅទីស្តីការក្រសួង ដើម្បីពិនិត្យ និងផ្ដល់យោបល់លើសេចក្តីព្រាង «ផែនការមេដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង» និង «ផែនការសកម្មភាព» មុននឹងដាក់ជូនរាជរដ្ឋាភិបាល អនុម័ត ដាក់ឱ្យអនុវត្តនាពេលខាងមុខ ។ កិច្ចប្រជុំនេះ មានការអញ្ជើញចូលរួមពី ឯកឧត្តមឧបនាយករដ្ឋមន្ត្រី, ឯកឧត្តមរដ្ឋមន្រ្តី, ឯកឧត្តមរដ្ឋលេខាធិការ, ឯកឧត្តមអភិបាល នៃគណៈអភិបាលខេត្តព្រះសីហនុ និងថ្នាក់ដឹកនាំជាន់ខ្ពស់ នៃក្រសួង-ស្ថាប័នពាក់ព័ន្ធ ដែលជាសមាជិក-សមាជិកា គ.ស.ផ. ។ ជាវឌ្ឍនភាពថ្មីមួយដ៏សំខាន់របស់រាជរដ្ឋាភិបាល នីតិកាលទី៧ នៃរដ្ឋសភា ស្របតាមយុទ្ធសាស្រ្តបញ្ចកោណដំណាក់កាលទី១ ក្រោមការដឹកនាំដ៏ស្វាហាប់ និងឈ្លាសវៃរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា, ផែនការមេដើម្បីអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង គឺជាត្រីវិស័យក្នុងការអភិវឌ្ឍខេត្តព្រះសីហនុ ឱ្យទៅជាប៉ូលសេដ្ឋកិច្ចដ៏សំខាន់មួយសំដៅជំរុញកំណើនសេដ្ឋកិច្ច, ការអភិវឌ្ឍសង្គម និងការការពារបរិស្ថានប្រកបដោយចីរភាព…
-
សហគ្រិននិស្សិត ២០០នាក់ចូលរួមបង្កើតគំនិតច្នៃប្រឌិតក្នុងកម្មវិធី UnipreneurCamp វគ្គទី១ របស់សហគ្រិនខ្មែរ
ភ្នំពេញ កម្ពុជា – ថ្ងៃទី ០៨ ខែកក្កដា ឆ្នាំ ២០២៤ – ចុងសប្តាហ៍នេះ ទិដ្ឋភាពសហគ្រិនភាពនៃរាជធានីភ្នំពេញ មានការចាប់អារម្មណ៍គួរឲ្យកត់សម្គាល់ ដោយសហគ្រិនខ្មែរ បានរៀបចំកម្មវិធី UnipreneurCamp កម្រងទី ១ ដែលជាកម្មវិធីដ៏ល្អមួយក្រោមក្របខណ្ឌកម្មវិធី “សហគ្រិនមហាវិទ្យាល័យ” ដោយជោគជ័យ។ កម្មវិធី Hackathon ប្រព្រឹត្តឡើងក្នុងរយៈពេលបីថ្ងៃជាមួយនឹងសកម្មភាពជាច្រើន ដែលរៀបចំនៅសាកលវិទ្យាល័យអាមេរិកាំងភ្នំពេញ (AUPP) បាននាំនិស្សិតចំនួន ២០០ នាក់មកពីសាកលវិទ្យាល័យចំនួន ៧ នៅទូទាំងរាជធានីភ្នំពេញ។ ក្នុងវគ្គទី១នេះ សហគ្រិននិស្សិតចំនួន ៤០ ក្រុមត្រូវបានបង្កើតឡើង ពោរពេញដោយភាពស្វាហាប់ និងការប្រកួតប្រជែង ហើយពួកគេបាន ធ្វើការស្រាវជ្រាវ និងរៀបចំបទបង្ហាញ អំពីគំនិត ដំណោះស្រាយ យ៉ាងល្អឥតខ្ជោះទៅកាន់គណកម្មការវាយតម្លៃ។ កម្មវិធីនេះបានដំណើរការចាប់ពីថ្ងៃសៅរ៍ ទី ៦ ដល់ថ្ងៃចន្ទ ទី ៨ ខែកក្កដា ឆ្នាំ ២០២៤ ដែលមានគោលបំណងបំពាក់បំប៉ន និស្សិតនូវ ជំនាញបច្ចេកទេស និងជំនាញទន់ដែលផ្តល់ជាមូលដ្ឋានគ្រឹះក្នុងការកសាងធុរកិច្ចថ្មី។…
-
ខួប៣០ឆ្នាំនៅកម្ពុជា ហ៊ិននីគែន ខេមបូឌា ត្រៀមបង្ហាញស្រាបៀរគ្មានជាតិអាល់កុលឈានមុខគេលើពិភពលោក
ភ្នំពេញ៖ ស្រាបៀរ Heineken® 0.0 ដែលជាស្រាបៀរគ្មានជាតិអាល់កុលឈានមុខគេលើពិភពលោក នឹងមកដល់ប្រទេសកម្ពុជាក្នុងពេលឆាប់ៗនេះ ដែលស្របជាមួយនឹងការប្តេជ្ញាចិត្តរបស់ក្រុមហ៊ុន ហ៊ិននីគែន ខេមបូឌា ក្នុងការលើកកម្ពស់ការប្រើប្រាស់ប្រកបដោយការទទួលខុសត្រូវ និងផ្តល់ជម្រើសដល់អ្នកប្រើប្រាស់។ ស្រាបៀរ Heineken® 0.0 នឹងក្លាយជាស្រាបៀរគ្មានជាតិអាល់កុលដំបូងគេនៅចំណោមម៉ាកយីហោរបស់ ក្រុមហ៊ុន ហ៊ិននីគែន ខេមបូឌា។ ការចាប់ផ្តើមនៃការបង្កើតថ្មីនេះ ស្របពេលជាមួយនឹងខួបលើកទី ៣០ របស់ក្រុមហ៊ុនដែលបានប្រតិបត្តិការនៅក្នុងប្រទេសកម្ពុជាកន្លងមក ហើយជាព្រឹត្តិការណ៍មួយដែលបង្ហាញពីការប្តេជ្ញាចិត្តយូរអង្វែងរបស់ក្រុមហ៊ុនចំពោះមហិច្ឆតា « រួមគ្នាដើម្បីកម្ពុជាកាន់តែប្រសើរ» របស់ខ្លួន។ មុនពេលការសម្ពោធជាផ្លូវការនៃស្រាបៀរ Heineken® 0.0 នៅក្នុងប្រទេសកម្ពុជា ក្រុមអ្នកសារព័ត៌មានត្រូវបានអញ្ជើញជាពិសេសឱ្យមកទស្សនកិច្ចនៅរោងចក្រស្រាបៀរក្រុមហ៊ុន ហ៊ិននីគែន ខេមបូឌា ដែលរួមមានការសង្ខេបអំពីយុទ្ធសាស្ត្ររបស់ក្រុមហ៊ុន ទស្សនកិច្ចរោងចក្រស្រាបៀរ បទបង្ហាញពីផលិតផល និងការភ្លក់ផលិតផលថ្មី។ ក្នុងនាមជាអ្នកនាំមុខគេលើពិភពលោកក្នុងប្រភេទស្រាបៀរមិនមានជាតិអាល់កុល ក្រុមហ៊ុន ហ៊ិននីគែន បានប្តេជ្ញាចិត្តក្នុងការផលិតប្រកបដោយការទទួលខុសត្រូវ និងលើកទឹកចិត្តឱ្យអ្នកទាំងអស់គ្នាទទួលទានប្រកបដោយទំនួលខុសត្រូវ ក្នុងគោលបំណងផ្តល់សិទ្ធិដល់អ្នកប្រើប្រាស់ក្នុងការជ្រើសរើសភេសជ្ជៈសមស្របសម្រាប់ឱកាសដ៏ត្រឹមត្រូវ គ្រប់ទីកន្លែង និងគ្រប់ពេលវេលា។លោកស្រី Anne De Graaf នាយកកិច្ចការសាជីវកម្មនៃ ក្រុមហ៊ុន ហ៊ិននីគែន ខេមបូឌា បានមានប្រសាសន៍ថា៖ «ក្នុងនាមជាអ្នកផលិតស្រាបៀរដែលមានទំនួលខុសត្រូវនិងឈានមុខមួយ យើងបានប្តេជ្ញាចិត្តក្នុងការច្នៃប្រឌិត…
-
ក្នុងមួយថ្ងៃអ្នកទេសចរទិញបណ្ណចូលទស្សនារមណីយដ្ឋានអង្គរប្រមាណ ១៣០០ – ១៧០០ នាក់
ភ្នំពេញ៖ ក្រសួងទេសចរណ៍បានឱ្យដឹងថាក្នុងមួយ ថ្ងៃៗ ភ្ញៀវទេសចរបានទិញបណ្ណចូលទស្សនារមណីយដ្ឋានអង្គរប្រមាណ១,៣០០ នាក់ ទៅ ១,៧០០ នាក់ ។ បើតាមក្រសួងទេសចរចណ៍បានឱ្យដឹងនៅថ្ងៃទី៤ ខែកក្កដា ឆ្នាំ ២០២៤នេះថា សម្រាប់ជើងហោះចូលមកកាន់ខេត្តសៀមរាបមានចន្លោះពី ១៤-១៩ ជើងហោះហើរក្នុងមួយថ្ងៃ ក្នុងនោះមានមកពីបាងកកចំនួន ៥-៦ ជើងក្នុងមួយថ្ងៃ,ហូជីមីញ ៣ ជើងក្នុងមួយថ្ងៃ, ដាណាង ១ ជើងក្នុងមួយថ្ងៃ, ហាណូយ ២ ជើងក្នុងមួយថ្ងៃ។ កូឡាឡាំពួរ ១ ជើងក្នុងមួយថ្ងៃ, សិង្ហបុរី ១ជើងក្នុងមួយថ្ងៃ, ភ្នំពេញ ២ជើងក្នុងមួយថ្ងៃ និង ក្រុងព្រះសីហនុ ១ជើងក្នុងមួយថ្ងៃ។ បើតាមក្រសួងទេសចរណ៍បានឱ្យដឹងដែរថាសម្រាប់នាព្រឹកថ្ងៃទី៤ ខែកក្កដា ឆ្នាំ២០២៤ មានភ្ញៀវទេសចរជាតិនិងអន្តរជាតិជាច្រើនទៅទស្សនាថ្ងៃរះនៅប្រាសាទអង្គរ និងតំបន់ជាច្រើនទៀតនៅតំបន់រមណីយដ្ឋានឧទ្យានអង្គរជាច្រើននាក់ផងដែរ។ គួរបញ្ជាក់ផងដែរថា កាលពីពេលថ្មីៗនេះ ប្រាសាទអង្គរវត្ត បានស្ថិតនៅលំដាប់លេខ ២ ក្លាយជាគោលដៅទេសចរណ៍ទាក់ទាញល្អបំផុតនៅតំបន់អាស៊ី ៕ ដោយ ៖ ម៉ាដេប៉ូ
-
ផ្លូវអាកាសថ្មីត្រូវបានពង្រីក៖ ផ្លូវហោះហើរថ្មីរបស់ Vietjet តភ្ជាប់ប្រទេសចិន និងកូរ៉េខាងត្បូង
ភ្នំពេញ៖ ការផ្តល់ជូនប្រូម៉ូសិនពិសេសនេះ មានរយៈពេលតែមួយសប្តាហ៍ប៉ុណ្ណោះ តម្លៃសំបុត្រចាប់ផ្តើមពី USD0 សម្រាប់បណ្តាញជើងហោះហើរទាំងអស់។ ក្រុមហ៊ុន Vietjet នៅថ្ងៃទី០៣ ខែកក្កដា ឆ្នាំ ២០២៤ បានកំណត់នូវព្រឹត្តិការណ៍ថ្មីក្នុងប្រតិបត្តិការដឹកអ្នកដំណើរជាមួយការតភ្ជាប់ផ្លូវអាកាសរបស់ខ្លួននៅទូទាំងតំបន់អាស៊ីប៉ាស៊ីហ្វិក ដោយបើកដំណើរសេវាហោះហើរដោយផ្ទាល់ជាលើកដំបូងដែលមិនធ្លាប់មាន ភ្ជាប់ទីក្រុងហូជីមិញទៅទីក្រុងស៊ីអាន (ប្រទេសចិន) និងប្រកាសដំណើរការផ្លូវហោះហើររវាង ញ៉ាត្រាង – ទីក្រុងដែហ្គូ (កូរ៉េខាងត្បូង) ។ គំនិតផ្តួចផ្តើមទាំងនេះ បញ្ជាក់ពីការប្តេជ្ញាចិត្តរបស់ក្រុមហ៊ុន Vietjet ក្នុងការផ្តល់ជូននូវឱកាសធ្វើដំណើរដែលមានតម្លៃសមរម្យ និងការធ្វើដំណើរគ្មានដែនកំណត់ ខណៈពេលដែលការពង្រឹងការតភ្ជាប់ផ្លូវអាកាសនៅទូទាំងអាស៊ីអាគ្នេយ៍ និងអាស៊ីឦសាន។ ដើម្បីអបអរសាទរក្នុងឱកាសនេះ ក្រុមហ៊ុន Vietjet ផ្តល់ជូនការបញ្ចុះតម្លៃពិសេសចាប់ពីថ្ងៃទី 1 ខែកក្កដា ដល់ថ្ងៃទី 7 ខែកក្កដា ឆ្នាំ 2024 នូវសំបុត្រចំនួន ១ លានសំបុត្រ ដែលមានតម្លៃចាប់ពី 65 ដុល្លារ (រួមបញ្ចូលទាំងអស់) សម្រាប់ទូទាំងបណ្តាញជើងហោះហើរទាំងអស់របស់ខ្លួន រួមទាំងជើងហោះហើរពីខេត្តសៀមរាបក្នុងប្រទេសកម្ពុជាទៅកាន់ទីក្រុងហាណូយផងដែរ។ ក្រុមហ៊ុន Vietjet បានបន្ថែមជើងហោះហើរត្រង់ប្រចាំថ្ងៃរវាងខេត្តសៀមរាបក្នុងប្រទេសកម្ពុជា និងរដ្ឋធានីហាណូយរបស់វៀតណាមកាលពីខែធ្នូឆ្នាំមុន។ លោកអ្នកអាចធ្វើការកក់សំបុត្រដើម្បីទទួលបានការបញ្ចុះតម្លៃពិសេសសម្រាប់ជើងហោះហើរនេះ (ដើម្បីធ្វើដំណើរ)…
-
គម្រោងវិនិយោគធុរកិច្ច ចំនួន ២២ ក្នុងខេត្តព្រះសីហនុ ក្រោមទុនវិនិយោគសរុបជាង ២ ពាន់លាន ដុល្លារអាមេរិក ទទួលបានការលើកទឹកចិត្តពិសេស
ភ្នំពេញ៖ គម្រោងវិនិយោគធុរកិច្ច ចំនួន ២២ ក្នុងខេត្តព្រះសីហនុ ក្រោមទុនវិនិយោគសរុបជាង ២ ពាន់លាន ដុល្លារអាមេរិក ទទួលបានការលើកទឹកចិត្តពិសេសគម្រោងទាំងនោះរួមមាន គម្រោងពាក់ព័ន្ធនឹងអគារជាប់គាំងចំនួន ១៣, គម្រោងពុំពាក់ព័ន្ធនឹងអគារជាប់គាំង (គម្រោងថ្មី) ចំនួន ៧, និង គម្រោងពង្រីកចំនួន ២ ដែលមានសកម្មភាពលើការផលិតសំបកកង់រថយន្ត, ការផលិតបន្ទះសូឡា, សណ្ឋាគារ, រមណីយដ្ឋាន, ការអភិវឌ្ឍលំនៅដ្ឋាន, អគារពហុមុខងារ, សាលារៀន, និង មន្ទីរពេទ្យ ។ គម្រោងទាំងនេះ ជាគម្រោងចម្រុះ ដែលមានម្ចាស់ជាជនជាតិខ្មែរ និង បរទេស និង មានទំហំតូច មធ្យម និង ធំ ដែលមានទុនចាប់ពី ១០ម៉ឺនដុល្លារអាមេរិក ដល់ ៥០០លានដុល្លារអាមេរិក ។ នេះបើយោងតាមស្មារតីនៃ កិច្ចប្រជុំក្រុមការងារជំរុញការវិនិយោគក្នុងខេត្តព្រះសីហនុ រយៈពេលពីរថ្ងៃពេញ ចាប់ពី ថ្ងៃទី ២៦ ដល់ថ្ងៃទី ២៧ ខែ មិថុនា ឆ្នាំ…
-
អាកាសយានដ្ឋានអន្តរជាតិតេជោ នឹងប្រតិបត្តិការនៅដើមឆ្នាំ២០២៥ ដោយផ្ដល់សិទ្ធិឱ្យក្រុមហ៊ុនបារាំង លក់ទំនិញរួចពន្ធ និងសេវាកម្មម្ហូបអាហារ
ភ្នំពេញ៖ ក្រុមហ៊ុនអាកាសយានដ្ឋានអន្តរជាតិតេជោនឹងបើកប្រតិបត្តិការនៅដើមឆ្នាំ២០២៥ ដោយផ្ដល់សិទ្ធិឱ្យក្រុមហ៊ុនបារាំង លក់ទំនិញរួចពន្ធ និងសេវាកម្មម្ហូបអាហារ ដែលពុំធ្លាប់មាននៅកម្ពុជា រយៈពេល ១២ឆ្នាំ ។ នេះបើតាមការបញ្ជាក់របស់ក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (Cambodia Airport Investment Co., Ltd.“CAIC”) ក្នុងឱកាសនៃពិធីចុះកិច្ចសន្យារយៈពេល ១២ឆ្នាំ ជាមួយក្រុមហ៊ុនបារាំង ឡាហ្គាឌែរ ត្រាវែល រឺឆែល អេស អេ អេ ស (Lagardère Travel Retail SAS) និងដៃគូសហការក្នុងស្រុក HSC Group ក្នុងការលក់ទំនិញរួចពន្ធ សម្ភារសម្រាប់ធ្វើដំណើរសំខាន់ៗ និងការផ្តល់សេវាកម្មម្ហូបអាហារ នាថ្ងៃទី២៦ ខែមិថុនា ឆ្នាំ២០២៤។ កិច្ចសន្យានេះ បានឆ្លុះបញ្ចាំងពីជោគជ័យដ៏ធំមួយក្នុងការអភិវឌ្ឍ អាកាសយានដ្ឋានអន្តរជាតិតេជោ ដែលគ្រោងនឹងចាប់ផ្តើមប្រតិបត្តិការនៅឆ្នាំ២០២៥ ។ កិច្ចសន្យានេះ ផ្តោតលើគំរូនៃការបែងចែកប្រាក់ចំណេញ ដែលនឹងផ្លាស់ប្តូរនូវបរិបទនៃឧស្សាហកម្មផ្តល់សេវាលក់ ទំនិញក្នុងវិស័យទេសចរណ៍។ គំរូនៃការបែងចែកប្រាក់ចំណេញនេះ បង្កើតបាននូវភាពជាដៃគូពិតប្រាកដរវាង ប្រតិបត្តិករ និងអាកាសយានដ្ឋាន…
-
មន្ត្រីគយ និងនគរបាលជំនាញបានចុះធ្វើការផ្សព្វផ្សាយដល់អាជីវករអំពីភាពខុសគ្នារវាងទំនិញមានពន្ធនិងទំនិញគេចពន្ធ
បន្ទាយមានជ័យ៖ មន្ត្រីគយ និងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យបានចុះផ្សព្វផ្សាយដល់ម្ចាស់ហាងលក់ទំនិញនិងអ្នកប្រើប្រាស់អំពីភាពខុសគ្នារវាងទំនិញមានពន្ធនិងទំនិញគេចពន្ធ ប្រយោជន៍ទប់ស្កាត់ការលួចនាំចូលទំនិញគេចពន្ធ ។ការផ្សព្វផ្សាយនេះបានធ្វើឡើងកាលពីព្រឹកថ្ងៃទី២៣ ខែមិថុនា ឆ្នាំ២០២៤ នៅតាមហាងធំៗ រួមមាន ហាងលក់ទំនិញ ហាងលក់ទូរសព្ទដៃនានាក្នុងទីរួមខេត្ត។ ក្នុងសកម្មភាពផ្សព្វផ្សាយមន្ត្រីគយនិង នគរបាលប្រឆាំងបទល្មើសសេដ្ឋកិច្ចខេត្តបានចែកនូវខិត្តបណ្ណពន្យល់ដើម្បីបញ្ជ្រាបការយល់ដឹងជាសាធារណៈជនដល់អ្នកចែកចាយ និងអ្នកប្រើប្រាស់ អំពីភាពខុសគ្នា រវាងទំនិញមានពន្ធ និងទំនិញគេចពន្ធ ក្នុងន័យ ការពារសិទ្ធិ និងផលប្រយោជន៍ស្របច្បាប់របស់អ្នកចែកចាយ និងអ្នកប្រើប្រាស់ ដើម្បីបញ្ជៀសការចូលរួមប្រព្រឹត្តបទល្មើសសេដ្ឋកិច្ចដោយមិនដឹងខ្លួន។ ជាពិសេសនាំបាត់ចំណូលពន្ធគយក៏ដូចការបាត់ចំណូលថវិកាជាតិផងដែរ ។ ខិតបណ្ណបានបញ្ជាក់ថា ទី១.ទំនិញមានពន្ធមាន មានបង្កាន់ដៃពន្ធ,មានបិទលតាប័ត្រសម្រាប់រថយន្ត និងមានបិទតែមប្រ៍, អាករ ហើយសម្រាប់ផលិតផលមានបិតត្រាពន្ធគយ។ទី២.ទំនិញគេចពន្ធរួមមានគ្មានបង្កាន់ដៃពន្ធ ,គ្មានបិទលតាប័ត្រសម្រាប់រថយន្ត ,គ្មានបិទ តែមប្រ៍អាករ សម្រាប់ផលិតផលគឺមានបិតត្រាគយជាដើម។ ខិតបណ្ណក៏បានបង្ហាញពីទោសទណ្ឌផងដែរ ចំពោះការគេចវេស ការក្លែងបន្លំនិងការប្រើប្រាស់ឯកសារក្លែងក្លាយជាដើម៕ ដោយ ៖គៀន ច័ន្ទហ៊ីន
-
MoneyGram ចាប់ដៃគូជាមួយធនាគារ ព្រីនស៍ សម្រាប់ការបើកដំណើរការថ្មី និងយុទ្ធនាការប្រូម៉ូសិនដ៏អស្ចារ្យ
ភ្នំពេញ៖ MoneyGram បានបង្កើតភាពជាដៃគូ ដើម្បីផ្តល់ជូនអតិថិជននូវអត្ថប្រយោជន៍ពិសេសក្នុងការផ្ទេរប្រាក់។ កិច្ចសហការកាលពីពេលថ្មីៗនេះ មានគោលបំណងធ្វើឱ្យប្រសើរឡើងនូវបទពិសោធន៍អតិថិជនទាំងមូល ដោយធានាបាននូវពេលវេលានៃការធ្វើប្រតិបត្តិការលឿនជាងមុន កាត់បន្ថយថ្លៃចំណាយ និងការផ្តល់ជូនជាអាទិភាពសម្រាប់អតិថិជនដោយភាពស្មោះត្រង់។ តាមរយៈការប្រើប្រាស់ចំណុចប្រសព្វខ្លាំងរបស់ក្រុមហ៊ុនទាំងពីរ គំនិតផ្តួចផ្តើមនេះនឹងផ្តល់នូវការបង្កើនតម្លៃ និងភាពងាយស្រួលសម្រាប់អតិថិជនដែលត្រូវការសេវាផ្ទេរប្រាក់អន្តរជាតិ ដែលអាចជឿទុកចិត្តបាន ដោយបង្ហាញពីការប្តេជ្ញាចិត្តចំពោះសេវាកម្មដ៏លេចធ្លោ និងការពេញចិត្តរបស់អតិថិជន។ MoneyGram គឺជាក្រុមហ៊ុនបច្ចេកវិទ្យាហិរញ្ញវត្ថុ ឈានមុខគេលើពិភពលោក ដែលសម្រួលដល់ការផ្ទេរប្រាក់ជាសកលដោយរលូន។ ថ្មីៗនេះ MoneyGram បានចាប់ផ្តើមភាពជាដៃគូជាមួយធនាគារ ព្រីនស៍ និងផ្តល់ជូនប្រូម៉ូសិនដល់អតិថិជន។ ការផ្ដល់ប្រូម៉ូសិននេះត្រូវបានប្រព្រឹត្តឡើងដើម្បីបំពេញតាមតម្រូវការនានាដូចជា ការផ្ទេរប្រាក់សម្រាប់ថ្លៃសិក្សានៅបរទេស ការជូនជាកាដូ ឬការចំណាយផ្សេងៗទូទៅ។ សេវាកម្មនេះពិតជាផ្តល់ជូនអតិថិជនយើងនូវភាពស្ងប់ចិត្ត និងសុវត្ថិភាព ហើយអាចប្រតិបត្តិការបានយ៉ាងងាយស្រួលនៅគ្រប់សាខាធនាគារ ព្រីនស៍។“ខ្ញុំមានក្តីរំភើបជាខ្លាំងក្នុងការពង្រីកបណ្តាញរបស់យើង និងកំណើនចេញក្រៅប្រទេសជាមួយនឹងធនាគារ ព្រីនស៍។ ឥឡូវនេះ ជនបរទេស និងបុគ្គលិកធ្វើការដែលរស់នៅក្នុងប្រទេសកម្ពុជាអាចរីករាយនឹងការផ្តល់ជូនពិសេសនេះ។ យើងរីករាយក្នុងការធ្វើឲ្យក្រុមគ្រួសារអ្នកកាន់តែជិតស្និទ្ធតាមរយៈការផ្ទេរប្រាក់ទៅគ្រប់ទីកន្លែងដែលជាទីទុកចិត្ត និងរហ័ស” — នេះបើយោងតាមសម្តីលោក Vijay Raj Poduval ប្រធានប្រចាំតំបន់អាស៊ីអាគ្នេយ៍ និងឥណ្ឌូចិន។ធនាគារ ព្រីនស៍ ភីអិលស៊ី ជាគ្រឹះស្ថានធនាគារពាណិជ្ជឈានមុខគេដែលមានបណ្តាញធំទូលាយនៃសាខាចំនួន 36 និងទីតាំងទូ ATM ចំនួន 85 ទីតាំងដែលកំពុងប្រតិបត្តិការទូទាំងប្រទេស។…