(ភ្នំពេញ)៖ យោងតាមសេចក្ដីប្រកាសព័ត៌មាន របស់​ក្រសួង​ការបរទេស និងប្រតិបត្តិការអន្តរជាតិ បានឱ្យ​ដឹងថា រដ្ឋាភិបាលជប៉ុន តាមរយៈស្ថានទូតប្រចាំកម្ពុជា​ បានផ្តល់ហិរញ្ញប្បទានឥតសំណងជាង ១៧លាន​ដុល្លារ​អាមេរិក សម្រាប់ពង្រីកប្រព័ន្ធផ្គត់ផ្គង់ទឹកស្អាត និងគម្រោ​ងបង្កើតស្ថានីយវាស់វែងអចិន្ត្រៃយ៍ដោយប្រព័ន្ធផ្កាយរណបនៅកម្ពុជា ។ ពិធីចុះហត្ថលេខា លើលិខិតប្តូរសារ និងឯកសារពាក់ព័ន្ធ រៀបចំឡើងនៅព្រឹកថ្ងៃទី២៥ ខែមីនា ឆ្នាំ២០២៥ ក្រោម​វត្តមានឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រី​ការបរទេស និងសហប្រតិបត្តិការអន្តរជាតិ និងឯកឧត្តម UENO Atsushi ឯកអគ្គរាជទូតជប៉ុនប្រចាំកម្ពុជា ។ តាមសេចក្ដីប្រកាសព័ត៌មាន រដ្ឋាភិបាលជប៉ុន បាន​ផ្ដល់​ហិរញ្ញប្បទានឥតសំណងបន្ថែម មានទឹក​ប្រាក់ចំនួន ១.៨៥០.០០០. ០០០ យ៉េន ឬប្រមាណ ១៣,៣លាន​ដុល្លារ​អាមេរិក​ សម្រាប់គម្រោងពង្រីកប្រព័ន្ធផ្គត់ផ្គង់​ទឹក​ស្អាតរោងចក្រភូមិព្រែក។ ជាមួយគ្នា រដ្ឋាភិបាលជប៉ុន ផ្ដល់ហិរញ្ញប្បទាន ឥតសំណងបន្ថែមក្នុងទំហំទឹកប្រាក់ចំនួន ៦០០.០០០.០០០ យ៉េន ប្រមាណ ៤.៣២០. ០០០ ដុល្លារ​​អាមេរិក សម្រាប់ គម្រោងបង្កើតស្ថានីយវាស់វែង​អចិន្ត្រៃយ៍ដោយប្រព័ន្ធផ្កាយរណបនៅទូទាំងប្រទេស។ ក្រសួងការបរទេស និងសហប្រតិបត្តិការអន្តរជាតិ ចាត់​ទុកហិរញ្ញប្បទានឥតសំណងសម្រាប់គម្រោងទាំងពីរខាងលើនេះ ថាបានបង្ហាញយ៉ាងច្បាស់ពីការប្តេជ្ញា…

(ភ្នំពេញ)៖ ក្នុងរយៈកាលកន្លងមកយើងឃើញថាវិស័យជលផលរបស់យើងមានការកើនឡើងទាំងបរិមាណត្រី សត្វត្រីកម្រៗដូចជាសត្វផ្សោតសមុទ្រ សត្វផ្សោតទឹកសាប ជ្រូកទឹក ក្រពើភ្នំ និងសត្វដទៃទៀត ដែលទាំងនេះបង្ហាញថាគឺកើតឡើងពីការខិតខំ ថែរក្សាអភិរក្សពីសំណាក់មន្រ្តីថ្នាក់ជាតិ មន្រ្តីអាជ្ញាធរមូលដ្ឋាន និងកងកម្លាំងប្រដាប់អាវុធផងដែរ។ ការលើកឡើងពីសំណាក់ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បែបនេះធ្វើឡើងក្នុងពិធីបើកកម្មវិធី «ជុំវិញទន្លេមេគង្គ» ដែលជាផ្នែកមួយនៃ មហោស្រពភាពយន្តអន្ដរជាតិកម្ពុជា Cambodia International Film Festival នៅទី២៤ ខែមីនា ឆ្នាំ២០២៥ នាមជ្ឈមណ្ឌលសហប្រតិបត្តិការកម្ពុជា-ជប៉ុនក្នុងរាជធានីភ្នំពេញ។ ឯកឧត្តមរដ្ឋមន្រ្តីបានថ្លែងបញ្ជាក់ថាវិស័យជលផលរបស់យើង ពីមួយឆ្នាំទៅមួយឆ្នាំមានការកើនឡើង ហើយការនេះក្រសួងតែងធ្វើពីស្ថិតិពីការចាប់ត្រីបាន ហើយបើយោងតាមស្ថិតិនោះគឺគេទទួលបានបរិមាណខ្ពស់ជាងមុនជាបន្តបន្ទាប់។ ឯកឧត្តម រដ្ឋមន្រ្តីក្រសួងកសិកម្ម បានមានប្រសាសន៍ថា”ត្រង់នេះយើងត្រូវដឹងថាតើការកើនឡើងនេះដោយខ្លួនឯង ឬក៏មានការខិតខំរបស់អ្នកពាក់ព័ន្ធឬមន្រ្តីយើង។តាមពិតនៅពីក្រោយការកើនឡើងនេះគឺមន្រ្តីជលផលយើងខិតខំខ្លាំងណាស់ ក្នុងនេះមានទាំងសហការជាមួយអាជ្ញាធរថ្នាក់ក្រោមជាតិ កងប្រដាប់អាវុធមូលដ្ឋាន ដើម្បីទប់ស្កាត់បទល្មើស ទាំងអស់នេះទើបអាចថែរក្សាធនធានធម្មជាតិរបស់យើងឱ្យកើនឡើងបាន។ការការពារទាំងអស់នេះមិនត្រឹមតែអាចថែរក្សានូវធនធានធម្មជាតិទេ តែក៏ជួយការពារទុកឱ្យដល់ពលរដ្ឋរបស់យើង។ ឯកឧត្តមរដ្ឋមន្ដ្រី ឌិត ទីណា បានគូសបញ្ជាក់ថា”ធនធានរបស់យើងមានការកើនឡើងច្រើនទាំងផ្សោតសមុទ្រ ជ្រូកទឹក ។បើយើងថែរក្សាជម្រកបានល្អត្រីកើតច្រើន។យើងឃើញវត្តមានសត្វទាំងនេះច្រើនដោយសារតែការខិតខំរបស់យើង ការអភិរក្សជលផលរបស់យើងដែលទាំងអស់នេះយើងអាចអភិវឌ្ឍន៍ទៅជាវិស័យទេសចរណ៍ដែលសុទ្ធសឹងនាំមកនូវចំណូលដល់ពលរដ្ឋរបស់យើង”។ ឯកឧត្តមរដ្ឋមន្ដ្រី ឌិត ទីណា ឱ្យដឹងបន្ថែមថា”ការមានម្ហូបអាហារគ្រប់គ្រាន់ជារឿងសំខាន់ណាស់ ក្នុងសំណូរនេះគឺថាយើងមានហូបតែមួយមុខទេឬ…

ភ្នំពេញ៖សុបិនក្លាយជាការពិត! គ្រុឌផ្លាស់ប្ដូរជីវិតអ្នកស្រុករមាសហែក ខេត្តស្វាយរៀង ដោយទើបបញ្ចេញរង្វាន់ធំ ១០០លាន​រៀល ,៥០​លាន ,២០លានរៀល ។បងស្រីកសិករកម្សត់ក្លាយជាម្ចាស់សំណាង ២០លានរៀល ក្នុងកម្មវិធី “គាស់គ្រុឌឈ្នះម៉ូតូ”។ បន្ទាប់ពីចែកសំណាងរាប់រយលានរៀល និងម៉ូតូជាច្រើនគ្រឿងដល់អ្នក​ខេត្តពោធិ៍សាត់ តាកែវ និងខេត្តព្រៃវែង ពេលនេះ​គ្រុឌ​បន្តចែកសំណាង​ដល់អ្នកស្វាយរៀងវិញម្ដង។ អ្នកចូលរួមរាប់ពាន់នាក់បានមកឈរ​តម្រង់​​ជួរទទួលបានរង្វាន់តូចធំ យ៉ាងសប្បាយរីករាយកាលពីថ្ងៃទី ១៦ មីនា ២០២៥ កន្លងទៅនេះ។ ស្នាមញញឹម និងទឹកភ្នែកនៃក្តីរំភើបលើផ្ទៃមុខបងស្រីកសិករ ដែល​ស្រែកហ៊ោរយ៉ាងខ្លាំង ក្រោយគាស់ក្រវិល​កំប៉ុង​ស្រាបៀរ​គ្រុឌឃើញ​រង្វាន់ ២០លានរៀលភ្លាមៗ។ ស្ទើរតែមិនជឿនឹងភ្នែកទេ។ គាត់បាន​ហៅអ្នកនៅជិតនោះឱ្យជួយមើល ព្រោះ​មិនដឹងថាជាការពិត ឬជា​សុបិនទេ ?។គាត់បានរៀបរាប់ទាំងញញឹម។ ដោយមានជីវភាពដ៏ខ្វះខាតរកព្រឹកខ្វះល្ងាច ស្រាប់តែគ្រុឌផ្លាស់​ប្ដូរជីវិតគាត់មួយរំពេច។ ទឹកប្រាក់ដ៏ច្រើននេះ គាត់នឹង​យកទៅ​សងបំណុល បង់សាលាឱ្យកូន និងទុកមួយចំនួនដើម្បីបើក​របររកស៊ីតូចតាច ជួយសម្រួលជីវភាព​គ្រួសារឱ្យប្រសើរជាងមុន។ នេះមិនមែនទីមួយទេ! គ្រុឌបានផ្ដល់សំណាងជូនដល់អតិថិជន និងបានផ្លាស់ប្ដូរជីវិតឱ្យកាន់តែល្អប្រសើរ​ឡើងជាង​មុនជាច្រើន​មកហើយ។ អ្នកមិនទាន់បានឈ្នះ កុំទាន់អស់សង្ឃឹម! គ្រុឌនៅមានរង្វាន់ ១០០លាន ៥០លាននិង២០លានរៀលជាច្រើនរង្វាន់,រថយន្ត​ខ្លាញ់គោ ម៉ូតូរាប់ពាន់គ្រឿង និងស្រាបៀររាប់លានកំប៉ុងទៀត។ គ្រាន់តែរង្វាន់ម៉ូតូ គ្រុឌចែកជូនអតិថិជនរាប់ពាន់​គ្រឿងរួចមកហើយ ។បើគិតជាថ្ងៃ គឺច្រើនជាងមួយគ្រឿងក្នុងមួយថ្ងៃៗ។ ក្រុមហ៊ុន វឌ្ឍនៈ…

សៀមរាប៖វគ្គហ្វឹកហ្វឺនបំប៉នលំហាត់របៀបរយៈពេលខ្លី និងពង្រឹងការ​អនុវត្តសេចក្តីណែនាំលេខ០០៣/២០២០ សណន របស់ក្រសួង​ការពារជាតិស្តីពីវិធានការពង្រឹងអនុវត្តន៍លក្ខន្តិកៈទូទៅចំពោះយោធិននៃកងយោធពលខេមរភូមិន្ទ(ខ. ភ. ម) បទវិន័យទូទៅសម្រាប់ ខ.ភ.ម. និងលំហាត់របៀបនៃខ.ភ.ម.បានប្រារព្ធបើកនៅទី​បញ្ជាការ​តំបន់ប្រតិបត្តិការសឹករងកំពង់ធំ យោធភូមិភាគទី៤ កាលពីព្រឹកថ្ងៃ​ទី១៨ ខែមីនា ឆ្នាំ ២០២៥ ។ លោកអនុសេនីយ៍ឯក ឈា ពិសិដ្ឋ នាយការិយាល័យហ្វឹកហ្វឺនបាន​ឱ្យដឹងថា វគ្គនេះមានរយៈពេល ៧ ថ្ងៃ ដោយមាន​សិក្ខាកាមចូលរួម ១០០នាក់ ,គណៈកម្មការគ្រប់គ្រងវគ្គ៥នាក់ និងគ្រូយោធាចារ្យ ៣នាក់។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង​កំពង់ធំបានអរគុណការិយាល័យហ្វឹកហ្វឺន ដែល​បានសហកា​រល្អជា​មួយការិយាល័យ ស្ថាប័ន និងអង្គភាពពាក់ព័ន្ធ រៀបចំដំណើរការ​ហ្វឹកហ្វឺននេះឡើង និងជាត្រៀម​លក្ខណៈ ដើម្បីចូលរួមអបអរសាទរ​បុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានមកដល់​នៅពេល​ដ៏ខ្លីខាងមុខនេះ៕ ដោយ៖ ប៊ុន រដ្ឋា

(ភ្នំពេញ)៖ ឯកឧត្តម គង់ វិបុល បានលើកឡើងថា យុទ្ធសាស្រ្តកៀរគរចំណូលរយៈពេលមធ្យម ២០២៤-២០២៨ ដែលរដ្ឋាភិបាល បានដាក់ឱ្យអនុវត្តពេលថ្មីៗនេះ នឹងបង្កើតបរិយាកាសអំណោយផល ដល់សកម្មភាពសេដ្ឋកិច្ច និងជំរុញសកម្មភាពពាណិជ្ជកម្ម ដោយផ្តោតទៅលើអភិក្រមចំនួន៥ ។ ឯកឧត្តម គង់ វិបុល រដ្ឋមន្រ្តីប្រតិភូអមនាយករដ្ឋមន្រ្តី និងជាប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ បានថ្លែងដូច្នេះ ក្នុងសិក្ខាសាលា ស្តីពីកាតព្វកិច្ចពន្ធលើប្រាក់ចំណូលប្រចាំឆ្នាំ និងបច្ចុប្បន្នភាពច្បាប់ និងលិខិតបទដ្ឋានគតិយុត្ត ស្តីពីពន្ធដារ នាថ្ងៃទី១៧ ខែមីនា ឆ្នាំ២០២៥ ដោយមានការចូលរួមពីអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងបណ្តាក្រុមហ៊ុននានាទាំងជាតិ និងអន្តរជាតិ ដែលកំពុងធ្វើធុរកិច្ចនៅកម្ពុជា ។ អ្នកឧកញ៉ា គិត ម៉េង បានកោតសរសើរចំពោះការផ្លាស់ប្តូរ ឌីជីថលរបស់ GDT ដោយកត់សម្គាល់ថា អគ្គនាយកដ្ឋានពន្ធដារ ដើរតួនាទីជាគំរូសម្រាប់កិច្ចសហការរវាងរាជរដ្ឋាភិបាល និងឯកជន និងបានជំរុញឱ្យអង្គភាពអាជីវកម្ម ចូលរួមយ៉ាងសកម្មជាមួយនឹងគោលនយោបាយ និងបទប្បញ្ញត្តិពន្ធ ដើម្បីធានាបាននូវប្រព័ន្ធពន្ធដារ ប្រកបដោយប្រសិទ្ធភាព និងតម្លាភាព ដែលគាំទ្រដល់ការអភិវឌ្ឍជាតិ ។…

(ភ្នំពេញ)៖ កញ្ចប់វិនិយោគរបស់សហភាពអឺរ៉ុប ដែលក្នុងនេះ​រួមមាន ឥណទានរបស់ធនាគារវិនិយោគអឺរ៉ុបសកល (EIB Global) បូករួមជាមួយជំនួយឥតសំណង និងជំនួយ​បច្ចេក​ទេសរបស់សហភាពអឺរ៉ុប នឹងជួយពង្រឹងវិស័យ​កសិកម្ម​នៅ​កម្ពុជា លើកកម្ពស់សន្តិសុខស្បៀង ធ្វើឱ្យខ្សែច្រវាក់តម្លៃ​ផលិត​ផលដែលបានជ្រើសរើស កាន់តែមានភាពប្រកួតប្រជែង និង​ជំរុញ​ដល់ការនាំចេញ។ យោងតាមសេចក្តីប្រកាសព័ត៌មានរួមដែលបញ្ចេញដោយសហភាពអឺរ៉ុប បានឱ្យដឹងនៅថ្ងៃទី១៤ ខែមីនា ឆ្នាំ២០២៥នេះថា តាមរយៈទឹកប្រាក់វិនិយោគនេះនឹងផ្តល់អត្ថប្រយោជន៍ដល់កសិករខ្នាតតូចចំនួន ១០០.០០០ នាក់ គ្រួសារមានដីធ្លីខ្នាតតូច​ចំនួន ២៥.០០០ គ្រួសារ និងសហគ្រាសកសិកម្មចំនួន ៥០០ ដោយនឹងជួយ បង្កើនផលិតភាព និងការប្រកួតប្រជែង។ ជាមួយគ្នានេះកញ្ចប់វិនិយោគនេះត្រូវបានគេរំពឹងផងដែរថានឹងជួយកែលម្អមន្ទីរពិសោធន៍ជាតិកសិកម្ម ពង្រីកហេដ្ឋារចនា​សម្ព័ន្ធ​​ការងារកសិកម្មសំខាន់ៗ ដើម្បីលើកកម្ពស់សមត្ថភាព​អនាម័យ និងភូតគាមអនាម័យរបស់កម្ពុជា ក៏ដូចជាគាំទ្រដល់​ការ​សាងសង់ស្ពានមួយខ្សែនៅកោះខ្សាច់ទន្លា ដើម្បីធ្វើឱ្យ​ប្រសើរ​ឡើងនូវការដឹកជញ្ជូន និងការចូលទៅកាន់ទីផ្សារ។ គួរបញ្ជាក់ថាមុននេះធនាគារវិនិយោគអឺរ៉ុបសកល (EIB Global) ដែលជាសាខាសកលរបស់ធនាគារវិនិយោគអឺរ៉ុប និងក្រសួងសេដ្ឋកិច្ច និងហិរញ្ញវត្ថុ នៃព្រះរាជាណាចក្រកម្ពុជា បានចុះហត្ថលេខាលើកិច្ចព្រមព្រៀងនៅថ្ងៃនេះនូវទឹកប្រាក់ជំនួយឥតសំណងចំនួន ១៥ លានអឺរ៉ូរបស់សហភាពអឺរ៉ុប សម្រាប់​កម្មវិធីគាំទ្រសេដ្ឋកិច្ចជនបទ និងពាណិជ្ជកម្មផលិតផលកសិកម្ម (ASPIRE-AT)។ ដោយជាអាទិភាពសំខាន់មួយសម្រាប់រដ្ឋាភិបាលកម្ពុជា កម្មវិធី ASPIRE-AT មានគោលដៅធ្វើទំនើបកម្មវិស័យកសិកម្ម លើក​កម្ពស់​សន្តិសុខស្បៀង និងពង្រឹងសក្តានុពលនៃការនាំចេញ។ ជំនួយនេះបំពេញបន្ថែមលើឥណទានចំនួន…