សៀមរាប៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អមដំណើរដោយឯកឧត្តម អ៊ឹម គឹមលាង អភិបាលរងខេត្តសៀមរាប នៅរសៀលថ្ងៃទី០៨ ខែឧសភា ឆ្នាំ២០២៤ បានអញ្ជើញជួបសំណេះសំណាលជាមួយសហគមន៍កសិកម្មទំនើបសសី ខេត្តសៀមរាប ។ ឯកឧត្តមរដ្ឋមន្ត្រី បានចុះពិនិត្យស្ថានភាពទីតាំងដីផលិតកម្មសហគមន៍ជាក់ស្តែង ហើយបន្តជួបសំណេះសំណាលជាសមាជិកសហគមន៍ ដើម្បីឈ្វេងយល់ពីបទពិសោធន៍ប្រតិបត្តិការរបស់ក្រុមបណ្តុំមុនចងក្រងជាសហគមន៍កសិកម្មទំនើបនេះ។ ផ្អែកតាមបទពិសោធ និងស្ថានភាពជាក់ស្តែង ឯកឧត្តមរដ្ឋមន្ត្រី បានណែនាំដល់សហគមន៍កសិកម្មនេះ ដែលទើបបានបង្កើតថ្មីនេះចាប់ផ្តើមសាកល្បងធ្វើផ្ទះសំណាញ់ដែលនៅក្បែរទឹក និងងាយចុះប្រមូលទិញ ពីមួយហិកតាសិន ដោយសារបញ្ហាខ្វះទឹក និងមិនទាន់អាចវាយតម្លៃអំពីប្រភេទដំណាំដែលមានសក្តានុពលនៅលើដីនេះ ដែលទាមទារត្រូវធ្វើទៅតាមទម្រង់ណាដែលអាចធ្វើទៅរួច និងមិនប្រថុយប្រថាន ហើយអាចគ្រប់គ្រងបាន។ ឯកឧត្តមរដ្ឋមន្ត្រី បានណែនាំបន្ថែមដល់សហគមន៍ ត្រូវពិនិត្យឡើងវិញ និងកែសម្រួលផែនការវិនិយោគរបស់សហគមន៍ទំនើប ទៅតាមស្ថានភាពពិតរបស់សហគមន៍។ ឯកឧត្តមរដ្ឋមន្ត្រី បញ្ជាក់ថា សហគមន៍ត្រូវយកចិត្តទុកដាក់ពិនិត្យបន្ថែមលើការចូលរួមរបស់សហគមន៍ កម្លាំងសមាជិក និងការគ្រប់គ្រងឱ្យបានល្អ ដើម្បីធានាភាពជោគជ័យ ផ្តល់ផលចំណេញដល់សមាជិក ស្របតាមគោលដៅនៃកម្មវិធីគោលនយោបាយ ៕ ប្រភព ៖ ក្រសួងកសិកម្ម

ភ្នំពេញ៖ រាជរដ្ឋាភិបាលកម្ពុជាបានដាក់គោលដៅប្រែក្លាយខេត្តកែបឱ្យ ទៅជាទីក្រុងឆ្នេរសមុទ្រដែលមានភាពទាក់ទាញបំផុតនៅកម្ពុជា។ ឯកឧត្តម សាយ សំអាល់ ឧបនាយករដ្ឋមន្ត្រី និងជា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានប្រាប់ទូរទស្សន៍អប្សរាថា ភាពល្អឯកដែលអាចផ្លាស់ប្តូរមុខមាត់របស់ខេត្តកែបនាពេលអនាគត គឺកែបអាចផ្តល់អារម្មណ៍លំហែដ៏ស្ងប់ស្ងាត់បែបធម្មជាតិ ដែលខុសពីខេត្តព្រះសីហនុដែលនឹងឆ្ពោះទៅរកឧស្សាហកម្ម និង ខេត្តកោះកុងដែលនឹងផ្តោតលើអេកូទេសចរណ៍ និងជលផលសមុទ្រ។ ប៉ុន្តែ ដើម្បីសម្រេចគោលដៅនេះ ឯកឧត្តមឧបនាយករដ្ឋមន្ត្រី សាយ សំអាល់ ប្រាប់ថា ខេត្តកែបចាំបាច់ត្រូវតែពង្រឹងសន្តិសុខ សណ្តាប់ធ្នាប់ និងអនាម័យជូនប្រជាជន និងភ្ញៀវទេសចរ និងកែលម្អហេដ្ឋារចនាសម្ព័ន្ធក្នុងខេត្តដើម្បីសម្រួលការធ្វើដំណើរ និងជំរុញការដើរកំសាន្តទៅតំបន់ទេសចរណ៍ផ្សេងនៅក្នុងខេត្ត។ ខេត្តកែប គឺជាខេត្ត តូចជាង គេដែល ស្ថិត នៅ ភាគ ខាងនិរតី ប្រទេស កម្ពុជា។ ហ៊ុព័ន្ធដោយសមុទ្រនៅចំពីមុខ និងជួរភ្នំនៅពីក្រោយ ខេត្តនេះ មានទីតាំងគោលដៅទេសចរណ៍ និងរមណីយដ្ឋាន ដ៏គួរឲ្យ ទាក់ ទាញ ចំនួន៤២កន្លែង ដូចជា ក្រុមកោះ នភ្នំ  ឧទ្យាន ព្រៃ កោងកាង…

ភ្នំពេញ៖ ដើម្បីបង្កើនការតភ្ជាប់ក្នុងតំបន់ និងសម្រួលដល់ការធ្វើដំណើរឆ្លងកាត់ព្រំដែន កម្ពុជា និងថៃ កំពុងបោះជំហានទៅរកកិច្ចព្រមព្រៀងដ៏សំខាន់មួយដែលអនុញ្ញាតឱ្យរថភ្លើងដឹកអ្នកដំណើរកម្ពុជា តភ្ជាប់ដោយផ្ទាល់ជាមួយរថភ្លើងថៃ នៅស្ថានីយបានខ្លុងឡឹក ស្ថិតនៅជាប់ផ្សាររុងក្លឿរបស់ថៃ និងច្រកឆ្លងដែនក្រុងប៉ោយប៉ែតរបស់ខ្មែរ។ លោក ចន កឺរី នាយកប្រតិបត្តិក្រុមហ៊ុន Royal Railway Cambodia បានប្រាប់ទូរទស្សន៍អប្សរាក្នុងបទសម្ភាសផ្តាច់មុខនៅថ្ងៃព្រហស្បតិ៍នេះថា ក្រុមហ៊ុនរបស់លោក និងប្រតិបត្តិករផ្លូវដែករដ្ឋរបស់ថៃ State Railway of Thailand ឬ SRT នឹងបញ្ចប់ការចរចារក្នុងពេលមួយឬពីសប្តាហ៍ខាងមុខ ដែលនឹងបើកទ្វារថ្មីសម្រាប់ទេសចរណ៍ ពាណិជ្ជកម្ម និងការផ្លាស់ប្តូរវប្បធម៌រវាងប្រទេសទាំងពីរ។ ក្រោមកិច្ចសហការនេះ លោក ចន កឺរី ប្រាប់ថា រថភ្លើងរបស់ខ្មែរនឹងអាចចូលទៅដល់ស្ថានីយរថភ្លើងរបស់ថៃ ដោយអ្នកដំណើរមិនបាច់ដើរឆ្លងកាត់តំបន់សដែលចែកព្រំដែននៃប្រទេសទាំងពីរនោះទេ ពោលគឺ ពួកគេអាចបន្តដំណើរតាមរថភ្លើងថៃនៅក្នុងស្ថានីយតែមួយ។ លើសពីនេះ លោកកំពុងចរចារដើម្បីឲ្យការបំពេញបែបបទឆ្លងដែននៅខាងប៉ោយប៉ែតអាចធ្វើបាននៅលើរថភ្លើងតែម្តង។ គួររំលឹកថា កាលពីមុនវិបត្តិកូវិដ១៩ កម្ពុជាមានសេវារថភ្លើងដឹកអ្នកដំណើរទៅដល់ព្រំដែនប៉ោយប៉ែត ប៉ុន្តែត្រូវចូលចតនៅស្ថានីយខាងកម្ពុជាដែលមានចម្ងាយប្រហែល៧៥០ម៉ែត្រពីព្រំប្រទល់ថៃ។ សេវាកម្មនេះត្រូវបានផ្អាកចាប់តាំងពីវិបត្តិកូវីដមកដល់ពេលបច្ចុប្បន្ន។ ការធ្វើដំណើរតាមរថភ្លើងឆ្លងប្រទេសនេះទៀតសោត នៅតែមិនទាន់ពេញនិយមក្នុងចំណោមប្រជាជនខ្មែរ មួយផ្នែកធំត្រូវការចាយពេលធ្វើដំណើរយូរ និងផលលំបាកក្នុងការឆ្លងដែន។ យ៉ាងក៏ដោយ លោក ចន កឺរី នៃក្រុមហ៊ុន Royal Railway Cambodia ជឿថា…

 ភ្នំពេញៈយោងតាមសេចក្តីប្រកាសព័ត៌មានរបស់សហព័ន្ធស្រូវអង្ករកម្ពុជាបានឱ្យដឹងថា ក្នុងរយៈពេលបួនខែនៃឆ្នាំ២០២៤នេះ កម្ពុជាទទួលបានចំណូលជិត ៩០០នលានដុល្លារពីការនាំចេញស្រូវ និងអង្ករ។ ក្នុងនោះ អង្ករនាំចេញមានចំនួនជាងន២៤ម៉ឺនតោន បានចំណូលជាង១៧០លានដុល្លារ និងការនាំចេញស្រូវជាងពីរលានតោនមានតម្លៃ ៦៩៣លានដុល្លារអាមេរិក។ របាយការណ៍ដដែលបានបង្ហាញថា អង្កររបស់ខ្មែរត្រូវបាននាំចេញទៅកាន់ប្រទេស និងតំបន់ចំនួន៦០ ដោយអ្នកនាំចេញមានចំនួន ៤៨ក្រុមហ៊ុន ខណៈដែលអ្នកទិញអង្ករសំខាន់ៗរបស់កម្ពុជាក្នុងអំឡុងពេលនោះរួមមានប្រទេសសហភាពអឺរ៉ុបដែលទិញអង្ករពីកម្ពុជាច្រើនជាងគេក្នុងចំនួនជាង១០ម៉ឺនតោន បន្ទាប់មកប្រទេសចិន ក្រុងហុងកុង និងប្រទេសសមាជិកអាស៊ាន។ ប្រភេទអង្ករដែលទទួលការបញ្ជាទិញច្រើនជាងគេ មានអង្ករក្រអូបដែលមានចំនួនជាង៧៣ភាគរយនៃអង្ករសរុប អង្ករសគ្រាប់វែង អង្ករស និងអង្ករសរីរាង្គ ជាដើម។ ប្រទេសកម្ពុជាមានគោលបំណងពង្រីកសក្តានុពលនៃការនាំចេញបន្ថែមទៀតនូវអង្ករកម្ពុជាទៅកាន់ទីផ្សារនៅប្រទេសម៉ាឡេស៊ី ហ្វ៊ីលីពីន និងប្រទេសមជ្ឈឹមបូព៌ា និងបានដាក់គោលដៅនាំចេញអង្ករឲ្យបានយ៉ាងហោចណាស់១លានតោននៅឆ្នាំ ២០២៥។ ប៉ុន្តែ គេមិនទាន់ដឹងថាគោលដៅនេះអាចសម្រេចបានឬយ៉ាងណាទេ ខណៈដែលកាលពីឆ្នាំ ២០២៣ កម្ពុជានាំចេញអង្ករសរុបបានតែជាង ៦៥ម៉ឺនតោន ប៉ុណ្ណោះ។ សហព័ន្ធស្រូវអង្ករកម្ពុជា កំពុងពិភាក្សាអំពីទិដ្ឋភាពទីផ្សារកម្ពុជា ធៀបទៅនឹងប្រទេសប្រកួតប្រជែង ដើម្បីជំរុញការនាំចេញ៕ដោយៈកែ ផុស

ភ្នំពេញ៖ ពូជ ឈើព្រៃ សំខាន់ៗនៅ តំបន់ទេសភាពខ្ពង់រាបភាគខាងកើត នៃខេត្ត មណ្ឌលគិរី កំពុង ជួយដើរតួនាទីយ៉ាងសំខាន់ ដល់សត្វឃ្មុំព្រៃ ។ ក្នុងចំណោមដើមឈើសំខាន់ៗសម្រាប់ជួយដល់សត្វឃ្មុំផលិតទឹកឃ្មុំទាំងនោះមានចំនួន ៥៦ប្រភេទ និងព្រមជាមួយគ្នាក៏គេកំពុងព្រួយបារម្ភពីការបាត់បង់ប្រភេទដើមឈើមួយចំនួនដែលវាបង្កការប៉ះពាល់ដល់ការផលិតទឹកឃ្មុំតាមធម្មជាតិផងដែរ។ គួរបញ្ជាក់ថាសត្វឃ្មុំ គឺមានសារៈសំខាន់ខ្លាំងណាស់ ក្នុងការផលិតបន្លែ និងផ្លែឈើ ក្នុងវិស័យកសិកម្ម ។ ការចូលរួមចំណែករបស់ឃ្មុំក្នុងការផលិតបន្លែ-ផ្លែឈើនេះ គឺតាមរយៈសត្វឃ្មុំទាំងនោះ បាននាំយកលំអងផ្កាមួយទៅប៉ះគ្នានឹងលំអងផ្កាមួយទៀត ដែលបង្កើតឱ្យមានជាផ្លែ និងគ្រាប់ពូជនានា សម្រាប់ធ្វើជាចំណីអាហារ សម្រាប់មនុស្ស សត្វ។ លោក ស៊ាងសុធា ប្រធានកម្មវិធីអភិវឌ្ឍន៍សហគមន៍នៃអង្គការ WWF បានឱ្យដឹងថា តាមពិតឈ្មោះដើមឈើព្រៃដែលបានជួយទ្រទ្រង់ទឹកឃ្មុំមានជាង១០០ប្រភេទតែគេយករបាយ ដែលវាផ្តល់ទឹកឃ្មុំសំខាន់ៗមានជាង៥៦ប្រភេទក្នុងនេះមានដូចជា៖ដើមស្រឡៅ ចំបក់ សុក្រំ ពពេល ពង្រ ត្រាច កកោះ កណ្តោល កន្ទួតព្រៃ ក្រាយ កំភ្លា ខ្នុរព្រៃ ខ្លុង ខ្វាវ គគី គុយ ច្រេះ ឆាំឆា ឆ្កែស្រែង ឈើក្រហម ឈើទាល…