(ភ្នំពេញ)៖ ប្រាក់ឈ្នួលអប្បរមាសម្រាប់កម្មករនិយោជិតក្នុងវិស័យវាយនភណ្ឌ កាត់ដេរ​សម្លៀកបំពាក់ ផលិតស្បែកជើង និងកាបូប គឺមានចំនួន២០៨ដុល្លារ ក្នុង ១ខែ ក្នុងឆ្នាំ​២០២៥ខាងមុខ កើនឡើង ៤ដុល្លារ បើប្រៀបធៀបនឹងឆ្នាំ២០២៤ ដែលមានត្រឹមតែ ២០៤ដុល្លារ។ ថ្លែងប្រាប់ក្រុមអ្នកយកព័ត៌មានក្រោយបញ្ចប់កិច្ចប្រជុំចរចាប្រាក់ឈ្នួលអប្បរមាកម្មករនិយោជិតវិស័យវិស័យវាយនភណ្ឌ កាត់ដេរសម្លៀកបំពាក់ ផលិតស្បែកជើង និងកាបូប ឆ្នាំ២០២៥ កាលពីថ្ងៃទី ១៩ ខែកញ្ញា ឆ្នាំ២០២៤នេះ លោក គឹម ចាន់សំណាង តំណាងភាគីកម្មករនិយោជិត បានលើកឡើងថា ការឯកភាពលើតួលេខ២០៨នេះ ដោយសហជីពប្រជុំពិភាក្សាផ្ទៃក្នុងជាច្រើនលើក និងចរចាជាមួយភាគីនិយោជក​យ៉ាងយកចិត្តទុកដាក់ ដើម្បីធ្វើយ៉ាងណាជួយឲ្យកម្មករនិយោជិតទទួល​បានប្រាក់​ឈ្នួលកាន់តែខ្ពស់។ លោក គឹម ចាន់សំណាង សហជីពនៅតែរក្សាជំហរធ្វើយ៉ាងណាដើម្បីការពារផល​ប្រយោជន៍ ជូនកម្មករនិយោជិត ឲ្យទទួលបានប្រាក់ចំណូលសមរម្យ និងទទួល​បានអត្ថប្រយោជន៍ផ្សេងៗនៅក្នុងវិស័យវាយនភណ្ឌ កាត់ដេរសម្លៀកបំពាក់ ផលិតស្បែកជើង និងកាបូបនេះ។ លោកឧកញ៉ា ណាង សុធី តំណាងនិយោជក បានសម្ដែងការពេញចិត្ដចំពោះ តួលេខនេះ ដែលមានលក្ខណសមរម្យ ដើម្បីអាចទទួលយកបាន។ ជាពិសេស ការចរចានេះ គឺមានការយល់គ្នាច្រើន ជាងបណ្ដាឆ្នាំមុនៗ ។…

(ភ្នំពេញ)៖ កម្ពុជា និងម៉ាឡេស៊ី ដាក់ឱ្យដំណើរការគម្រោងទូទាត់ឆ្លងដែន តាមរយៈកម្មវិធីទូទាត់បាគង និងធនាគារ មេយប៊ែង ដែលគម្រោងនេះ ដើរតួនាទីយ៉ាងសំខាន់ ក្នុងការជំរុញសកម្មភាពពាណិជ្ជកម្ម និងបរិយាបន្នហិរញ្ញវត្ថុនៅក្នុងប្រទេសទាំងពីរ ។ នេះជាការគូសបញ្ជាក់របស់លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា ក្នុងឱកាសដែលធនាគារជាតិនៃកម្ពុជា (NBC) និងធនាគារកណ្តាលម៉ាឡេស៊ី (BNM) ដាក់ឱ្យដំណើរការគម្រោងទូទាត់ឆ្លងដែនតាមឃ្យូអរកូត (QR Code) រវាង កម្ពុជា និង ម៉ាឡេស៊ី ដោយមានធនាគារ មេឃប៊ែង ជាធនាគារប្រតិបត្តិការ នៅថ្ងៃទី១៩ ខែកញ្ញា ឆ្នាំ២០២៤ ។ លោកជំទាវបណ្ឌិត ជា សិរី បន្តថា នៅក្នុងដំណាក់កាលទី១ នៃគម្រោងតភ្ជាប់នេះ ប្រជាជនកម្ពុជា អាចប្រើប្រាស់កម្មវិធីទូទាត់បាគង និងកម្មវិធី ធនាគារចល័ត មេយប៊ែង សម្រាប់ទូទាត់នៅប្រទេសម៉ាឡេស៊ី ដោយស្កេនឃ្យូអរកូត នៅតាមទីតាំងពាណិជ្ជករដោយផ្ទាល់បានយ៉ាងងាយស្រួល ។ ប្រជាជនកម្ពុជា ដែលមានគណនីជាប្រាក់រៀល អាចធ្វើការទូទាត់ដោយប្រើរូបិយប័ណ្ណរៀលខ្មែរ (KHR) ជារូបិយប័ណ្ណគោល ខណៈរូបិយប័ណ្ណទូទាត់ជា…

(កំពត)៖ ដើម្បីទាក់ទាញភ្ញៀវទេសចរ រដ្ឋបាលខេត្តកំពត មានគម្រោងអភិវឌ្ឍន៍ហេដ្ឋារចនាសម្ព័ន្ធផ្សេងៗជាច្រើន ដែលសុទ្ធសឹងជាសមិទ្ទ្ធិផលឯក និងជាប្រវត្តិសាស្ត្រ ក្នុងនោះមានដូចជាស្ពាន សាងសង់តាមរចនាបថ ខ្មែរបំពាក់ដោយថាមពលអគ្គិសនី បំផ្លែងពីកង្ហារធំបំផុតចំនួន២, កសាងសំពៅធំបំផុតដែលមានភោជនីដ្ឋាយនៅខាងលើ និងកសាងឆ្នេរសមុទ្រនៅខាងមុខកំពុងផែទេសចរណ៍អន្តរជាតិជាដើម។ នេះជាប្រសាសន៍ របស់ ឯក ឧត្តម ម៉ៅធនិនអភិបាលខេត្តកំពតបាន លើកឡើងក្នុងកិច្ចប្រជុំសាមញ្ញលើកទី៤ របស់ក្រុមប្រឹក្សាខេត្ត អាណត្តិទី៤ នៅថ្ងៃទី ១៧ ខែកញ្ញា ឆ្នាំ២០២៤ ។ ឯកឧត្តម បានបន្តថា បច្ចុប្បន្នមន្ត្រីរាជការ អាជ្ញាធរក្រុង ស្រុក អនុវត្តការងារបានល្អប្រសើរ ដោយឯកឧត្តមមិនបានទទួលពាក្យបណ្តឹងណាមួយ ពីប្រជាពលរដ្ឋ ដូចពីពេលមុននោះទេ ។ នេះបានបញ្ជាក់អំពីស្មារតីនៃការចូលរួមយ៉ាងសកម្មរបស់មន្ត្រី អាជ្ញាធរក្នុងការបម្រើប្រជាពលរដ្ឋ ហើយ កន្លងមករដ្ឋបាលខេត្តបានខិតខំកសាងនូវសមិទ្ធផលជាច្រើន មានដូចជា ការស្ថាបនាឆ្នេរខ្សាច់កម្សាន្ត ការកែលម្អសួនច្បារ ការកសាងរូបសំណាកសេះសមុទ្រ និងនាឡិកាធំហើយខ្ពស់ជាងគេជាដើម ។ តាមរយៈសមិទ្ធផលជាច្រើននេះ បានធ្វើឲ្យភ្ញៀវទេសចរណ៍ជាតិ និងអន្តរជាតិ ថ្នាក់ដឹកនាំទាំងក្នុង និងក្រៅប្រទេសចាប់អារម្មណ៍ ចង់មកកម្សាន្ត និងសិក្សាស្វែងយល់ពីខេត្តកំពត ជាក់ស្តែងក្នុងខែនេះ អគ្គរាជទូត និងអង្គទូតចំនួន…

(ភ្នំពេញ)៖ ឯកឧត្តម ស៊ីរីល ប៊ែលលីយេ នាយកទីភ្នាក់ងារបារាំងសម្រាប់អភិវឌ្ឍន៍(AFD) ទទួលបន្ទុកតំបន់អាស៊ី មជ្ឈិមបូព៌ា និងអឺរ៉ុបខាងកើត ការធ្វើទស្សនិច្ច ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី១៧ ខែកញ្ញានេះ បានធ្វើទស្សនកិច្ចទៅកាន់រោងចក្រប្រព្រឹត្តកម្មទឹកស្អាតបាក់ខែង ដើម្បីពិនិត្យគម្រោងសាងសង់រោងចក្រប្រព្រឹត្តកម្មទឹកស្អាតបាក់ខែង ជំហានទី៣ ដែលមានតម្លៃ ២៥៧លានដុល្លារអាមេរិក ក្នុងនោះហិរញ្ញប្បទានពីAFD មានចំនួន ២១០លានដុល្លារ ។ រោងចក្រប្រព្រឹត្តកម្មទឹកស្អាតបាក់ខែងជំហានទី៣ ដែលបាននិងកំពុងសាងសង់នេះ គ្រោងនឹងបញ្ចប់ និងដាក់ឱ្យដំណើរការនៅឆ្នាំ២០២៧ ជាមួយនឹងការផលិតទឹកស្អាតបន្ថែមចំនួន ១៩៥.០០០ម៉ែត្រគូប ក្នុងមួយថ្ងៃ ដែលបានបន្ថែមការផ្គត់ផ្គង់ជូនប្រជាពលរដ្ឋបានប្រមាណជា ១៤៧.០០០គ្រួសារ និងធ្វើឱ្យរដ្ឋាករទឹកស្វយ័តក្រុងភ្នំពេញ អាចផលិតទឹកស្អាតបានសរុបប្រមាណ ១.១៧៧.០០០ម៉ែត្រគូប ក្នុងមួយថ្ងៃ ដោយផ្គត់ផ្គង់ចេញពីរោងចក្រទាំង៥ សម្រាប់អតិថិជន គ្រោងសរុបប្រមាណ៥៨៧.០០០គ្រួសារ និងមានបំពង់ចែកចាយសរុបប្រមាណ៦.២០០គីឡូម៉ែត្រ នៅឆ្នាំ២០២៧ ។ សូមបញ្ជាក់ថា គម្រោងសាងសង់រោងចក្រប្រព្រឹត្តកម្មទឹកស្អាតបាក់ខែងជំហានទី១ និងជំហានទី២ ពីឆ្នាំ២០២០-២០២៤ ស្ថិតក្នុងគម្រោងហិរញ្ញប្បទានពីសហភាពអឺរ៉ុប ទីភ្នាក់ងារបារាំងសម្រាប់ការអភិវឌ្ឍន៍ និងធនាគារវិនិយោគអឺរ៉ុបចំនួន៣៥០អឺរ៉ូ។ ចំណែក គម្រោងសាងសង់រោងចក្រប្រព្រឹត្តកម្មទឹកស្អាតបាក់ខែងជំហានទី៣…

(ភ្នំពេញ)៖ គម្រោងស្ថាបនាស្ពានតាមបណ្តោយផ្លូវជាតិលេខ ៤ បានចាប់ផ្ដើមពីខែឧសភា ឆ្នាំ ២០២៣ ដោយមានរយៈពេលស្ថាបនាសរុប ៩១២ ថ្ងៃ ហើយគ្រោងនឹងបញ្ចប់ នៅខែវិច្ឆិកា ឆ្នាំ ២០២៥ ។ គម្រោងស្ថាបនាស្ពានលើកំណាត់ផ្លូវជាតិលេខ៤ នេះអនុវត្តដោយក្រុមហ៊ុន ប៉ូលី ចាងដា អេនជីនារីង ឯក.ក (POLY CHANGDA ENGINEERING Co,Ldt) មានស្ពាន សរុបចំនួន ៣៧ ក្នុងនោះស្ពានថ្មី ៨ និង ២៩ ជាស្ពានដែលត្រូវពង្រីកបន្ថែម ដែរហូតមកដល់ពេលនេះ បានបញ្ចប់ការងារបានជាង ៥០% ដោយមកទល់បច្ចុបន្នមានស្ពានចំនួន ៩ គ្រោងនិងបញ្ចប់ការសាងសង់និងពង្រីក។ ក្នុងនោះស្ពានចំនួន ៦ មិនទាន់បានត្រួតពិនិត្យនិងប្រគល់ជាផ្លូវការដល់ក្រសួងសារធារណៈការ និងដឹកជញ្ជូន និងស្ពានសំខាន់ៗ ចំនួន៣ដូចជា ស្ពានលេខ ១០,១២&១៣ ជាស្ពានដែលវែងជាងគេ និងនៅតំបន់ជន់លិចត្រូវបានសាងសង់រួចរាល់បានប្រគល់ជូនក្រសួង និងបើកឱ្យចរាចរណ៍មុនរដូវវស្សា ដែលជាការការពារការជនលិចទឹកនៅលើផ្លូវជាតិលេខ ៤ ពីជំនន់ទឹកភ្លៀងដូចឆ្នាំនានាកន្លងមក ក្នុងកំឡុងពេលជាមួយគ្នានេះដែរមានស្ពានជាង ២០ផ្សេងទៀត បាននិងកំពុងស្ថិតនៅក្នុងដំណើរការសាងសង់…

(ស្ទឹងត្រែង)៖ ឧត្តមសេនីយ៍ទោ ពង្ស ខេមរា នាយករង នៃនាយកដ្ឋានហិរញ្ញវត្ថុ នៃអគ្គ នាយកដ្ឋានភស្តុភារហិរញ្ញវត្ថុ ក្រសួងការពារជាតិ តំណាងឧត្តមសេនីយ៍ឯក លី កុសល រដ្ឋលេខាធិការក្រសួងការពារជាតិ បានអញ្ជើញជាអធិបតី ក្នុងសិក្ខាសាលាស្ដីពីការអនុវត្ត ថវិកាសមិទ្ធកម្ម ការគណនា តម្រូវការចំណាយ និងការរៀបចំរបាយការណ៍ហិរញ្ញវត្ថុ ដើម្បីចែករំលែកចំណេះដឹងជូនដល់នាយទាហាន ជំនាញហិរញ្ញវត្ថុ តាមបណ្ដាកងឯក​ភាពនានាចំណុះ កងយោធពលខេមរភូមិន្ទ កាលពីថ្ងៃទី១៤ ខែកញ្ញាឆ្នាំ ២០២៤ នាទី​រួមខេត្ត ស្ទឹងត្រែង ។ ឧត្តមសេនីយ៍ទោ ពង្ស ខេមរា នាយករង នៃនាយកដ្ឋាន ហិរញ្ញវត្ថុ បានលើកឡើងថា ការជួបជុំនេះមានសារៈសំខាន់ ក្នុងគោលបំណងពង្រីក និងពង្រឹងប្រសិទ្ធភាព នៃការ​អនុវត្ត ថវិកាសមិទ្ធកម្ម សំដៅផ្ដល់ឱកាសដើម្បីសិក្សាឈ្វេងយល់ និងដកបទពិសោធន៍ និងឧត្តមានុវត្តនិងការអនុវត្តជាក់ស្ដែង នៃការងារកែទម្រង់ការគ្រប់គ្រង​ហិរញ្ញវត្ថុសាធា​រណៈ ។ ឧត្តមសេនីយ៍ទោ ពង្ស ខេមរា បានបន្តថា ស្របតាមមាគ៌ា នៃកម្មវិធីកែទម្រង់ការគ្រប់​គ្រង​ហិរញ្ញវត្ថុសាធារណៈរបស់រាជរដ្ឋាភិបាល និងផ្អែកតាមបទពិសោធន៍ដ៏ល្អនៅកម្ពុជា ថវិកាសមិទ្ធកម្ម ត្រូវរៀបចំឡើងដោយការពង្រឹងកំណត់កាន់តែច្បាស់ជាងមុន…

សៀមរាប ៖ពិធីប្រកួតពានរង្វាន់សហគ្រិនស្រ្តីកម្ពុជាឆ្នើមត្រូវបានប្រារព្ធ​ឡើងនៅសណ្ឋាគារបាយ័ន្តអេរ៉ា ក្រុងសៀមរាប ខេត្ត​សៀមរាប កាលពី​ថ្ងៃទី ១៥ ខែកញ្ញា ឆ្នាំ២០២៤ដោយមាន​អញ្ជើញចូលរួមលោក ឌី រ៉ាដូ អភិបាលរងខេត្តសៀមរាប លោកស្រី ចាន់ តារី ប្រធានសមាគមសហ​គ្រិនស្រ្តីកម្ពុជា លោកស្រី ជា សុកនួន ប្រធានសហគ្រិនស្រ្តីសាខា ខេត្តសៀមរាប លោកស្រី វ៉ាន់ ចាន់ណា អនុប្រធានមន្ទីរកិច្ចការនារី​ខេត្តសៀមរាប ព្រមទាំងស្រ្តីជាម្ចាស់អាជីវកម្ម ក្នុងខេត្តសៀមរាប និងមកពីបណ្តាខេត្តជិត២០០នាក់។ សមាគមសហគ្រិនស្រ្តីឆ្នើមត្រូវបានបង្កើតឡើងរយៈពេល៣ឆ្នាំមកហើយ។ចំណែកពិធីប្រកួតថ្ងៃនេះ គឺជាលើកទី៣ ។សកម្ម​ភាព​សមាគម​សហគ្រិនស្រ្តីឆ្នើមបានផ្តោតទៅលើស្រ្តីឱ្យមានភាពអង់អាចក្លាហាន ពង្រីកវិសាលភាពយ៉េនឌ័រ ការអនុវត្តច្បាប់ លើកកម្ពស់​ការផ្លាស់ប្តូរ​ឥរិយាបថ ផ្តត់គំនិតក្នុងសង្គម ខណៈកន្លងមកស្រ្តីមានការខ្មាសអៀន ។ក្រោមការដឹកនាំរបស់សម្តេចមហាបឋរធិបតី ហ៊ុន ម៉ាណែត នាយក​រដ្ឋមន្រ្តីនៃព្រះរាជាណាចក្រកម្ពុជា បានជម្រុញការគាំទ្រភាព​អង់អាច​ក្លាហានរបស់ស្រ្តី និងជាអាទិភាពក្នុង​គោលយោបាយ។ លោកស្រី ចាន់ តារី មានប្រសាសន៍ថា ស្រ្តីសម័យទំនើប ត្រូវបានលើកតម្កើងឱ្យមានសិទ្ធិស្មើភាពគ្មារវាងបុរស និងស្រ្តី ។មិនតែ​ប៉ុណ្ណោះរាជរដ្ឋាភិបាល ក៏ដូចជាក្រសួងពាក់ព័ន្ធ ស្ថាប័នរដ្ឋ និងឯកជនបានជួយជ្រោមជ្រែង ឱ្យបង្កើតនូវគំនិតបញ្ញាស្មារតី និងចក្ខុវិស័យថ្មីៗដោយគំនិតនិងស្នាដៃរបស់ស្រ្តីកម្ពុជា ។លោកស្រី​បានកោតសរសើរចំពោះស្រ្តីឆ្នើមកម្ពុជាឆ្នាំ២០២៤…