សៀមរាប៖ ក្រុមហ៊ុន ក្រេឌីត ប្យួរ៉ូ ខេមបូឌា (CBC) និងសមាគមទេសចរណ៍កម្ពុជា (CATA) បានសហការគ្នារៀបចំសិក្ខាសាលានៅខេត្តសៀមរាប នាថ្ងៃទី ២៧ ខែមីនា ឆ្នាំ ២០២៤ ដើម្បីពង្រីកការយល់ដឹងអំពីប្រព័ន្ធចែករំលែកព័ត៌មានឥណទាន វិធីពិនិត្យសុខភាពហិរញ្ញវត្ថុ និងចំណេះដឹងរង្វាយតម្លៃឥណទាន ក្នុងការបង្កើនលទ្ធភាពទទួលបានឥណទានសម្រាប់ភាពរីកចម្រើនរបស់សហគ្រាសធុនតូច និងមធ្យមទេសចរណ៍។ ហិរញ្ញប្បទានដើរតួនាទីយ៉ាងសំខាន់ក្នុងការជួយដល់អាជីវកម្មក្នុងវិស័យទេសចរណ៍ ដើម្បីពន្លឿនកំណើន និងការងើបឡើងវិញបន្ទាប់ពីការធ្លាក់ចុះក្រោយជំងឺរាតត្បាតកូវីដ១៩។ ក្នុងបរិបទនៃការប្រកាសកញ្ចប់ប្រាក់កម្ចីចំនួន ៥០លានដុល្លារពីរដ្ឋាភិបាលកម្ពុជាដល់សហគ្រាសធុនតូច និងមធ្យមទេសចរណ៍ក្នុងខេត្តសៀមរាប សិក្ខាសាលានេះធ្វើឡើងក្នុងគោលបំណងផ្តោតលើកត្តាអាចឱ្យធុរកិច្ចរៀបចំខ្លួនបានល្អប្រសើរសម្រាប់ការទទួលបានប្រាក់កម្ចី។ សហគ្រាសធុនតូច និងមធ្យមទេសចរណ៍ប្រមាណ ១០០ មកពីខេត្តសៀមរាប បានចូលរួមសិក្ខាសាលានេះ។ លោក ង៉ូវ សេងកាក់ អភិបាលរងខេត្តតំណាង ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប ក្នុងសុន្ទរកថាគន្លឹះក្នុងសិក្ខាសាលានេះ បានលើកឡើងពីតម្រូវការសម្រាប់ម្ចាស់សហគ្រាសធុនតូច និងមធ្យមក្នុងវិស័យទេសចរណ៍ ត្រូវយល់ដឹង និងរៀបចំខ្លួនដើម្បីទទួលបានឥណទាន ហើយអាចមានលទ្ធភាពរវិនិយោគប្រកបដោយការទទួលខុសត្រូវ និងនិរន្តរភាព។ លោកបន្ថែមថា ដោយសារវិស័យទេសចរណ៍គឺជាកត្តាជំរុញដ៏សំខាន់នៃកំណើនសេដ្ឋកិច្ចរបស់យើង កិច្ចសហប្រតិបត្តិការកាន់តែជិតស្និទ្ធជាមួយ ស៊ីប៊ីស៊ី និងធនាគារ អាចជួយជំរុញកំណើនវិស័យនេះ។ ប្រព័ន្ធចែករំលែកព័ត៌មានឥណទាន ដើរតួនាទីជាគ្រឹះក្នុងការពង្រីកលទ្ធភាពទទួលបានឥណទាន…

(ភ្នំពេញ)៖ លោក ហាន ប៉េងក្វាង អគ្គនាយកធនាគារ វីង បានលើកឡើងថា ៖ “ការបើកធនាគារ វីង សាខាផ្សារទំនើបអ៊ីអនម៉លមានជ័យ គឺជាការបង្ហាញពីការបោះជំហានទៅមុខក្នុងដំណើររបស់យើងឆ្ពោះទៅរកការធ្វើទំនើបកម្មវិស័យធនាគារនៅកម្ពុជា ដោយប្រាកដថាអតិថិជនងាយស្រួលទទួលបានសេវាហិរញ្ញដ៏ទំនើប កាន់តែកៀកជិតតំបន់រស់នៅអតិថិជនរបស់យើង” ។ នេះជាការលើកឡើងក្នុងឱកាសពិធីសម្ពោធជាផ្លូវការសាខាក្រុមហ៊ុនក្នុងស្រុកធនាគារ វីង ខេមបូឌា ម.ក អ៊ីអនម៉លមានជ័យ និងវីយូញៀនផេកាត ផ្លាទីនីម គ្មានលេខ នាព្រឹកថ្ងៃទី២៨ ខែមីនា ឆ្នាំ២០២៤ ។ លោកអគ្គនាយកបន្ថែមថា វត្តមានសាខាធនាគារ វីង សាខាអ៊ីអនម៉លមានជ័យ គឺជាការពង្រីកបន្ថែមនូវដំណោះស្រាយហិរញ្ញវត្ថុដ៏ទូលំទូលាយរបស់ខ្លួន ទៅដល់ពលរដ្ឋរស់នៅភាគខាងត្បូងនៃរាជធានីភ្នំពេញ ដែលជាតំបន់កំពុងមានការរីកចម្រើនយ៉ាងឆាប់រហ័ស ។ ទន្ទឹមនឹងការបើកសាខាថ្មី ធនាគារ វីង ក៏បានដាក់ឱ្យដំណើរការផលិតផលថ្មីគឺ វីងយូញៀនផេកាត ផ្លាទីនីម គ្មានលេខ ដែលបំពាក់ជាមួយបច្ចេកវិទ្យាការពារសុវត្ថិភាពដ៏ទំនើប ហើយថែមទាំងងាយស្រួលប្រើប្រាស់បានយ៉ាងទូលំទូលាយនៅទូទាំងពិភពលោក ។ ជាមួយនឹងទំហំទឹកប្រាក់នៃការធ្វើប្រតិបត្តិការប្រចាំថ្ងៃរហូតដល់ 50,000 ដុល្លារ ដែលផ្តល់ជូនដល់ម្ចាស់កាតរីករាយជាមួយនឹងអត្ថប្រយជន៍ពិសេសៗជាច្រើនដូចជា ការទទួលបានសាច់ប្រាក់ត្រលប់វិញចំនួន ១០% រាល់ការទិញទំនិញនៅតាមផ្សារទំនើបអ៊ីអនម៉ល ទាំងបីទីតាំងក្នុងរាជធានីភ្នំពេញ។ សូមបញ្ជាក់ថា ៖…

ភ្នំពេញៈ​​ ក្រសួងពាណិជ្ជកម្មបានទម្លាយឈ្មោះអាជីវកម្មកម្ចីអនឡាញមួយឈ្មោះថា កម្ពុជាកម្ចីរហ័ស និងព្រមានថា ប្រយ័ត្នចាញ់បោកក្រុមឈ្មួញខុសច្បាប់នេះ។ ការព្រមានរបស់ក្រសួងពាណិជ្ជកម្មធ្វើឡើងក្រោយក្រសួងទទួលបានពាក្យបណ្តឹងពីសាធារណជនជាច្រើនក្នុងករណីចាញ់បោក។ ក្រសួងពាណិជ្ជកម្មថា កម្ពុជាកម្ចីរហ័សនេះ ពុំបានចុះបញ្ជីនៅក្រសួងទេ ហើយបានផ្សព្វផ្សាយភូតភរពលរដ្ឋ និងបានយកនិមិត្តសញ្ញារបស់ក្រសួងប្រើប្រាស់ក្នុងការអាជីវកម្មរបស់ខ្លួនផងដែរ។ ក្រសួងពាណិជ្ជកម្មបានបញ្ជាឲ្យម្ចាស់អាជីវកម្មនេះបញ្ឈប់ជាបន្ទាន់នូវសកម្មភាពបោកប្រាស់នេះ។ធនាគារជាតិនៃកម្ពុជា ធ្លាប់បានព្រមានចាត់វិធានការតាមផ្លូវច្បាប់ ចំពោះក្រុមហ៊ុន ឬបុគ្គលដែលមិនមានអាជ្ញាប័ណ្ណ តែធ្វើសកម្មភាពក្នុងការផ្ដល់ឥណទាន តែគេសង្កេតឃើញថា អាជីវកម្មក្នុងរូបភាពបែបនេះ កំពុងបន្តចរាចរនៅលើបណ្តាញសង្គមដោយគ្មានក្តីបារម្ភ។លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា បានលើកឡើងថា ការប្រើកម្ចីក្រៅ ប្រព័ន្ធខុសគោលការណ៍ បង្កភាពអនាធិបតេយ្យ និងមានការគំរាមកំហែងបណ្តាល ឱ្យប៉ះពាល់ដល់ សណ្តាប់ធ្នាប់ សាធារណៈ ជាពិសេសកេរ្តិ៍ឈ្មោះរបស់កម្ពុជា។ បញ្ហាទាំងអស់នេះ កើតឡើងដោយសារតែពលរដ្ឋខ្លះ អស់ជម្រើសមានតម្រូវការប្រាក់ជាបន្ទាន់ ដើម្បីដោះបន្ទុក។លោក គី សេរីវឌ្ឍន៍ និយាយថា ដើម្បីទប់ស្កាត់បញ្ហានេះបាន គឺត្រូវបិទបញ្ចប់មុខរបរទាំងនេះ និងត្រូវប្រកាសជាសាធារណៈថា ប្រសិនបើករណីកម្ចីប្រាក់ក្រៅប្រព័ន្ធ អ្នកខ្ចី មិនចាំបាច់សង ហើយការគំរាមកំហែងគឺជាទោសព្រហ្មទណ្ឌ។លោក កាំង តុងងី អ្នកនាំពាក្យសមាគមមីក្រូហិរញ្ញវត្ថុកម្ពុជា បានឱ្យដឹងថា មានពលរដ្ឋមួយចំនួនបាន ធ្លាក់ខ្លួនជាប់បំណុលវ័ណ្ឌក ដោយសារតែកម្ចីទាំងនោះមានអត្រាការប្រាក់ខ្ពស់។ សមាគមមីក្រូហិរញ្ញវត្ថុកម្ពុជា បានជំរុញឱ្យពលរដ្ឋដែលមានតម្រូវការប្រាក់ គួរប្រើប្រាស់…

ភ្នំពេញៈនៅខេត្តរតនគិរី មានត្បូងល្អប្រណិតចំនួន៥ប្រភេទដែលថ្លៃមិនចាញ់ពេជ្រ។ ត្បូងដែលថ្លៃជាងគេគឺត្បូងទទឹម, ត្បូងកណ្តៀង, ត្បូងប៊ុត និងត្បូងបឹងកាចាក់ ដែលមានពន្លឺ រូបរាង និងទឹកល្អស្អាតឥតខ្ចោះ និងរឹងធន់ ថែមទៀតផង។ ត្បូងទាំងនេះ ជាប្រភេទត្បូងកម្រ។លោក ជា  វុទ្ធី  ម្ចាស់ហាង VT GEMSTONE លក់គ្រឿងអលង្ការ និងត្បូងធម្មជាតិ បានប្រាប់ទូរទស្សន៍អប្សរាថា ត្បូងទទឹមដែលអ្នកខ្លះហៅថាត្បូង ruby ទំហំ ១០ការ៉ាត់ មានតម្លៃចន្លោះពី១០ម៉ឺនដុល្លារ ទៅជិត ២០ម៉ឺនដុល្លារ ទៅតាមភាពស្រស់ស្អាតនៃត្បូង។ ដោយឡែក ត្បូងកណ្តៀង ១០ការ៉ាត់ មានតម្លៃចាប់ពី ៥ម៉ឺនដុល្លារឡើងទៅ។ត្បូងមួយប្រភេទទៀត ដែលកំពុងពេញនិយម និងនៅមានច្រើនគួរសមនៅខេត្តរតនគិរី គឺ ត្បូងរតនគិរី ដែលស្ថិតនៅកប់ក្នុងជម្រៅដីជាង១០ម៉ែត្រឯណោះ។ ត្បូងប្រភេទនេះ ទំហំ ១០ការ៉ាត់ មានតម្លៃចាប់ពីជាង ១ពាន់ដុល្លារឡើងទៅ។ក្រៅពីរតនគិរី កំណប់ត្បូងរបស់កម្ពុជា មាននៅខេត្ត ប៉ៃលិន  មណ្ឌលគិរី  កំពង់ធំ  តាកែវ និងខេត្តព្រះវិហារ ផងដែរ។ អ្នកជំនាញពាណិជ្ជកម្មបានលើកឡើងថា កម្ពុជា ជាប្រទេសដែលមានសក្តានុពលក្នុងវិស័យគ្រឿងអលង្ការ…

ភ្នំពេញ៖ យុទ្ធនាការបង្ហោះគោមផ្កាយរបស់ក្រុមហ៊ុន កូកា-កូឡា ខេមបូឌា កំពុងបំភ្លឺទេសភាពទីក្រុងទូទាំងប្រទេស ជាមួយនឹងការដាក់បង្ហោះគោមរាងផ្កាយដ៏ធំអស្ចារ្យ ដែលជាផ្នែកនៃយុទ្ធនាការលើកកម្ពស់ពិធីបុណ្យចូលឆ្នាំប្រពៃណីខ្មែរ និងរំលេចនូវចំណងនៃក្តីស្រឡាញ់ក្នុងគ្រួសារផងដែរ។ចង្កៀងគោម មាននិមិត្តរូបដ៏ពិសេសមួយក្នុងវប្បធម៌ខ្មែរក្នុងឱកាសបុណ្យចូលឆ្នាំប្រពៃណីខ្មែរ ដូចទៅនឹងការលេងល្បែងប្រជាប្រិយផ្សេងៗជាច្រើនទៀត ដូចជា ល្បែងលាក់កន្សែង ដណ្ដើមស្លឹកឈើ និងល្បែងទាញព្រ័ត្រ។ ជាធម្មតា ល្បែងទាំងនេះត្រូវបានប្រជាពលរដ្ឋខ្មែរលេងកម្សាន្ត អមជាមួយនឹងការបំភ្លឺគោមដ៏ចែងចាំងនាពេលរាត្រី ខណៈដែលប្រជាជនខ្មែរមកជួបជុំគ្នាដើម្បីគោរពដល់បេតិកភណ្ឌវប្បធម៌របស់ខ្លួនតាមរយៈការបំភ្លឺគោម ដែលធ្វើឱ្យកម្មវិធីនេះកាន់តែសប្បាយរីករាយ។ ចង្កៀងគោមនេះ ក៏ជានិមិត្តរូបនៃជ័យជំនះ កម្លាំង សាមគ្គីភាព និងភាពរុងរឿង។ ក្នុងឱកាសបុណ្យចូលឆ្នាំថ្មីប្រពៃណីខ្មែរ គោមចម្រុះពណ៌នឹងបានបង្ហោះលម្អលើផ្ទៃមេឃនាពេលរាត្រី ឆ្លុះបញ្ចាំងពីស្មារតីសាមគ្គីភាព និងការតស៊ូ ដែលជាប្រធានបទនៃយុទ្ធនាការរួមរបស់ក្រុមហ៊ុន កូកា-កូឡា ខេមបូឌា ដែលមានបំណងនាំយកមកនូវភាពអស្ចារ្យនៃការជួបជុំគ្នាឡើងវិញ លើកទឹកចិត្តដល់យុវជនខ្មែរជំនាន់ក្រោយរបស់កម្ពុជា ភ្ជាប់ទំនាក់ទំនងយ៉ាងពិតប្រាកដ និងរិតចំណងនៃក្តីស្រឡាញ់ជាមួយគ្រួសាររបស់ពួកគេបន្ថែមទៀត។ ដោយចង្កៀងគោមជានិមិត្តសញ្ញាដ៏ពិសេសក្នុងឱកាសឆ្នាំនេះ ក្រុមហ៊ុន កូកា-កូឡា ខេមបូឌា បានដាក់បង្ហោះគោមដែលមានរាងដូចផ្កាយ នៅតាមទីតាំងសំខាន់ៗទូទាំងរាជធានីភ្នំពេញ និងនៅខេត្តសៀមរាប ខេត្តបាត់ដំបង និងខេត្តព្រះសីហនុ។ ចង្កៀងគោមផ្កាយមានកម្ពស់ ៦ ម៉ែត្រ និងទទឹង ៦ ម៉ែត្រ។ សាធារណជនទាំងអស់ ត្រូវបានអញ្ជើញឱ្យថតរូប ឬថត Selfie ជាមួយនឹងគោមដែលអាចយកទៅបង្ហោះនិងបញ្ចេញមតិលើបណ្ដាញសង្គម…

ភ្នំពេញ៖ ក្រុមហ៊ុន Smart Axiata ដែលជាក្រុមហ៊ុនទូរគមនាគមន៍ឈានមុខគេក្នុងប្រទេសកម្ពុជា មានកិត្តិយសក្នុងការប្រកាសពីវត្តមានរបស់ខ្លួនជាលើកទីពីរក្នុងការចូលរួមជាដៃគូរឧបត្ថម្ភធំសម្រាប់ ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី ២ ឆ្នាំ ២០២៤ (STI Day 2024) ដែលរៀបចំដោយ ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្រោមអធិបតីភាពដ៏ខ្ពង់ខ្ពស់របស់សម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ប្រព្រឹត្តទៅរយៈពេលបីថ្ងៃចាប់ពីថ្ងៃទី ២៤-២៦ ខែមីនា នៅមណ្ឌលសន្និបាត និងពិព័រណ៌កោះពេជ្រ រាជធានីភ្នំពេញ ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី ២ នេះរៀបចំឡើងក្រោមប្រធានបទ «SMEs Go STI»។ ព្រឹត្តិការណ៍នេះមានគោលបំណងរួមបញ្ចូលវិទ្យាសាស្ត្រ បច្ចេកវិទ្យា និងការច្នៃប្រឌិតទៅក្នុងប្រតិបត្តិការសហគ្រាសធុនតូច និងមធ្យម (SME) ដើម្បីបង្កើនប្រសិទ្ធភាព ការប្រកួតប្រជែងទីផ្សារ និងសមាហរណកម្មសកល ដែលត្រៀមនឹងជះឥទ្ធិពលយ៉ាងខ្លាំងដល់ការអភិវឌ្ឍន៍ SME និងកំណើនបច្ចេកវិទ្យារបស់កម្ពុជា។ ក្នុងនាមជាដៃគូរឧបត្ថម្ភធំសម្រាប់កម្មវិធីទាំងបីថ្ងៃនោះ ក្រុមហ៊ុន Smart នឹងមានស្តង់របស់ខ្លួនដើម្បីរៀបចំការធ្វើបទបង្ហាញពីផលិតផលមួយចំនួន…

(ខេត្តកណ្តាល)៖ ផ្សារទំនើប គ្លីនតុន (Clinton Mart) នៅថ្ងៃទី២៥ ខែមិនាឆ្នាំ២០២៤ នេះ បានបើកដំណើរការជាផ្លូវការលក់នូវផលិតផល គ្រឿងឧបភោកបរិភោកគ្រប់មុខ ដែលមានទីតាំងនៅតាមបណ្តោយផ្លូវមាត់ទន្លេរ (ផ្ទះលេខ ៨៨៧ ផ្លូវជាតិលេខ២១) ក្រុងតាខ្មៅ ខេត្តកណ្តាល។ លោកស្រី ចាន់ វិសាខា អគ្គនាយិការ ផ្សារគ្លីនតុន បានមានប្រសាសន៍អោយដឹងថា ផ្សារទំនើបដ៏ថ្មីសន្លាងនេះរៀបចំឡើងតាមរចនាបទបែបបច្ចឹមប្រទេស (អូស្រ្តាលី) ប្រមូលផ្ដុំ ទៅដោយផលិតផលចម្រុះនូវគ្រឿងឧបភោក បរិភោក បន្លែបង្ការសរីរាង្គស្រស់ៗ ច្រើនមុខ រួមមានផលិតផលក្នុងស្រុក និងក្រៅស្រុក ធានាបាននូវគុណភាព និងស្តង់ដារ ចំណី អាហារ ដែលមានតម្លៃសមរម្យ សមស្របទៅនឹងតម្រូវការនៃការទិញទំនិញ បែប សម័យ ថ្មីរបស់អតិថិជន។ លោកស្រី វិសាខា ក៍បានបន្តទៀតថា ៖ ក្រៅពីទំនិញទាំងនេះ ផ្សារទំនើប គ្លីនតុន ក៍បាន ទទួល សិទ្ធផ្តាច់មុខលក់ផលិតផលត្រីខ កំប៉ុង អ៊ីម ធីប ដែលជាត្រីខលេខ១ មានរសជាតិ…

ភ្នំពេញ៖ គណៈប្រតិភូឥណ្ឌាតំណាងឱ្យក្រុមហ៊ុនជាង ២០ ដែលចូលរួមក្នុងការផលិត និងនាំចេញថ្នាំជ្រលក់ សារធាតុជ្រលក់ សារធាតុគីមីសរីរាង្គ និងសរីរាង្គ រួមមាន គីមីកសិកម្ម គីមីពិសេស និងគ្រឿងសំអាង នៅថ្ងៃទី២៣ ខែមីនា ឆ្នាំ២០២៤ បានជួបប្រជុំធុរកិច្ចជាមួយធុរកិច្ចកម្ពុជា នៅសណ្ឋាគារហៃយ៉ាដរ៉េស៊ីដិន រាជធានីភ្នំពេញ។ អាន. លោក Siddhartha Kumar ប្រធានគណៈប្រតិភូ និងជានាយកប្រចាំតំបន់នៃ Chemexcil ដែលជាក្រុមប្រឹក្សាលើកកម្ពស់ការនាំចេញផលិតផលគីមី គ្រឿងសំអាង និងថ្នាំជ្រលក់ បានថ្លែងស្វាគមន៍យ៉ាងកក់ក្តៅចំពោះអ្នកចូលរួមទាំងអស់ និងបានពន្យល់លម្អិតអំពីវិស័យគីមីនៅប្រទេសឥណ្ឌា។ លោកបន្តថា ឧស្សាហកម្មគីមី ជាឆ្អឹងខ្នងនៃការអភិវឌ្ឍឧស្សាហកម្ម និងកសិកម្មរបស់ប្រទេសឥណ្ឌា។ លោកបន្ថែមថា ឧស្សាហកម្មដែលត្រូវបានប៉ាន់ប្រមាណថាមានតម្លៃ ២២០ពាន់លានដុល្លារក្នុងឆ្នាំ២០២២ ហើយត្រូវបានគេរំពឹងថា នឹងកើនឡើងដល់ ៣០០ពាន់លានដុល្លារនៅឆ្នាំ២០២៥ និង ១ទ្រីលានដុល្លារនៅឆ្នាំ២០៤០។ ឥណ្ឌាគឺជាប្រទេសផលិតសារធាតុគីមីធំបំផុតទី៦ នៅលើពិភពលោក និងទី៣ នៅក្នុងអាស៊ី បន្ទាប់ពីជប៉ុនបានរួមចំណែក ៧ភាគរយដល់ផលិតផលក្នុងស្រុកសរុប (GDP) របស់ឥណ្ឌា។ លោកជំទាវវេជ្ជបណ្ឌិត ទេវ្យានី ខូប្រាគដេ ឯកអគ្គរដ្ឋទូតឥណ្ឌាប្រចាំកម្ពុជា មានប្រសាសន៍ថា…