ភ្នំពេញ៖ នៅក្នុងសប្តាហ៍នេះ ទីផ្សារមាសប្រែប្រួលតម្លៃមិនទៀងទាត់ ពោលគឺ ធ្លាក់ចុះបន្តិច ហើយក៏ឡើងវិញ។ គិតត្រឹមថ្ងៃព្រហស្បតិ៍នេះ មាសមួយតម្លឹងតម្លៃជាង ២ ៨៦០ដុល្លារអាមេរិក។ អាជីវករតាមបណ្តាហាងមាស និងផ្សារនានា បានឱ្យដឹងថា មានមនុស្សជាច្រើនបន្តលក់មាសរបស់ពួកគេចេញ ហើយមានអតិថិជនតិតតួចបំផុតបានទិញមាសចូល។ អ្នកនាង ហុង ហុយហ្គិច អ្នកលក់មាសនៅផ្សារសាលាលេខប្រាំ ខេត្តកំពង់ឆ្នាំង ប្រាប់ទូរទស្សន៍អប្សរាថា អ្នកស្រីបានទិញមាសចូលជាច្រើនតម្លឹងហើយក្នុងរយៈពេល១សប្តាហ៍ចុងក្រោយនេះ។ ម្ចាស់ហាងមាសរូបនេះ រំពឹងថា តម្លៃមាសប្រែប្រួលបែបនេះនឹងធ្វើការទំនោរនៃការលក់ចេញកាន់តែច្រើន ដោយសារតែអតិថិជនមួយចំនួនខ្លាចធ្លាក់ថ្លៃប្រសិនបើរង់ចាំ។ ក្នុងលក្ខខណ្ឌមិនបញ្ចេញឈ្មោះ ស្ត្រីវ័យជាង៤០ ឆ្នាំម្នាក់បានប្រាប់ទូរទស្សន៍អប្សរាថា អ្នកស្រីបានសម្រេចចិត្តលក់មាសដែលសន្សំទុកច្រើនឆ្នាំមកហើយ ដើម្បីបានចំណេញ និងចំពេលមានតម្រូវការសាច់ប្រាក់។ អ្នកស្រីថា អ្នកស្រីមិនហ៊ានលក់នៅហាងណាផ្សេងក្រៅពីកន្លែងដែលអ្នកស្រីបានទិញចូលនោះទេ ព្រោះខ្លាចគេមិនទិញ ឬបន្ទាបគុណភាពដើម្បីទម្លាក់តម្លៃ។ លោក ឡុង សំណាង អ្នកវិភាគតម្លៃមាស និងជាប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុន ភីភី លីង ស៊ីឃ្យួរឹធី ជឿថា មាសនៅតែមានទំនោរនៃការឡើងថ្លៃ។ ចំពោះការធ្លាក់ថ្លៃមកវិញបន្តិច គឺជាបច្ចេកទេសនៃការជួញដូរប៉ុណ្ណោះ។ លោកវាយតម្លៃថា មាសនៅកម្ពុជា នឹងបន្តឡើងថ្លៃពី ៣ពាន់ ទៅជាង ៣ពាន់១០ដុល្លារ…

ភ្នំពេញ៖ ការនាំចេញកង់របស់កម្ពុជាទៅកាន់ទីផ្សារបរទេសបានបន្តធ្លាក់ចុះនៅត្រីមាសទី១ឆ្នាំ២០២៤នេះ។ ទិន្នន័យពីនាយកដ្ឋានគយនិងរដ្ឋាករកម្ពុជាបង្ហាញថា បីខែដើមឆ្នាំនេះខ្មែរលក់កង់ និងកង់អគ្គិសនី បានជិត ៩៧លានដុល្លារតែប៉ុណ្ណោះ។ ចំនួននេះថយចុះ ៤៣ភាគរយ ឬស្មើនឹងជាង៧០លានដុល្លារ បើធៀបនឹងរយៈពេលដូចគ្នាកាលពីឆ្នាំ ២០២៣ ដែលការនាំចេញកង់កាលនោះមានតម្លៃ ១៧០លានដុល្លារ។ ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម លើកឡើងថា ការធ្លាក់ចុះនៃទំហំនាំចេញកង់នាពេលនេះបណ្តាលមកពីវិបត្តិសេដ្ឋកិច្ចសកលដែលកំពុងបន្តកើតមាន។ វិបត្តិនេះនាំឲ្យការបញ្ជាទិញពីទីផ្សារធំៗទាំងអាមេរិក អឺរ៉ុប និងអាស៊ី ធ្លាក់ចុះព្រមគ្នា។ គួរសម្គាល់ថា ការធ្លាក់ចុះនៃការនាំចេញកង់មិនមែនទើបកើតមានទេ។ ការនាំចេញកង់កាលពីឆ្នាំ២០២៣ បានធ្លាក់ចុះពីក្នុងចំនួនទឹកប្រាក់ជិត ៩០០លានដុល្លារ មកត្រឹមជាង ៤០០ លានដុល្លារ។ ពោលគឺធ្លាក់ចុះជាងពាក់កណ្តាល បើធៀបនឹងឆ្នាំ២០២២ ។ នៅចំពោះមុខនៃបញ្ហានេះ ឯកឧត្តម ហេង សុខគង់ រដ្ឋលេខាធិការ និងជាអ្នកនាំពាក្យក្រសួងឧស្សាហកម្ម   វិទ្យាសាស្ត្រ បច្ចេកវិទ្យា និង នវានុវត្តន៍  លើកឡើងថា រដ្ឋាភិបាលកំពុងបន្តធ្វើពិពិធកម្មផលិតផល ឧស្សាហកម្មដើម្បីជម្រុញការនាំចេញ។ សូមបញ្ជាក់ផងដែរថា ប្រទេសកម្ពុជា ជាប់ចំណាត់ថ្នាក់លេខ១ ជាប្រទេសកំពូលក្នុងសមាគមប្រជាជាតិអាស៊ីអាគ្នេយ៍ហៅកាត់ថាអាស៊ាន ក្នុងការនាំចេញកង់ និងជាប្រទេសមួយក្នុងចំណោមប្រទេសនាំចេញកង់កំពូលទាំង៥ក្នុងពិភពលោក ដែលនាំចេញកង់បានច្រើនជាងគេបន្ទាប់ពីចិន តៃវ៉ាន់ ហូឡង់…

ភ្នំពេញ៖ នៅឆ្នាំ ២០២៣ និងដើមឆ្នាំ២០២៤នេះ សន្ទុះនៃការប្រកួតប្រជែងក្នុងឧស្សាហកម្មរថយន្តនៅប្រទេសកម្ពុជាបានហក់ឡើង។ ក្រុមហ៊ុនដំឡើងរថយន្តចំនួនបួនក្នុងចំណោមក្រុមហ៊ុនទាំងប្រាំបួនដែលបានបោះទីតាំងនៅខ្មែរ ផ្គុំរថយន្តបានបានជិត ៥ ០០០គ្រឿង ដែលមានតម្លៃសរុជាង ១៣៣ លានដុល្លារអាមេរិក។ នៅចំពោះមុខស្ថានភាពសេដ្ឋកិច្ចតឹងតែងផង ក្រុមហ៊ុនទាំងនេះប្រឹងជែងយកទីផ្សារដែលធ្វើឱ្យយានយន្តកាន់តែមានតម្លៃសមរម្យសម្រាប់ទីផ្សារក្នុងស្រុក។ ក្រុមហ៊ុនទាំងបួននោះ គឺ HGB Motors Assembly ដំឡើងរថយន្ត Kia, RMA Automotive Cambodia ដំឡើងរថយន្ត Ford, Camko Motor Company ដំឡើងរថយន្ត Hyundai និង Daehan Motors Cambodia ដំឡើងរថយន្ត Ssangyong។ ក្រុមហ៊ុនទាំងនេះនាំមុខគេក្នុងការប្រកួតប្រជែង និងកំពុងលក់រថយន្តក្នុងតម្លៃទាបជាងរថយន្តនាំចូលរហូតដល់៥ ០០០ដុល្លារក្នុងមួយគ្រឿង។ ក្រុមហ៊ុនរថយន្ត Ford ដែលមានរោងចក្រនៅខេត្តពោធិ៍សាត់ ដំឡើងបានរថយន្តច្រើនជាងគេរហូតដល់៤២៤៨គ្រឿង កាលពីឆ្នាំ២០២៣។ លោក សេង វឹង នាយកគ្រប់គ្រងទូទៅនៃក្រុមហ៊ុន Ford បានឲ្យទូរទស្សន៍អប្សរាដឹងថា លោកបញ្ចុះតម្លៃពី ៤០០០ដុល្លារ ឬ៥០០០ដុល្លារក្នុងមួយគ្រឿងទៅតាមប្រភេទរថយន្តដែលមានតម្លៃចាប់ពីជាង៣ម៉ឺនដុល្លារឡើង។ ការបញ្ចុះតម្លៃនេះជួយឲ្យ…

ភ្នំពេញ៖ ជាលើកដំបូងបំផុតប្រាក់រៀលរបស់កម្ពុជា ត្រូវបានដាក់ឱ្យជួញដូរ ឬទិញលក់ នៅបញ្ជរប្តូរប្រាក់របស់ក្រុមហ៊ុន Travelex នៅព្រលានយន្តហោះអន្តរជាតិ Haneda នៃទីក្រុងតូក្យូរបស់ប្រទេសជប៉ុន។ ការជួញដូរបានចាប់ផ្តើមកាលពីថ្ងៃទី១៦ ខែមេសា ដែលជាលទ្ធផលនៃកិច្ចសហការរវាងធនាគារជាតិនៃកម្ពុជា និងក្រុមហ៊ុន Travelex។ មន្ត្រីធនាគារជាតិនៃកម្ពុជាបានលើកឡើងថា ការដាក់បញ្ចូលប្រាក់រៀលនៅលើតារាងជួញដូរនៅមជ្ឈមណ្ឌលហិរញ្ញវត្ថុអន្តរជាតិដូចជានៅទីក្រុងតូក្យូ ជាសក្ខីភាពបញ្ជាក់ថា ប្រាក់រៀលអាចជួញដូរជាលក្ខណៈអន្តរជាតិ និងបង្កើនទំនុកចិត្តលើប្រាក់រៀល។ បន្ថែមពីលើនេះ វានឹងជួយសម្រួលទេសចរជប៉ុនដែលទៅទស្សនកិច្ចនៅប្រទេសកម្ពុជា អាចប្ដូរយកប្រាក់រៀលដោយងាយស្រួល។ កាលពីឆ្នាំ ២០២៣ ក្រុមហ៊ុន Travelex បានដាក់ជួញដូរប្រាក់រៀល នៅព្រលានយន្តហោះអន្តរជាតិ Changi ប្រទេសសិង្ហបុរី ។ ធនាគារជាតិនៃកម្ពុជានឹងបន្តសហការជាមួយក្រុមហ៊ុន Travelex ដើម្បីដាក់ប្រាក់រៀលនៅលើតារាងជួញដូរនៅមជ្ឈមណ្ឌលហិរញ្ញវត្ថុអន្តរជាតិជាច្រើនទៀតនៅលើពិភពលោក។ គួរសម្គាល់ថា ជាមួយនឹងការពង្រីកការប្រើប្រាស់ប្រាក់រៀលក្នុងទីផ្សារអន្តរជាតិ និងចរាចរសាច់ប្រាក់អនឡាញ ការប្រើប្រាស់ប្រាក់រៀលតាមប្រព័ន្ធអេឡិចត្រូនិកនៅឆ្នាំ២០២៣បានកើនឡើង ៤៤ភាគរយធៀបនឹងឆ្នាំ២០២២ និងខ្ពស់ជាងកំណើននៃប្រតិបត្តិការទូទាត់អេឡិចត្រូនិកជាប្រាក់ដុល្លារអាមេរិក ដែលកើនក្នុងអត្រា ៣,១ភាគរយ៕ ដោយ៖ទួន សុផល

ខេត្តសៀមរាប៖ របរលក់ក្រឡានរបស់អ្នកស្រុកនៅភូមិខ្ចាស់ ក្នុងទឹកដីខេត្តសៀមរាប ដែលធ្លាប់តែស្ងប់ស្ងាត់ និងជួបផលលំបាកមួយចំនួនក្នុងការរកប្រាក់កម្រៃនោះ ប៉ុន្តែនារដូវចូលឆ្នាំថ្មីនេះបានប្រែមកកាក់កបប្រសើរឡើងវិញ ធ្វើឱ្យពួកគាត់សប្បាយចិត្តដោយមិនចង់ឱ្យឱកាសដ៏ល្អនេះកន្លងផុតដោយឆាប់រហ័សនោះឡើយ ។ គួរបញ្ជាក់ថា របរលក់ក្រឡាន នៅដងផ្លូវជាតិលេខ៦A ស្ថិតនៅត្រង់ភូមិខ្ចាស់ ឃុំខ្ចាស់ ស្រុកសូទ្រនិគម ខេត្ដសៀមរាប គឺជាទីល្បីល្បាញលក់ក្រឡានជាច្រើនឆ្នាំមកហើយ ។ ទីកន្លែងនេះអ្នកធ្វើដំណើរទីជិតឆ្ងាយ តែងឈប់សម្រាកដើម្បីភ្លក្ស ឬ ទិញផ្ញើ ញាតិមិត្តបងប្អូននៅឯផ្ទះបានបរិភោគ ។ អ្នកស្រី ហៀងកញ្ញា អ្នកលក់ក្រឡាននៅដងផ្លូវជាតិលេខ៦A នេះ ដែលកំពុងដុតក្រឡានលក់ជាមួយនឹងទឹកមុខរីករាយ រាក់ទាក់បានប្រាប់ឱ្យដឹងថា ក្នុងរយៈពេល ៣ថ្ងៃមកនេះ ពិធីបុណ្យចូលឆ្នាំខ្មែរ អ្នកស្រីលក់ដាច់គួរសម ដោយក្នុងមួយថ្ងៃលក់ដាច់ក្រឡានអស់ចាប់ពី ១០គីឡូក្រាមឡើងទៅ ។ អ្នកដើរកម្សាន្តទីជិតឆ្ងាយតែងឈប់ទិញក្រឡាជាហូរហែធ្វើឱ្យអ្នកស្រីសប្បាយចិត្តជាពន់ពេក ។ អ្នកស្រី បន្តថា”ខ្ញុំបានប្រកបមុខរបរដុតក្រឡានលក់តាំងតែមួយតូប ពីរតូបដំបូង ឥឡូវនេះលក់សឹងរាប់រយតូប ឃើញថាលក់គ្នាច្រើនទៅធ្វើឱ្យបាត់ចំណូល និងផ្គួបផ្សំពេលនេះខ្សត់អ្នកទិញផងធ្វើឱ្យជួបស្ថានភាពលំបាកក្នុងការរកប្រាក់ចំណូលច្រើនជាងមុន” ។ ជាមួយគ្នានេះ អ្នកស្រី យុទ្ធវ័ង ដែលជាអ្នកលក់ក្រឡានក្នុងភូមខ្ចាស់នេះដែរ បានប្រាប់ឱ្យដឹងថា អ្នកស្រីលក់នៅដើមទីគេ សម្រាប់អ្នកធ្វើដំណើរមកពីរាជធានីភ្នំពេញ ម្ល៉ោះហើយធ្វើឱ្យពុំសូវដាច់ច្រើនឡើយ ។ ក្នុងរដូវចូលឆ្នាំនេះទោះលក់ពុំសូវដាច់ដូចអ្នកដទៃតែអ្នកស្រីនៅអាចលក់ក្រឡានអស់អង្ករជាង…

កំពង់ធំ៖ ផ្លែគុយ ជាប្រភេទផ្លែនៃរុក្ខជាតិព្រៃម៉្យាងដែ ល អាច បរិភោគ បាន និងពេញនិយមទៀតផង។នេះដោយសាររសជាតិ ជូរអែមរបស់វា បើទោះបីសម្បករបស់វាមានជ័រពណ៌ស បន្តិចក្តី។ដើមរបស់វា ជាវល្លិ៍តោងឡើងតាមរុក្ខជាតិដទៃទៀត។វា មាន ផ្លែ ទំហំតូច ធំ ទៅតាមប្រភេទពូជរបស់វា ដោយជាមធ្យមមាន ទំហំ ប៉ុនកដៃកូនក្មេង។ពេលនៅខ្ចីផ្លែរបស់វាមានពណ៌បៃតងខ្ចី។នៅពេលទុំ មានពណ៌លឿងខ្ចី និងខ្លះលឿងទុំ។ រុក្ខជាតិព្រៃមួយប្រភេទនេះតែងផ្តល់ផលចាប់ពីខែកុម្ភៈដល់ខែឧសភា ។គឺចំរដូវបុណ្យចូលឆ្នាំថ្មីប្រពៃណីជាតិ ដែលជាឱកាសនៃការ រកប្រាក់ពីការលក់ផល្លានុផលមួយនេះ។ ចាប់តាំងពីមុនថ្ងៃបុណ្យចូលឆ្នាំថ្មី និងក្នុងអំលុងបុណ្យចូលឆ្នាំថ្មី ឆ្នាំរោង ឆស័ក ពុទ្ធសករាជ២៥៦៨ នៅដងផ្លូវជាតិលេខ៦ ពី ខេត្ត កំពង់ធំ មកកាន់ខេត្តសៀមរាប យើងសង្កេតឃើញមាន ការដាក់ លក់ជាហូរហែលើតុឈើតូចៗល្មមឬគ្រែ នូវផ្លែគុយ ដែលមានការ ចងជាចង្កោមរួចជាស្រេច។អ្នកដំណើរជាច្រើននាក់បន្ត បន្ទាប់ តែងតែឈប់យានជំនិះដើម្បីសាកសួរនិងទិញផ្លែគុយ ដើម្បី បរិភោគ ភ្លាមៗ ឬផ្ញើសាច់ញាតិមិត្តភក្រ្តជាដើម។ នៅពីក្រោយតុឈើដែលដាក់ផ្លែគុយពេញគួរឱ្យចង់ភ្លក្ស អ្នកស្រី យន់ ថាន រស់នៅភូមិត្រពាំងឬស្សី ឃុំត្រពាំងឬស្សី ស្រុកកំពង់…

របាយការណ៍ស្ថិតិភ្ញៀវទេសចរកម្សាន្តក្នុងពិធីបុណ្យចូលឆ្នាំថ្មីប្រពៃណីជាតិ ថ្ងៃទី០១ ត្រូវនឹងថ្ងៃទី១៣ ខែមេសា ឆ្នាំ២០២៤ ដូចខាងក្រោម ប្រភព ៖ មន្ទីរទេសចរណ៍រាជធានី ខេត្ត