(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ និងរដ្ឋបាលខេត្តមីយ៉ាហ្កិ ប្រទេសជប៉ុន បានចុះអនុស្សរណៈនៃកិច្ចសហប្រតិបត្តិការរួមគ្នា ស្តីពីការលើកកម្ពស់ការបញ្ជូន និងការទទួលយកកម្មសិក្សាការី និងពលករខ្មែរ ទៅធ្វើការនៅខេត្តមីយ៉ាហ្គិ កាលពីថ្ងៃទី២៧ ខែធ្នូ ឆ្នាំ២០២៤ ក្រោមអធិបតីភាព ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ, ឯកឧត្តម មឺរ៉ៃ យូស៊ិហ៊ិរ៉ុ (MURAI Yoshihiro) អភិបាលខេត្តមីយ៉ាហ្គិ និង ឯកឧត្តម អ៊ូអិណុ អាត់ស៊ូស៊ី (UENO Atsushi) ឯកអគ្គរាជទូតជប៉ុនប្រចាំប្រទេសកម្ពុជា។ អនុស្សរណៈនៃកិច្ចសហប្រតិបត្តិការ ដែលត្រូវបានរៀបចំឡើងនៅទីស្តីការក្រសួងការងារ និងបណ្តុះបណ្តាលវិជ្ជាជីវៈនេះ មានគោលបំណងបង្កើតនូវក្របខណ្ឌនៃកិច្ចសហប្រតិបត្តិការ ក្នុងការជំរុញការបណ្តុះបណ្ដាល បញ្ជូន និងទទួលយកពលករខ្មែរទៅធ្វើការនៅខេត្តមីយ៉ាហ្គិ ប្រទេសជប៉ុន និងផ្តល់ការគាំពារកាន់តែល្អប្រសើរបន្ថែមទៀតដល់ពលករកម្ពុជាដែលកំពុងស្នាក់នៅ និងធ្វើការនៅក្នុងខេត្តមីយ៉ាហ្គិ។ ថ្លែងក្នុងពិធីនេះ ឯកឧត្តម ហេង សួរ សង្ឃឹមយ៉ាងមុតមាំថា អនុស្សរណៈនៃកិច្ចសហប្រតិបត្តិការរវាងក្រសួងការងារ និងបណ្តុះបណ្តាលវិជ្ជាជីវៈ និងរដ្ឋបាលខេត្តមីយ៉ាហ្គិ ប្រទេសជប៉ុននាពេលនេះ នឹងបន្តរឹតចំណងសាមគ្គីភាពរវាងប្រទេសទាំងពីរ និងពង្រឹងកិច្ចសហប្រតិបត្តិការក្នុងវិស័យការងារឱ្យកាន់តែល្អប្រសើរមួយកម្រិតទៀត ដើម្បីបង្កើនការបញ្ជូន និងការទទួលយកកម្មសិក្សាការី…

រតនគិរី៖រដ្ឋបាលខេត្តរតនគិរីបានប្រារព្ធសិក្ខាសាលាពិគ្រោះយោបល់ ស្តីពីការទទួលខុសត្រូវរបស់សាជីកម្មចំពោះសង្គមរបស់ ក្រុមហ៊ុនកសិ-ឧស្សាហកម្ម និងអាជីវកម្មរ៉ែនៅសាលាខេត្ត កាលពីថ្ងៃទី២៣ ខែធ្នូ ឆ្នាំ២០២៤ ដោយមានអ្នកចូលរួម​ជា តំណាងក្រុមហ៊ុនកសិ-ឧស្សា ហកម្ម និងអាជីវកម្មរ៉ែ ប្រធានមន្ទីរពាក់ព័ន្ធចំណុះរដ្ឋបាលខេត្ត។ សិក្ខាសាលាដែលប្រព្រឹត្តទៅក្រោមអធិបតីភាពលោក វ៉ាន់ សោភា អភិបាលរងខេត្ត តំណាងឯកឧត្តម ញ៉ែម សំអឿន អភិបាលខេត្តរតនគិរី មានបំណង ដើម្បីសិក្សាស្វែងយល់និងការចែករំលែកបទ ពិសោធន៍ ល្អៗរបស់ក្រុមហ៊ុន​ស្តីពីការរៀប​ចំផែនការ និងអនុវត្តគោលការណ៍ស្ម័គ្រ ចិត្តអំពីការទទួលខុសត្រូវរបស់សាជីវកម្មចំពោះសង្គម និងពង្រឹងទំនាក់​ទំនងឱ្យ​កាន់តែល្អប្រសើរឡើងរវាងអាជ្ញាធរ សហគមន៍ វិស័យឯកជន និងអង្គការមិនមែនរដ្ឋាភិបាលក្នុងខេត្ត ។ លោក វ៉ាន់ សោភា បានលើកឡើងថា រយៈពេលជិត៩ឆ្នាំមកហើយ ដែលខេត្តរតនគិរីបានផ្តួចផ្តើមឱ្យមានការអនុវត្តគោល ការណ៍ការ ទទួលខុសត្រូវរបស់សាជីកម្មចំពោះសង្គមធុរកិច្ច និងការវិនិយោគ ប្រកបដោយការទទួលខុលត្រូវ អំពីសិទ្ធិមនុស្ស​របស់ក្រុមហ៊ុនកសិ-ឧស្សាហកម្ម និងអាជីវកម្មរ៉ែ ដោយក្រុមការងារអាជ្ញាធរខេត្ត ក្រុមហ៊ុន កសិ-ឧស្សាហកម្ម អាជីវកម្មរ៉ែ និងអង្គការមិនមែនរដ្ឋាភិបាល ក្នុង គោលដៅតែមួយគឺលើកកម្ពស់សុខដុមរមនីយកម្ម រវាងអ្នកប្រតិបត្តិ​ការគម្រោង(ក្រុមហ៊ុនវិនិយោគ) ជាអ្នកទទួលខុសត្រូវចំពោះ​អ្នកទទួល​ផលពីគម្រោង (សហគមន៍រង ផលប៉ះពាល់) តាមរយៈការ…

(ភ្នំពេញ)៖ ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី អូន ព័ន្ធមុនីរ័ត្ន បានលើកឡើងថា ការនាំចេញរបស់កម្ពុជាមិនគ្រាន់តែកើនជាទំហំប៉ុណ្ណោះទេ ប៉ុន្តែក៏កាន់តែមានពិពិធភាព ឬភាពចម្រុះផ្សេងគ្នា គួរឱ្យកត់សម្គាល់ថែមទៀតផងដែរ ។ ជាក់ស្តែងទំហំនៃការនាំចេញផលិតផលកាត់ដេរ ធៀបនិងការនាំចេញសរុប បានរួមតូចពោលគឺពី៩១ភាគរយនៅក្នុងឆ្នាំ២០០០ មកនៅត្រឹម៥១ ភាគរយ គិតត្រឹម១១ខែដើមឆ្នាំ២០២៤នេះ ខណៈដែលការនាំចេញទំនិញកម្មន្តសាលមិនមែនកាត់ដេរ ដែលរួមបញ្ចូល ទាំងកសិកផលផង បានកើនពី៩ភាគរយ រហូតដល់៤៩ភាគរយ ក្នុងរយៈពេលដូចគ្នា។ ឯកឧត្តមអគ្គបណ្ឌិតសភាចារ្យ បន្ថែមថា យើងកត់សម្កាល់ដោយមោទនភាពផងដែរថា ប៉ុន្មានឆ្នាំចុងក្រោយនេះ ការនាំចេញរបស់កម្ពុជា កាន់តែឈានឆ្ពោះទៅរក ប្រភេទទំនិញនៃឧស្សាហកម្មកម្មន្តសាល មិនមែនកាត់ដេរ ដែលកើនពីប៉ុន្មាន ១,៤ពាន់លានដុល្លារអាមេរិក នៅឆ្នាំ២០១៦ រហូតដល់ ៧,៥ ពាន់លានដុល្លារអាមេរិក នៅក្នុងឆ្នាំ២០២៤នេះ ។ ក្នុងនោះឧស្សាហកម្មដែលកំពុងមានសក្កដានុពលរួមមាន គ្រឿងបង្គុំអេឡិចត្រូនិចគ្រឿង គ្រឿងសង្ហាររឹម ស្បែកសត្វមានរោម និងសំបកកង់រថយន្តជាដើម ដែលសុទ្ធសឹងជាទំនិញនៃឧស្សាហកម្ម មានតម្លៃបន្ថែមពីមធ្យមកម្រិតខ្ពស់ ហើយនេះបានឆ្លុះបញ្ចាំពីប្រសិទ្ធភាព និងការជោគជ័យពីការធ្វើពិពិធកម្ម នៃមូលដ្ឋានកំណើនសេដ្ឋកិច្ចរបស់កម្ពុជា នៅក្នុងផ្នែកផលិតកម្ម ហើយក៏ជាករឆ្លុះបញ្ចាំងពីជំរៅនឿនៃ សម្មិទ្ធផលខាងផ្នែកពិពិធកម្មជាមូលដ្ឋានរបស់យើងផងដែរ ។ ប្រសាសន៍ ឯកឧត្តមអគ្គបណ្ឌិតសភាចារ្យ…

(ភ្នំពេញ)៖ ក្នុងជំនួប សម្តែងការគួរសម និងពិភាក្សាការងារជាមួយក្រុមហ៊ុន Sublime China Co.,Ltd នៅទីស្តីការក្រសួងកសិកម្ម កាលពីព្រឹកថ្ងៃទី២០ ខែធ្នូ ឆ្នាំ២០២៤ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បញ្ជាក់ថា ពាក់ព័ន្ធនឹងដំណាំដំឡូងមី ក្រសួងកសិកម្មត្រូវការដៃគូសហការល្អក្នុងការកែច្នៃនាំចេញនូវផលិតផលសម្រេចទៅកាន់ទីផ្សារក្រៅប្រទេស ដោយទទួលទិញពីប្រជាកសិករក្នុងតម្លៃសមរម្យ មានកិច្ចសន្យាផលិតកម្មត្រឹមត្រូវ រក្សាស្ថិរភាពថ្លៃដល់កសិករ និងអនុវត្តការងារមានលក្ខណៈយូរអង្វែង ។ ឯកឧត្តមរដ្ឋមន្ដ្រី បន្ថែមថា ការងារនេះទាមទារឱ្យមានការសិក្សាឱ្យបានស៊ីជម្រៅ មានផែនការវិនិយោគច្បាស់លាស់ មានស្តង់ដាការងារត្រឹមត្រូវ និងអាចតភ្ជាប់ខ្សែច្រវ៉ាក់តម្លៃ ដោយមានអ្នកទទួលទិញពីកសិករ អ្នកកែច្នៃផលិតផល និងក្រុមហ៊ុនភស្តុភារកម្ម ដោយក្រសួងនឹងជួយគាំទ្រផ្នែកបច្ចេកទេស និងច្បាប់បទដ្ឋាននានាដើមជួយសម្របសម្រួលឱ្យការវិនិយោគនេះមានលទ្ធផលល្អ រលូន និងជួយដល់ប្រជាកសិករបានយ៉ាងពិតប្រាកដ ។ ជាទិសដៅបន្ត ឯកឧត្តមរដ្ឋមន្ដ្រី បានផ្តល់អនុសាសន៍តម្រង់ទិសដល់ក្រុមហ៊ុនចិន បន្តសហការធ្វើការជាមួយក្រសួងកសិកម្មក្នុងការងារនេះ និងបានលើកទឹកចិត្តក្នុងការវិនិយោគនៅប៉ែកឦសានរួមមានខេត្តមណ្ឌលគីរី ខេត្តរតនៈគីរី ខេត្តស្ទឹងត្រែង និងខេត្តក្រចេះ ។ សូមជម្រាបជូនថា គោលបំណងនៃកិច្ចប្រជុំនេះ គឺពិនិត្យលទ្ធភាពវិនិយោគពីភាគីក្រុមហ៊ុនចិនលើការកែច្នៃដំឡូងមីដោយផ្ទាល់នៅកម្ពុជា និងស្នើការគាំទ្រពីក្រសួងកសិកម្មក្នុងការចូលរួមសហការជាមួយសហគមន៍កសិកម្ម ដើម្បីធានាបាននូវនិរន្តរភាពនៃការផ្គត់ផ្គង់ដំឡូងមី ៕ ប្រភព…