កំពង់ធំ​៖ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុម​ការងាររាជរដ្ឋាភិបាលចុះមូលដ្ឋានខេត្តកំពង់ធំ អមដំណើរដោយឯកឧត្តម នួន ផារ័ត្ន អភិបាលខេត្តកំពង់ធំ កាលពី​ព្រឹក​ថ្ងៃទី១០ ខែឧសភា ឆ្នាំ២០២៥​បានអញ្ជើញ​ពិនិត្យ​រោងចក្រ​កែច្នៃគ្រាប់ស្វាយចន្ទី MIRARTH Agri Tech របស់ជប៉ុន ដែលមានទីតាំងស្ថិតនៅភូមិត្រពាំងអារ័ក្ស ឃុំជ័យ ស្រុកកំពង់ស្វាយ ខេត្តកំពង់ធំ។ ជម្រាបដល់ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ និងប្រតិភូរួមដំណើរ ប្រធានគ្រប់គ្រងរោងចក្រ MIRARTH Agri Tech បានរាយការណ៍អំពីដំណើរ​ការផលិតគ្រាប់ស្វាយចន្ទី ចាប់ពីដំណាក់កាលដើមរហូតដល់ការបញ្ចប់។ ក្រុមហ៊ុន​បានផ្តោតខ្លាំងលើគុណភាពនៃចំណីអាហារ និងបានប្ដេជ្ញាផលិតបាន ៣ តោនក្នុងមួយថ្ងៃ ដើម្បីឆ្លើយតបនឹងគោលដៅ​នាំចេញ១ ៥០០ តោនក្នុងមួយឆ្នាំ៕ ដោយ៖​ប៊ុន​រដ្ឋា

ភ្នំពេញ៖ឯកឧត្តមឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សា​អភិវឌ្ឍន៍កម្ពុជា (ក.អ.ក.) និងជាប្រធាន ក្រុម​ការងារ​ចំពោះ​កិច្ចសម្របសម្រួល​ទំនាក់ទំនងពាណិជ្ជកម្ម និងវិនិយោគទ្វេភាគី​កម្ពុជា​-សហ​រដ្ឋអាមេរិក នាវេលា​ថ្ងៃត្រង់ ថ្ងៃសៅរ៍ ទី១០ ខែឧសភា ឆ្នាំ​២០២៥នេះបានដឹកនាំក្រុមការងារធ្វើ​ដំណើរ​ទៅសហរដ្ឋអាម៉េរិក ដើម្បីចរចាលើកិច្ចព្រម ព្រៀងពាណិជ្ជកម្មបដិការ រវាងកម្ពុជា និងសហរដ្ឋ​អាម៉េរិក ដែលនឹងប្រព្រឹត្តទៅនៅរដ្ឋធានីវ៉ាស៊ីនតោន នៃសហរដ្ឋអាម៉េរិក នៅថ្ងៃទី១៣ និងថ្ងៃទី១៥ ខែឧសភា ខាងមុខ. បេសកម្មនេះត្រូវបានរៀបចំឡើងបន្ទាប់ពីជំនួបពិភាក្សាការងារតាមរយៈ​ប្រព័ន្ធ​វីដេអូ (Zoom) ចំនួនពីរលើក ជាមួយ ភាគីតំណាងពាណិជ្ជ​កម្ម​សហរដ្ឋ​អាម៉េរិក (United States Trade Representative – USTR)។ជំនួបលើកទី១ បាន ប្រព្រឹត្តទៅកាលពីថ្ងៃទី១៦ ខែមេសានៅទីស្តីការក្រុមប្រឹក្សាអភិវឌ្ឍន៍កម្ពុជា។ កិច្ចប្រជុំនោះដឹកនាំ​ដោយ​ឯកឧត្តម ឧបនា​យ​ករដ្ឋមន្ត្រី និងមានការចូលរួមពី លោកជំទាវ ចម និម្មល រដ្ឋមន្ត្រី​ក្រសួងពាណិជ្ជកម្ម និងឯកឧត្តមបណ្ឌិត​រដ្ឋមន្ត្រីប្រតិភូ​អមនាយករដ្ឋមន្ត្រី អគ្គនាយក នៃអគ្គនាយកដ្ឋានគយនិងរដ្ឋាករ​កម្ពុជា។ កិច្ចប្រជុំធ្វើឡើង ​​តាមប្រព័ន្ធ Zoom ជាមួយ​លោកឯកអគ្គរដ្ឋទូត Jamieson Greer ប្រធានតំណាងពាណិជ្ជកម្មសហរដ្ឋអាម៉េរិក។…

បាត់ដំបង៖នៅស្រុករតនមណ្ឌល ខេត្តបាត់ដំបង កាលពីថ្ងៃទី៧ ខែឧសភា ឆ្នាំ២០២៥​វិទ្យាស្ថានខុងជឺនៃសាកល​វិទ្យាល័យជាតិបាត់ដំបង បានរៀប​ចំបើកនូវព្រឹត្តិការណ៍ផ្សព្វផ្សាយនូវផលិតផលសហគ្រាសកម្ពុជា-ចិនក្រោម​ប្រធានបទ៖ “វិទ្យាស្ថានខុងជឺស្ថាបនាស្ពានវប្បធម៌សហគ្រាសចិន​ពង្រីកផ្លូវ​ពាណិជ្ជកម្ម និងសេដ្ឋកិច្ច” ។ លោក គុយ វណ្ណូ អភិបាលស្រុករតនមណ្ឌល បានឱ្យដឹងថា ពិធីផ្សព្វផ្សាយផលិត​ផល​សហគ្រាសកម្ពុជា-ចិននាពេលនេះ មិនត្រឹមតែជាវេទិកាដែលអនុញ្ញាត​ឱ្យ​សហគ្រាសចិន មានឱកាសបានបង្ហាញនូវផលិតផលថ្មីៗនិងបច្ចេកវិទ្យា​ចុង​ក្រោយ និងសេវាកម្ម ដែលមានគុណភាពខ្ពស់ប៉ុណ្ណោះទេ។ ប៉ុន្តែក៏ជាការបង្កើន​នូវការទំនាក់ទំនង និងសហការអភិវឌ្ឍន៍ រវាង សហគ្រាសកម្ពុជា-ចិន ផងដែរ។ លោកអភិបាលស្រុកបន្តថា ការចូលរួមរបស់សហគ្រាសចិន និងការដាក់តាំង​បង្ហាញផលិតផលរបស់ខ្លួនពេលនេះ គឺបង្ហាញ​ពីការជឿជាក់លើសុខសន្តិភាព ស្ថិរភាពនយោបាយ និងសេដ្ឋកិច្ច របស់ប្រទេសកម្ពុជា។ជាពិសេសស្រុករតន​មណ្ឌល​ដែល​មានសក្តានុពលយ៉ាងខ្លាំង ក្នុងការអភិវឌ្ឍសេដ្ឋកិច្ច ទាំងលើវិស័យ​កសិកម្ម វិស័យរោងចក្រសហគ្រាសនានា។ អញ្ជើញចូលរួមក្នុងឱកាសនេះដែរ លោក ឈីន ឆាងជីន(Qin chang jin)ប្រធានសហគ្រាស បៃ ស៊ីង សេង និងជា​តំណាងសហគ្រាសចិន​បានថ្លែងថា វិទ្យាស្ថានខុងជឺ គឺជាតំណភ្ជាប់ដ៏សំខាន់មួយ ក្នុងការផ្លាស់ប្ដូរវប្បធម៌រវាង​ប្រទេស​ចិន​និងកម្ពុជា ។វិទ្យាស្ថានមិនត្រឹមតែផ្ដល់ចំណេះដឹងភាសាចិនប៉ុណ្ណោះទេ ថែមទាំងបានផ្តល់នូវឱកាស និងបើកទ្វារសម្រាប់​និស្សិតឱ្យទទួលបាននូវ​ឱកាសការងារខ្ពស់ នៅក្នុងសហគ្រាសចិនធំៗ នៅក្នុងមូលដ្ឋានខេត្តបាត់ដំបង ។ ទាក់ទងនឹងការរៀបចំនូវព្រឹត្តិការណ៍ផ្សព្វផ្សាយផលិតផលសហគ្រាសកម្ពុជា-ចិន លោក…

ភ្នំពេញ៖រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ពីការ​គាំទ្រយ៉ាងពេញទំហឹង និងជំរុញការការពារ​កម្មសិទ្ធិ​បញ្ញានៃផលិតផលកម្ពុជា និងចូលរួមអភិវឌ្ឍ កែច្នៃ ដើម្បីទទួលបានតម្លៃបន្ថែមកាន់តែខ្ពស់។ ថ្លែងក្នុងទិវាកម្មសិទ្ធិបញ្ញាពិភពលោកឆ្នាំ២០២៥ ក្រោមមូលបទ «កម្មសិទ្ធ​បញ្ញានិងតូរ្យតន្រ្តី»នៅថ្ងៃទី៥ ខែ ឧសភា ឆ្នាំ ២០២៥ ឯកឧត្តម ឌិត ទីណា រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ​បានមានប្រសាសន៍​ថាកម្មសិទ្ធិ​បញ្ញា​មិន​អាចកើតឡើងដោយឯកឯងនោះទេ។ វាទាមទារការវិនិយោគ និងការ​ស្រាវ​ជ្រាវពិតប្រាកដ ដើម្បីឈានទៅទទួលបានការ​ទទួលស្គាល់ និងការការពារ​ពីការលួចបន្លំ។ ក្នុងពិធីដែលគេសង្កេតឃើញវត្តមានលោកជំទាវ ចម និម្មល រដ្ឋមន្រ្តីក្រសួង​ពាណិជ្ជកម្ម និងជាប្រធានគណៈ​កម្មាធិការ​ជាតិគ្រប់គ្រងកម្មសិទ្ធិបញ្ញា ឯកឧត្តម ហែម វណ្ឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងឯកឧត្តម Igor Driesmans ឯកអគ្គរដ្ឋទូតសហភាពអឺរ៉ុបប្រចាំកម្ពុជា ,ឯកឧត្តមរដ្ឋមន្រ្តី ឌិត ទីណា បានថ្លែងអំណរ​គុណដល់ក្រសួងពាណិជ្ជកម្ម ដែលបានផ្ដួចផ្ដើមប្រារព្ធពិធីនេះឡើង ដើម្បីបញ្ជ្រាបការយល់ដឹងឱ្យកាន់តែ​ច្បាស់បន្ថែម​ទៀត​អំពីកម្មសិទ្ធិបញ្ញាជាសកល។ ឯកឧត្តមរដ្ឋមន្ដ្រីក្រសួងកសិកម្ម បានបញ្ជាក់បន្ថែមថា កម្មសិទ្ធិបញ្ញាក៏ជាការងារ​សំខាន់ដែលក្រសួងយកចិត្តទុកដាក់។ តាម​រយៈទាមទារ ការចុះបញ្ជីកម្មសិទ្ធិ​បញ្ញាលើប្រភេទពូជដំណាំរបស់កម្ពុជា កសិផលកម្ពុជា មិនត្រឹមតែអាចទទួល​បាន​តម្លៃបន្ថែមខ្ពស់ប៉ុណ្ណោះទេ តែថែមទាំងអាចជួយជំរុញការកែច្នៃលើផលិតផល​កសិកម្មបានផងដែរ។…

(ភ្នំពេញ)៖ ក្រសួងកសិកម្មរុក្ខាប្រមាញ់ និងនេសាទបានឱ្យដឹងថា៖ ដើម្បីអបអរសាទរទិវាកម្មសិទ្ធិបញ្ញាពិភពលោកឆ្នាំ២០២៥ កម្ពុជាបានសម្ពោធ ប្រហុក សៀមរាប ជាម៉ាកសម្គាល់ភូមិសាស្ត្រទំនិញ។ បើយោងតាមសេចក្តីប្រកាសរបស់ក្រសួងកសិកម្មបានឱ្យដឹងថា នេះជាជំហានដ៏សំខាន់មួយក្នុងការអភិរក្សការអនុវត្តបែបប្រពៃណី និងលើក កម្ពស់សហគមន៍មូលដ្ឋាន ដែលគាំទ្រដល់កំណើនសេដ្ឋកិច្ចជាតិ។ សមិទ្ធផលនេះកើតចេញលទ្ធផលនៃកិច្ចសហការយ៉ាង ជិតស្និទ្ធពីក្រសួង ស្ថាប័នទទួលបន្ទុក តាមរយៈគម្រោងអភិវឌ្ឍន៍ក្រោយប្រមូលផលជលផល (CAPFISH-Capture) ដែលគាំទ្រ ថវិកាដោយសហភាពអឺរ៉ុប (EU) និងអនុវត្តដោយអង្គការអភិវឌ្ឍឧស្សាហកម្មសហប្រជាជាតិ (UNIDO) សហការជាមួយរដ្ឋបាល ជលផល និងក្រសួងពាណិជ្ជកម្ម។ គួរបញ្ជាក់ថាទិវាកម្មសិទ្ធិបញ្ញា គឺមានការអានសារលិខិត របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីអបអរសាទរទិវាកម្ម សិទ្ធិបញ្ញាពិភពលោកឆ្នាំ២០២៥ ។ លោកជំទាវ ចម និម្មល បានគូសបញ្ជាក់ពីតួនាទីយ៉ាងសំខាន់របស់ក្រសួងពាណិជ្ជកម្មក្នុងការលើកកម្ពស់ ប្រព័ន្ធម៉ាកសម្គាល់ភូមិសាស្ត្រទំនិញ (GI) នៅកម្ពុជា ដែលជាឧបករណ៍សម្រាប់ជំរុញពាណិជ្ជកម្ម ឱ្យមាននិរន្តរភាព និងការ អភិវឌ្ឍជនបទ។ លោកជំទាវរដ្ឋមន្ត្រី បានមានប្រសាសន៍ថា៖ «ការទទួលស្គាល់ជាផ្លូវការនូវប្រហុកសៀមរាបជា ផលិតផលម៉ាកសម្គាល់ភូមិសាស្ត្រទំនិញ បានឆ្លុះបញ្ចាំងពីការបន្តខិតខំប្រឹងប្រែងក្នុងការការពារ និងលើកកម្ពស់ទ្រព្យសម្បត្តិ វប្បធម៌ដ៏ពិសេសរបស់កម្ពុជា តាមរយៈក្របខ័ណ្ឌកម្មសិទ្ធិបញ្ញាដ៏រឹងមាំ។…

(ជប៉ុន)៖ ព្រឹត្តិការណ៍ពិព័រណ៍កម្ពុជារយៈពេលពីរថ្ងៃ បិទបញ្ចប់ដោយជោគជ័យ និងទាក់ទាញភ្ញៀវជាតិ និងអន្តរជាតិសរុបប្រមាណ ១០ម៉ឺននាក់ ដែលពិធីបិទក្រោមអធិបតីភាព ឯកឧត្តម ទុយ រី ឯកអគ្គរាជទូតកម្ពុជា ប្រចាំប្រទេសជប៉ុន និងជាប្រធានគណៈកម្មការពិព័រណ៍កម្ពុជាប្រចាំឆ្នាំលើកទី៩ ឆ្នាំ២០២៥ (9th Cambodia Festival) បានអញ្ជើញជាអធិបតីបិទព្រឹត្តិការណ៍ពិព័រណ៍កម្ពុជា នៅឧទ្យានយ៉ូយ៉ូហ្កិផាក (Yoyogi Park) នាទីក្រុងតូក្យូ នាល្ងាចថ្ងៃទី៤ ខែឧសភា ឆ្នាំ២០២៥ ។ ឯកឧត្តមឯកអគ្គរាជទូត បានបញ្ជាក់ថា តាមការសង្កេតឃើញរបស់គណៈកម្មាធិការរៀបចំកម្មវិធីព្រឹត្តិការណ៍ពិព័រណ៍កម្ពុជា ដែលមានរយៈពេលចាប់ពីថ្ងៃទី៣-៤ ខែឧសភា មានភ្ញៀវជាតិ និងអន្តរជាតិចម្រុះជាតិសាសន៍ប្រមាណជា ១០ម៉ឺននាក់ មកចូលរួមទស្សនាការដាក់តាំងបង្ហាញផលិតផលខ្មែរ មុខម្ហូបខ្មែរ ការសម្តែងសិល្បៈចម្រុះ ចម្រៀងបុរាណនិងសម័យ រួមទាំងការរាំលេងកម្សាន្ត ដែលសម្តែងដោយក្រុមសិល្បៈអញ្ជើញមកពីក្រសួងវប្បធម៌ និងវិចិត្រសិល្បៈកម្ពុជា សហគមន៍ខ្មែរ សមាគមនិស្សិតខ្មែររៀននៅជប៉ុន កុមារាកុមារីខ្មែរនៅជប៉ុននិងជនជាតិជប៉ុនដែលស្រឡាញ់វប្បធម៌ខ្មែរ ផងដែរ។ ឯកឧត្ដម ទុយ រី ឯកអគ្គរាជទូត បានថ្លែងអំណរគុណយ៉ាងជ្រាលជ្រៅជូនចំពោះ ប្រជាពលរដ្ឋខ្មែរ ដែលកំពុងរស់នៅ ធ្វើការ និងសិក្សានៅប្រទេសជប៉ុន មិត្តជប៉ុន…